عفوا الشباب المصرى غير متاح حاليا..من فضلك أعد المحاولة فيما بعد**

تذكير بمساهمة فاتح الموضوع :

عفوا الشباب المصرى غير متاح حاليا..من فضلك أعد المحاولة فيما بعد** - صفحة 2 746579

هل أنت لاقدر الله مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة و الكافتريا

واللف مع صحابك ع الكورنيش ؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات

فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!

- يعني احنا شباب تمام .... في العصر التمام -

انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قدر الله )

حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -

أما في الصحافة

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..

ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -

و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -

وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _ على فكرة انا منهم

( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات

فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم

وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم.. )

طب تعالوا نشوف ازاى الشباب المصرى بيستفيد من الانترنت

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!..

فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. )

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

طب و بعدين ايه اللى حصل

اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف..

فنزلوا للجامعة ( جامعه القاهرة ) وعملوااستطلاع لعينة عشوائية من طلاب الجامعه

( 20 طالب )

وكانت النتيجة ان معظم الطلاب 17طالب يستخدمون النت للشات
( مش لحاجه تانيه خااااالص لا سامح الله )
وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل
( الحمد لله أهو لقينا حد بيقرا حاجة ) ..

طبعاً مش لازم تبقى محمد حسنين هيكل..ولا لازم تكون فهمي هويدي
( مصيبة لا تكون مش عارف دول كمان )
لكن على الأقل تكون فاهم.. وعارف .. وداري باللي بيجرا حوليك
فاهم العالم ماشي إزاي ومين عايز إيه؟؟
ومين بيعمل إيه عشان يكسب إيه؟؟
و مين كويس و مين وحش ؟؟
وقبل كل ده تكون عارف كويس..أنت عايز إيه؟؟

لأن فعلاً جهلنا ثقافتنا في كل شئ خلانا أمة نايمة مش بتفكر ولا عايزة تفكر
.. دماغنا فاضية
.. مفيهاش أي حاجة
.. ولا أي قضية
.. ولا عايشين لهدف
.. وكل اللي نعرفه في حياتنا .. وكل معلوماتنا .. عن الممثلين والكورة
.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين

.. فحين إن العالم كل بيتقدم بسرعة جنونية .. واحنا لسه محلك سر !!

.. يا ترى الفكرة وصلت؟؟ولا لسة؟؟

وملحوظه بسيطه بقى نسيت اقولها تبع الاحصائيات دى برضه

هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و الابراج

معلش هو موضوع احتمال طبعه هجومي بس واقع ومش هيعجب
كتير ومش هلاقى عليه ردود بس برده نزلته المعرفة بالشئ ولا
الجهل بيه .

منتظرة الردود والاراء

تحياتي

م ن ق و ل

المرداى عندك حق ياهبه

مش هقدر اعترض وابقى معارض هههههههههههههه

بس زى ماقولتى فى وفى

وربنا يهدى الجميع

بس

العيب فمين يازمن ولا الغلط فمين؟؟

هو اكيد فى عيوب فيا وفى عيوب فى زمنا وفى نصيب وقدر بيكون مش اختيارنا

eyad10 كتب:: المرداى عندك حق ياهبه

مش هقدر اعترض وابقى معارض هههههههههههههه

بس زى ماقولتى فى وفى

وربنا يهدى الجميع

بس

العيب فمين يازمن ولا الغلط فمين؟؟

هو اكيد فى عيوب فيا وفى عيوب فى زمنا وفى نصيب وقدر بيكون مش اختيارنا

معاك حق يا إياد
فى و فى....إيه دة!!!يا سلام!!!أخيرا زعيم التماسيح وافقنا على حاجة؟؟
هههههههههههههههههههههههه
و أكيد كلنا من جوانا كويسين و عاوزين نصلح من نفسنا
ربنا يقدرنا على كدة
و تسلم يا جميل على المرور و الرد
و بجد نورت الtopicيا إياد
ميرسى أوى ليك على المرور و الرد

حملة احياء التوبيكات الجميلة
والمميزة
بصراحة توبيك رائع يا هبة
تسلم ايديكى على المجهود
ودماغك الجامدة دى
اما بالنسبة لرأيى انا
فأنا معاكى فى المواضيع اللى جت فى التوبيك
بس اكيد فيه قطاع كبير من الشباب المصرى معذور تماما
فى كونه قليل الاطلاع وقليل الثقافة
طبعا ده مش دفاع او تصريح بعدم البحث عن الثقافة
ولكن انا قصدى ان اغلب الشباب المصرى من الفئة المتوسطة والاقل من المتوسطة
ودول بقى همهم فى الحياة لقمة العيش ومحاولة وبقول محاولة تدبير مصاريف الزواج اللى غالبا بييجى متأخر جدا ( اسألينى أنا )
وده كمان احد اسباب جريهم ورا المواقع الجنسية وما شابه ده غير الادمان اللى ودا البلد فى داهية
طبعا مش معنى كده اننا كلنا نعمل زى الفئة دى
ومش كل الفئة المتوسطة والاقل من المتوسطة زى دول طبعا لا
ولكن قلة الثقافة ليها مبررات لابد من اخذها فى الاعتبار
وبعدين ربنا يخليلنا حكوماتنا الرشيدة هم عايزين كده عايزين شعب كل همة بطنة
و الكورة والافلام والمسلسلات وممدوح فرج وهارى بوتر وتوم اند جيرى
ولا عزاء للتقدم
سلامو عليكو

Treikawymagoody كتب:: حملة احياء التوبيكات الجميلة
والمميزة
بصراحة توبيك رائع يا هبة
تسلم ايديكى على المجهود
ودماغك الجامدة دى
اما بالنسبة لرأيى انا
فأنا معاكى فى المواضيع اللى جت فى التوبيك
بس اكيد فيه قطاع كبير من الشباب المصرى معذور تماما
فى كونه قليل الاطلاع وقليل الثقافة
طبعا ده مش دفاع او تصريح بعدم البحث عن الثقافة
ولكن انا قصدى ان اغلب الشباب المصرى من الفئة المتوسطة والاقل من المتوسطة
ودول بقى همهم فى الحياة لقمة العيش ومحاولة وبقول محاولة تدبير مصاريف الزواج اللى غالبا بييجى متأخر جدا ( اسألينى أنا )
وده كمان احد اسباب جريهم ورا المواقع الجنسية وما شابه ده غير الادمان اللى ودا البلد فى داهية
طبعا مش معنى كده اننا كلنا نعمل زى الفئة دى
ومش كل الفئة المتوسطة والاقل من المتوسطة زى دول طبعا لا
ولكن قلة الثقافة ليها مبررات لابد من اخذها فى الاعتبار
وبعدين ربنا يخليلنا حكوماتنا الرشيدة هم عايزين كده عايزين شعب كل همة بطنة
و الكورة والافلام والمسلسلات وممدوح فرج وهارى بوتر وتوم اند جيرى
ولا عزاء للتقدم
سلامو عليكو

و أنا أقول الtopic منور ليه؟؟
يا سلام الفنان هنا منورنا؟
أولا..ألف مليوووووووووووون مبروك ع الإشراف
هيا صحيح متأخرة بس و الله لسا فاتحة النت دلوءتى
و إنت بجد تستاهلها من زمان يا مجدى و ربنا يوفقك يا جميل بإذن الله
ثانيا..بجد بشكرك على ذوقك و الموضوع رائع بس عشان ردودكم إللى منوراه
و إنت الأجمل و الله
و بعدين إحنا نيجى حاجة جنبك بردو يا فنان؟

ثالثا..أنا معاك و الله إن فى شباب معذور فى عدم الإطلاع
لأن ريتم الحياة بقى سريع جدا
كل حاجة لازم تبقى بسرعة..و إلا مش هتلحق تعمل حاجة
الدراسة..على السريع
الأكل ع السريع
النوم ع السريع
متطلبات الحياة نفسها زادت ..بقى فى رغى فى الموبيل...فى نت ..فى تليفزيون مبيفصلش طول 24 ساعة
محدش عنده وقت يثقف نفسه

و بالنسبة لوجهة نظرك فأنا متفقة معاك 100%
إن الشباب بتجرى ورا لقمة العيش عشان يلحق يتجوز
ربنا معاهم يا رب
بس أنا كان قصدى ع الشباب الفاضى
إللى ظروفه كويسة
و إللى مافيش عنده أى مشكلة
وواخد الإنحراف وجهة نظر ...و مبدأ فى الحياة
يعنى عن إقتناع و حب كمان
ههههههههههههههههههههههههههههههههههه
تسلم يا مجود يا جميل
و الله بجد أنا سعيدة جدااااااااااااااااااااااااااااااا
بمرورك و ردك

تسلمى ياهبة ياعسل على التوبيك
توبيك هااائل جدااااااااا عند حق فى كل كلمة
تسلمى كمان مرة على التوبيك ياقمرررررررررر

اسماء الاهلوية كتب:: تسلمى ياهبة ياعسل على التوبيك
توبيك هااائل جدااااااااا عند حق فى كل كلمة
تسلمى كمان مرة على التوبيك ياقمرررررررررر

و تسلمى يا سمسمة يا قمرعلى المرور و الرد
و ربنا يكرمك يا حبيبتى
كلك ذووووووووووووووووووووووووق يا قمر
تسلملى عيونك يا سكرة

شوفى بقى يا هبة
اولا يا ستى ربنا يبارك فيكى بالنسبة لموضوع الاشراف
ومش متأخرة ولا حاجة وعموما ولا يهمك
ثانيا انا بوافقك الرأى تماما فى الكلام اللة انتى وضحتيه فى ردك
ثالثا مش انا اللى منور التوبيك ولا اى حد تانى مع احترامى للجميع
اللى منور التوبيك هو كلامك الرائع وفكرتك الجميلة
ومناقشتك وطرحك الاكثر من رائعين
واخيرا وليس اخرا ماتشكرينيش على تواجدى فى التوبيك او على ردى لأن التوبيك
الرائع اللى فكرته مهمة وبيطرح مشاكلنا ومحاولة حلها بيجبر أى حد مهتم انه يشارك
ويعبر عن رأيه ووجهة نظره
صدعتك انا معلش يا هبة يا قمر
وبشكرك مرة تانية على التوبيك الجميل

Treikawymagoody كتب:: شوفى بقى يا هبة
اولا يا ستى ربنا يبارك فيكى بالنسبة لموضوع الاشراف
ومش متأخرة ولا حاجة وعموما ولا يهمك
ثانيا انا بوافقك الرأى تماما فى الكلام اللة انتى وضحتيه فى ردك
ثالثا مش انا اللى منور التوبيك ولا اى حد تانى مع احترامى للجميع
اللى منور التوبيك هو كلامك الرائع وفكرتك الجميلة
ومناقشتك وطرحك الاكثر من رائعين
واخيرا وليس اخرا ماتشكرينيش على تواجدى فى التوبيك او على ردى لأن التوبيك
الرائع اللى فكرته مهمة وبيطرح مشاكلنا ومحاولة حلها بيجبر أى حد مهتم انه يشارك
ويعبر عن رأيه ووجهة نظره
صدعتك انا معلش يا هبة يا قمر
وبشكرك مرة تانية على التوبيك الجميل

ربنا يكرمك يا مجدى و رأيك دة بجد حاجة تشرفنى جدا و الله
بس كلام فى سرك الموضوع دة منقول ..يعنى أنا معملتش غير إنى نسقته و بس
بس أنا مقتنعة بكل حرف فيه عشان كدة نقلته
و بجد أ،ا سعيدة جدا جدا بمشاركتك للمرة التانية
و بجد و الله من غير مجاملة بقى..مرورك أسعدنى
وإحنا نقدر بردو نتصدع من كلام الفنان بتاعنا؟
تسلم يا فنان
ربنا يكرمك يا رب
و أنا إللى بشكرك على ردك الجميل

الموضوع ده لانه راااااااائع
قلت اعمله اعادة طرح بقى
عفوا الشباب المصرى غير متاح حاليا..من فضلك أعد المحاولة فيما بعد** - صفحة 2 870595

» بائع الجولان مغلق حاليا يرجي المحاولة فيما بعد ههههههههههه
» عفوا القلب المطلوب مغلق حاليا
» لحظه من فضلك

عفوا الشباب المصرى غير متاح حاليا..من فضلك أعد المحاولة فيما بعد**

عفوا الشباب المصرى غير متاح حاليا..من فضلك أعد المحاولة فيما بعد**

مواضيع مماثلة

مواضيع مماثلة