فور انتهاء المباراة : أبو تريكة يدخل في نوبة بكاء هستيرية .. والخطيب وسليم يتساألان

دخل محمد أبو تريكة نجم الفريق الأول لكرة القدم بالنادي الأهلي في نوبة بكاء شديدة بمجرد انتهاء مباراة الأهلي وباتشوكا المكسيكي في بطولة كأس العالم للأندية باليابان والتي انتهت بفوز البطل المكسيكي بأربعة أهداف مقابل هدفين.

ولم يتمالك أبو تريكة نفسه بمجرد انتهاء المباراة وأجهش في البكاء في الوقت الذي ساد فيه الصمت والهول على جميع اللاعبين بسبب الخسارة غير مصدقين أنهم فرطوا في الفوز الذي كان بين متناولهم عقب تقدمهم في الشوط الأول بهدفين دون مقابل.

ومن المنتظر أن يعقد الكابتن محمود الخطيب نائب رئيس مجلس ادارة النادي الأهلي ورئيس البعثة والكابتن طارق سليم عضو لجنة الكرة جلسة عاجلة مع اللاعبين لمناقشة أسباب التحول المفاجيء في النتيجة وانقلاب المباراة من فوز سهل الى هزيمة كبيرة.

وسيحاول الخطيب وسليم الشد من أزر اللاعبين والتأكيد على أهمية تحقيق الفوز في مباراة الخميس المقبل في مباراة تحديد المركزين الخامس والسادس من أجل الحفاظ على ماء الوجه خاصة وأن العودة بالمركز السادس لن يكون أمراً مقبولاً بالمرة من الجمهور الأهلاوي

دموعك غالية علينا ياتريكة
وفداك ميت خسارة
المهم انكم كويسين
وتتعلمو من اخطاءكم

نسيت اشكرك يا مايسترو عالخبر
معلش بقى الواحد متبرجل والله

اه ... لا حول ولا قوة إلا بالله

والله انا ما كنتش خايفة من حاجة غير على أعصاب اللاعيبه بعد المباراة والصدمة النفسية الي هتبقى فيهم .. يارب ربنا يقويهم ويصبرهم بجد على الي حصل

خصوصا انهم تعبوا على نفسهم جامد ... والله كان نفسي اكون هناك اواسيهم واشجعهم

وبعدين الإنسان لما بيتعب على نفسه ويشتغل جامد بتبقى الخسارة شديدة قوي عليه ...

ربنا معاهم يا رب ويوفقهم إن شاء الله .. المفروض يخدوا من المباراة دي الفكر التكتيكي والتخطيط السليم للمباراة
ويعتبروها مرحل من مراحل انجازاتهم ويحاولوا يحسنوا الاخطاء الي وقعوا فيها

وبصراحة مين منا ما زعلش وما عيطش لما انتهت المباراة انا نفسي قعدت ساعة ونص على ما قدرت اتمالك أعصابي

وبعدين احنا جمهرهم وهندننا نشعهم على طول الخط مهما حصل ونكون جنبهم

لو حد بجد يوصلهم إن الي حصل ولا يستاهل دمعه من عنيهم .. فداهم 100 مباراة
وإن أهم حاجة عندنا انهم يرجعولنا بالسلامة
وإن شاء الله تتعوض بعدين

يا ريت حد يقلهم إن إحنا بنحبهم وبنحترمهم جدا وإن كل فريق لازم ينجح ولازم يمر بلحظات فشل ..

والله الخبر دا دايقني بجد اكتر ما انا متدايقة
.............

مش عارفة اقولك مرسي على الموضوع ولا ايه ( أصل بصراحة الخبر يزعل أكتر ما هو الواحد زعلان )

تحياتي
لورا

لالالالالالالالالالالالالالالالالالالالالالالالالالالالالالالالالالالالالالالالالالالالالا الا ابو تريكة
ربنا معاهم كلهم بجد هما يمكن اكتر ناس تعبوا معنويا وجسديا في المباراة دي وفي الاخر النتيجة يعني متسرش بس الحمد لله علي كل حاجة وان شاء الله دموع ابو تريكة دي تتحول لضحكات باذن الله
يسلمووووووووووووووووووووو

مع انى هاموت من الزعل وحزينه جدا ومش مصدقه الللى حصل
لكن دموعك غاليييييييييييييييييييييييييييييييييييه اوى علينا ياكابتن ابو تريكه
والحمد لله على اللى حصل واحنا عمرنا ماهناخد مكنم موقف او نشتم عليكم لانكم ياما فرحتونا
وتتعوض فى غيرها ان شاء الله

لا يا ابوتريكه دموعك غاليه اووي علينا
لا ياتريكه مفيش حاجه تستاهل انك تنزل دمعه واحده من عينك
انت زعلتنا كده اكتر
فداك كل المتشات
والحمدلله علي كل شيء قدر الله ما شاء فعل
احنا وراكوا علي طوول
وايه يعني ماتش خسرناها احنا نتعلم من اخطائنا وننسي ال فات ونركز في ال جاي

اولا مشكور يا مايسترو ع الموضوع
ثانيا ولا يهمك ياتريكه فداك ميت الف مليون بطوله , دموعك غالية
ثالثا وده الاهم : ده نصيب وكمان فى بعض اللاعيبه كانوا مقصرين جدا ده غير ان جوزيه ماعرفش يستفيد من تغييراته , بالعكس ده كبر المشكله اكتر م الاول
ع العموم هاردلاك لجميع التريكاوية والكورة مكسب وخسارة

هارد لك ياتريكه

الادموعك انت صعب عنيا تشوف دموع ف عنيك

بسم الله الرحمن الرحيم

ميرسى يا مايسترو على الخبر

دموعك غاليه علينا قوى يا ابوتريكه وان شاء الله الماره الجايه تتعوض ولا يهمك