dr_elgebaly
:: تريكاوي نشيط ::
المشاركات : 76
العمر : 32
محل الاقامة : egypt_beni.suef
الوظيفة : student at the faculty of science
الهوايات : poetry
بتشجع نادي إيه : zamalek
لاعبك المفضل : hazem imam
تاريخ التسجيل : 06/12/2008
التقييم : 0
نقاط : 5835
::: : 
|  موضوع: كلمينى  2008-12-07, 9:15 pm | |
| كلمينى
لو لمحتى ف يوم سفينتى
مدّت شراعها للرحيل
لو سمحتى اسألينى
لو قدرتى.... كلمينى
يمكن اقدر اكون ملاك
وانسى انى غصب عنى عشت صادق
لو لمحتى ف عينى دمعة امسحيها
هتلاقيها بين ايديكى ....اسأليها
راح تقولك جاية ليه؟؟
جاية تحكى ع اللى فات
جايبة منى مش حكاية ...دى حكايات
جايبة ضحكة راسمة سكة حاضنة اغلى امنيات
جايبة وردة فيها شوك لونها ِيفْرِح شوكها يجرح
صوتها مليـــــــــــان بالآهـــــــــات
جايبة نور...... قرّبيه منك تلاقى حجمه زاد
يبقى نار..... حوّل الارض لرماد
مش هثور.. يمكن اقدر اكون ملاك
مدّى ايدك افرديها....نزّلى الدمعة اللى فيها
خلصيها م العذاب
هتلاقيها نبّتت جوة التراب
فى التراب لقت الامان..حضن مليان بالحنان
صـــــار ف لحظة عود ريحـــــــــان
بُصى ليّا وبُصى ِليه
لو قدرتى..كلميه.. راح يقول بعض الرموز
سهم احمر...... شكله ابيض
لونه يسحر......طعمه يسكر
ساعة يجرح......ساعة يِفْرِح
ساعة يبقى......شجرة تطرح
يبقى أيـــــــــــــه؟؟؟
لو قدرتى تفهميه..جوّة قلبك ازرعيه
حتى لو دوستى عليه....مش هيصرخ
اصل دا هوّا الملاك
ايوة دا هوّا الملاك [b] |
|
الفيديو 
