dr_elgebaly
:: تريكاوي نشيط ::
المشاركات : 76
العمر : 32
محل الاقامة : egypt_beni.suef
الوظيفة : student at the faculty of science
الهوايات : poetry
بتشجع نادي إيه : zamalek
لاعبك المفضل : hazem imam
تاريخ التسجيل : 06/12/2008
التقييم : 0
نقاط : 5831
::: : 
|  موضوع: حاول يا قلبى  2008-12-07, 9:19 pm | |
| حاول يا قلبى ...
واهرب من يأسنا
دارى وخبى ...
يمكن تبان شمسنا
حب ولا تكره
وارسم بالأمل فكره
يمكن يجينا بكره
يمحى ظلام أمسنا
----*----*----
فى السكة فى الطريق
هتقابل كتير قلوب
الخاين والبرىء
كله عليك مكتوب
ممكن تتوه جايز
تلقى السنين حاجز
إياك تقف عاجز
أو تبات مغلوب
----*----*----
لو هتقسى عليك
الدنيا والأيام
حلمك أكيد بإيديك
أيه أغلى من الأحلام؟
مهما يطول مشوارك
حلمك ده اختيارك
حلمك سكتك دارك
خليه حضن سلام
----*----*----
مين فينا عارف
ايه بكرة مخبلنا؟
مين فينا عارف
امتى يزول ليلنا؟
خلى الضحكة معاك
وانسى الدموع تنساك
طول ما الإيمان جواك
الحب هايجلنا
----*----*----
حاول يا قلبى
وإياك تكون جاهل
واوعى فى يوم تبكى
ما فى حاجة تستاهل
حب اللى هايحبك
يمشى معاك دربك
طول السنين جنبك
هوا اللى يستاهل
|
|
الفيديو 
