تذكير بمساهمة فاتح الموضوع :

بسم الله الرحمن الرحيم

اولا : امير اللى انتوا عمالين تقطعوا فيه ده هوه اللى وقف جنب الاهلى لما الحارس الهارب سبنا فى نص الموسم وهرب0
امير ده هوه اللى جابلنا بطولة افريقيا والسوبر المصرى وكسبنا ماتشات الزمالك0
امير مش مسؤول لوحده عن الهزيمه الفريق كله مسؤول عنها0
امير حارس موهوب ياريت الغضب من هزيمة مباراة مايخلناش نكسر موهبه زى امير0
الاخ حازم الكاديكى انهال بالاتهامات على امير وكانه واحد الاهلى جابه من الشارع يحرس مرماه رغم ان امير ده لسه من شهر جاب للاهلى بطوله افريقيا وكان نجم النهائى امام القطن0

ثانيا : ايه كل الحقد والغل ده وايه التدمير اللى بيحصل فى الفريق ده كل ده عشان الاهلى خسر ماتش وايه المشكله اى فريق فى الدنيا معرض للهزيمه طيب مابرشلونه ومانشستر وايه سى ميلان وليون كل الفرق ده بتخسر وبنتائج كبيره وبيطلعوا من بطولة اوروبا وعادى جدا ولا الناس عايزا تاخد من الفرق ده العالميه بس وماتخدش ثقافة الهزيمه0

قبل ما اى حد يتكلم يشوف الاهلى حقق انجازات قد ايه وبعدين يتكلم ولما حد يوصل لكاس العالم للانديه 3 مرات زينا يبقى يتكلم0
بجد انا قرفانه من البرامج الرياضيه اللى اتكلموا على الاهلى بطريقع مستفزه وكمان منشتات الجرايد تخيلوا فى جريدة 24 ساعه كاتبين مانشت بيقول ابطال افريقيا فى اليابان بقوا روبابيكيا والله فعلا حاجه مستفزه وعلى فكره اللى بيقولو لازم الاهلى يرجع الحضرى انا بقى لو رجع مش هشجع الاهلى تانى0

على فكره انا زعلت لما الاهلى اتغلب جدا بس مابلغتش فى الحزن زى ما ناس كتير عملت وبعدين احنا خسرنا من بطل قارة زيه زينا يعنى بطل خسر من بطل يعنى ماخسرناش من فريق اى كلام وبجد كفايه كلااااااااااااااااااااااام 0

-انا اسفه لو استخدمت الفاظ جارحه بس بجد متغاظه ومفروسه من اللى بيتقال على الاهلى0
-انا اسفه على العنوان بس حبيت الفت انتباهكم للموضوع وياريت اشوف ردودكم0
- انا اسفه ان كل الكلام على الاهلى رغم ان ده موقع ابو تريكه بس مابحبش اتكلم غير هنا ومابرتحش غير هنا واعتقد ابوتريكه والاهلى واحد0:e5t: