انا و البطيخ وقفااااك.. برنامج .. للحب.. و عن الحب
مع اوووسامة سمير



الحب
ذلك الشعور السهلبيسي الذي يزعزغ عقول البشر

و يهشك قلوبهم


مستمعينا لسه بنتكلم عن الحب وحلقتنا النهارده عن

الاستهبال في الحب
معاكم اسامه سمير علي نجوم fm مزيكا علي كيف كيفك

في.. انا و البطيخ و قفاك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي قفاك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها

موضوع حلقتنا النهاردة الاستهبال فى الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها ...



اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
تقولك انت بتستهبل يا حبيبي اتلم لحد يشوفنا


و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع

مستمعينا مستني تليفوناتكم علي 6066
او علي 8555022
او علي ايميل البرنامج
علي قفاك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها ياما زحلقها



نستقبل اول اتصال تليفوني و نقول الوو

الوو


الووو


الووووو

واضح ان الخط قطع

- الوو ايوا يا اثامه

اهلا نتعرف بيكي ..

- بثمه من بنــــــــــــــــها

اهلا بيكي يا بسمه ياريت تعلي صوتك شويه

- معلش يا اثامه اثل انا بتكلم من تحت البطنية ..

مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

- بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..


هو بيضحك وفاتح بقه زي الحمار اهوه و بيقولك
مرسي ليكي يا بسمه


- يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة


جميل


- اهـء اهـء اهـء


لا اهدي يا بسمه و قوليلي ايه اللي حصل

- يا اثامه اخد كل حاجة كل حاجة

اححمم
حتى الموبايل


- يا اثامه بقولك كل حاجة
اهـء هـء هـء

طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالك و بهديلك اغنية السوبر ستار عمرو دياب ....


يا قاعدة علي الترعه و بتغسلي المواعين
جاتك ستين وكسه دا شرفك بقا في الطين




نص ساعة اعلانات ..




انا و البطيخ و قفاك برنامج للحب و عن الحب
مع اوووووسامه سمير

مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي قفاك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..

هاه ؟؟ عشره رصيد

طيب اشطه يا حتوم .. اخوك بقا هاه


نستقبل اتصال تليفوني و نقول الووو

الووو

الووو


الوووووو

الظاهر الخط قطع

الوو ايوا يا اسامه

اهلا نتعرف بيكي
ياريت تعلي صوتك لان الصوت بعيد اوي

_معلش اصل انا بكلمك من الحمام

انا اسماء من القاهرة

اهلا بيكي يا اسماء


سمر بتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب

_اسامة انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه

ربنا يخليكي يا سماح ..

انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف

مين يااسماء ؟؟

_شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا اسامه و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
اسامه انا مش عارفه اعمل ايه

بصي يا سيدة

_اسماء

اه سوري

بصي يا اسماء

بنقابل ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام ..

شكرا يا ساره على اتصالك و بهديلك اغنية السوبر ستار محمد فؤاد


يا مسجون في لومان طره
نفسي اكل معاك كوز دره




مستمعينا للاسف الوقت عدى بسرعة معاكم
مستني تعليقاتكم علي 6066 او علي 8555022
او علي ايميل البرنامج
علي قفاك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و برسيل وتايد وحديد عز

بجد توبيك تحفه تحفه والله
شكلك بتعز اسامه جدا يااحمد
فعلا هو ده اسلوبه بالظبط
ولا البنات اللى بيتصلوا
كلامهم يجيب الضغط
اسامه اخره يقول العاشره مساءا بعد قليل على دريم 2

ميرسى جدا جدا يااحمد ع التوبيك الروعه ده

ههههههههههههههههههههههههههه
التوبيك تحفه يا احمد
تسلم ايدك

هو بيضحك وفاتح بقه زي الحمار اهوه و بيقولك
مرسي ليكي يا بسمه

هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله

حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..

هاه ؟؟ عشره رصيد
انت ايه رأيك في الاتستهبال عامة و خصوصا في الحب



يا مسجون في لومان طره
نفسي اكل معاك كوز دره


ههههههههههههههههههههههههههههههههههههه
لالالالالالالالالالالالالالالالالالالالالالالالالا
مش ممكن
إيه خفة الدم دى يا تريكة؟؟
هههههههههههههههههههههههههههههه
مش قادرة أبطل ضحك و الله
سهلبيسى إيه...و يزغزغ إيه؟؟و يهشك مين؟؟
دى بقت سلطة خالص
هههههههههههههههههههههههههههههههههههه
بصراحة topicجااااااااامد موووووووووووووووووووت
تسلم إيديك

الي اللقاء في الحلقة القادمة
انا والبطيخ وقفاااااااااااااااك

ماتنسوش رسايلكم ومكالماتكم
ههههههههههههههههههههههههههههههههههه

نورتوووووووووووووووووووووو

ههههههههههههههههههههههههه
بتشبه ايه بس
صلي ع النبي يا محمد وخليك حلو عشان احبك

يا ولد يا ولد يا ولد

يا جموديتك يا تريكة

توبيك جامد

وفى الجوووون

تسلم ايدك يا نجم

ميغسي

ميغسي يا مجوووودي

هههههههههههههههههههههههههههههههههههههه
احلى حاجه انه ببينسى ههههههههههههههههههه
بس حقيقى اثامه قصدى اسامه بيشل والمتصلين مشلولين خلقا
ميرررررررسى ع التوبيك الجااااامد جدااااااااا يا احمد

نورتم التوبيكــــــــــــــــــ

انا والبطيخ وايه
هههههههههههههههههههههههههههه
جامد جامد جامد
يا متعدد المواهب انت
ايه ده لو اسامه شاف التوبيك ده
هيموت مشلول
ههههههههههههههه
والله زى العسل يا مدين
انا بضحك من ساعة ما قريت العنوان
بس الحب بأه
هو ذلك الشعور
ال ايه
هههههههههههههههههههههههههههههههههه
تسسسسسسسسسسسسسسلم يا مدين

ههههههههههههههههههههههههههههه

تعرف بلس ان الموضوع جميل جدا .. انا حابه ابدي اعجابي الشديد بتوقيعك المميز

وتسلم ايدك يا كابتن على الموضوع

........
لورا