أكيد طبعا يا جماعة شفتوا شادي امبارح في قناة الاهلي
وبجد أتحفني بكلامه .. كان ولا أروع
قال كلام كتير جدا عن تجربتهم في اليابان وعن احساسهم كان ايه وهم هناك وحاجات كتيييير طبعا مش هرغي لكن المغزي من كلامه كان عايز يوصلنا إن اخفاقنا ده بداية جديدة لينا .. مش بداية ضعف زي مالبعض متخيل بالعكس بداية لقوة جديدة من الأهلي .بمعني ان الضربة اللي مش بتضعف او تقتل صاحبها بتقويه ولا ايه؟
شادي لاحظت في كلامه إنه أكتر من مرة حاول يأكد إن الكلام السلبي الي مش كويس اللي اتقال عن الأهلي ده مش حاجة هتأثر فيهم للأسوأ لا لالا.. بالعكس هتثبت للأهلي إنهم فعلا الأحسن ودي من كلمة قالها شادي وكان فعلا مؤثرة
طول ما في حد بيتمنى إنك تخفق فتأكد أنك ناجح ناجح ناجح.. كلامك مية المية صح يا شادي
بس ياجماعة انا عايزة افهم حاجة واحدة الناس اللي قالت ان اللاعيبة دول عجزوا ومش قد اللعب مش هم دول نفسهم اللي كانوا بيقولوا من شهر تقريبا إن دول أبطال ووحوش أفريقيا .. ودلوقت يعني حصل ايه اتقلبت الآية وفي شهر عجزوا وبقوا شايخين ومحتاجين عكازات .. الله بيفكروا ازاي؟ ع الأقل يقولولنا بيفكروا ازاي عشان نحاول نعذرهم !!

لاء وفي حاجة كمان بالنسبة للناس اللي بتحقد على النادي وطبعا من غير مبرر إلا إذا كانوا بيعتقدوا إن الغيرة والحقد مبرر .. هو النادي الأهلي لما كان في اليابان والله لو مش أنا لوحدي اللي بفكر كدة هو مش كان بيمثل مصر ؟
قولولي بس أنا صح ولا شكلي غلطانة ،بقى لما نادي يمثل بلدي في بطولة عالمية ويخفق أفرح واهلل واقول هييييييييه على ايه ؟ والله عيب أوي وبعدين نيجي على سبيل المثال يعني لما قولنا اننا هنلعب مع باتشوكا قولنا باتشوكا وبس لا والف لا كمان قولنا هنلعب مع فريق مكسيكي ومش كدة وبس ومن امريكا ش . يعني مش باتشوكا وبس ده دولة وقارة .. ليه قولنا كدة عنهم ومبصنياش لينا احنا ليه هوالأهلي ده مش فريق مصري ولا ده جاي من المريخ والله بجد عيب وعيب اوي عليكم دول كانوا بيمثلوا مصر يعني دي فوق كل حاجة وفوق كل تعصب او غيره. ولو مش فاهمة صح يبقى انا فعلا محتاجة منكم تفهموني اللي بيحصل ده ليه وليه وليه؟

المهم يعني نيجي بقى لكلام الساحر الفظيع الفنان حبيب الملايين أبو تريكة كان كلامه النهاردة بيأكدة كلام شادي امبارح مية المية
وقال بجد ان الاستقبال في المطار أثر فيهم كلهم بطريقة مش عادية وبجد بيقول لكل إنسان حاقد أو مشكك في مستوى اللعيبة إن الأهلي نازل بقوة وهيكسب وده تحدي مش لأي حد لا تحدي عشان يرضوا نفسهم وعشان يرضوا جماهيرهم ويعوضوها والأجمل اللي قاله أبوتريكة للحلوين اللي قالوا عن اللعيبة دول عجزوا ومعدش ينفع يلعبوا
وده كان تحدي صريح منه
استنوا بس آخر السنة .وهنشوف
مين هياخد الدوري المصري إن شاء الله وده واحد
ومني هياخد كاس مصر إن شاء الله وده اتنين
ومين هياخد كاس السوبر الافريقية ان شاء الله تلاتة
ومين هياخد كاس السوبر المصري ان شاء الله .اخيرا
فنان يابوتريكة ..ياجماعة لو تشوفوا الثقة وهو بيتكلم ده راجل بيأكد حبه وولاءه للنادي الأهلي وبيأكد إن في لعيبة زيه بالظبط بتحب النادي ده وهتشرفه وهتعمل المستحيل عشان تشرفه وتشرف جماهيرها ..
أنا البني آدم ده كل يوم لا والله كل ثانية بيزيد حبي وتقديري ليه بطريقة فظيعة .. ومش أنا بس ناس كتير أوي في بقاع مختلفة أوي . وبجد يستاهل يكون قدوة لينا .
وفعلا يا بو تريكة .استنوا بس آخر السنة........وهنشوف
واحنا عندنا ثقة في لعيبة الأهلي وعارفين قد ايه هم بيحبوا النادي .. وعارفين كمان انهم مش هيرضيهم غير الصدارة
وهنشوف ..
شوفتوا بقى انا برغم ان عندي امتحان بكرة بس مقدرتش افوت لقاء زي ده لابو تريكة (دعواتكم بقى)
ويارب نشوف ونشوف ونشوف ابداع وتميز ومستوى ارقى وارقى للعيبة ويارب دايما الصدارة

ان شاء الله تكون تجربه اليابان دافع قوي ليهم و يقدموا الاحسن و يفرحونا ان شاء الله

توبك جمييييييييييييييييييييييييييييييييييييل دودي

سلمت يداكي