رغبة منه في السماح للنساء المسلمات "الملتزمات" بممارسة رياضة السباحة
دون أن يتعارض ذلك مع مبادئ الشريعة الإسلامية، قام مصم الأزياء التركي
محمد شاهين بإطلاق مجموعة جديدة من ملابس البحر النسائية أطلق عليها اسم
"حشمة".

وقال شاهين إن تلك الملابس هي مخصصة أساسا للنساء المسلمات الراغبات في
التمتع باللهو بين أمواج الشواطئ العامة مع الالتزام في ذات الوقت بتعاليم
دينهن التي توجب على المرأة المسلمة ستر مفاتنها.

وبحسب جريدة "الرأي العام" الكويتية، فإن سلسلة أزياء "حشمة" هي أول
تشكيلة ملابس بحر نسائية في العالم مستوحاة من تعاليم الدين الإسلامي،
وأشار شاهين إلى أن تلك التشكيلة "تراعي ضرورة عدم ظهور أي أجزاء من جسم
المرأة باستثناء الوجه واليدين والقدمين".

وأشار شاهين بأن مايوهات "حشمة" تلقى إقبالا متزايدا من جانب نساء
الطبقتين المتوسطة والراقية في تركيا، بمن في ذلك نساء كبار القادة
السياسيين.

تجدر الإشارة إلى أنه برزت في الآونة الأخيرة فنادق فخمة على السواحل
التركية تفرض قواعد إسلامية وتعرض لزبائنها أحواض سباحة وشواطىء منفصلة
للرجال والنساء.

كما تقتضي الإشارة إلى أن زوجات غالبية مسؤولي حزب العدالة والتنمية
يرتدين الحجاب, وبينهن زوجة اردوغان. وكان الحزب وعد بالغاء حظر ارتداء
الحجاب في الجامعات والمؤسسات الرسمية لكنه اضطر للتراجع عند كل محاولة
للقيام بذلك.

***************************

الخبر دا انا قابلته بالصدفة
ولما قراته اندهشت اوي
دي تركيا اللي بيقولوا عليها بلد علماني والدين في الجامع وبس
تيجوا نقارن باللي بقينا نشوفه في بلدنا دلوقتي
مصــــــــــــر
البلد الاسلامي - الذي تحكمه الشريعه الاسلامية
نقارنه باللي بقي يحصل في شرم والغردقة

بغض النظر عن الملابس دي وعن فكرة البحر والتنطيط والكلام ده
مش هو ده المهم
ياريت اسمع ارائكم وتعليقاتكم علي الموضوع ده

boba ezz كتب:

بسم الله الرحمن الرحيم

شكرا يا تريكه على الموضوع

بس يعنى الملابس دى مهما كانت محتشمه لما تتلبس ويتنزل بيها الميه مش هتلزق على الجسم اثناء الخروج من الماء

ربنا يهدى تركيا ويهدينا قبليهم داحنا بقينا العن من الدول الاوروبيه فى الملابس

ان بقيت اكره انزل اشترى هدوم لانى مبالاقيش حاجه مناسبه اما حاجات ديقه جدا ودى طبعا ما تتناسبش مع الحجاب ولا غير الحجاب طبعا المفروض يعنى حتى البنت لو مش محجبه برده تلبس لبس محترم ، واما ملابس لا تناسب سنى اى اكبر من سنى بكثير فاعانى حتى اجد ملابس محتشمه
لفتاة محجبه وفى نفس الوقت تناسبنى وتناسب سنى واحيانا الجأ الى مجلات المحجبات وافصل الموديل الذى يعجبنى0

شكرا يا احمد على الموضوع وربنا يهدى الجميع

معاكي حق يابوبا للاسف دي بقت مشكلة كبيرة
وانتي اسرتي كمان لنقطة مهمه اوي هي ان ملابس المحجبات في الغالب بتبقي مش مناسبة لسن الشباب
وافتكر ده لان مفيش شركات ومصانع كويسة فكرت تدخل المجال ده (مش هيأكل عيش يعني)
بس انا شفت موديللات للمحجبات في غاية الشياكة وكمان مطابقة للمطلوب من حيث الستر
يعني مش ضيقة ومناسبة جدا وافتكر ان لو بقي في اقبال وطلب علي الموديللات دي
الشركات المشهورة والمولات اكيد هتلبي طلبات الناس ده شغلهم بقي بعيدا عن السياسات اللي مش عاوزين نتكلم فيها
وربنا يصلح احوال بناتنا ونسائنا باذن الله
----------------
لكن في نقطة مهمه اوي يا بوبا وهي اني باتكلم علي الفرق بين اللي بيحصل في تركيا وبين اللي بيحصل في مصر
هما دولة علمانية وبدأوا اهم واحدة واحدة ينصلح حالهم ولو قليلا
وحكاية الشواطئ المنفصلة للسيدات وحاجات بجد استغربت لما سمعت عنها
مفارنة بقي ببلدنا الغالي مصر متهيالي كده احنا ماشيين في عملية تبديل اماكن وهنبقا احنا مكانهم وهما هياخدوا مكاننا

المشكلة فعلا مش فى البلد
المشكلة فى الفكر واحنا تفكيرنا بقى اوروبى ونسينا ديننا
وبقينا ننافس اوروبا فى اللبس والشياكة
وانا ملاحظة ان مصمم الازياء دة مسلم
لاحظو معايا كدة ان معظم مصممين الازياءاللى عندنا اغلبهم مش مسلمين وعلى ديانات تانية
ربنا يهدينا ونرجع مصريين
والحقيقة يااحمد انا كنت داخلة الموضوع علشان اتفرج عالصور
هههههههههههههههههههههه
لكن لاقيت الخبر حاف
وبالمناسبة مافيش لبس بحر شرعى بس كويس التفكير نفسة

انا بقى يابوبا مريحة نفسى من ناحية اللبس دى خالص خالص
لانى كنت فعلا هعانى من الموضوع دة

تسلم ايدك ياابو حميد
وبعد كدة الاخبار تكون بالصور