اسف
ما لقيتش عنوان بصراحة بس دا اللي انا نفسي اعمله بصراحة
اتفو يا عرب
انا سمعت الكليب اللي بعنوان (الضمير العربي) ده اكتر من مرة هو مدته 40 دقيقة علي ما اسمع
لاني في كل مرة مابقدرش اكمل عشر دقايق من اللي باشوفه بصراحة ... للاسف بقا مش دي المشكلة
انهارده وبالصدفة البحته شفنته من بدايته .. بدايته خالص .. المقدمه بتاعته واكتشفت فعلا ايه هو (الضمير العربي)
لو حد منكم فكر شوية وعنده خلفيه ولو بسيطة عن الوسط الفني واللي بيحصل فيه من خلال مقدمة الكليب ده هيقدر يعرف وبسهوله انه عمل فني لا اكتر ولا اقل يمكن اللي كان مخليني مش واخد بالي من الموضوع ده او مش هياخلي حد ياخد باله
المشاهد اللي يتم عرضها طوال الكليب انا لاكنت باسمع ايه بيتقال ولا مركز مين اللي بيقول كفايه اللي عنيا شايفاه .

ابرز مافي المقدمة كلمة جميلة اوي (فكرة واخراج) ياااااااااااه قد كده بقت القضية الفلسطينة ومشاهد المجازر واشلاء الشهداء سلعه يستخدمها الفنانين لرفع اسهمهم لدي جماهيرهم
لا واللي ياخد باله كويس في كام لقطة في البداية من كواليس عمل (الضمير العربي) ... والله والله والله مايفرق حاجة عن كواليس (اه ونص) .
سؤال يطرح نفسه .. مال الفنانين ومال اللي بيحصل في فلسطين ولا العراق ولا غيرها

عمل ايه الضمير العربي

عمل ايه الضمير العربي للقضية الفلسطينية
عمل ايه الضمير العربي للملاين الشهداء
عمل ايه الضمير العربي للاطفال اللي بتموت بدون ذنب
عمل ايه الضمير العربي ....؟
الحق يتقال (الضمير العربي) عمل وعمل كتير
بس عمل لمين ؟؟؟
عمل لمبدع صاحب الفكرة واللي نفذ العمل الجميل الرائع ده
عمل لكل مطرب ومطربة في الكليب

تامر حسني

طلعلنا باغنيه اليومين دول كالعاده يعني
اول ماتشتد الاحداث والاعلام يبدأ يتكلم ويسلط الكاميرات علي فلسطين واحداث المجازر والمذابح
بسرعه البرق نلاقي كل واحد من فنانينا الحلوين الطعمين عمل اغنية واللي عمل كليب اهداء للشعب الفلسطيني
ماهو لازم يبقي في الكادر ياجماعه ..... ماينفعش يغيب عن الجماهير
مالتليفزيون ماوراهوش غير قضية فلسطين يبقي نحشر نفسنا جوه القضية باي حاجة واهي كلها مصلحه .
اتفو ياعرب بجد

كوم تاني

كله كوم واللي بيحصل اليومين دول
رغم اني مشغول والله ومابتصفحش النت الا دقايق معدوده لكن خدت بالي من حاجة غريبة اوي مش عارف انتوا خدتوا بالكم منها ولا لا
قضية غزرة اخذت تندثر شيئا فشياً خلف غبار القضية المصرية القطرية
قضية المصريين مع الجزيرة
المصريين وجهوا اقلامهم للدفاع عن مصر وتكذيب ماتنشره الجزيرة
بدون الدخول الي التفاصيل فانا لا باتابع الجزيرة ولا حتي قرات اي موضوع من المواضيع المكتوبة ضد الجزيرة بسبب الموضوع ده
لكن في عناوين كتير بقيت اشوفها اليومين اللي فاتوا
مفاجاة صارخة : 51% من اسهم الجزيرة يهوديه
الجزيرة تهاجم الحكومة المصرية وتتهمها بالتعاون مع اسرائيل
رسالة اخري طريفة وصلتني علي ايميلي بعنوان
انشرها لو عندك ضمير ...محتواها صور زيارد رئيس الكيان الصهيوني لقطر
وليه الجزيرة مااعلنتهوش
اذاً الجزيرة قناة غير محايدة وتكيل بمكيالين
وتعمل لمصلحة مين ؟؟؟
الله اعلم
مع كل تقديري واحترامي لكل من كتب حول هذه القضية
اكيد لازم يكون في رد علي اي معلومة خطأ تنشرها اي قناة سواء الجزيرة او غيرها
او لو في حملة فعلا من الجزيرة ضد مصر يبقي في رد برضو ونشوف الموضوع ده لمصلحة مين
لكن مش بالطريقة دي
الاخبار والمقالات والمواشيع في المواقع علي النت والمنتديات كلها دلوقتي بقت عن الموضوع ده وخلاص لكم الله يا اهل غزة وربنا يرحم الشهداء

اسف
لو كنت خبطت في الكلام وبرضو ربنا اعلم بما في الصدور
وكل واحد ونيته - انا باتكلم علي الاخوة اللي شاركوا في كليب الضمير العربي - بس برضو ده احساسي ومش عارف ليه مقتنع بيه
انا حقيقي مافيش دماغ اكتب حاجة اليومين دول كفاية الامتحانات والعملية ع الاخر الصراحه
بس استفذني اوي اللي بيحصل سواء كان موضوع قناة الجزيرة ومصر
او الكليب الظريف

(الضمير العربي)

فكرة واخراج : واحد بيتاجر بالقضية الفلسطينية .
الماده : مجموعه مميزة جدا من مشاهد القتل والنسف والتدمير وصور الاشلاء والضحايا والنساء والاطفال .
فريق العمل : لفيف من فناني العرب كل منهم حرص ان يكون متواجد علي الشاشه في هذا الجو المشحون باخبار القضية الفلسطينية عشان الناس ماتنساهوش .

حسبي الله ونعم الوكيل

بصو بقى
وقت الحرب كل واحد بيبان على حقيقتة
وكلة بيوجة اشارات الاتهام لكلو
وماحدش عارف مين الصح ومين الغلط
امبارح كنت باتكلم مع زميل ليا وابتدا يوجة اتهامات لمصر ولمبارك
ويحكيلى قصص وحكايات عن القادة المصريين وانهم متحالفين مع اسرائيل
فى العدوان على غزة
وحاجات كتيييييييييير خلتنى اصدع من كتر التفكير فيها
وخلتنى توهت
مش عارفة انا مين
بشجع اهلى والا زمالك
مصرية والا عربية
بحب مصر والا لاء
حالة تشتت
ودة بالظبط اللى الكيان الصهيونى بيسعى الية
اوضاع غريبة وسياسات اغرب
دة احساسى الحالى بصراحة مشتتة الذهن

اما بقى يااحمد عن تصوير اغنية الضمير العربى
فانا اختلف معاك تمام الاختلاف ودى المرة التانية اللى اختلف معاك فيها
لان اولا ربنا اللى اعلم بالنوايا
ثانيا من راى ان كل حد بيعمل اللى بيقدر علية
يمكن الفانين شايفين ان دة اللى يقدرو علية بالرغم انهم يقدرو يعملو اكتر من كدة
لكن دايما نقدم حسن النوايا وربنا اللى اعلم بالغرض الحقيقى من الكليب دة
والا
والا
والا
على راى ناس اتكلمت معاهم عن تريكة وقالو انه بيظهر انسانى اوى على غير طبيعتة
ولافتة تعاطفا مع غزة كانت ماهى الا لفت الانظار لية
ودى وجهات نظر بعض الناس

فاحنا مانقدرش نحكم على حد وبنشكر اى حد على اى لفتة تعاطف ومساندة منة

اسفة عالاطالة يااحمد وانا متاكدة ان دة نتيجة ضغط الامتحانات والضغط النفسى اللى عايشين فية كلنا
اتمنى للجميع التوفيق
ونتمنى ان العرب يتفقو فعلا
ونتمنى النصر للعرب مش غزة بس
لانها اتحولت الى قضية عربية بحتة

اسفة مرة تانية عالاطالة الشديدة

salma كتب:

أولا حبيت أشكرك على كلامك
بجد كل كلامك صح
فى قناه الجزيره تلاقى خبر والخبر إلى بعديه بيكذب الخبر
س قولى فى إيدينا نعمل إيه غير الدعاء
كلنا شيفين إلى بيحصل فى فلسطين ومش قدرين نعمل حاجه
وبرده عندك حق إن الفنانين بيتجروا بالقضيه الفلسطينيه
كل ما بلد يحصل فيها حاجه يطلعلنا باغنيه
قولى نعمل إيه

العفو يا سلمي
وفعلا مافيش بادينا غير الدعاء
بس انا المواقف استفذتني شوية ويمكن اكون خرجت عن النص في الكلام بس انا عند كل كلمة قلتها
وطبعا زي ماقلت ربنا اعلم باللي في النفوس والنوايا
بس ده رايي في معظم الفنانين اللي كانوا في الكليب ده
وخصوصا اصحاب الفكرة والقائمين علي التنفيذ

اولا شكرا لمرورك يا ايات
وطبعا الخلاف في الراي لا يفسد للود قضية

*نقطة اننا مانقدرش نحكم علي حد وان ربنا وحده اللي يعلم النوايا والاغراض انا قلتها في كلامي بس يمكن انتي ماخدتيش بالك
-لكن يمكن عشان انتي ماعندكيش خلفية كويسة -زي معظم الناس طبعا- عن الوسط الفني وايه هي طبيعته خلف الكاميرات -الكواليس يعني- فمش هتقدري توصلي لاحساس اللي انا حسيته من المشاهد اللي في بداية الكليب
بس انا عند كلامي ولا هي ضغوط امتحانات ولا الكلام دا خالص

كل الشكر طبعا للناس اللي بتحاول تقول رايها باي وسيلة وتعبر عن اللي جواها
بس في ناس كتير اغراضهم واضحة ودنيئة للاسف
ومعروفين كويس
وعموما ربنا يهدي الجميع
ويصلح حال الامة الاسلامية

ياخلود انا مابقولش مالهم يعني يبعدوا
بالعكس بس انا بقول وجهة نظري في بعض المشاركين في كليب الضمير العربي بالاخص
وفي بعض المطربين والمطربات اللي قدموا اغاني في مثل هذه الاحداث والمناسبات علي وجه العموم

اما قضية الجزيرة واللي بيخصل اليومين دول
فانا حقيقي ماعنديش تفسير ليه

ربنا يهدينا

شكرا اوي يا خلود علي المرور والتعقيب
وشكرا ليكم ياجماعه واسف لو طولت عليكم