السلام عليكم

في مداخله لقناه الحياه
وبرنامج الكره مع شوبير
قال نصر ابو الحسن(والذي كن نظنه رجلا)
ان صواريخ جماهير الاهلي هي قذائف الاسرائيلين علي
غزه وان صواريخ جماهيره(الاسماعيلي) هي قذائف حماس
علي الاسرائيلين..
يبدو انه اصابته عدوي الجلوس علي كرسي رئاسه نادي المانجه
او انه تعرض للتهديد بالقتل وحرق محاصيل مزارعه وهدم بيته
ان ظهر مره اخري محترما(كما فعلوها مع حسني عبد ربه)
فبعد ان كان يقول ويدعو ويفعل اي شئ لمحاوله رأب الصدع القائم
والازلي بين جماهير الاهلي الكبيره وجماهير نصف البيضه ال98نفر
عاد ادارجه ليقول(لافض فوه)كلام يندي له الجبين..
والعجيب والغير مستغرب ان يكون مقدم الحلقه احمد شوبير والذي كنا نحبه
والذي لم يعلق بكلمه واحده او يحاول رد هذا الرجل عن كلماته السخيفه
واذا عرف السبب بطل العجب..شوبير بعد ان كشفته رابطه الالتراس الاهلاويه
يحاول بكل السبل تشويه صوره هذه الرابطه يحاول هدمها..يحاول ان يظهر من فيها
بانهم سكاري وحشاشين علي حد زعمه..
لن الوم علي نصر ابو الحسن ولكن اللوم والعتاب لمن كنا نظنه ابن الاهلي
ولكن اتضح انه ابن عاق..وصولي منافق ومتملق..لا يحب في كل الدنيا الا شخص واحد
الا وهو نفسه فقط احمد عبد العزيز شبير(هكذا اسمه من واقع السجلات الحكوميه)

واحد اتنين الاهلاويه فين

ولو ما اخدناش موقف يبقي هقول

قاعدين ليه ما تقوموا تروحوا

اسامه الفداوي
اهلاوي غيور علي ناديه

شكرا للاخت/ريمو الاهلاويه
علي المرور الكريم والذي اتشرف به
ولقد تساءلتي عن من يكون نصر ابو الحسن
واقول لكي انه مصيبه من مصائب الزمن
واني لاسأل انا الاخر ومن هو سعد الجندي
ويحيي الكومي؟؟؟وغيرهم ممن ابتلانا الله بهم
في رئاسه النصف الداخلي للبيضه!!!!!

عموما اشكرك
واتمني ان تنال موضوعاتي اعجاب الجميع

اخيكم الاكبر//اسامه الفداوي

اظن انها تصريحات غير مسئولة من شخص المفترض انه مسئول
ومش مستحب انه يتكلم بالطريقة دى وبصراحة هى التصريحات
اللى بتزود حالة التعصب بين الجماهير وبتكره الجمهورين فى بعض
ولكن انا اعلنها من هنا كأهلاوى انا مش بكره اى حد لا زملكاوية
ولا اسمعلاوية بس بردو انا ما اقبلش حد يتكلم بطريقة مستفزة عن
النادى الاهلى او عن جمهوره اللى طول عمره احسن جمهور فى
مصر باستثناء بعض الحالات الفردية اللى مايسألش عنها او يتاخد
بذنبها كل الجمهور الاهلاوى المحترم العظيم واتمنى ان احنا
كجمهور اهلاوى اصيل ماننساقش ورا التفاهات والكلام السفيه ده
ونظهر للناس دى الوجه الحقيقى لجمهور الاهلى الوقور المنضبط
ونخلى حماسنا لتشجيع فرقتنا باحترام ونعرفهم ان جمهور الاهلى
جمهور مثالى زى اوروبا و احسن
والى الغير مسئول نصر ابو الحسن بقول
حسبنا الله ونعم الوكيل