السلام عليكم ورحمة الله ازيكم جميعا

بجد من ضيقتى وانى مش قادرة اشوف اللى بيحصل وافضل ساكتة لان الساكت عن الحق شيطان اخرص وانا محبش اكون شيطانة
ليه اللى بيحصل ده كله فى اخواننا فى غزة يا جماعة
ليه كل العرب واقفين ساكتين ليه مبيعملوش حاجة وهيفضلوا ساكتين لحد امتى لحد ما نصحى فى يوم نلاقى العدو على باب كل واحد فينا وبيقتلوا فينا احنا كمان وساعتها بس بيتهيئلى هيتحركوا
ليه العرب ميقدروش ان فلسطين ديه واحدة مننا وان اللى بيجرى فيها مسيره فى يوم وقريب هيكون فينا
ليه منقفش كلنا أيد واحدة ونقول كلمة حق
يا جماعة مصر دلوقتى بعد ما كانت بلد السلام والعطاء والخير والمساعدة تعرفوا دلوقتى العالم كله بيقول عليها ايهتخيلوا مصر بيتقال عليها(العميلة الخاينة)وكمان الفلسطنيين نفسهم بيقولوا كده
طفل صغير فلسطينى فقد اهله بيقول ايه مش هتصدقوا (منهم لله المصريين)
انا لا مصدقة عينى ولا مصدقة ودانى من اللى سمعته ازاى بعد ما كانت مصر هى بلد المساعدة و اللى وقفت جمب اهل فلسطين كتير العالم يقول عليها كده ازاى

يمكن ولى الامر ساكت ومبيعملش حاجة غير انه ما شاء الله بيبعت لهم اكل وشرب وهداية
بس بايده يقول لأ ونقف كلنا أيد واحدة عشان خاطر مسلمين منا
فيها لما يتلموا العرب ويمسكوا سلاحهمونلم جيوش العرب كلهم وباذن واحد أحد نقدر عليهم ليه بقى العرب ميقفوش واقفة رجالة ويقفوا جمب اخواننا فى فلسطين ليه وليه وليه وامتى؟؟؟؟؟؟
مش قادرة بجد اعبر عن اللى جوايا العالم بينهار بلد بلد واحنا واقفين ساكتين مستنين لما يجى الدور علينا
وساكتين على اللى بيعملوه الصهاينة فينا خلاص الحمد لله نالوا غرضهم انهم يوقعوا بين العرب كلهم وكانت الوسيلة فى كده هى مصر استعملوها عشان يوقعوا ويفرقوا العرب عن بعضعم اكتر ما هما متفرقين
حسبنا الله ونعم الوكيل فى اليهود وفى الحكومة
ادعوا لغزة ادعوا ليها حتى يفرج الله همها وكربها واليوم قريب على بقية البلاد العربية هما بياخدوها واحدة واحدة
واحنا خلاص على الباب
معلش يا جماعة لانى انفعلت بس بجد حرااااااااااام اللى بيحصل ده حراااااااام

سورى يا جماعة غلطت وحطيت التوبك هنا كان قصدى احطه فى مقهى التريكاوية
ياريت حد من المشرفين ينقله بعد أذنكوا

اللهم اميييييييييييييين
جزاكى الله خير ياعبير ربنا ينصرهم ياااااااااااارب

متشكرة على النقل ومشكورين على مروركم
ولكن انا مش عاملة الموضوع ده عشان الشكر انا عاوزة بجد حاجة نقدر نعملها عشان الناس ديه بجد نفسى اعمل حاجة والحمد لله بعمل اللى بقدر عليه.
بس اللى بجد نفسى يتحقق اننا نقف كلنا جمب بعض ونتكاتف اللى هما العرب ورؤساء الدول (اللى ربنا سامحهم على اللى بيعملوه) ويعملوا حاجة بقى احنا عرب يا جماعة عرب ومسلمين يعنى لازم نقف جمب بعضنا والله ده حرام
ولا نخلينا كده واليهود يفضلوا يوقعوا بنا والاشاعات ولا الله اعلم اذا كان حقيقة تعمى قلوب الناس ومصر تفقد قيمتها قدام العالم كله
نسيب الظالم والمعتدى وندور على اللى منا ونضرب فبعض احنا يا مسلمين
يارب وقف المهازل ديه ورجع الحق لاصحابه يارب
مشكورين عالمرور