بره باب الدار
بره باب الدار حصار
بره باب الدار حصار .. بره باب الدار ليل طويل مالوش نهار
بره باب الدار قبالى ..صرخة جاية صوتها عالى .. يا ترى من اى دار
بره باب الدار حصار
بره باب الدار صغار .. اللى لسه بيتولد واللى مات لما اتولد .. واللى قبل ما يتولد
خد نصيبه من المرار
بره باب الدار حصار .. بره باب الدار شرار .. دبابات طيارات ..صوت صراخ
صوت بكا . صوت ضرب نار
بره باب الدار حصار .. بره باب الدار بشم .. ريحة الموت والدمار
مش جديد الموت عليا مش جديد حتى الدمار
لكن اللى جديد عليا .. انى ماسمعتش قرار
القرار فين القرار .. اللى متعود عليه شعار
شجب رفض واستياء عاش الشعار
الادانة والاستنكار عاش الشعار
ااااه اخيرا إفرحوا إجا القرار
والعرب رفعوا الشعار
بره باب الدار حصار .. بره باب الدار إبادة
للشباب .. للشيوخ .. للنساء .. للجنين قبل الولادة
بره باب الدار يا سادة .. إنتهاك
إنتهاك للحرمة والسيادة .. واحتقار
بره باب الدار حصار .. بره باب الدار كلاب
صوتها اعلى من صوت الادان .. اسمعوا صوت الكلاب
اسمعوا
ان كنتوا لسه بتسمعوا
بره باب الدار كلاب .. شايلة كل سلاح وبيزيد الضباب
بره باب الدار صورة واضحة .. تظهر المعنى الحقيقى للإرهاب
بره باب الدار حصار .. بره باب الدار يا ناس
إن كنتوا ناس
إصحوا يا ناس .. إن كنتوا ناس
لسه فيكم ذرة باقية من إحساس
إصحوا يا ناس
بره باب الدار كل معنى من معانى الرحمة بالقدم ينداس
كل معنى للحياة بينهار
بره باب الدار حصار .. بره باب الد........
باب
هو فين الباب .. ولا فين الدار
فين ابويا وامى .. فين اخواتى الصغار
ااااااااااااااااااااااااه
ااااااااااااااااااااااااه
وين رحتى يا دار .. وين ال سكنوكى يا دار
كل شى راح .. ما بجى الا النواح
قلب مليان بالحزن .. جسم مليان بالجراح
بره باب الدار
وحتى جوا الدار
موت بلا اختيار
لا اله الا الله
لا اله الا الله .. محمد رسول الله

احملوا معاى الله يتقبلك شهيد يا اخى
اسمعتوا عم بينطق الشهادى قبل لا يستشهد
ايه.. الله يتقبلو شهيد
وهالورقة إيش فيها
مكتوب فيها قصيدة ..اسمها
بره باب الدار
مجدى

الله عليك يامبدع
انت هو انت
انت دايما وابدا متالق ورائع
تسلم ايدك ومرسي ليك

ربنا يخليكى يا دودو
ده بس من ذوقك
شكرا يا دعاء على
مرورك الرقيق
وكلامك الجميل
نورتينى يا سكر

بره باب الدار صغار .. اللى لسه بيتولد واللى مات لما اتولد .. واللى قبل ما يتولد
خد نصيبه من المرار




لكن اللى جديد عليا .. انى ماسمعتش قرار
القرار فين القرار .. اللى متعود عليه شعار
شجب رفض واستياء عاش الشعار
الادانة والاستنكار عاش الشعار
ااااه اخيرا إفرحوا إجا القرار
والعرب رفعوا الشعار

تسلم إيديك يا مجدى
قصيدة روعة روعة روعة
وكل كلمة فيها تكاد تصرخ بمدى ظلم الكلاب دول للأطفال الأبرياء
و النساء و الشيوخ و الرجال
ربنا ينصرهم يا رب
و يتقبل شهداءهم
و تسلم يا مجدى يا شاعر يا فنان
ع الجو الرائع إللى فى القصيدة دة

ربنا يخليكى يا هبة
يعنى حاولت اعمل صورة بالكلمات
توضح الوضع هناك
ويا ريت اكون نجحت فى التصوير ده
طبعا مستحيل هايببقى زى الحقيقة
ولكن حاولت اقرب من الحقيقة على قد ما قدرت
ويا رب الحقيقة دى تتغير للابد للاحسن طبعا
ويعيش الفلسطينيين فى غزة وكل فلسطين
بامان وحرية وسلام
اللهم امين يا رب العالمين
وشكرا يا هبة على مرورك الرائع
وكلامك الرقيق

اااااااه يا ميس
والله انا كتبت القصيدة دى
ودموعى على خدى
كنت لسه باتفرج على كليب ماتت قلوب الناس
وبكيت على قد ما بكيت
قلت لازم اكتب حاجة اوصف بيها اللى بيحصل
ومن جوايا نفسى أغمض عينى وأفتحها
الاقى كل اللى بيحصل ده اتغير وانتهى تماما
واهو الحمد لله نسبيا الوضع ابتدى يتحسن
هو صحيح مش قوى بس بردو احسن من الاول
وربنا يا رب يمنح فلسطين كلها مش بس غزة
حريتها وامانها وسلامها
ويا رب مانسمع عن فلسطين الا كل خير
وبعدين انا مش هاقولك شكرا على مرورك لان التوبيك ده بتاعك اصلا
وانا اللى ضيف فيه لكن هاشكرك على رأيك فى القصيدة
ويا رب ماتغيبيش عننا تانى ابدا

بره باب الدار حصار .. بره باب الدار إبادة
للشباب .. للشيوخ .. للنساء .. للجنين قبل الولادة
بره باب الدار يا سادة .. إنتهاك
إنتهاك للحرمة والسيادة .. واحتقار
بره باب الدار حصار .. بره باب الدار كلاب
صوتها اعلى من صوت الادان .. اسمعوا صوت الكلاب
.............

لهم الله
وتسلم ايدك يا مجدى
بجد كلام جميل
من انسان جميل

مش هاتكلم علي القصيدة من الناحية الفنية
روعه من روائعك التي لا تنتهي يا مجودي

بس بجد المضمون المره دي قاسي اوي
ومتزامن مع احداث مؤلمه

تسلم ايديك يامجدي
ونسال الله ان يخفف عنا هذا البلاء وان يوقظ امتنا العربية
من غفلتها

شكار يا خلوووود

على مرورك الجميل الرائع

وعلى كلامك الجميل

وربنا مع اخواننا فى فلسطين

وربنا يخليكى يا خلووود

دايما كده بتدعمينى واشادتك بتسعدنى

شكرا يا ميسى ويا تريكة
ربنا يا رب يبعد كل شر عن كل مسلم
ويمنحنا الامان والسلام جميعا
باشكركم على الاشادة والتجاوب
وعلى مروركم الجميل

اسماء الاهلوية كتب:

تسلم ايدك ياشاعر المنتدى
روووووووووووووووووووعة جدااااااااااااااااااااا

شكرا يا سمسمة
على مرورك الرقيق
وكلامك الجميل

سحر العيون كتب:

القصيدة جميييييييييييييلة جداااااااا ومؤثرة

وامتى يجي اليوم اللي ترجع فيه فلسطين

حرة .....بجد الواحد بيتمنى من كل قلبه إنها ترجع

بجد جمييييييييييييلة جداااااااااااا وروعة

شكرا سحر العيون على المرور الرقيق
والكلام الجميل
وأكيد كلنا بنتمنى فلسطين ترجع لأهلها