Nedved4ever
:: مشرف سابق ::
المشاركات : 2552
العمر : 33
محل الاقامة : ّ ّin My Kingdom
الوظيفة : مطــبق بقالى يومين
الهوايات : Foot ball
بتشجع نادي إيه : ahly& man united
لاعبك المفضل : abu treika & met3b
تاريخ التسجيل : 16/01/2009
التقييم : 7
نقاط : 8068
::: : 
|  موضوع: مقارنة بين الواد الفافى والواد البيئة  2009-01-21, 3:59 pm | |
|
مقارنه بين الواد الفافى والواد البيئه
(الطفل الفافي) او (الهاف لايف )
............ ......... ......... .......
1-الولد من دول يصحى على صوت الكناري اللي في اوضته .... - سو سو سو سو .... -
_________
2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -
_________
3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -
_________
4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها .....
- اريال .... نسيم الصباح -
__________
5- يجيب جزمته من الجزامه ... اللي مليانه جزم وكوتشيهات ... وسبوووز .....
- تقولش دخلت محل لطفي أو توكيل تمبرلاند -
__________
6- ينزل يفطر مع مامي ودادي ... والفطار كورن فليكس بطعم الستروبوري او الشوكولات ....
- كورن فيليكس كلووقز .. مش بسكو مصر -
__________
7- يسلم على مامي ويبوسها بعد ماتكون حطتله ديناربوكس بتاعه وفيه ....
ساندوتشين اتشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ -
__________
8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا - جنيه ؟؟؟؟ دي عملة انكردت من زمااان -
__________
9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________
10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -
__________
*الطفل البييييئه :
__________
............ .......
1- دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ...
- طبعا .. مقضيها صرمحه في الشارع للفجر -
____________ _____
2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
____________ _____
3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه ..... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -
____________ _____
4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ...
- هدومه كلها مكرمشه ... تقولوش طالعه من بق كلب -
____________ _____
5- طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه - طبعا ما يعرفش اختراع اسمه الشرابات -
____________ _____
6- دلوقتي معاد حرب كل يوم .. : ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟ : في دي ..... دييييب ...
- ضربة بالحله على نافوخه -
____________ _____
7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول .... - مايعرفش يعني ايه قلم .... غير اللي بياخده على قفاااه -
____________ _____
8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه ....
ورونى الردود علشان نكمل المقارنة
نكمل المقارنة بقى يلا مستعدين
في طابور المدرسه ....
=================
*الطفل الفافي (الهاف لايف) :
1- العيال كلهم واقفين في صفوف شكلها يفرح .. ده غير ريحتهم اللي زي الفل
- نضافه رباااااااااني -
____________ _____
2- الطابور كله تمارين ونشاط ....
- على انغام الدي جي (ياسر شاكر) -
____________ _____
3- الاذاعه المدرسيه .... اخبار من مجلات (واشنطون بوست) - وطبعا .... مافيش ترجمه -
____________ _____
4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -
____________ _____
5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -
____________ _____
*الطفل البيئه :
1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه) -
____________ _____
2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم -
____________ _____
3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -
____________ _____
4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟
- طبعا على موسيقا آلات النفخ .... الشيشه -
____________ _____
5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
____________ _____
بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي
____________ _______
*الطفل الفافي (الهاف لايف) :
1- يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
____________ _____
2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -
____________ _____
3- هاني ... دينر از ريدي
- السيييم بتاعهم لما يجهز الغدا -
____________ _____
4- بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك
____________ _____
*الطفل البييئه : ! !
1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -
____________ _____
2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -
____________ _____
3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -
____________ _____
4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع
- تنااااااااحه ... فور آيفير -
____________ _____
بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟
____________ _____
*الطفل الفافي (الهاف لايف) :
1- يقوم من النوم على صوت الداده ... الهادي طبعا .. عشان يقوم يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
____________ _________
2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -
____________ _________
3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
____________ _________ __
4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
____________ _________ _______
5- ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده
- ملاك نايم يا اخواتي -
____________ _________
*الطفل البيييئه :
===========
1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -
____________ _________ _________ _______
2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -
____________ _________ _________ __
3- اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم
- آدي دقني لو جاب ولا حتى رجع من أصله -
____________ _________ ____
4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه
- تقولش طفل من أطفال الانتفاضه -
____________ ________
5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل
|
|
أهلاوية أنا
:: تريكاوي نشيط ::
المشاركات : 87
العمر : 32
محل الاقامة : أم الدنيا
الوظيفة : طالبة
الهوايات : تشجيع الاهلي
بتشجع نادي إيه : اكيد الاهلي
لاعبك المفضل : ابوتريكة
تاريخ التسجيل : 22/12/2008
التقييم : 0
نقاط : 5835
::: :
| | موضوع: رد: مقارنة بين الواد الفافى والواد البيئة 2009-01-23, 9:20 pm | |
| هههههههههههههههههههههههههه
ده فرق شاسع بينهم
توبيك روعه ميرسي ليك |
|
sohila_ahly
:: تريكاوي بيقول ياهادي ::
المشاركات : 24
محل الاقامة : مصر
الوظيفة : طالبة
الهوايات : كرة القدم والانترنت
بتشجع نادي إيه : النادى الاهلى ومانشستريونايتد
لاعبك المفضل : ابوتريكة ورونالدو
تاريخ التسجيل : 18/01/2009
التقييم : 0
نقاط : 5788
::: :
| | موضوع: رد: مقارنة بين الواد الفافى والواد البيئة 2009-01-23, 11:52 pm | |
| ههههههههههههههههههههههههههه
ميرسى كتير جامدة جدا
|
|
theprincess
:: تريكاوي 100 100 ::
المشاركات : 821
العمر : 33
محل الاقامة : egypt
الوظيفة : engneer
بتشجع نادي إيه : مادام بشجع الكوره يبقى اكيد بشجع الاهلى
لاعبك المفضل : طبعا تريـــــــــــــــكه
تاريخ التسجيل : 03/07/2008
التقييم : 0
نقاط : 6236
::: :
| | موضوع: رد: مقارنة بين الواد الفافى والواد البيئة 2009-01-24, 1:39 am | |
| ههههههههههههههههههههههه
ههههههههههههههههههههههههه
ايه الفرق الجااااااااامد ده
ميرسى |
|
محمد الفيشاوى
:: تريكاوي 100 100 ::
المشاركات : 668
العمر : 33
محل الاقامة : مصر
الوظيفة : طالب
الهوايات : كرة القدم
بتشجع نادي إيه : الاهلى المصرى
لاعبك المفضل : بدون مجاملة ابو تريكة & راؤل
تاريخ التسجيل : 11/12/2008
التقييم : 0
نقاط : 5838
::: :
| | موضوع: رد: مقارنة بين الواد الفافى والواد البيئة 2009-01-24, 3:26 am | |
|
ههههههههههه
تسلم ايدك
من المؤكد ومن المتوقع
ان هيون فية اختلاف شاسع
بينهم
نظرا للظروف المناخية اللى هما عايشين فيها
هو اية الكلام الكبير دة
هههههههههههههه
عموما تسلم ايدك
مع تحياتى.......................
|
|
kamatsho treika
:: مشرف سابق ::
المشاركات : 5201
محل الاقامة : هنا
الوظيفة : جندى مقاتل
تاريخ التسجيل : 03/10/2008
التقييم : 11
نقاط : 10821
::: : 
| | موضوع: رد: مقارنة بين الواد الفافى والواد البيئة 2009-01-24, 4:06 am | |
| اولا: مشكور جدا ع التوبيك
ثانيا" التوبيك جامد فعلا
ثالثا: المفروض مانجيبش سيرة البيئة ده اصلا لانه لو قارنته مع الفافى هتلاقيه صفر ع الشمال او مش صفر موجود او رقم تحت الصفر _ سالب يعنى_
رابعا: تشكرات ليكم تشكرات |
|
الفيديو 
