على فكرة انا كمان شايفة ان دة عادى
انت ورغبتك
دة يتوقف على رغبتك انت
المهم ان مايعملش موضوع مخصوص ويعلن عن المنتدى بتاعة
الدير مش هيدخل عالخاص ويحزر الناس
خليك فريش
وكبر دماغك
وعادى يعنى

اولا حمد الله علي سلامتك يامحمد
ثانيا وبالنسبة للموضوع بتاع الاشهار عن طريق الرسايل الخاصة

بص ياسيدي هو اساسا ممنوع ومن حق اي مدير موقع او منتدي انه يطرد العضو اللي داخل يعمل دعاية بالرسايل الخصة اول مايعرف بكده وده الللي بيحصل
الاخوة اللي قالوا شايفين انه عادي باقوللهم ده ممكن يكون عادي في حالة اني مثلا شيمو معرفة ايات
وشيمو عملت منتدي جديد فقالت لايات وقالت لصحباتها علي المنتدي ده عادي لانه كلام بين اتنين اصحاب علي الخاص لانا ولا غيري نقدر نعرفة ولا لينا دخل فيه

لكن ان واحد يدخل بعضوية مزيفة وداخل فقط عشان يعمل دعاية في المنتدي فده مرفوض بكل المقاييس واسلوب غير متحضر اساسا في عالم اشهار المواقع .. مع احترامي لكل من يلجأله

اساليب الاشهار كتيرة ومتعدده منها انه يدخل يطلب عمل تبادل اعلاني مع المنتدي
وللاسف كنت قفلت التابدلات الاعلانية لان ليا شرط سخيف في قبول التبادل وهي ان الموقع اللي اعمله اعلان عندنا يكون خالي من اي محتويات مخالفة (افلام-اغاني-صور فنانين وخلافه)
لكن لو لقيت طلب من اي موقع موافق للشروط فاهلا وسهلا

واخيرا باتمني التوفيق لاي صاحب موقع او منتدي جديد بشرط انه يراعي ربنا فيما يقدمه لاعضاء وزوار موقعه او منتداه

شكرا يامحمد علي الاهتمام بالموضوع وابقي بلغني باسم العضو اللي بعتلك الرسالة عشان اقوم معاه بالواجب ..ههههههههههههههههه
ده مهما كان ضيفنا برضو

داالموضوع طلع كبير
اية يا جدعان
يابخت من قدر وعفى

وانت يااحمد عديها يعنى ربنا يسامحة وخلاص
وبعدين مش يمكن المنتدى دة يتنشر فية مواضيع اسلامية وتاخد ثوابه

لا مش كده خالص
هو احنا هندبحه ولا هنتخانق معاه
ايزي يعني الموضع مش مستاهل بس انا حبيت اوضح ده ممنوع ليه
ودي حاجة من اداب المواقع والمنتديات ومعروفة للجميع يعني ماعلينا

اقتباس :

وبعدين مش يمكن المنتدى دة يتنشر فية مواضيع اسلامية وتاخد ثوابه

ولو هاتقيسيها كده يبقي برضو لو فيه حاجة مش كويسة هاتحمل وزرها
ممممممممممم .. مافتكرش النظرية دي صح

هيا مش بتتقاس كدة
لكن انت انوى كدة
قول يارب انا طنشت بمزاجى وسبتة يخالف قوانين المنتدى لعلة يقدم حاجة تنفع الشباب واخد ثواب عليها
فهمت يا معلم

الامتحانات غيرتك ياابو حميد

على فكرة انا كمان شايفة ان دة عادى
انت ورغبتك
دة يتوقف على رغبتك انت
المهم ان مايعملش موضوع مخصوص ويعلن عن المنتدى بتاعة
الدير مش هيدخل عالخاص ويحزر الناس
خليك فريش
وكبر دماغك
وعادى يعنى


انا مكبر دماغى وكل حاجة بس معلش
اللى مارضهوش على نفسى مارضهوش على غيرى
مش معنى ان عندى موقع واشوف حاجة مخالفة فى موقع تانى اقول لاء
بالعكس لازم انبة المدير عشان ياخد حظر
عشان مايتكررش تانى
يعنى مثلا لو لاقيتى رسالة خاصة او موضوع عادى
وفية صورة خادشة على الحياء هاتكبرى
ماعتقدش مش عشان موضوع صورة خادشة بس كمان عشان فية قوانين للمنتدى او الموقع
ممنوع تعديها ولو تعديها بنديكى فرصة واتنين والتالتة طرد دة اللى بيحصل

داالموضوع طلع كبير
اية يا جدعان
يابخت من قدر وعفى

الموضوع ولا كبير ولا حاجة بس فية قوانين
ماينفعش يتعداها حد


وانت يااحمد عديها يعنى ربنا يسامحة وخلاص
وبعدين مش يمكن المنتدى دة يتنشر فية مواضيع اسلامية وتاخد ثوابه

انا هقولك حاجة لو احنا مانبهنهاش
ممكن تاخد مجهود شخص اخر
وتنسبة ليها
ودة بيحصل لكتير جدا جدا
وقتها هتعملى اية
هنتفرج عليها
ماعتقدش
اننا هنشوف كدة وهنسكت

حمد الله على السلامه يامحمد
نورت المنتدى
وانا كمان شايفها عادى
لو عايز تشترك ااشترك لومش عايز خلاص قول مش عايز اشترك
حمد الله على السلامه كمان مرة

الله يسلمك
نفس الكلام فوق بردو هقولة هنا
بس هضيف ان عمرها ماهتتحسب كدة

وياريت ماحدش يقول كدة عشان طماعان فى حاجة
اقسم بالله مالية غرض ولا اى شىء
انا كل اللى بعملة دة حبى فى المنتدى مش اكتر
ولو طمعان فى اشراف او مراقبة مانا عندى
الموقع بتاعى يعنى انا المدير فية
يعنى مش هحتاج كدة

مع تحياتى.............................

باشكرك يامحمد عالتوضيح انت وضحت حاجات كتير
وباشكرك كمان مرة على حرصك الشديد عالمنتدى
وبصراحة انت انسان جدع


بس بردو اللى عمل كدة ربنا يسامحة
ولو قبل على نفسة ياخد حاجة من المنتدى مااى واحد ممكن يدخل زائر ويعمل اقتباس للى هو عاوزة
المسالة مسالة ضمير فى الاول وفى الاخر

وباشكرك مرة تانية يامحمد

طبعا يامحمد كلامك كله سليم ميه الميه

وياجماعه المسالة برضو لاهي حروب ولا عصابات

بس في اداب للمنتديات المفروض انها تحترم وتطبق

والا كان كل عضو هيدخل المنتدي يلاقي عشرات ويمكن مئات الرسايل الددعائية في بريده الخاص

ياريت الموضوع يكون وضح

وحصل خير ع العموم

ومرة تانية شكرا جزيلا يامحمد

وبالنسبة لنيدفيد الراجل اكيد بيهزر

مايقصدش اللي انت فهمته

رغم انك جديير بالاشراف يامحمد حقيقي

والمنتدي بيتك في اي وقت

تحياتي ليكم جميعا

شيمو الاهلوية كتب:

شكرا يامحمد على تقبل رايى بدون زعل بس انا لما قولت عادى قصدى ان ناس كتيرة بتعمل كده فماكنتش عايزاك تخص اسم معين
وانا عن نفسى لما بيجى لى رسايل كده من اعضاء باشفهم لسه مشتركين وبيبعتوا رسايل ع الخاص علشان نسجل فى منتدياتهم انا ماشتركش وبارفض الاسلوب ده وانا معاك انها حاجه مش مقبوله

اقتباس :

ولو الموقع كلة افتكر انى كدة يبقى افضل انسحابىد
لانى مش وحش ولا قذر للدرجاتى

على فكرة ماحدش يقدر يقول كده ابدا انت انسان محترم جدا ومواضيعك وردودوك بتدل على كده وابسط مثال التوبيك ده وزى مانت مابتقول اللى مش ترضاه لنفسك مش راضيه لغيرك
بس تلاقى نديفد بيهزر عادى او بيتكلم بحسن نيه بس احنا بنقدرك وبنحترمك جدا

لا شكر على واجب وانا مابزعلش ولا بشيل من حد
الا اللى يحرجنى
المفرود اننا نوقف الناس دى
انا عندى اقسم بالله نبهت كتير لاعضاء كانوا بياخدو مواضيعى وبيرلاسلوا
الناس على الخاص
بشكرك على مجاملتك
بس والله انا بعمل اللى بيملية علية ضميرى
لانى مارضاش حد يعمل معاية كدة
وبخصوص الخ العزيز استاذ نفيديا
لو فعلا هزار يبقى تقبلتة بس لو مش هزار
بعتزر للجميع انى هعلن انسحابى
لانى مش هسمح لحد انة يشكك فية ولو للحظة
مع تحياتى.............................................

الف شكر يا استاذ تريكة
وانا والله فرحان انى قاعد معاكم
ودة اللى فعلا اقصدة لكل موقع قوانين لابد من احترامها
ومن لن يحترمها عاقبتة التحزير ثم الطرد
لا شكر على واجب
وان قولت قبل كدة لو استاذ نيفيديا كان بيهزر انا متقبل
الهزار دة بس لو مش هزار وجد
يبقى فعلا هعلن انساحبى
لانى عمرى ماهدى لاى حد فرصة
انة يطلعنى قزر ولا وحش
وبالنسبة للاشراف
فية ناس موجودة قبلية وجديرة بالاشراف عنة
واكيد انت تعرفهم يا استاذ تريكة مش محتاج اقولك عليهم
مع تحياتى
.................................