فجأه ومن غير مقدمات
بقلـب حساه خلاص مات
مسكت القلم بعد ماكل شيء بان
قولت اطلع اللي جوايا و آن الاوان
اكمل حياتي وانسى اللي فات
حاولت اكتب واقول اللي فيا
لوحدي من غير ماحد يحس بيا
لقيت دموعي نزلت من عنيا
حاولت امنعها مقدرتش
دمعه الم
وراها دمعه انكسار
انكسار وياه دمار
قولت هسكت مش هتكلم
مش هتنفع السطور والكلمات
قلب مليان جراح وآهات
اسكت
يمكن السكوت في بعض الاحيان
بيداوي الالم ويطوي الاحزان
وقفت دموعي وتاهت العبارات
وقولت انسحب من سكات

اكتشفت اني كنت عايشه احلام ورديه
وفوقت فجأه على سكينه بتدبح فيا
ياريتني فضلت بحلم و مفتحتش عنيا