| كاتب الموضوع | رسالة |
|---|
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: : 
|  موضوع: رد: يوميات .. شاب صعيدى .. يحب بنت ستايل .. متجدد يوميا !!  2009-02-28, 7:37 pm | |
| الحلقه الخامسة عشر
" احمد انتهز فرصه ان نور طلعت تغير هدومها وراح اعد جنب الوليه وحصل اللي حصل " اكيد
" الوليه طبعا مبتعرفش عربى اصلا " خالص
احمد : يالهوي علي الغزال اللي بيلعب في الرمل
الوليه : ــــــــــــــــــــــــــــــــــــــــــــــ ؟
احمد : يالهوي علي الحصان اللي قاعد علي الشط
الوليه : ـــــــــــــــــــــــــــــــــــــــــــــ ؟
احمد : يالهوي عالجمر اللي الميه بلته
الوليه : ــــــــــــــــــــــــــــــــــــــــ ؟
احمد اتخنق وزهق كل الكلام ده والوليه مش راديه تعبره
احمد عجبه تقل الوليه وحنا عارفينه صعيدهي ومخه تخين لازم يكلمها
احمد : ايه يا عم التقل دا عبرنا ولو بنظره
الوليه خدت بالها ان في صوت بيتكلم بصتله
احمد : يا دين النبي ايه العنين الدامده دي
احمد : بس بس بس بس بس بس انت يا جمر
الوليه : _______________ ؟
احمد سرحان في عيون الوليه ومش عارف يقول ايه اتبلم
يالهوي دا نور جايه في الطريق واحمد لسه مبلم في عيون الوليه
نور : احمد " احمد مش هنا خالص راح في دنيا تانيه " مش معانا
نور : احمد احمد احمد
احمد : ايه مين
نور : ايه يا بني انت سرحان في ايه كده
احمد : لا مافيش
نور : طيب انتا جاي معانا ولا قاعد
احمد : نروح فين
نور : هنروح نفطر ونطلع علي البلاج
احمد : طيب روحوا انتوا انا قاعد هنا شويه
نور : لا يا احمد تعالي معانا
احمد : لا انا عايز اعد هنا شويه
نور : كده يا احمد مش عايز تروح معايا
احمد : خلاص خلاص انا هاجي معاكي جومي كتج الجرف
نور : بتقول حاجه يا احمد
احمد وهو ماشي في سره با بنت الدزمه لازم تيجي دلوقتي انا كنت خلاص هكلم الوليه
نور : احمد انت بتقول حاجه
احمد : لا
نور : طيب انت مش هتطلع تغير هدومك وتلبس الترنج اللي من السعوديه الجامد جدا ده
احمد : اه والله فكرتينني بصي انا هطلع اغير وابقي اجيلك روحي انتي
" احمد وزع نور وطلع غير ومش راحلها راح فيــــــــــــــــــــــــــــــــــــن " فين |
|
  | |
الحزينه
:: تريكاوي شغاااال ::
المشاركات : 189
تاريخ التسجيل : 28/02/2009
التقييم : 0
نقاط : 5734
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-02-28, 7:41 pm | |
| الحلقات حلوه اوى
تسلم ايدك |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-01, 3:58 am | |
| - الحزينه كتب:
- الحلقات حلوه اوى
تسلم ايدك نورتى التوبيك يا قمر |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-02, 8:34 pm | |
| الحلقه السادسة عشر
احمد ساب نور راحت المطعم وطلع هو يغير لكن خد وقت كتير اوي
لانه مش عارف يلبس الترنج اللي من السعوديه الجديد
محتار يلبس انهه وش اصله وشين زي بعض ما علينا احمد اتخنق راح رامي الترنج
ولبس ترنج غيره ونزل نفض لنور و راح يدور علي الوليه
مش لاقها في نفس الوقت نور قلقت علي احمد راحت تدور عليه واخيرا
نور : كنت فين يا بني
احمد : ماكنتش وهروح فين يعني
نور : بس ايه الشياكه دي هو دا التنرنج اللي جايبه من السعوديه
احمد : لا التاني فوق في الاوده مرضتش البسو الواحد المفروض ميلبسش اللبس الدامد بتاعه من اول الرحله اكده
" احمد مش عايز يعرف نور انه مش عارف يلبسه عشان ما تتضحكش عليه " اه يا كداب
نور : طيب يلا عشان نروح نكمل اكل
احمد : يالهوي انتي هتكلي تاني انتي مش فطرتي
نور : لا انا كلت حاجات بسيطه كده مستنيياك عشان تفطر معايا
احمد : مرسي يا نور ربنا يخليكي
نور : يلا يا احمد
احمد :جرسووووووووووووووووووووووووووووووووووووون انتا ياااااض
نور : بس يا احمد الناس بتبص علينا هو هيجيلنا المنيو بتاعه الاكل دلوئت
احمد : منه مين هي منه دي شغاله معاه
نور : يالهوي المنيو المنيو
احمد : اه منيو مش منه مين منيو دا بقه
نور : يالهوي يا بني ليسته الاكل
احمد : اه ماتقولي كده من الاول لازم تجيبي منه يعني الاول
نور : طيب شوف هتاكل ايه
احمد : طيب انا هاخد ايه دا مافيش فول طعميه بدنجان ايه الاكل دا
نور : هو انت في البلد الفطار هنا زبده مربه جبنه حاجات خفيفه كده
احمد : والحاجات دي بتشبع ولا هنجوع منها
نور : يعني كل لاغيه متشبع دا اوبن بوفيه
احمد : طيب بص يا كابتن هاتلي 5 زبده و10 مربه و 5 جبنه و10 عيش
الكابتن : ليه يا فندم انت عازم حد
احمد : وانت مالك يا سقيل اه عازم نفسي علي الفطار شوف الانسه تاكل ايه
نور : هتلي زبده ومربه وجبنه ورغيف عيش بس
الكابتن : اي خدمه تانيه
احمد : متشكرين يا خفه روح يلا يااض
نور : ايد دا يا احمد عامل الولد بشكل احسن شويه
احمد : يا عني اطلع البس بدله واكلمه عشان اكلمه كويس
نور : هههههههههههههههههههههههه يخربيت عقلك يا احمد مش قصدى
احمد : هو الراجل اتاخر كده ليه انتا يا عم جعانين
نور : يالهوي براحه يا احمد الناس بتضحك عليك
احمد : ليه هو انا بكلمه وانا واقف عي ايدي طب يلا والله مانا واكل
نور : خلاص يا احمد برحتك بس انا جعانه
احمد : يلا نروح ناكل في حته تانيه
و خدها احمد و هيروحو ياكلو فى حته تانيه
احمد وهو ماشي لاقه مين في وشه وهو داخل يفطر
هنعرف الحلقة الجاية |
|
| | |
الحزينه
:: تريكاوي شغاااال ::
المشاركات : 189
تاريخ التسجيل : 28/02/2009
التقييم : 0
نقاط : 5734
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-03, 11:54 pm | |
| ههههههههههههههههههههه والله انا لو حد عمل معايا كدا مش عارفه رد فعلى ممكن يكون ايه ربنا يصبرها بجد فى انتظار الباقى |
|
| | |
MIHOoOo
:: مشرف سابق ::
المشاركات : 5734
محل الاقامة : Egypt
الوظيفة : student
الهوايات : النت
بتشجع نادي إيه : الاهلي طبعا
لاعبك المفضل : تريكه-متعب-زيزو-بركات-ميس
تاريخ التسجيل : 13/05/2008
التقييم : 2
نقاط : 10128
::: : 
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-08, 3:06 am | |
| بجد حلقات جامده جدا تسلم ايدك يا فرعون
ومستنيين المزيد |
|
| | |
troy
:: تريكاوي نشيط ::
المشاركات : 71
العمر : 33
محل الاقامة : يوم ماقولنا البحيرة
الوظيفة : طالب على ما تفرج
الهوايات : الضحك والهزار والغراسة على الناس
بتشجع نادي إيه : الاهلى
لاعبك المفضل : ابو تريكة
تاريخ التسجيل : 21/02/2009
التقييم : 0
نقاط : 5788
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-08, 2:39 pm | |
| قصة جميلة والله
تسلم ايداك
هههههههه |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-09, 3:33 am | |
| نورتى التوبيك يا مهما انتى وتروى باشا واليكم الحلقه التاليه |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-09, 3:39 am | |
| الحلقه السابعة عشر
احمد بعد ما حلف على نور انهم يفطروا في مكان تاني
وهما طالعين لاقى الوليه اللي كان عايز يكلمها
وشه احمر وراح لنور قالها
احمد : نور عشان خاطرك انتي بس هنرجع ناكل في المطعم عشان انتي شكلك جعانه
نور : مرسيي يا احمد علي زوقك " طيبه ماتعرفش اللي فيها " خالص
احمد : هو الجارسون اتاخر كده ليه انت ياااااااااااااااااااااض
احمد : فين الوكل
نور : اهه جاي اهه
الكابتن : اتفضلوا الاكل بالهنا والشفا
نور : مرسيي
احمد : يلا ياض من هنا
نور : ايه يا احمد خلي قلبك رقيق من كده
احمد : طيب يا سيتي بقلك ايه يا نور ما تيجي تعدي مكاني
نور : ليه يا احمد
احمد : يعني تعالي بس
نور : طيب تعالي من شوف اخرتها معاك
طيبه اصل الوليه كانت اعده ورا احمد و هوا كان عاوز يبصلها
احمد : سرح في عيون الوليه ونسي الاكل ونور
نور : احمد احمد " احمد مش هنا " انت يا احمد انت رحت فين
احمد : ايوه بتقولي حاجه
نور : يالهوي انت دا كله ومش معايا انت سرحان في ايه
احمد : سرحان عبد البصير
نور : هههههههه خفيف سرحان فيه ايه بجد وبتبص فيا كده ليه
احمد : انا ببص عليكي انتي بتتلككي ولا ايه هبصلك ليه يعنى
نور بتتلكك " راحت نور بصت وراها لاقت الوليه بتتضحك لاحمد واحمد سرحان معاها " هههههههه
تش تش تش نور دلقت الميه فوق هدوم احمد
احمد : ايد دا يا نور ينفع كده الترنج اتبل هخرج ازاى دلوئت
نور : احسن عشان تسرح برحتك بعد كده انا ماشيه
احمد : خدي بس يا مجنونه مالك زعلتى ليه بس
نور سابت احمد وطلعت اودتها وزعلانه احمد طلعلها عشان يصالحها
احمد : نور خلاص بقي انا اسف بجد
نور : اسف علي ايه
احمد : عشان بصيت للوليه
نور : وانا مالي ما تتحرق انتا وهيا " ونور يا عيني هتموت عشان بص للوليه " ومتغاظه
احمد : اتحرق كده طب انا ماشي راجع البلد ومش هتشوفي وشي تاني غير علي الدراسه
نور : احسن روح " فى لحظه زعل جامده وعصبيه " كده
احمد : كده طيب شكرا علي الرحله الجميله دى
نور سمعت اوده احمد بتتفتح وطالع بالشنط ونازل من علي السلم
نور جريت ورا ولاقيته بيكلم في التليفون من الريسبشن بيكلم مين
__________________
دا اللى هنعرفه الحلقه الجايه ..........هههههههههههههههههههههه .......سلاموزززززز |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| |
| | |
حريف كورة
:: تريكاوي ناشئ ::
المشاركات : 5
العمر : 33
محل الاقامة : مصر
الوظيفة : طالب
الهوايات : حريف كورة
بتشجع نادي إيه : عشقى الاهلى
لاعبك المفضل : مفيش غيرة ابو تريكة
تاريخ التسجيل : 12/03/2009
التقييم : 0
نقاط : 5723
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-13, 1:16 pm | |
| جمييييييييييييييييييل جدا وفيها تشويق ممتاز على الموضوع بس لو دى فكرتك شكرا على المجهود منتظرين المزيد
لا تسالنى من انا تعالى اتفرج علية (حريف كورة) |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-14, 12:56 am | |
| - حريف كورة كتب:
- جمييييييييييييييييييل جدا وفيها تشويق ممتاز على الموضوع بس لو دى فكرتك شكرا على المجهود منتظرين المزيد
لا تسالنى من انا تعالى اتفرج علية (حريف كورة) شكرا على مرورك يا حريف وانتظر المزيد فى القريب ان شاء الله |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-15, 2:46 pm | |
| الحلقة التاسعة عشر
( احمد ساب نور واقفه في الريسبشن وطلع يحط الشنط وهو بيغير الباب خبط )
احمد : مين اللي بيخبط
الطارق : انا
احمد : ايوه مين يا عني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا محمود ( محمود دا صاحب احمد شافه في المطعم وطلع وراه الاوده عشان يسلم عليه)
احمد : ( فتح الباب لاقا محمود صحبه خاده بالحضن وسلامات وبوس )
محمود : ازيك يا ابو احميد يخربيت عقلك انت ايه يا واد اللي جابك هنا وجاي مع مين
احمد : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت
احمد : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
احمد : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
احمد : ماشي يا مان والف شكر
( احمد ساب محمود ونزل يفطر بقي اخيرا عشان هيفطر مع نور )
احمد : اخيرا يا نور هنفطر
نور : اخيرا انا ميته من الجوع
احمد : لو سمحت الفطار بتاعنا
الجرسون : حاضر يا فندم
احمد : بس بسرعه والنبي عشان ميتين من الجوع
نور : اه بسرعه خالص عشان ممكن ناكل في بعض دلوقتي
احمد : بسرعه يا عم احسن تيجي تاكل فيا
جرسون : حاضر يا فندم
( الجرسون جاب الاكل وكلوا الحمد و لله ونور خدت احمد وتمشوا علي البحر )
نور : انت هتعمل النهارده ايه يا احمد
احمد : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر
نور : عندك حق والله اوك وبليل ننزل نخرج ونشوف البلد
احمد : اوك يا نور
نور : البحر هنا حلو اوي بكره اكيد ننزله سوا
احمد : باذن الله
نور : يلا نرجع بقي
احمد : يلا
احمد ونور طلعوا اودهم
وهنعرف عملوا ايه الحلقة الجاية |
|
| | |
LoOoRa
:: من كبار التريكاويه ::
المشاركات : 2646
العمر : 31
محل الاقامة : EaRtH
الوظيفة : Student
الهوايات : Reading and Designing
بتشجع نادي إيه : Al.Ahly + FC Barcelona
لاعبك المفضل : Fat7y .. Treika .. El.had
تاريخ التسجيل : 15/03/2008
التقييم : 4
نقاط : 6985
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-15, 4:30 pm | |
| بجد بجد روووووووووووووعة .. تسلم ايدك
بس ما تطولش علينا وكملنا الي حصل
..........
لورا |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-17, 10:20 am | |
| - لورا كتب:
بجد بجد روووووووووووووعة .. تسلم ايدك
بس ما تطولش علينا وكملنا الي حصل
..........
لورا
من عنينا لورا وانتظرى المزيد ونورتى يا قمر |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-17, 10:24 am | |
| الحلقه العشرين
( احمد ونور طلعوا يسيتريحوا وهيخرجوا مع بعض بليل ....................... بعد وقت طويل احمد ونور قابلوا بعض بليل كده بعد المغرب وخرجوا مع بعض )
احمد : تصدجي يا نور شوفي احنا بقلنا قد ايه مع بعض وانا مش عارف عنك اي حاجه
نور : وانا بردك تصور بص يا سيدي اتكلم انا ولا تتكلم انتا
احمد : لا اتكلمي انتي وانا بعدين اتكلم ليدز فرست
نور : بص يا سيدي انا اسمي نور عبدالله والدي شغال مدير بنك اوك
والدتي اسمها مش مهم وشغاله في الجامعه
احمد : تصدقي اسم مامتك جامد مش مهم مين اللذيذ الي سماها الاسم ده
نور : هههههههه يخربيت عقلك يا احمد اسمع بقه
احمد : اتفضلي خلاص
نور : وانا عندي اخت واحده اكبر مني ومسافره مع جوزها واعده في البيت لوحدي مع ماما
وبابا وليا اخ صغير كده بس ايه عسل
احمد : ربنا يخليهملك
نور : انا حكيت اهه اتكلم انت شويه
احمد : بصي يا سيتي انا اسمي احمد عمر والدي عمده القريه الي عايشين فيها
والدتي ست بيت طيبه اوي
نور : ربنا يخليهالك
احمد : ربنا يخليكي وانا عندي اخت صغيره كده بس ايه عفريته موووووووووت
نور : ربنا يخليهالك
احمد : بس قوليلي انتي دخلتي الكليه دي كان نفسك فيها ولا عشان مجموعك
نور : لا انا كان نفسي ادخلها عشان والدي يعني كده
احمد : طيب
نور : وانت دخلتها ليه تلاقيك عشان المجموع
احمد : لا والله انا دخلتها عشان كان نفسي اخشها يعني شغلها كتير وفي جميع المجالات
نور : قولي صحيح يا احمد لما تيجي تتجوز ايه مواصفات البنت اللي انت نفسك تتجوزها
احمد : ايه السؤال المحرج ده بس ( بصي يا سيتي )
اولا لازم تكون مؤدبه جدا وجميله وتكون دمها خيف زيك كده ( نور وشها احمر واخضر وبتكلم نفسها دا كل المواصفات دي فيا وسرحت في كلام احمد)
احمد : وانتي يا نور بتحلمي جوزك يكون ازاي نور نووووووووووووووووووووووووووووووووووووور انتي رحتي فين
نور : هه معاك ايوه كنت بتقول ايه
احمد : لا انتي كنتي فين يا بنتي بقولك بتحلمي جوزك يكون ازاي
نور : بص لازم يكون بيحبني مووووووت ويكون طيب وجميل ودمه خفيف
احمد : ( احمد بيضحك مع نور ) تصددقي المواصفات دي فيا يعني انفع ابقي جوزك
نور : ههههههههههههههههههههههههههه يا بن الايه انا نفسي في ايس كريم دا يا احمد
احمد : من عنيا يا نور
( نور واحمد اتمشوا كتير اوي وكلموا اكتر وراحوا المطم بتاع الفندق اتعشوا وطلعوا ناموا )
( تاني يوم الصبح احمد ونور فطروا سوا وراحوا البحر)
احمد : ايه يا نور انتي هتنزلي البحر
نور : طبعا يا ابني هو انا جايه هنا عشان اتفرج عليه
احمد : طيب خالي بالك من نفسك
نور : طيب انا بعرف اعوم خالي بالك انتا من نفسك ( احمد علي فكره بيعوم علي اده )
احمد : الحقوني الحقوني الحقوني يا نووووووووووووووووووور بغرق
نور : ااااااااااااااااااااااااااااحمد
و انتظرو الحلقه الجاااااااااايه |
|
| | |
LoOoRa
:: من كبار التريكاويه ::
المشاركات : 2646
العمر : 31
محل الاقامة : EaRtH
الوظيفة : Student
الهوايات : Reading and Designing
بتشجع نادي إيه : Al.Ahly + FC Barcelona
لاعبك المفضل : Fat7y .. Treika .. El.had
تاريخ التسجيل : 15/03/2008
التقييم : 4
نقاط : 6985
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-17, 10:18 pm | |
| ههههههههههههههههههههههههههههههههههههه
يا خبر الحقوا يا جاعة الراجل بيغرق ....... الحقه بقى يا فرعون وقولنا ايه الي حصل
هههههههههههههه
تسلم ايدك بجد كل حلقة احلى من الي قبليها
............
لورا |
|
| | |
دودي دو
:: تريكاوي محدش قده ::
المشاركات : 1199
العمر : 32
محل الاقامة : بعيدة عن مصر
الوظيفة : طالبة
بتشجع نادي إيه : طبعا الأهلـي
لاعبك المفضل : بــــوتـريـكـة
تاريخ التسجيل : 05/02/2008
التقييم : 4
نقاط : 6723
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-03-22, 4:21 pm | |
| لاء بجد فناااااااااااااااااااااااااااااان يا فرعون بس يا راجل عيب كدة تقطع علينا المسلسل في موقف مهم جدا .. موقف الغرق ..ده مهم جدا يا راجل
طب بس قلنا هيغرق ولا لاء... يلا بقى قووووووووووووووووول
هنستنى .. ماشي .. يلا شد حيلك وقولنا بسرعة |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-04-02, 8:38 pm | |
| اسف جدا على التاخير يا جماعه وادى حلقه مصالحه
الحلقه الواحد والعشرين
( يالهوي انا سايبة احمد دا كله بيغرق ومحدش انقذه دا زمانه ماااااااااااااات لما نشوف حصله ايه)
احمد : يا نوووووووووووووووووور الحقيني الحقيني ( واحمد قاعد يطبش باديه ورجليه وينزل ويطلع يا عيني يا احمد
نور : احمد انا جايه اهه امسك نفسك شويه
( يا عيني نور كانت لسه بتغير هدومها مش لحقت نطط في الميه بهدومها وجت عند احمد لسه بتمسكه احمد فضل يضحك ويعوم ونور يا عيني هتعمله ايه وزعلت منه ومشيت
احمد : خدي يا نور انا كنت بهزر معاكي بجد والله خدي بس مش تزعلي
نور : نور دي حركه تعملها فيا بردك انا قلبي وقع في رجلي اخص عليك يا احمد
احمد : خلاص بقه يا نور المسامح كريم وانتي مش بتزعلي صح
نور : خلاص يا احمد مش حصل حاجه بس مش تعملها تاني
احمد : اوعدك اني مش هعملها تاني اطلعي بقه غيري هدومك عشان مش تخدي برد
والبسي كده اللي علي الحبل وانزلي عشان هعزمك علي غدوه جامده مووووووووت
( نور طلعت غيرت واحمد طلع لبس هو كمان اللي علي الحبل وراحوا فين)
فااااااااااااصل اعلاني ونعوووووووووووووووووووووووووووود
اعلانااااااااااااااااااااااااااااات طويله شويه
( احمد ونور نزله وقابله بعض في الريسبشن )
نور : ايه بقي يا احمد الغدوه الجامده دي
احمد : لا دي مفاجاه هتعرفيها دلوقتي
نور : طيب يلا بسرعه عشان انا هموت من الجوع
احمد : اوك يلا تاكسي
التاكس : where are you go?
احمد : see food ( بعيد عنكوا كده دا اكبر محل سمك في شرم )
نور : وااااااااااااااو ايه المحل التحفه ده يا احمد
احمد : دي حاجه بسيطه كده عشان اعتزرلك علي الموقف اللي حصل الصبح
( نور بتقول في سرها ياريت تعمل الموقف دا كل يوم )
نور : موقف ايه يا احمد مافيش حاجه حصلت دا يدوب كان قلبي هيقف
احمد : بعد الشر عليكي عشان الخضه دي قولت اغديكي اكله جامده موووووووت
الجرسون : اوامرك يا افندم تطلب ايه
احمد : بص يا سيدي عايزين اولا جميع انواع السلطات والمخللات
ثانيا بقي هات جميع انواع السمك اللي عندكوا ظبطنا يعني
ومتنساش الجمبري عشان الفوسفور يعني ظبطنا كده
الجرسون : اي خدمه تانيه يا افندم
احمد : شكرا متنساش اهم حاجه الميه بسرعه
نور : ايه الاكل دا كله يا احمد احنا هنقدر ناكل دا كله
احمد : ان شاء الله انا بقالي يومين مش باكل الاكل بتاع الفندق ده مش بيشبع خالص
احمد : قوليلي صحيح يا نور عقبال ما يعملوا الاكل انتي مش اتقدملك حد للجواز خطوبه
يعني
نور : بيتقدموا والله يا احمد بس انا لسه صغيره مش بفكر في الكلام ده دلوقتي وبعدين انا لسه مش قابلت فارس احلامي يعني لسه شويه
احمد : عملتي خير والله جواز ايه دلوقتي انتي لسه صغيره
نور : وانت مش حاطط عينك علي حد
احمد : حاطط عيني علي الطفايه دي
نور : ههه يخربيت عقلك بجد والله
احمد : لسه والله يا نور مش قابلت الانسانه اللي بحلم بيها بس يعني في احتمال اني لاقتها
نور : وشها احمر واخضر وضرب الوان طيب ما تقولي مين دي ؟
احمد : لا لسه شويه في الوقت المناسب هقولك
الجرسون : الاكل يا افندم
( احمد ونور اكلوا بالهنا والشفا وشربوا بيبسى واتمشوا لغايه بليل ولفوا البلد
وفضلوا يتكلموا كتير اوي مش عارفة بيتكلموا في ايه المهم الاتنين روحوا وناموا
تاني يوم بقه صحيوا ونزلوا فطروا وراحوا البحر )
احمد : صباح الخير يا نور
نور : صباح الخير يا احمد عامل ايه
احمد : المشي بتاع امبارح ده بوظلي رجلي المهم انتي هتنزلي البحر
نور : اه بس اوعي تعمل حركه امبارح
احمد : لا خلاص عيب مش هعملها تاني
( احمد ونور نزلوا البحر وبيعوموا فاحمد وقف شويه ونور دخلت جوه من كتر الارهاق جالها شد عضل فكانت هتغرق
اعدت تنده علي احمد واحمد منفضلها
وكانت هتغرق عايزين تعرفوا هيحصل ايه
؟؟؟؟؟؟؟؟؟؟؟؟؟؟؟؟؟؟؟؟
أنتظرونا الحلقه القادمه |
|
| | |
LoOoRa
:: من كبار التريكاويه ::
المشاركات : 2646
العمر : 31
محل الاقامة : EaRtH
الوظيفة : Student
الهوايات : Reading and Designing
بتشجع نادي إيه : Al.Ahly + FC Barcelona
لاعبك المفضل : Fat7y .. Treika .. El.had
تاريخ التسجيل : 15/03/2008
التقييم : 4
نقاط : 6985
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-04-02, 11:34 pm | |
| لالالالالالالالالالالالالالالالالالالالالالالالالالالا
ما ينفعش نستنى الحلقة الجاية
please كمل بقا لو سمحت
يا حرام حد يلحق نور
مرسي على الحلقة
ومطولش علينا بقا
.............
لورا |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-04-07, 10:31 pm | |
| الحلقة الثانيه والعشرين معلش عارف انى بتاخر بس والله غصب عنى ارجو المعذرة
وكانت نور هتغرق
بس الحمد لله ربنا ستر
وكانت زعلانه من احمد اووووووى
بس اقعد احمد وقالها كان فاكرها بتهزر.....................
بعد كده نور واحمد اتمشوا كتير اوى واتكلموا اكتر وراحوا المطم بتاع الفندق اتعشوا وطلعوا ناموا
عشان يسافروا تانى يوم زى ما اتفقوا
وفى خلال حوارهم ده كان فى حوار تانى داير فى بيت احمد فى البلد
تعالوا نشوف ايه اللى كان حاصل
ابو احمد : الواد يا حاجه ولا بيسال فينا لحسن يكون جراله حاجه
ام احمد : انا عارفه الواد زى ما يكون فى حاجه شغلته عنا جامد ونسى نفسه يا خويا
ابو احمد : احنا لازم نتصل بيه
ام احمد : بس هنتصل بيه ازاى بس
ابو احمد : هو مش سايب معاكى رقم الشجه اللي ساكن جصادها
ام احمد : اه والله ده سايبها معايا استنى اخش اجيبها
ابو احمد : هاتى ااما نتصل بيه نشوفه فين ونطمن عليه
الحاج : شجه الست عطيات
ماتخدوش فى بالكوا عطيات دي الوليه الي ساكنه فى الشقه الي ادام احمد
عطيات : عطيات مين يا ابن المضايقة ؟؟؟
انت مالكش فى الفن كل اللى اسمهم عطيات بيتنادوا
فيفى
فيفى عبده
وضحكت ضحكة جامدة اوى
الحاج : اتلمى يا ولية احسن ابندقك عيارين مش دى الشجة بتاعة ابنى احمد
عطيات : احمد مين
الحاج : احمد ابنى اللى فى الكلية
عطيات : ااااااااه قصدك حمادة ميدو مودى .. يانهار مدحوس .. هوانت الحاج ابوه .العمده .. وانا اقلك يابن المضايقة
العفو والسماح ياسيد الناس
الحاج : حمادة مضمضة مين يا ولية .. فين ابنى اللى قاعد عندك. ابنى احمد
عطيات : يالهوى عندى فين يا حاج مش عيب دا انا لوحدى واخاف على سمعتى
الحاج : يا ست الشريفه مش جصدى انا جصدى تناديه من شجته هو مش ساكن قصادك برضك
عطيات : ايوه يا خويا ساكن قصادى بس هو مش هنا الندل
الحاج :امال هو فين يا ست
عطيات : لا يا اخويا دا مسافر شرم الشيخ ولسه ما جاش
الحاج : يالهوى كفر الشيخ يعمل ايه هناك
عطيات : يا حاج شرم . شرم الشيخ بتاعت الاجانب والسياح ده مصيف يعنى
الحاج : زى جمصه كده
عطيات : ايوه زى جمصه كده .. بس شرم دى بتاعت الناس الهاى اوى والاجانب
الحاج : ايوه ايوه يا عيب الشوم بتاعت البنات اللى مش لابسين هدوم
عطيات : ايوه يا حج شوفت وواخد معاه واحده صاحبته هي اللي هتبوظه يا حاج
عطيات مفروسه من نور عشان احمد مهتم بيها ومنفضلها
وبعدين بيتعامل معايا بأسلوب وحش اوى يا عمدة
الحاج :معلش يا ست مش وقته
عطيات : يرضيك ياعمدة
الحج : لالا لالا لآ
عطيات : عشان ابن عمدة ؟
الحاج : لالا لالا لأ
عطيات : يعمل كده .. كده كده فيا
الحاج :ومين الواحدة اللى سافر معاها دى
عطيات : واحده زميلته في الجامعه هتبوظه
الحاج :اممممم متشكرين يا ست عطيات لما ييجى ابجى شيعلنا تليفون عشان اجيله
عطيات : حاضر يا عمدة
الحاج ابو احمد بيضرب كف على كف وبيكلم في نفسه وعطيات ضربت مهموز فى احمد جامد اوى
ابووه : شوفتى يا وليه الواد تريبتك الناجصه سايب دراسته وعمال يتسرمح في شرم الشيخ مع البنات الى لبسه هدوم مجطعه
امه : يا حاج محمد هوه احمد صغير اكيد بس بيغير جووو زى زمايله وانت عارف ان الطلبه بتغير من بعضيها
ابووه : مكان جه غير جو فى الترعه حدانا او في المصرف الى في اخر البلد
امه : هتلاجيه نسى ياحاج
ابووه : دانا لما ييجى هشوف شغلى معااه علشان ميعملشى كده تانى
امه : ربنا يجيبوا بالسلامة بس وبعد اكده ابجى اقطع رجبته
ابووه : يا وليه انا خايف عليه
امه : مانى عارفه يا حاج ربنا يخليهولك يارب
ابوه : اومى ياولية بجى اغرفى الغدى علشان هموت من الجوع
امه : عنيا يا ابو محمد
ابووه : تسلم عنيكى يا غالية
وقامت ام الواد تحضر الغدا لجوزها والراجل بيقول
ياترى يابنى عامل ايه مع الحريم اللى لابسه من غير هدوم فى شرم الشيخ
جتنا نيله فى حظنا الهباب قاعد فى وش الوليه دى ليل ونهار مش عارف اشوف غيرها
الواد ده مكنش جال كنت روحت معاه اتفرجتلى يومين ولا حاجه
لا والمصيبه الاكبر جارته يالهوى علي ضحكتها مسخرررة بجد يعنى
يارتنى كنت انا الى ساكن عندها |
|
| | |
LoOoRa
:: من كبار التريكاويه ::
المشاركات : 2646
العمر : 31
محل الاقامة : EaRtH
الوظيفة : Student
الهوايات : Reading and Designing
بتشجع نادي إيه : Al.Ahly + FC Barcelona
لاعبك المفضل : Fat7y .. Treika .. El.had
تاريخ التسجيل : 15/03/2008
التقييم : 4
نقاط : 6985
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-04-07, 10:56 pm | |
| ههههههههههههههههههههههههههههه
يا خبر على ابوه .. هو انت قولتلي عنده قد ايه ؟؟
تسلم ايدك .. بجد كل حلقة احلى من الي قبلها
ومستنين التكملة
..............
لورا |
|
| | |
ahmed9trika
:: تريكاوي 100 100 ::
المشاركات : 868
العمر : 29
محل الاقامة : EGYPT
الوظيفة : STUDENT
الهوايات : FOOTBALL
بتشجع نادي إيه : ALAHLEY
لاعبك المفضل : TRIKA , MET3B ,
تاريخ التسجيل : 29/08/2008
التقييم : 3
نقاط : 6835
::: : 
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-04-07, 11:08 pm | |
| مشكوووووووووووووووووور
علي التوبيك
الرووووووووووووعة
ده |
|
| | |
الفرعون العاشق
:: تريكاوي 100 100 ::
المشاركات : 625
تاريخ التسجيل : 30/01/2009
التقييم : 2
نقاط : 5792
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-04-13, 8:14 pm | |
| الحلقه الثالثه والعشرون 
احمد: نور هو احنا هنرجع امتى
نور: مش دلوقتى يا احمد لسه هنشترى حاجات ونرجع دا احنا في شرم
احمد: يعنى ايه في شرم سوق الازبكية يعنى ولا ايه
نور: هههههههههه عسل والله
احمد: طيب تخدى شوية ههههههه مش تزعلى بجا انا باضحك معاكى ومتجفليش معايا امال ...ماشي يا كتكوتة على رأي حماصة اللمبي
نور: حماصة ههههههههه اسمه محمد سعد
احمد:ليه هو ابن سعد زغلول ولد عم الام صفية ولا ايه
نور :خلاص يا احمد قفل ع الموضوع دا بقا
احمد:طيب احنا هنعمل ايه دلووووقت
نور:هنروح للكافيتريا نشرب كابتشينو او نسكافيه ونرجع تانى
احمد: نشرب ايه ...لللللللللللللللللللع انا مليش في الصنف دا مكنش الشاى اللى في الكوز الكبير دا يا بلاااااااااااش
نور: كوز ايه بس اسمها شووووب
احمد: وانا مالى بجااااا بالشوب والكلام اللى انتى بتحددى فيه دا
نور:ثوانى يا احمد مروة صحبتى هناك اهى اسلم عليها ومعاها مودى
احمد: ومين مودى دا ابن العمده حدااااهم ولا ايه
نور: ازيك يا مروة وازيك يا مودى
مروة : ازيكم عاملين ايه وحشانى يا نور والله ..مش تعرفينا ؟
احمد: انا احمد معاها في الكلية
مودى: يا اهلا يا صحبي ايه الروشنة الجامدة اللى فيك دا ..جامد والله
احمد: خلاص يا خفيف عين امه انت
نور: هههههههه أحمد دمه خفيف اوى يا جماعه
احمد: وانتى فرحانه وانتى بتجوليها كده ليه
مروة : طيب معلش هنستأذنكم عشان نحضر الحاجات قبل منشي بقا
أحمد: طيب بسرعه لا الجطر يفوتك
نور: ياله نشترى شوية حاجات بقا
أحمد: ماشي انا هشترى ل بوووى جلباية وامى تييييشت تعجن فيه
نور: ايه تيشت ومش تيشت ...يا احمد دى بلد سياحية فيها سياح ومش هتلاقي الكلام دا
أحمد: طيب اشترلهم ايه يعنى
نور: يعنى تشترى ليك نظارة شمس وشنطة كروس واحد وكده يعنى يا حماده
أحمد: حماده انا مبدلعشي يا نوووور عيب قوووليلي ميدو احسن ههههه
..ماشي وهنشترى دول منين بجاااا مفيش سوق هنا ولا ايه انا شايف حمير ياما معديه من هنا هوووو
نور: لا مفيش سوق واسكت بقا عقبال منشوف هنشترى ايه
أحمد: طيب انا همشي شوية اشوف اللبس والنضارة والكلام دا ..ماشي يا بت ولا اييييييييه
نور: طيب استنانى هنا ماشي يا جميل
أحمد: حماده وجميل ..شكل امى صلت الفجر حاضر النهاردة
نور: هههههههههههههه
اخينا احمد بقا وهو ماشي لقي واحد بيعلم ابنه السباحه جه احمد قايله
أحمد: بص انت تحدفه في الميه يردلك تانى علي طووول ويبقا هو كده تمام جووووووى
الراجل : thnx man..im realy thank u
أحمد: هو ايه هو فاهمنى ولا ايه الراجل دااااا وانا مالى بالراجل هي فين نوور بجاااااااا
احمد:يا نووووووووووووووووووور يا نووووووووووووووووور
نور: بص يا احمد انا اشتريت حاجات حلوة ازاى
أحمد: ايه القصير دا عيب يابت الكلام دا بتلبسي بنطلون مجطووووووووع ولا ايه
نور: دا برمووود يا احمد
أحمد: ايه برمود دا مكنش المثلث بتاع برمودا ولا ايه
نور: يللا بقا عشان اشتريلك شوية حاجات ونرجع وعشان تروح تعمل نيولوك عند الحلاق بتاع ميدو ونروشنك شوي
ة
أحمد: ماشي يا جمووووورة انتى
نور: ايه رايك في التي شيرت دا والبرمود دا والكوتشي الصابوووه دا هيبقا طقم عليك تحفه
أحمد: ايه طجم دا هو طجم اسنان ولا ايه ... ماشي حلو الكلام يا نور متشكر يا نوور
وخلاص واحمد بيودع شرم وبيقول جايلك السنة الجاية ان شاء الله مش تتغيري بقا او تللعبي وركبوا الاتوبيس وراجعين
ونكمل الحلقة الجاية |
|
| | |
دودي دو
:: تريكاوي محدش قده ::
المشاركات : 1199
العمر : 32
محل الاقامة : بعيدة عن مصر
الوظيفة : طالبة
بتشجع نادي إيه : طبعا الأهلـي
لاعبك المفضل : بــــوتـريـكـة
تاريخ التسجيل : 05/02/2008
التقييم : 4
نقاط : 6723
::: :
| | موضوع: رد: يوميات .. شاب صعيدى .. يحب بنت ستايل .. متجدد يوميا !! 2009-04-13, 8:40 pm | |
| ماشي يا جمووووورة انتى
ههههههههههههههه
تحفه يا فرعون ياعاشق
بجد روعة النهاردة وتضحك كمان أوي
تسلم ايديك بجد |
|
| | |
| | يوميات .. شاب صعيدى .. يحب بنت ستايل .. متجدد يوميا !! |   |
|
