ياريتك موت قبل ماشوفتك

موضوع: ياريتك موت قبل ماشوفتك 2009-02-10, 3:45 am

الله يخرب بيتك يا
محمد
مكنتش ناقصاك خالص ...مكنتش طالبه اشوفك
..يا ريتك موت يا أخى قبل م أكعبل فيك تانى

أبتدى منين ؟؟ من شهرين ولا من خمس سنين كدا
؟؟؟

انا بقول بقول مادام هنحكى يبقى نجيب من أول
الحكايه

من خمس سنين كدا قابلت محمد ...عادى يعنى زى

اى اتنين ما بيتقابلوا ..هوا صاحب ناس اصحابى قعدنا مع بعض عزمت عليه بسيجاره ..ولع

..ردهالى ..خلاص بقينا أصحاب........قعدنا مع بعض على قهاوى ياما و اتكلمنا ياما

...اندمجنا يعنى و حكالى و حكتلو و بقينا فله مع بعض ..مكنش بينزل من غيرى ..و

مكنتش بنزل من غير م أكلمه بدليل انى لسه صامم رقم موبايله..غبنا عن بعض أيام الميد
تيرم .

.رجعت بسأل محمد فين ...محمد إلتزم ...ألتزم ألتزم طب هوا فين ؟ مبيخرجش معانا
لييه ؟؟

..اصله مستحرم قعده القهاوى ( مع ملاحظه ان محمد كان بيتنفس

سجاير و شيشه و قهوه)....اكلمه موبايله مقفول ..واللى فهمتو ان اللى شده لسكه

التدين كان محرج عليه يبعد عننا عشان يثبت فى
الدين

...ماحنا بقينا أصحاب سوء بقى..طيب تمام

ربنا يوفقه ..يا رب يثبت على السكه اللى هوا فيها

من بعيد لبعيد كنت دايما بسأل عليه و عمل

ايه فى الأمتحانات و واحشنى قعدته والله وكلام من دا....قابلته كام مره صدفه ..يا

نهار ابيض سبحان مغير الأحوال ..محمد لابس جلابيه تحت الركبه و تحتها

بنطلون و دقنه طول الكف ..و الأظرف انه لابس عمه و رابطها فوق راسه ..طيب تمام
..

-ايه أخبارك ياد و بكلمك و مش بلاقيك
..انت مبتكلمنيش ليه يا معفن ؟

-
معلش يا أخ أحمد والله ( أخ ؟؟ ..طيب ماشى )..أصلى مشغول شويه

- مشغول فى ايه يا مهم
؟
انتا فاهم بقى الأ متحانات و المذاكره
- مذاكره ايه بس يا ابو
رياض
؟؟ (اللى هوا محمد )

-
اصلى بذاكر فقه و شريعه ( ما شااااء الله ) ..و كمان اكمنى االى بأذن فى
الجامع فا مبعرفش أخرج كتير

و - طيب يا عم ..حن عليا و كلمنى اسأل عليا بين
المغرب
العشا

- معلش يا ابو حميد والله اصلى بحفظ الأطفال
قرأن فى الزاويه

- ما شاااااااااء الله

سلام سلام ..مشيت وانا فرحانله قوى و بقول

انا نفسى اركزو اعقل كدا و لما اكبر ابقى زيه ..وان كان عازز عليا انه

مكنش بيسأل

: ياريتنى ما
قابلتك

من شهرين كدا
...

نازل من بيتنا مش ورايا حاجه و مش خارج مع

العيال انهردا..نازل بس اعمل مشوار ..ماشى فى امان الله و كالعاده مش باصص للوشوش

اللى قدامى ...و باصص على العربيات او على الأرض ...ببص لقيت خيال قدامى على

الأرض (( ايه ام الرخامه دى ؟؟..الجحش دا سايب الرصيف طويل عريض

و نازل يمشى جنب العربيات ؟.. ومش طالبه معاه غير انه ييجى يقف فى سكتى

؟؟))....خدت خطوتين ناحيه العربيات (( عدينى بعد أذنك ))

(( لأ مش معديك يا عم ))...قمت رفعت راسى اشوف البيه
عايز ايه ..لقيته فى وشى ...محمد

-
ههههه ...ازيك ياد يا
رضا
( وانا الى بدلعو و اقوله يا ابو رياض )( و خلى بالك برضه انا دا هوا هوا محمد
)

الحمد لله يا حبى ..واحشنى
والله

بس كان فيه حاجه غريبه فى شكله ...محمد مكنش

بدقنه ...محمد مكنش لابس الجلابيه المقصوص نصها ..السواك و المصحف مكنوش طالعين من
جيبه الفوقانى

محمد كان زيه زى باقى الناس

لابس بنطلون جينز و حالق دقنه ..طيب تمام..اعديها

ايه انتا رايح فين كدا يا ابو حميد
؟؟

مفيش والله يا رضا ..انا رايح
مشوار جنب القهوه و مروح

-
يا عم متمثلش ...قول انك رايح القهوه
..متتحرجش منى مش هوجع دماغك و أقوللك حرام و مش حرام ...

لأ و الله يا رضا .انا فعلا مش
رايح هناك ..دا حتى العيال مش هناك..

ااه منا عارف انهم مش هناك..منا كنت لسه هناك
و مشفتهومش..

( كنت لسه هناك
؟.؟..ماشى )

-
و بعدين انا بنزل القهوه بقالى
اسبوع مبشوفكش هناك ليه
؟؟

( بينزل هناك !!!!!
)

أصلى معنتش بنزلها كتير و الله يا ابو
رياض<

طيب انتا رايح فين
دلوقتى

منا قولتلك رايح مشوار و
مروح

لأ تعالا نروح مشوارك و بعدين نروح القهوه
...واحشنى والله يا حجو

..............

واحد شاى خمسينه و قهوه ساده و شيشتين معسل يا
عوض

>-
لأ يا عوض شيشه واحده بس ..بطلطتها يا ابو
رياض..صدرى بقى بيطقطق

-
هههه ..والله زمان يا حجو ( االى هوا انا
)...شوف انا لسه فاكر انك بتشرب الشاى فى الخمسينه ازاى !

اشطه يا ابو رياض...فين ايام القهوه الساده و
السيجاره الميريت اللى بتتشرب لحد الفلتر.!..هههه

شاى و قهوه و شويه كلام و واحشنى والله
...وفين العيال معنتش بشوفهم !...و شويه كلام ماركه فاكر لما عملنا ايه و مين سوا
ايه................وندخل فى المهم

-
إلا قولى يا ابو رياض...انتا حلقت دقنك ليه
؟

عادى يعنى تغير

هيهيهيه

خد سيجاره ميريت عشان تنضف
الهيد

هيهيهيه ..شكرا يا ابو رياض بقالى زماااان
مشربتش حاجه بفلتر أصفر و مش عايز احنلها

هههههه ...فين أيام ما كنت بتشرب ابيض يا حجو
؟؟و تشتغلنى لما اشترى أحمر و تقولى ناقصك عربيه ة تبقى تاكسجى
بجد

اححححححححححححححححو ..ولا انتا مش كنت مبطل
سجاير و شيشه ؟؟؟؟؟( فييييييين على ماخدت بالى انه بيشرب
تانى )

يا عم عادى بقى ..محدش واخد منها حاجه ...وانا
يعنى هتكون نفسى فى حاجه و معملهاش ؟؟؟

(( محدش واخد
منها حاجه !!!! )

ولا انتا حلقت دقنك ليه ياد
؟

-
انتا رأيك ايه ؟

شكلك اتاخدت فى القسم و اتروقت

-
لأوالله

يا عم عادى ..قولى ..بس اوعو يكونو ظبطوك زى
طه الشاذلى ....ههههههه

-
عادى والله ...تغيير
بس

ساعه و ساعتين و القهوه فضيت ..محمد
شكله فيه حاجه غريبه...بيكلم عادى و بيشتم عادى ..وانا اعرف ان
اللى حلق دقنه بيفضل على تفكيره بس بيحلقها على ما العين تخف
عليه

-الا قولى يا حجو ...كدا أحسن ولا
الأول
؟

- احسن ازاى يا رضا

-اعيش حياتى كدا و أعمل اللى انا عايزه
؟؟؟ ..ولا كنت أفضل مكبوت و مبشوفش حد ..و مبخرجش ومبشوفش
أصحابى و مبتفرجش على تيليفزيون و مع نفسى كدا ؟

-
منتا اللى كنت قافل على نفسك يا بنى

-ماهو دا اللى كان الصح ... منا لما أخرج
معاكو وانا ملتزم وحتى لو خرجنا اتمشينا و مرحتوش القهوه عشانى ..كنا هنخرج و نمشى
و نشوف بنات فى الشارع و هسمع منكو كلام مينفعش يتقال قدامى
...

- طيب سيبك مننا ..مكنتش بتحاول تشوف تيليفزيون
ليه مثلا عشان مبيقاش كل وقتك عباده ليه

- يا عم دا كله
بلاوى
-وانا يعنى قلتلك اتفرج على ميلودى ؟..قدامك اى
برنامج فيه حوارات اتفرج عليه ..نشره الأخبار ..اى حاجه

-مكنش ينفع ..انتا عندك منى الشاذلى دى
....بتكلم بجد و كل حاجه..بس شعرها مكشوف و بتضحك و هيا اصلا حلوه ..وانا مكنتش
عايز اى حاجه مثيره..مكنتش عايز أضعف

( يلعن شكلك يعنى احنا بالنسبه لينا هيفا و
نونا و توتا و الأشكال دى معدتش بتهزنا ..وانتا بروح أمك هتضيع لو شفت التمثال منى
الشاذلى بيضحك!!!!! )

-امال حلقت دقنك ليه با رضا
؟؟

- منا قلتلك تغير يا ابو
حميد

-تغير شكل ولا تغير مواقف يا ابو
رياض
؟؟
-من دا على دا

-ازاى يعنى ان شاء الله
؟؟؟
-عادى يعنى انا زهقت و عايز اشم نفسى
شويه

-طيب ما فيه ناس برضه ملتزمه و مربيه دقنها
سبانش كدا و عايشين برده

(( محمد مش عارف يرد ..شكله جواه كلام و مش
عايز يقوله ..او خايف ...اصل مفيش حاجه بينا اسمها يخبى عليا
))

- قول يا ابو رياض و متخفش

-بس اوعدنى والنبى الكلام دا ميتقلش لحد عشان
مش عايز وجع دماغ

-متترسمش ياد ...منتا عارفنى باخد على
صدرى

( لحد هنا ياللى بتقرا الكلام دا
لو انتا إيمانك ضعيف او لسه متذبذب ...بجد والله ياريت متكملش قرايه ....اعتبر اللى
فات دا قصه قصيره و تهييس و اقفل الصفحه دى بجد )

موضوع: رد: ياريتك موت قبل ماشوفتك 2009-02-10, 3:46 am

->-
بص يا احمد انا مخنوق و عايز حد اتكلم
معاه<

<
متمسلش بقى ..منا قدامك
اهو

<
من الأخر كدا انا
اتغيرت

اه منا واخد بالى

و تفكيرى اتغير
شويه

<>-
طيب تمام ..ايه المشكله فى كدا
؟

مش عارف ...انا مش لاقى حد يفكر زى
؟

<
ازاى يا عبقرى ؟

>-
افهمك ....انا زمان قعدت افكر انا
اللى بعمله دا فايدته ايه ؟؟؟ كل حاجه بعملها غلط بس مش ممتعه

>-
ها ؟

-
فقررت انى اتدين

-
احلى حاجه

>-
بس ..اتدينت و التزمت والباقى انتا عارفه و
بطلت سجاير و اتغيرت من جوايا

ميه ميه

بس حصلتلى حاجه خلتنى مش قادر
اكمل

>-
عادى يا رضا كلنا بنغلط ..كنت استغفر ربنا و
كمل فى طريقك<

-->-
اصل الحاجه دى خلتنى حاسس انى بضحك على
نفسى

(( لحد هنا ابعد حاجه
خيالى خدنى ليها ..انه شرب سيجاره وهوا بدقنه مثلا او انه يعنى يوم م
يفجر يعنى ممكن يكون غلط مع واحده ))

>-
-شربت سجاير و حسيت انك ضعيف قدامها
؟

-
-لأ

>-
-نمت مع واحده
؟

>-
-لأ ...ياريت

((ياريت
!!!))

كلام فى كلام فى كلام فى كلام ...مش
فاكره

بس فاكر حاجه واحده
بس

محمد ألحد

ايوه ألحد

محمد اللى كان بيدرس سنه و شريعه
فقه..ألحد

محمد اللى كان بيأذن فى الصلاه
...ألحد

محمد اللى كان بيحفظ العيال قرأت
..ألحد

و برده كلام فى كلام فى كلام

عملتله فيها مصطفى محمود ...عملى فيها كارل
ماركس

حاولت أكلمه بالسنه و القرأن ...منفعش
....ولا انا خبير فيهم...ولا هوا هيقتنع ...اذا كان هوا أصلا
دارسهم

حوالى ست ساعات بنكلم و بنلعب مع بعض
(حاورينى يا تيتا )

اجيله من هنا ..يجيلى من هنا

كلام كلام كلام ..كلام مينفعش
اكتبه عشان
محدش يتهز ...مش عايز حد يفكر كتير

عارف ليه مش عايز حد يفكر كتير
؟

عشان مش عايز حد
يتهز

مش عايز حد
يلقلق

عارف ليه مش عايز حديفكر
؟

عشان محدش
يتهز

انا
اتهزيت

انا كنت ماشى
بالعافيه

دلوقتى بفكر
كتير

انا كنت بقول الواحد لما يكبر و يعقل هيلتزم
و هيحترم نفسه

كنت حاسس انى هغلط و أغلط لحد ما ربنا
يهدينى

يبعتلى حد ينور سكتى ..وياخد
بإيدى

بس انها توصل انى أفكر موجود ولا مش
موجود

دا اللى مكنتش عايز اوصله
ابدا

محمد ..ألحد ...او بقى لا دينى ..او لا
إلهى

هو حر

هو اختار
سكته

هو قال مش
موجود

هو اقتنع بنظريه الأرنب ابو تالات رجلين
اللى احنا مش شايفينه ...

هو قال إثبت..وانا أصغر من ان انا
أثبت

اللى هاممنى انا

ياترى هفضل لحد امتى أفكر

مش قادر أقول لحد امتى هبقى مهزوز
؟

كان زمان كل همى انا احاول بس
أصلى

دلوقتى همى انى أأمن
بس

فعلا اكتشفت ان قبل الإسلام ...لازم
يكون فيه إيمان أصلا

انا لو مت دلوقتى وانا بحط البوست دا هتحسب
تبع مين ؟

مسلم ؟

ولا مسلم عمله ناقص
؟

ولا و العياذ بالله........
؟

يا ترى هتحاسب على تفكيرى
؟

هتحاسب انى عايز أقتنع
؟

أشهد ان لا إله الا انت ..وأشهد أن سيدنا
محمدا عبدك و رسولك

بس برده عايز اقولها وهيا جايه من جوه قلبى

ثبتنى يا رب

موضوع: رد: ياريتك موت قبل ماشوفتك 2009-02-10, 6:05 am

تسلم يا اياد
التوبيك راااااااااائع جدااااا
تسلم ايدك

موضوع: رد: ياريتك موت قبل ماشوفتك 2009-02-10, 8:41 am

اياد فعلا دة حصل معاك بجد
انا اعرف ناس بتلتزم وترجع تانى
بس مش لدرجة الالحاد يعنى
دى حاجة فظيعة بصراحة
ربنا يثبتنا يارب
وشكرا يااياد

موضوع: رد: ياريتك موت قبل ماشوفتك 2009-02-10, 5:49 pm

نورتى يادعاء وايات التوبيك

اه ياايات حصلت بجد

بس مش معايا

مع صاحب صاحبى

بس للاسف كنت حاضر اغلب المشاهد

وع رايك ياايات فى اللى بيلتزموااا ويرجعوا تانى

بس مش عارف ده ايه الى حصله

ثبتنا يارب

موضوع: رد: ياريتك موت قبل ماشوفتك 2009-02-10, 6:00 pm

تسلم يا اياد
على التوبيك راااااااااائع جدااااا
تسلم ايدك

موضوع: رد: ياريتك موت قبل ماشوفتك 2009-02-10, 6:22 pm

تسلم ياياد على التوبيك الجميييييييييييييييييييييييييييل