تريكه والكاف وشبهات دائمه

موضوع: تريكه والكاف وشبهات دائمه 2009-02-11, 1:29 am

تذكير بمساهمة فاتح الموضوع :

تريكه والكاف وشبهات دائمه - صفحة 2 746579

كتب:اسامه الفداوي

السلام عليكم...
وكما توقعنا تدخلت الشبهات لتحيط بعمليه اختيار افضل لاعب افريقي
وكما توقعنا وكانت المقدمات تقول ذلك..بدايه من اعتذار اديبايور..ثم تراجعه وحضوره الحفل بعد تهديد صريح ومباشر من رجالات الكاف بسحب الجائزه في حال عدم حضوره...
وترضيه ابو تريكه بلقب احسن لاعب داخل القاره(وهي الجائزه المستحدثه والمشبوهه))وهو يستحق بالفعل داخل وخارج..وهذا ليس من عندياتنا...
ولكنها الانجازات المحليه والافريقيه والدوليه هي التي تتحدث...
ايسيان غائب للاصابه منذ اشهر
واديبايور لم يفعل سوي حلوله ثانيا الموسم الفائت علي لائحه هدافي البريمو لييج..وهذا العام لم يفعل اي شئ لا دولي ولا محلي ولا حتي في الدوري الانجليزي..اما عن تريكه فلن اضيف جديدا.ولن ازيد عن الواقع كلمه واحده..ساهم بفاعليه في فوز المنتخب المصري بكاس افريقيا 2008 وكان صاحب هدف التتويج...وصل مع المنتخب للمرحله الثانيه في التصفيات الافريقيه المؤهله لكأس العالم..
احرز مع الاهلي لقب دوري الابطال..
ووصل معه لكأس العالم للانديه ابطال القارات...وحصد محليا الدوري المصري
والسوبر المصري..وجاءت كل الاستفتاءات الجماهيريه من كل ناحيه من ارجاء المعموره لتعلن فوزه باللقب بأكتساح متفوقا علي كل اقرانه.. ومنها البي بي سي
وجريده السوبر الاماراتيه..وحتي الاتحاد الدولي للتاريخ والاحصاء..
وكذا جريده الهداف الجزائريه والمنتخب المغربيه وحتي موقعنا سوبر كوره وكل المواقع الاخري....
وطلبنا ان يتسم الاستفتاء بالشفافيه
المطلقه واعلان التصويتات ولكن لا حياه لمن تنادي وفعلها الكاف كعادته...ولا ولن انسي طيله حياتي تلميحات جوزيف بلاتر لحياتو عندما قال له اليس في افريقيا سوي الاهلي
وكان الكاف عند حسن ظن بلاتر وحرم الاهلي بواسطه العار_جون من لقب كان بين قوسين او ادني من حصول الاهلي عليه..وسبق العار_جون الحكم الكاميروني(بلديات عيسي حياتو)في مباراه الذهاب بحرمان الاهلي من ضربه جزاء فاضحه وواضحه للعيان والادهي هو حرمان بركات من اللعب في مباراه الاياب والتي كانت سبه في جبين الكاف..
ولكن هذا العام اختلف الامر ولم يستطع هذا الكاف المشبوه حرمان الاهلي رغم محاولاته من البدايه بوضع حكام ليسوا فوق مستوي الشبهات ثم التلاعب في المجموعات بوضع الاهلي في مجموعه ناريه..
وعندما ارادوا احراج الحكم الجزائري جمال حيمودي كان اذكي منهم وقاد المباراه النهائيه بضمير يحسد عليه...
هذا هو الكاف المشبوه يا ساده..
هذا هو الكاف صاحب التوجهات..
لا اقول هذا الكلام من غضبي لعدم حصد ابو تريكه للقب هو احق به..
لانني توقعتها هنا في السوبر..
وتمنيت لو اتسمت اختيارات الكاف بالشفافيه ...ولم يحدث....
والا فليقل لي احدكم سبب ذهاب وفد ارسنالاوي الي لاجوس بصحبته...
اليس هذا اما اطمئنان او وسيله ضغط من محترفين بالفعل.....
الاهلي احسن فريق لا جدال
المنتخب المصري افضل منتخب شئ مؤكد
شحاته(ورغم التحفظ)احسن هيد كوتش فهو يستحقها..
ابو تريكه احسن لاعب داخل القاره
اقول(ملعوبه)....
اديبايور احسن لاعب افريقي علي الاطلاق..باماره اييييييييييييييييه.
الجمهور النيجيري احسن جمهور..مين اللي قالكم كده..انتم بتهلفطوا..

كل ما سبق خواطر نازعتني..
ولكن ما احزنني تعليقات بعض مشجعي الانديه الاخري والتي وصلت لمرحله سب الدين وشتم الاباء والامهات باقذع السباب..والتعرض لتريكه بالسخريه والتهكم..ليؤكدوا شيئا واحدا..
انهم عجزوا عن الوصول للفرحه..
عجزوا عن تحقيق انجازات الزعيم رغم انفهم ...فلم يجدوا سوي التقليل من كل فوز للاهلي والتحقير من كل انجاز
والشماته عند الكبوات...
ولكن اكثر ما اضحكني ان تريكه الحاصل علي لقب افضل لاعب داخل القاره يقال عليه (انا مبسوط وفرحان فيه دلوقتي راجع قفاه يقمر عيش)
هذا رغم فوزه ولو بالفتات..
فما الحال لوعاد دون اي جائزه..
ولمن لا يصدق.. فعليه بالدخول الي المواقع الاخري ليري الشماته والفرحه الغير مسبوقه في تريكه هداف لقاءات القمه وصاحب ال9 اهداف في 5مواسم...
عندكم يلا كوره..وفيلجول بتاعه خالد
وغيره الكثير...
واخيرا..ابو تريكه كان السبب(او علي الاقل مشاركا) في الاربعه جوائز التي حصدتها مصر..شحاته فاز بافضل مدرب لانه فاز مع المنتخب بكاس الامم
والتي كانت لتريكه فيها دورا كبيرا
منتخب مصر فاز بافضل منتخب لنفس سبب فوز شحاته...
الاهلي فاز بافضل فريق افريقي والسبب معلوم ودور تريكه فيه معلوم ايضا..وجائزته الشخصيه التي حصدها بتوفيق الله وبجهده فقط رغم الشبهات

وارجو الا يخرج من يقول ان هؤلاء قله
وان كيت وكيت وكذا
فقد مللنا هذا الكلام
فقد قل عدد المحترمين حتي قارب علي الاندثار...
عفوا لطول التعليق
وتحياتي للجميع

السلام عليكم ورحمه الله

اولا تشكر يا استاذ اسامة
على الموضوع
ثانيا
انا وملايين من الاهلاوية عارفين
ان ابو تريكة مش هايخدها بس هايخد البديلة لية
بس بينى وبينك
الحمد لله على كل شىء
والمهم ان ابو تريكة يفضل فى احسن حال دائيما
وطول ماهو بخير يبقى هيادى اكتر وهايخدها هايخدها
ان شاء الله
ولو ماخدهاش من الكاف او الفيفا اكيد يكفية انة
هايكفية انة ياخدها من العالم باسرة
من الشرق للغرب\
من الجنوب للشمال
والف مبروك فى النهاية انة اخد جايزة وافتكروة بحاجة
مع تحياتى...............................

ابوتريكة هيفضل دايما في العالي بنجوميته واخلاقه وحب الناس ليه ....

مش بجايزة كان هو الاحق بيها وعلى العموم هما دايما بيعملوا نفس الحركات

دي شايفين ان اللاعب المحترف افضل من اللاعب اللي بيلعب في بلده من غير مايبصوا

لانجازات اللاعب مع ناديه اومنتخب بلاده وانا واحده من الناس اللي بيحبوا ابوتريكة بقوله

انت احسن لاعب عربي افريقي وعالمي ... وربنا يوفقك ومهما قالوا عنك ستظل ابوتريكة

اللي بنحبه Like a Star @ heaven

TREIKAWYA 4 EVER كتب:: ابوتريكة هيفضل دايما في العالي بنجوميته واخلاقه وحب الناس ليه ....

مش بجايزة كان هو الاحق بيها وعلى العموم هما دايما بيعملوا نفس الحركات

دي شايفين ان اللاعب المحترف افضل من اللاعب اللي بيلعب في بلده من غير مايبصوا

لانجازات اللاعب مع ناديه اومنتخب بلاده وانا واحده من الناس اللي بيحبوا ابوتريكة بقوله

انت احسن لاعب عربي افريقي وعالمي ... وربنا يوفقك ومهما قالوا عنك ستظل ابوتريكة

اللي بنحبه

يسم الله ما شاء الله
ايه الجمال ده يا ست الكل
اسلوب رائع وجميل ورد موجز
وبصراحه نبوغ مبكر في فن الكتابه

تسلمي يا /TREIKAWYA 4 EVER

وعفوا لاني مش اعرف اناديكي بايه

اخيكي/اوس اوس الاهلاوي

محمد الفيشاوى كتب:: اولا تشكر يا استاذ اسامة
على الموضوع
ثانيا
انا وملايين من الاهلاوية عارفين
ان ابو تريكة مش هايخدها بس هايخد البديلة لية
بس بينى وبينك
الحمد لله على كل شىء
والمهم ان ابو تريكة يفضل فى احسن حال دائيما
وطول ماهو بخير يبقى هيادى اكتر وهايخدها هايخدها
ان شاء الله
ولو ماخدهاش من الكاف او الفيفا اكيد يكفية انة
هايكفية انة ياخدها من العالم باسرة
من الشرق للغرب\
من الجنوب للشمال
والف مبروك فى النهاية انة اخد جايزة وافتكروة بحاجة
مع تحياتى...............................

تسلم يا حبيب قلبي
انت فين يا راجل؟؟؟؟

والله واحشني كتير
والحمد لله علي كل حال
وتريكه نجم النجوم رغم انفهم وانف الاعيبهم الشيطانيه

منور يا فيشاوي وكل سنه وانت طيبه

لا نملك الا ان نقول قدر الله وما شاء فعل

وبالفعل تريكه هو الاحق لانجازته وبطلولاته التى حققها مع النادى الاهلى ومع المنتخب

واحق اكتر لاخلاقياته وسلوكه الاكثر من راائع

وبعدين مين قال ان الجمهور النيجيرى احسن جمهور

اطلاااقاااااااااااااا

الجمهور الاهلى احسن جمهور فى افريقيا على الاطلاق

وجت الجايزه بتاعة افضل جمهور على قناة الاهلى وشوفتها بالفعل

ونقول الحمدلله على كل شىء وقدر الله وماشاء فعل

وان شاء الله ياخدها 2010 وتكون من نصيبه باذن الله ويمكن ضميرهم يصحااااا

ويعرفوا مين الاحق بيها

يسلمووو موضوعك الرائع

دمت بكل تميز وابداااع

» كذب وشبهات
» هام: 75% من زوار تريكه دوت كوم يرشحون تريكه لقياده الفريق فى الموسم الجديد
» العيب فين..منتدى تريكه مش تريكه

تريكه والكاف وشبهات دائمه

تريكه والكاف وشبهات دائمه

مواضيع مماثلة

مواضيع مماثلة