بصراحة اسامة الفداوى راجل محترم اوى
وصاحب واجب
ومش بيطيق يحس ان عضو غايب ومايسالش علية
هو غايب بقالة ييجى تلات ايام وماحدش سال عنة
انا بلوم نفسى بصراحة

اتمنى يكون المانع خير
يلا يا جماعة كلنا ننادى على اسامة
ونقولة بطل اكل نوجا وخليك معانا شوية


اتمنى من كل قلبى انة يرجع علطول

اه معاكي حق والله يا ايات
رغم ان دخولي قليل ومش باطول بس فعلا لاحظت عدم تواجد اسامة زي الاول بالمشاركات
لكن هو بيدخل المنتدي بس الظاهر مالهوش نفس يشارك اليومين دول

اخر زيارة كانت انهاردة الساعه تسعه تقريبا
تحريات بقي ..ههههههههههههههههههه

ترجعلنا بالسلامة يا اوس اوس
المنتدي مضلم من غيرك يا باشاااااااااااااا


كله يعمل صفين ويستعد لاستقبال ملك التريكاويه
اوس اوس الاهلاوي

جهزوا الورود والشموع
وشوية ملح برضو عشان الحاسدين

انا بقى عاوزة اعرف اية صلاحيات الادمن بالظبط
هاموت واعرف

الزوار بيدخلو كزائرين وبيعرف بلدهم اية

الاعضاء يدخلو متخفيين ويعرف انهم كانو موجودين

الواحد يبقى يتغطى بالليل كويس لاحسن الادمين يشوفة

اقتباس :

انا بقى عاوزة اعرف اية صلاحيات الادمن بالظبط
هاموت واعرف

سيبلنا العنوان طيب عشان نبقي نيجي نعمل الواجب (بعد عمر طويل باذن الله)

اقتباس :

الزوار بيدخلو كزائرين وبيعرف بلدهم اية
الاعضاء يدخلو متخفيين ويعرف انهم كانو موجودين

لا واكتر من كده ... امال هي سايبة ولا ايه
هع .......... مين هنـــــاك



ايه الكلام دا احنا نسينا الموضوع الاصلي
فينك يا عم اسامة

يا نهار أصفر؟
أوس أوس كمان؟
هى شوطة و ماشية فى التريكاوية ولا إيه؟
يا ترى إنت فين يا أوس أوس يا بن أم اس أس؟
محدش شاف أس أس يا ولاد؟
لا حول ولا قوة إلا بالله
شوف يا سى أسامة
إذا كنت مخنوق شوية و مش عاوز تدخل المنتدى
متحاولش
never
إنسى الموضوع
و إذا كنت مالكش مزاج تكلم حد ولا حد يكلمك
متحاولش
impossible
و إذا كنت مش طايقنى أنا شخصيا
متحاولش
عادى جدا على فكرة

over my dead body
بردو هتيجى
معندناش ردالة تسيب المنتدى كدة
بلاش تهريج
بلاش كلام فارغ
و إعتبر دة آخر إنذار لك
و لقد جعر من بعجر


و أولا و أخيرا..أحب أشكر حبيبتى أيويا القمر
على الtopicالجميل دة
و أقولها تسلم إيديكى يا أحلى ىيات فى الدنيا
و مش هقولك"إن شاء الله منردهاش ليكى عشان تفضلى منورة المنتدى دايما"
أصلى من ساعة مقولتها لأسامة و هو مختفى

خايفة أقولهالك ..


شكلها جملة فأرية
هههههههههههههههههههههههههههههههههههههههه

ترجع بألف سلامة يا أوس أوس
و متغيبش علينا
و تسلم إيديكى يا يويا يا قمر

بردو يااوس اوس مش عاوز تدخل
اتمنى انك تكون بخير
ياسيدى ادخل طمننا وماتخرجش تانى
هههههههههههههههههه
فينك ياشيمو
كانت زمانها شغلت قرون الاستشعار وعرفت اية النظام

اوعى تزعلى يادوك احنا بنهزر والمقامات محفوظة بردو

يلا بقى ياعم اسامة وبلاش تقل

اوس اوس باشا غيب

تؤ تؤ ايه ده بس

ايه ياجدعان الحرب مش تعمل فينا كده ههههههههههههههههههه

مش عشان خطفت مره هبه

تخطفوا ال big boss

بتعنا

انا بحذركوا ههههههههههههههههههه

يارب يكون سبب غيابك خير يااسامه

وتسلم ايدك يايات ع التوبيك

ايه ده معقول اوس اوس لسة مادخلش رد هنا
ايه يا باشا انت زعلان مننا ولا ايه
عموما انا عارف اوس اوس مشغول في ايه

ماتقول ياعم العارف
وسيبنا نكلم نفسنا كدة
مشغول فى اية يااسامة
تخبى على اختك بردو
ماكانش العشم

عم عشم مات .. والمعاملة خــد وهـــات

شبرا عتبة باب الشعرية كيت كاااااااااااااااات

و الله لو ما ظهرت يا أسامة لاخد الميكروباص بتاع تريكة
و ألم فيه كل التريكاوية و نجيبك من بيتك بالعافية
و لقد أنذر من بعتر


يا رب يكون المانع خير

السلام عليكم ورحمه الله

شكرا جزيلا لكل من سأل عني واهتم بي في غيبتي
الشكر الجزيل لاختي يويو صاحبه السؤال
والشكر للنجم/احمد مدين
شكرا للجميله/هبه بيبو سألت مرتين يبقي شكرين
شكرا للقمر /اسماء
شكرا لأبينا كلنا في المنتدي/اياد ههههههههههههههههه
شكرا لدائمه السؤال والمشاغبه/بوبا (هبه عز)
شكرا لطبيبتي في المستقبل /شيمو (من غير دوك)
شكرا للمجامله دائما/ساره

والله مش عارف اعمل ايه ليكم ولا اقول
لكم ايه اوفيكم بيه حقكم عليا
الحمد لله الذي لايحمد علي مكروه سواه
كفايه عليا انتم ال8 انتم كل اهلي في المنتدي
وشكرا لمن رأي التوبيك ولم يكلف نفسه حتي كتابه كلمه
وعذره معه ولكن وعشان محدش يزعل مني
دا مش موضوع بنستني الرد عليه
دا واحد غايب محدش يعرف سبب غيابه
هل مريض ؟؟هل مات؟؟؟
هل اصابته ضراء؟؟؟

عموما اخليني في اللي عبروني حتي بكلمه
وسألوا عليا وعرفت مدي اعتزازهم بيا
واعتزازي واحترامي لهم جميعا
جزاكم الله كل خير واكرمكم بالجنه والنعيم
في الدنيا والاخره ورزقكم رضاه
امين يارب العالمين
واسف للإطاله وارجو من الاخ /مدين
غلق التوبيك وايقاف الرد عليه

وتحياتي واحترامي لكم وتمنياتي بمنتدي سعيد يجمعكم جميعا


اسامه الفداوي

يا استاذ اسامة
اولا ماتزعلش مننا
ولو انه من حقك تزعل
بس انت ماتعرفش ظروف الناس ايه
بالنسبة للنت وتقله او عدمه
او لتوقيتات دخولهم النت
او لظروف عملهم
ثانيا حضرتك كنت متواجد على منتديات اخرى
انا اعنى بالذات موقع سوبر كورة
لانى قريتلك تعليقات هناك فى الفترة
اللى كنت متغيب فيها عن المنتدى
ثالثا التوبيك ده مش اول توبيك فى الصالون
بيبقى الردود فيه قليلة
لان اغلب الناس بتبقى مهتمة بأقسام تانية فى المنتدى
واحيانا مش بندخل على الصالون اساسا
رابعا والله يا اوس اوس احنا بنحبك
والعملية ممكن تكون عند اغلب الناس
سهو أو ظروف
ولكن ما تقدرش تنكر ان كل اللى فى المنتدى
بيحبوك وبيقدروك
وانا باقدملك اعتذارى وبعلن اعزازى واحترامى الكامل ليك
كشخص اولا وكعضو مؤثر ومهم وانسان ناضج جدا جدا ثانيا
ويا ريت ما تزعلش منى او من اى حد فى المنتدى
لان مدى حبك فى المنتدى مش هايتقاس ب8 افراد مع الاحترام الكامل
للاشخاص ال8 دول
واخيرا وليس اخرا
بنحبك يا اوس اوس

اقتباس :

عموما اخليني في اللي عبروني حتي بكلمه
وسألوا عليا وعرفت مدي اعتزازهم بيا
واعتزازي واحترامي لهم جميعا
جزاكم الله كل خير واكرمكم بالجنه والنعيم
في الدنيا والاخره ورزقكم رضاه
امين يارب العالمين
واسف للإطاله وارجو من الاخ /مدين
غلق التوبيك وايقاف الرد عليه

حمد الله علي سلامتك اولا يا اساااااااامه
انا دخل والله زي الاول ومش عارفه مين بيدخل ومين لا
ياريت ماتزعلش لو ماحدش سأل لان المنتدي بقاله فتره تقيل ومعلق عند ناس كتير
وانت اكيد عارف غلاوتك عندنا كلنا
وحمد الله علي السلامه تاني وان شاء الله ماتغبش تاني عن المنتدي

حمد الله ع السلامة ياحبيب قلبى


والله نورت المنتدى

عذرا لعدم مشاركتي من البدايه
فانا لم ادخل منذ فتره
ومن الجميل فعلا ان نشارك ولو بسؤالنا عمن يتغيب عنا

شكرا لكل المساهمين
وللاخ اسامه
حمد الله عالسلامه

حمد لله على السلامة يا اوس اوس

ويا ريت مش تزعل

لان المنتدى والله كان تقيل

وحمد الله ع السلامة يا مان

واكيد وجودك بيبقى ليه الاثر العظيم ف المنتدى

حمدالله ياعم الحج
نورت بيتك ومطرحك
وبعدين نقفل التوبيك ازاى ومعجبينك يروحو فين
روق ياعم واختلق لاخيك مائة عذر

حمدالله عالسلامة مرة تانية
ويارب تفضل معانا علطووووووووووول

يلا ياعم بقى استقبل معجبينك