هل تقبلين الزواج برجل لا ينجب؟وهل تقبل الزواج بامراة لا تنجب؟

ا[size=29]لسلام عليكم ورحمة الله وبركاته

يقوول الله عزوجل (المال و البنون زينةُ الحياة الدنيا)

فجميعنا نتمنى ان يرزق بأبناء ..

لكن لوجدت البنت شاب لاينجب وهو في غاية الجمال واخلاقه عالية
ولكن عيبه الوحيد لاينجب

(( تقبلين الزواج منه ؟؟؟ ))

وكذلك السؤال موجه للشباب ...

(( هل تقبل الزواج بفتاة لاتنجب ؟؟؟ ))

واذا تزوجتم واكدت الفحوصات بأن احد الطرفين لاينجب
فما هي ردة الفعل ؟؟؟؟

هل تهون عليكم العشرة طوال السنين
التي قضيتموها مع بعض وتفترقا ؟؟؟؟؟

هل يهون عليكم الحب الذي تبادلتموه ؟؟؟

هل تختفي كل المعاني الجميلة بمجرد سماع هذا الخبر ؟؟؟

أم انك ايها الرجل تريد الزواج من امراة ثانية وبقاؤها على ذمتك
(( ام ماذا ؟؟؟ ))

وانت ايتها المرأة ماذا ستكون ردة فعلك ؟؟

هل ستطلبين الطلاق والانفصال او تبقين صابرة محبه

ومتعاونة وتحاولين ان تنسيه همومه ...[/size]

منقول

والله انا عليه هتمسك به وهتجوز لانه مش ذمه انه مش بينجب دا قدر ربنا

وانا هبقه صابره محبه ومتعاونه وهحاول اسنيه همه ويمكن ربنا انشاء الله فى يوم من الايام يستجيب دعانا ويرزقنا الذريه الصالحة

تسلم يادكتور محمود على التوبيك المهم والجميل

لا طبعا عمرى ما هسيبه

وعمرى ما هضحى بالحب دة عشان حاجة مش بايده

كل اللى علينا ندعى ربنا ونصبر

وان الله مع الصابرين

وحتى لو ربنا مرزقناش بالذريه الصالحة

كفايه عليا الاحساس بالامان والحب والراحة مع زوجى

رغم الضغوط اللى هتبقى عليا وعليه من اللى حوالينا

يسلموووووعلى التوبيك

الجميل دة

لا طبعا عمرى مهاسيبها

دى حاجة مش بايديها

وهفضل متمسك بيها

لان دى ابتلاء من عند ربنا

وده قدر ربنا سبحانه وتعالى

وكفاية المشاعر الجميلة والحب اللى بينهم

وان شاء الله بيثاب ع المشكلة دى لو صبر

وبرضه لازم ندعى ربنا يرزقنا بالذرية الصالحة

تحية طيبة
وتسلم ايدك يادك ع التوبيك الجميل

قضية الإنجاب بأمر الله وحده وتلك هي حكمته بحرمان البعض الذرية ولا يعيب ذلك أبدا الشريك أو الشريكة.
بالنسبة لرأيي في هذا الموضوع تحديدا أراه لن يغير نهائيا في تحديد قبولي أو رفضي للشريكه التى رأيتها مناسبه،، وما بعد الزواج سأتقبل ما قدر الله وقضى بكل صدر رحب وبقناعة ودون أن يكون لهذا الموضوع أي تأثير على حياتي معا

دي حاجة بإيد ربنا .... ويمكن يتغير الحال ... الله أعلم

طبعا مش عشان الأولاد أسيبها بعد العشرة الطويلة وأجمل الأيام

حتي لو قبل الجواز برضه وعرفت ، مش هضحي بالحب

عشان موضوع الإنجاب

ألف شكر يادكتور علي موضوعك الرائع

تقبل مني خالص الشكر والتقدير

بجد تسلم ايدك على الموضوع

أكيد الموضوع دا بايد ربنا .. ولو ان ليه حكمة في عدم وجود ذرية للانسان .. يبقى خلاص .. ربنا وحده اعلم بالحكمة دي ومحدش يقدر يعترض عليها .. وبعدين ممكن الموضوع دا يتحل بعد كدا من عند ربنا

كتير ناس قعدوا مرتبطين ورفضوا الانفصال بسبب الموضوع دا عشر سنين واكتر وربنا بيرزقهم بعد كدا عادي .. بيكونوا ما فرطوش في سعادتهم وحبهم .. وربنابيكرمهم بعد ما يكون اختبر صبرهم ...

تسلم ايدك تاني

..........
لورا

انا كمان راى مش هيختلف عنهم

تسلم ايدك ياحودا

ايه يادكترة المواضيع الجامدة دى Exclamation

باحييك دكتور علي موضوعك
ومع احترامي لكل المساهمات
الا ان رايي هايختلف شويه
الحب والتضحيه احاسيس جميله طبعا
وبطبيعه المراه بتكون اكبر فيها
واذا تعرضنا لموضوع عدم الانجاب
نجد ان المراه هي غالبا ما تضحي فيه باسم الحب والاخلاص
علي الرغم من اشتياقها لاحساس الامومه والذي يولد معها
ولكن الرجل عندما يوضع في نفس الموقف
حتي اذا تمسك بحبه فهو لا يستمر للابد
لانه يبحث عن اخري فيما بعد
وعلي فكره ده اللي بيحصل دايما

اسفه للاطاله
ولكن عفوا
فكلامي من واقع الحياه
الواقع المؤلم غالبا

اولا حكايه الانجاب دى بايد ربنا
وممكن يبقوا اتين مافيهمش اى عيب ومابيخلفوش
انا لو بحب جوزى وهو كويس اووووووووووى معايا ومستريحه معاه ليه اسيبه علشان حاجه مش بايده (مع ان منى عينى ان ربنا يرزقنى باطفال ) بس احنا هنعمل اللى علينا وهندعى ربنا ومافيش حاجه صعبه على ربنا
تسلم ايدك يادوكتور محمود

اولا يا دكتور مشكور على التوبيك
انا بجد بموت فى الاطفال ومش متخيل انى ممكن اعيش من غيرهم
ولو حصل واللى بحبها مش هتجنب
يبقى انا شايف ان الافضل ان العلاقه تتنهى
ليه بقا
لان يوم ما هنهى العلاقه معاها هنيها بحب
لكن لو اتجوزنا هيصحل مشاكل كتير فالاحسن ان العلاقه متمش احسن
ليها ولى انا كمان

وتسلم ايدك يا دكتور على التوبيك

شكرا لك د/محمود على الموضوع الجميل ده

لقد خيرتنا بين أمرين أحلاهما مر وأعتقد ان وجهات النظر مختلفة في هذا المجال فدعني أتحدث عن رأيي الشخصي لا غير:
لا أستطيع ان أصف لك حبي للأطفال لا بكلمات ولا بأسطر ولا حتى بكتب! عندما أرى طفلاً يضحك يقفز قلبي فرحاً وينفطر ويذوب قلبي لما أراه حزيناً باكياً فما بالك إن كان لي طفل! ولكن؟؟؟؟
قبل أن أفكر بترك زوجتي لأنها لا تنجب يجب أن أفكر بهذه الإنسانة المسكينة التي اختارتني واخترتها من هذا العالم لنكون شريكين في الفرح والحزن في السعادة والشقاء في السراء والضراء أفأكافءها بتركي لها ؟؟؟ لا لا وألف لا ما هذا إلا بجحود ونكران للجميل (برأيي طبعاً ) وقلة في الوفاء وشح في الإخلاص فما ذنبها أن كان الله قد كتب عليها ذلك ؟؟ أولا أكون لها بلسما شافيا وطبيبا مداويا بدل من أكون سبب نقمتها على الدنيا ويأسها من الحياة. ثم لماذا أكون أنانياً لو كنت أنا العقيم (لاسمح الله طبعاً) ماذا سيكون موقفي إن فكرت بتركي؟؟ ألن أشك في كلمة كلمة حب قالتها لي ؟؟ ألن أرتاب في كل حديث ادعت به الصدق والحب والإخلاص؟؟؟ لا يا أخي لست أنا ذلك الأنسان الاناني عديم الرحمة والإخلاص بل أقول حسبي الله ونعم الوكيل قدّر الله وما شاء فعل.
واختم كلامى قائلا الانجاب قدر وعدم الانجاب قدر ايضا وانة من عند الله عز وجل

بسم الله الرحمن الرحيم

لِلَّهِ مُلْكُ السَّمَوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ (49) أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا إِنَّهُ عَلِيمٌ قَدِيرٌ (50) صدق الله العظيم

هو طبعا موضوع غاية من الصعوبة
بس انا مش هدخل فى حكمة ربنا
وربنا يبعدنا عن الموقف دة الهم امين
بس عموما انا موقفى
هايكون لو السبب منى طبعا هافضل انى اسيبها رغم العشرة
ولو كانت العشرة دى ثانية واحدة
لانى مش هاسمح لنفسى انى احرم اعز واغلى انسانة لية من احلى واجمل شىء بالنسبة ليها وهى الانجاب
ولانى اكيد هكون بحبها بجد يبقى بالتالى هاتمنى السعادة ليها مع اى شخص تانى
لو حتى هاتبقى على تعاستى
ولو المشكلة منها هى طبعا مستحيل ومن رابع المستحيلات انى
افكر يوم انى اسيبها عشان هايبقى حرام علية
وغير كدة
مش يمكن دة اختبار من ربنا عشان ربنا سبحانة وتعالى يختبر ايمانى بية
وطول مانت متوكل على الله
مافيش اى ضرر هايصيب
عموما بشكرك على الموضوع اللى بجد ممكن يمس اى واحد فيها
وربنا يبعدنا عن الموضوع دة
الهـــــــــــم اميـــــــــــــــــــــــن
مع تحياتى........................................

أولا..تسلم إيديك يا د.محمود على الtopicالروعة دة
ثانيا..بصراحة لو بحبه أستحمل حكاية عدم الإنجاب دى
و هسلم بقضاء الله سبحانه و تعالى
مأنا ممكن أتجوز واحد غيره و أنا مش بحبه
و أخلف منه
و أنا مش طايقة العيشة معاه
فأكرهه أكتر
و أكره أولادى منه
لكن لو حبيبى..أعيش معاه لآخر يوم فى عمرى
حتى لو فيه عيوب الدنيا كلها
المهم إنى سعيدة معاه
و الأولاد مش هما كل السعادة
أنا صحيح بعشق الأطفال
بس سعادتى مع الإنسان إللى بحبه تسوى الدنيا و ما فيها
و أهم من أى حاجة تانية

تسلم إيديك مرة تانية يا دوك
موضوع رائع بجد

متشكر جدا جدا علي مشاركتكم
ومرسي ليكم يا
اسماء,ورد الامل,ندفد,اياد,
ساحر القلوب,ايات,بيدو,
لورا,دانا
شيمو,ميسي,الفرعون العاشق,
محمد الفيشاوى,هبه
بس انا رايى متفق تماما
مع دانا وميسي
وصدقوني يا اصدقائي
اللي ايده في الميه مش زي اللي ايده في النار خالص خالص
الابوه والامومه احساس لا يضاهيه اي احساس اخر
حتى ولو كان هذا الاحساس هو الحب
فاذا لم تنجب المراه
فثيبحث الرجل عن من تنجب له الاولاد
واذا لم ينجب الرجل
فالينسحب بكرامته لان المراه في وقت الغضب
ستعايره بعقمه وستمن عليه ببقائها معه
فاكرم له ان ينسحب فبيدى لا بيد عمرو
وشكرا

بجد الموضوع صعب اوى مين مننا مش بيحب الاطفال وبيعشق ضحكتهم

بس انا عمرى ما افكر فى يوم من الايام انى اسيب جوزى عشان السبب دا

انا من الاول اخترته وتنفقنا نكون مع بعض فى كل شئ فى حياتنا وعدم الانجاب قدر

واختبار من ربنا وهو مش ذنبه حاجه لانى واثقه ان لو انا لقدر الله اللى مكنتش بانجب عمره ما هيفكر يسبنى لاننا اكيد بنحب بعض

وخلاف عن ذلك ممكن هو اصلا لازم يكون ابنى الكبير وهو كفايه عندى وبالدنيا كلها وهو اللى عيونى شافته لكن الاولاد دول فى علم الغيب

» المرأة الثرثارة تنجب أطفالا أذكياء !!!!
» صور لسمكه تنجب
» عجوز في السبعين تنجب طفلة

هل تقبلين الزواج برجل لا ينجب؟وهل تقبل الزواج بامراة لا تنجب؟

هل تقبلين الزواج برجل لا ينجب؟وهل تقبل الزواج بامراة لا تنجب؟

مواضيع مماثلة

مواضيع مماثلة