للكبار فقط .. جيل 1980 الى 1991 !!!!!!!!!!!!!!!!!! جيل خاص جدا

دى كانت حياتنا فعلا بس هى اجمل ايام

عاوز تتأكد أنك من الجيل الموكوس ؟ اذا كنت عشت الحاجات دي كلها او جزء منها تأكد انك من الجيل

راجع معايا كده:

1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).

2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).

4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).

5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.

6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).

7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)

8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.

9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).

10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.

11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).

12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!

13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).

14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!

15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.

16.اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل ان يتحول لدب قطبي).

17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!

18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!

19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).

20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.

21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).

22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .

23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).

24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).

25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب (المعزة).

26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).

27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!

28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)

29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).

30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!

31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.

32.اذا كنت قد لعبت في طفولتك باحدى اشكال لعبة (الميكانو).

33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).

34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.

35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.

36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).

37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).

38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).

39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال بجاذبيتها الجنسية.

40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!)

41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.

42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.

43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).

44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).

45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.

46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.

47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..

48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!

49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.

50.اذا كنت قضيت ايام و ليالي بتسمع اغنيه "دي دي" بتاعه الشاب خالد الي كانت مكسره الدنيا و لما كانت تخلص تجيبها تاني من الاول

51.اذا كان كل مصروفك ضايع علي الفيديو جيم خصوصا لعبه الديناصورات بتاعه مصطفي و حنان , و عمرك ما قفلتها لحد دلوقت

52.اذا كنت ضيعت تحويشه سنه علي سماعتين بايونير بيضاوي و ايكوليزر جينسن و ركبتهم في عربيه ابوك الي كنت بتقلبها منه بليل

53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب

54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكره

Laughing

هههههههههههههه
ا حول الله يارب
هو احنا كنا عايشين فين
هو احنا جينا هنا فى الاة الزمن ولا اية؟؟؟؟؟؟؟
هههههههههههه
سبحان الله دانا حاسس ان الموضوع دة كان امبارح
سبحان الله
هههههههههههه
تسلم ايدك على الموضوع
مع تحياتى..........................

ههههههههههههههههههههههههههههههه ههههههههههههههههههههههههههههه
تسلم ياميدو ع التوبيك الجميل

تسلمولى يا
فيشاوى
اسماء

ميرسى جدا على مروركم
بس اللى شايف نفسه كده يرفع صباعه لفوق
ويقول انا

الموضوع اكتر من رائع
انا عشت كل الاحداث دى
وحسيت التوبيك كلة من اول حرف لاخر حرف
بجد تسلم ايدك
بالمناسبة اخواتى كانو بيجيبو تى شيرت تملى معاك
والدكتور محمود كنت انا بافردلة شعرة زى عمرو دياب
ههههههههههههههههههههههههههههه
ومازنجر وكابتن ماجد ورجل المستحيل
والبلكونة والشاى

انت كنت عايش معانا والا اية
ههههههههههههههههههههههههه

بجد روعة

ههههههههههههههه

ايه الجو المتكهرب ده

صلينا الفجر فين صلينا ف الحسين

هههههههههههههههههههه

ونسيت اهم حاجة

اون منة تحب يا قلبى واخن منة تحب

ههههههههههههههههه

بجد توبيك اكثر من روعة

سلمت يداك

تسلم يا محمد بيك
متشكر جدا لمرورك يا جيميل
*****************
مبروك الاشراف يا كبير

نايس توبيك يا ميدو
.......

TREIKAWYA 4 EVER كتب:: نايس توبيك يا ميدو
.......

تسلمى يا ندى
متشكر جدا على مرورك

4everاهلاوية كتب:: الموضوع اكتر من رائع
انتى الاروع
انا عشت كل الاحداث دى
كل اللى من الجيل دا عاش الاحداث دى
وحسيت التوبيك كلة من اول حرف لاخر حرف
هههههههههههههه
بجد تسلم ايدك
يسلم عمرك
بالمناسبة اخواتى كانو بيجيبو تى شيرت تملى معاك
والدكتور محمود كنت انا بافردلة شعرة زى عمرو دياب
ههههههههههههههههههههههههههههه
هههههههههههههههههههه
ومازنجر وكابتن ماجد ورجل المستحيل
وفين سلاحف النينجا والمغامرون
والبلكونة والشاى

انت كنت عايش معانا والا اية
ايوا طبعا انا من الجيل دا
ههههههههههههههههههههههههه
هههههههههههههههههههههههههههههه
بجد روعة

تسلمى يا ايات

ومتشكر جدا على مرورك
واكيد طبعا نورتى التوبيك

تسلم روعة بجد تسلم ايديك

حنين مصر كتب:: تسلم روعة بجد تسلم ايديك

متشكرا جدا يا حنين على مرورك يا ست الكل

هههههههههههههههههههههههههههههههه
ايه يا ميدو الحلاوة دى

والله رجعتنا لايام الشقاوة

ولما كنا بنستنى كل يوم جمعه بعد الصلاة برنامج عالم الحيوان

ياااااااااااااااااااااااه

ايام بجد نفسى ترجع
ياترى فيه حد تانى نفسه ايام زمان ترجع

مييييين ماحلمش ف يووووم
لو ترجع بيه ايام زمان
تامر حسنى

ههههههههههههههههههههههههههههههههههههه

تسلم ايديك يا ميدو تانى مرة ع التوبيك
وتقبل مرورى

تسلم ايديك جميلة اووووووووووي

kamatsho treika كتب:: هههههههههههههههههههههههههههههههه
ايه يا ميدو الحلاوة دى
انت احلى
والله رجعتنا لايام الشقاوة
ههههههههههههههههههههه
ولما كنا بنستنى كل يوم جمعه بعد الصلاة برنامج عالم الحيوان
وسر الارض والكارتون ............. الخ الخ
ياااااااااااااااااااااااه

ايام بجد نفسى ترجع
قول الزمان ارجع يا زماااااااااااااااااااااااااااان
ياترى فيه حد تانى نفسه ايام زمان ترجع
مين مش نفسه الايام دى ترجع تانى؟
مييييين ماحلمش ف يووووم
لو ترجع بيه ايام زمان
تامر حسنى
ونانسى عجرم
ههههههههههههههههههههههههههههههههههههه
ههههههههههههههههههههههههههههههه
تسلم ايديك يا ميدو تانى مرة ع التوبيك
وتقبل مرورى

تسلم يا كماتشو يا حبيب قلبى
على مرورك العسل دا
.....................................
ولما يراودك الحنين للماضى
ادخل التوبيك دا
وعيش احلام الماضى

حنين مصر كتب:: تسلم ايديك جميلة اووووووووووي

تسلمى يا دكتوره حنين
على مرورك الجميل دا

لا والله انا مش من مواليد السنين دي

هههههههههههههه

تسلم ايدك بجد

بس

54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكره

بس حرام والله الفيلم دا رووعة .. ولازم الناس تعيط فيه

..........

لورا

لــــــــــــــــــــورا كتب:: لا والله انا مش من مواليد السنين دي

ودخلتى ليه؟

هههههههههههههه

ههههههههههههههههههههههه

تسلم ايدك بجد

يسلم عمرك

بس

ايه؟

54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكره

ماله؟

بس حرام والله الفيلم دا رووعة .. ولازم الناس تعيط فيه

..........

لورا

تسلمى يا قمر على مرورك الجميل

اقتباس :: ودخلتى ليه؟

علشان انت كاتب الموضوع .. ولازم اشوف كل ابداعاتك وكل الجديد عندك

وعجبني اسلوب تفصيص الرسالة دا .. بجد رووعة
هههههههههههههههههههه

اقتباس :: تسلمى يا قمر على مرورك الجميل

مرسي يا ميدو

..........
لورا

اقتباس :: علشان انت كاتب الموضوع .. ولازم اشوف كل ابداعاتك وكل الجديد عندك

لقد اخجلتم تواضعنا....
وميرسى جدا يا قمر على زوقك الجميل

اقتباس :: وعجبني اسلوب تفصيص الرسالة دا .. بجد رووعة

والله يا لورا اموضوع كله منقول

اقتباس :: مرسي يا ميدو

..........
لورا

تسلمى يا ست الكل على مرورك ونورتى التوبيك

بجد اكتر من رائع يا ميدو،بس عندي استفسار صغير جداً

مين اللي هو الجيل الموكوس اللي من 1990-1991 واذا كان هو ليه يا ترى، ده احنا عشنا ايام جميلة نتمنى انها ترجع
مرسي يا ميدووووووووووووووووووو

....................
LORA

» للكبار فقط

للكبار فقط .. جيل 1980 الى 1991 !!!!!!!!!!!!!!!!!! جيل خاص جدا

للكبار فقط .. جيل 1980 الى 1991 !!!!!!!!!!!!!!!!!! جيل خاص جدا

مواضيع مماثلة

مواضيع مماثلة