عاملين ايه يا شباب

ياريت تكونوا كلكوا بخير


موضوعنا ده نقدر نعتبره لعبه
بس لعبة هاتفيدنا كلنا وكمان ف جميع المجالات

وهى او هو عبارة عن ان كل واحد فينا هايقول هو هايعمل ايه لو فى مكان زميله اللى حكى موقف او مشكلة او .....

اهم حاجة فى اللعبة دى
اننا هانفيد وهانستفيد من بعض

اتمنى تكون الفكرة عجبتكم

وانا هابدا باول مشكلة

تعمل او تعملى ايه
لو
قابلت حد بعد فترة غياب طويله وكان الحد ده عزيز اوى عليك
وتدخل عليه بكل حب وشوق
بس للاسف
يعمل نفسه ما يعرفكش

هاتعمل او تعملى ايه

؟

انا عن نفسى فى حالة زى دى
وخصوصا انى من النوع االكتوم
ومش بحكى لحد حاجة
هاقعد لوحدى
وافضل اعيط

هو ليه مافيش حد بيشارك معانا ف الموضوع
هو انتوا مش بيبقى عندكو مشاكل زيينا
ولا احنا بس اللى عندنا مشاكل


اكيد يا جماعة
رايك انت او انتى
هايفيد كتييييييييييييييييييييييييييييير
وطبعا لما يكون فيه اكتر من حل لمشكلة واحدة
ان شاء الله بنختار افضل الحلول وانسبها

انا مش عارف وجهة نظركم ف التوبيك ده ايه

ربنا يخليكى يا دودى
يا سبب استمرارى فى التوبيك ده
ههههههههههه هههههههههههه
حلوة "سبب استمرارى" دى
..........
صحيح ايه رايك
نعمل للتوبيك ده اعلانات فى الجرايد
او الوسيط الجريدة المجانية دى

................................ الموقف ................................
:. .:

تعمل\ـى ايه لو تعمل\ـى كل خير واى حاجة حلوة لواحد
والواحد ده
يقابل ليك\ـى المعاملة بالعكس

يارب يخليك يا كيمو
احنا فعلا محتاجين نعمل نشرة وعلانات ضخمة
........................
الموقف بقى اللي قلته :

والله انا لو بعمل الشيء ده لله وهو ده أساس العمل الصالح مش هيهمني ردة الفعل
لأنه الجزاء من الله سبحانه وتعالى مش منه
بس لو كان الشخص ده غالي عليا وله مكان عندي أكيد هيأثر فيا جامد وهقعد اعيط أندم إني عرفته أو إني اخترت غلط أو اتغشيت فيه
..........................................

ايه تعمل لو صديق عمرك غدر بيك في موقف معين وجه بعد مدة وعايز خدمة منك؟

اولا : بجد انتى حليتى الموقف بطريقة جميلة جدا
وفعلا ما عند الله خير وأبقى

..........................................................

اما بقى بخصوص موقفك انتى ده
فأنا شايف
انى اعمله الخدمة اللى هو محتاجها منى
وربنا بيغفر الذنوب
يبقى انا مش هاغرفله واسامحه ؟

......................................

لو انت ظلمت حد وافتريت عليه
لانك كنت فاكر ان هو السبب فى اللى حصلك
وبعد اما شوهت صورته
وظلمته وافتريت عليه

اكتشفت انه مش هو السبب
طبعا لاكم تعتذرله
المشكلة بقى :
ان انت او انتى مش متعود\ة انك تتأسف\ـى لحد
ونفسك عزيزة اوى عليك\ـى

؟؟؟؟؟

أولا
انا من النوع لما بيغلط بيعترف بخطأه وبيعتذر
بس لو كنت من النوع اللي انت عايزه صعب جدا جدا اعترف أكيد
أنا اعرف ناس من النوع ده لما يعرفوا انهم غلط ويتأكدوا كمان
بيكابروا ويصروا على الغلط وتكبر مشكلتهم دي مع الزمن
وده شي مش كويس
فانا شايفة لو انا من النوع ده يوووووووه هخترع مليون اختراع عشان ماعتذرش من شخص واقوله انا غلطان .. وهطلع ميت حجة وميت سبب
بس بنصح كل إنسان شايف ان الاعتذار ضعف الشخصية بالعكس هي دي نقطة ضعفك
وثقب كبير جدا في شخصيتك هينفر الناس منك والاعتراف بالخطأ مفتاح النجاح
ماياما علماء عملوا نظريات وجه علماء صححوها واكتشفوا فيها قصور وماعترضوش عليهم
او خالفوهم لانه هو ده الصح
(جميل السؤال يا كماتشو)

ثانيا بقى
ايه تعمل لو عندك صديق من النوع اللي بيحب يفرض رأيه وانت عكسه تماما متحبش كدة ابدا وبرغم كدة انت بتحبه وبتقدره لكن مش متحمله طول ماهو بالطريقة دي وحاولت معاه كزا مرة انك تقلل من طريقته دي في التعامل وفرض شخصيته بس فيشي فايدة؟؟
ماذا ستفعل؟

ربنا يخليكى يا دودى يا الللا متفاعلة معايا فى الموضوع
وشكرا لحلك للمشكلة
وكويس بجد اننا من النوع اللى بيتأسف ومش بيكابر عد الغلط
لانه مش عيب زى مانتى وضحتى
...
اما بقى ردى على مشكلتك دى

فانا فعلا ليا صاحب كده
وعنده لكل موضوع حوار
ومستعد انه يتكلم فى مية حوار فى وقت واحد
ويبقى عارز يفرض رايه على كله فى كل المواضيع
وانه هو وبس اللى بيفهم

وطبعا دى عادة مش كويسه

وبما انى حاولت معاه ومافيش فايدة
هاحاول تانى بردو
ولو مافيش بردو فايدة
خلاص بقى
هاحاول اتأقلم على الوضع ده
واللى خلانى استحمله قبل كده استحمله بعد كده
....
بجد
ميرسى تانى مرة ليكى يا دودى

..
اما بقى المشكلة اللى هاطرحها
لو صحابك اللى حواليكى شايفين فيكى حاجة مش فيكى
وكانت الحاجة دى صفة سلبية
وانتى مش عارفة تقنعيهم وتثبتى ليهم انك مش كده

هاتعملى ايه
؟

فعلا ميرسى ليك على التوبيك الجميل ده



بالنسبه اللموقف بتاعك يا دودى

اولا الصديق ده مش بيحب غير نفسه وده مش يبقى صاحب ولو فضل يفرض رائيه حتى لو انا بحبه وحولت معاه كذا مره خلص مش هانفذ اراءه وها بعد عنه لفتره لحد مايعرف غلطه لانه كده يبقى انانى حتى لومقدرش استغنى عنه

بص يا كماتشو لو فعلا الصفه ديه مش فيه ها خليهم يقولولى ايه المواقف اللى خلتهم يقول انى فيه الصفه ديه ويا يقنعونى يا يقتلونى ههههههههههههههههههههههههههه

شكرا ليك كماتشو

انا عايزه اسئل على حاجه هى الاسئله ديه متوجه لكماتشو فقط ولا ايه
هههههههههههههههههه

بس موقفك صعب اوى يا دودى
مش قدره احسو

الموضوع مش مقتصر علي دودى وانا بس

لكن احنا اتعودنا على كده
لان مافيش حد بيشارك

لكن دلوقتى انتى بتشاركنى
وده هايفيد اكتر



شكرا ليكى يا سموكا على مشاركتك

وحل دبلوماسى بردو



..

ويا دودى بقى

انتى حلك جميل جدا ومقنع ومنطقى اوى

بس انا قلت فى مشكلتى ان الصفة دى مش فيكى

المهم

هو الحل بتاعك زى ما قلت مقنع فعلا



.. وبخصوص اعيش احساس الزمالكاوى

انا ممكن اكون بعيشه اوقات

لانى بلعب كورة وكده

وبزعل اوى لما بخسر



فما بالك بقى باللى بيخسر دورى

وده مش دورى واحد ، دول كتير طبعا

واخر اربعة او خمسة _مش متاكد_ ع التوالى لونهم احمر

وكمان مافيش ولا كاس وولا بطوله افريقية

وولا بطولة عربية

وولا حتى هدية من دورة رمضانية





بجد ربنا يكون فى عونهم

وبالمناسبة

انا ليا اصحاب زمالكاوية

وبشوف ف عنيهم نظرة الحقد ع الاهلى ولاعيبته وجمهوره



..........



انا بقى هاطلب رايك فى موضوع بيشغلنى اوقات كتير :



هاتعملى ايه لو ابو تريكه لا قدر الله لا قدر الله لا قدر اعتزل

معلش يا كماتشو مخدتش بالي من انها الصفة مش فيا
حصل خير
.............

يااااااااااااااااااااااااااااااااه يا كماتشو
مش متخيلة الأهلي من غيره
ومش متخيلة المنتخب من غيره
ومش متخيلة الكوووورة من غيره
بس أكيد القرار ده لما ياخده هياخده بملء إرادته وهيكون مرتاح واحنا ننبسط لراحته طبعا
يلا فكروووووووووووووووووووا في أسئلة انا مش عندي
مخي توقف عن العمل

طب ماشى يا كماتشو ياريت تقبلونى معاكم

اما بقى لو ابوتريكه اعتزل طبعا هازعل جدا جدا جدا

بس طلما ديه ارادته فا خلاص

ميرسى لوجهة نظركم ف الموضوع
وشكرا انك اديتونى مبرر اصبر بيه نفسى
لما روكه ينوى ويعملها
بعد عمر طويل ان شاء الله
......
طبعا يرشفنى انا شخصيا اشتراكك
وينور الموضوع اكيد

ويا دودى
سموكا بقى اللى هاتقولنا موقف او مشكلة
واحنا باذن الله نحاول نحلها

وخدى بالك ان الفكرة
هى انك تحكى موقف من حياتك
حصلك او لحد من اخواتك او اصحابك او معرفة
او شوفتيه ادام
كده يعنى ...

يلا

سموكا
انتى فين

احنا منتظرينك