كتيييييير واحنا صغيرين او حتى لما كبرنا كان في جمل او كلمات او اغاني وغيرها كنا بنسمعها غلط ومهما نحاول نسمعها تاني كنا برضه بنسمعها غلط
ودا حصلنا كلنا
يعني كنا نسمع ناس تقول على اسماعيل اسماعين
وناس تقولك انا رايح السيلما
وواحدة تقول الصندر دا جميل اوي

وانا عن نفسي سمعت حاجات كتير غلط خاصة في الاغاني ولما فهمتها بقيت اضحك على نفسي على الاخر
زي مثلا
اغنية العيد بتاعة صفاء ابو السعود
كنت باحبها اويييييييييييييييييييييييييييييي
لكن دايما كنت اسال نفسي ولغاية وقت قريب
مين سعد نبيها دا اللي بيحليها
لغاية ما عرفت انها سعدنا بيها

كمان اغنية حماقي واحدة واحدة
كنت اسمعه بيقول
لو جا انتظام معاك بالشكل دا مقدرش عليه
واضحك عليه واقول الراجل دا اتجنن بيغني اي كلام وخلاص
لغاية ما عرفت معناها


طيب سيبكم من دا كله
اغنية محمد منير نعناع الجنينة
كنت دايما اسمعها ايه
نعناع الجنينة مسجدي حيطانه شجر المسطرح ضلل على عيدانه
وكنت اتجنن واقول امتى يغني كلام مفهوم بدل اللوغاريتمات دي
لغاية ما عرفت انه كلام عادي زي بتاعنا وبيقول فيه
نعناع الجنينة المسقي في حيضانه شجر الموز طرح ضلل على عيدانه


وغيرها على كدا كتيييييييير









ياريت كل واحد يدخل ويكتبلنا ايه الحاجات اللي سمعها غلط
ويقولنا طبعا الصح بتاعها لو عارفه
ولو مش عارفه يقولنا برضه


يللا مستنياكم
ما تتاخروش عليا
وكله يقول بصراااااااااااااااااااحة

ميرسي يا تريكة
مشكورة كتيييييييييييير يا اهلاوية
بس عايزين نفتكر اكتر من كدا
مش تدخلوا تضحكوا عليا وخلاص