ازيكم يا احلى اعضاء فى احلى منتدى يارب تكونوا بخير جميعا
بعد كام ساعة خلاص هيبقى( يوم الام ) اللى هو طبعا مسمى عيد الام
الام اللى هى كل حتة فينا واحنا من دمها ومن كيانها
انهارده يوم الام الام اللى هى اول حد شوفناه فى الوجود
اللى هى اول حد فتحنا عنينا عليه
اللى اول حد نحبه من قلبنا اللى هى روحنا ودمناا
من غير امى مكنتش هبقى انا من غير امى لايمكن هكون انا
بعد ربنا سبحانه وتعالى كل الدين اللى احنا فيه ده لامنا
وبحمد ربنا انه ادانى امى وهى عندى احسن ام فى الدنيا الحمد لله كلنا لازم نحمد ربنا على امنا ونحاول نرد ولو نقطة فى بحر من جمايلها علينا ونحاول على أد ما نقدر نريحها ونشيل معاها همنا ومنزعلهاش ابدا وياريت ده ميكنش بس فى يوم الام ده يكون كل يوم يمر علينا نفتكر دائما ان ربنا وصانا عليها وعلى طاعتها هى ووالدنا طبعا ونفتكر كمان ان رسولنا الكريم عليه الصلاة والسلام قال امك ثم امك ثم امك
من كتر اهمية الام فى حياتنا نفتكر دائما انها احلى حاجة فى دنيتنا
ويلا بقى كل اللى عايز يقول حاجة لوالدته يدخل يقول بحبك يا امى ويقول كل اللى فى قلبه ليها
واللى فقد والدته يقول الله يرحمها ويقرأ لها قرأن وربنا يرحم امهاتنا جميعا يارب العالمين
وانا اول واحدة هقول بحبك يا امى
وربنا ياااااااارب يخليكى ليا وميحرمنيش منك ابداااااااا ويارب على أد ما اقدر محاولش ازعلك منى ابدا ومهما قلت يا امى مش هكفيكى حقك وربنا يخليلنا امهاتنا يارب وبجد الجنة تحت اقدامهم
الفيديو 
أحدث الصور 
موضوع: هتقول ايه لست الحبايب؟ 
2009-03-20, 8:42 pm
