خليــــــــــــ ايجابي ــــــــــكـــــــ

السلام عليكم

استمرارا للتواصل بين الاعضاء وفريق العمل

عملنا التوبيك ده
خليــــــــــــــ ايجابي ـــــــــكــــ

قول رايك بصراحه
شايف المدير او الاتنين المراقب العام مقصريين او المشرفيين مقصريين انتقدنا

شايف قسم مش شغال وفريق العمل مهمل فيه قول

عندك فكره قولنا
خليـــــــــــ ايجابي ـــــــــكــــــ

ممكن نكون مش شايفين حاجه انتا شايفها
خليك ايجابي وقولنا عليها

انصحنا مش عشان انتا جديد واحنا قدام يبقي مش هنسمع نصيحتك

انقد احمد الشعار مدام بيعمل غلط

انقد اي عضو ف الفريق مدام يستحق النقد

خليـــــــــــ ايجابي ـــكــــــــ

خليــــــــــــ ايجابي ــــــــــكـــــــ 42646637wk1

خليــــــــــــ ايجابي ــــــــــكـــــــ 42646637wk1

اضافة منى

اللى هيقول مدح فى فريق العمل او يقول اننا مش مقصرين يبقى كداب وهيطرد فى الحال :D

بس ممكن اقول رأي بصراحة
انا شايف ان المنتدى بقى نايم اوى ومافيش تنشيط زى الاول
وساعات ابقى قاعد وفى اعضاء كتير فاتحين بس ماحدش بيشارك خالص
الناس اللى بتشارك بقت تتعد على صوابع الايد
ده رأي اللى شايف غير كده يقول

كلامك سليم يا محمود
انا عملت توبيك عشان اعرف ايه السبب

يمكن يكون فيه مشاكل بس موصلناش لحل

ياريت بجد الي يكون موجود يتفاعل معانا
ويشارك معانا

بالنسبه لنوم المنتدي هو مش نايم بالطريقه الجامده الي كانت من فتره
بس برده نايم
وده يرجع لاننا المفروض مدير ومراقب ومشرف واعضاء كلنا نتكاتف عشان ننشط المنتدي بمشاركتنا

ولا ايه رايك

هو ده رأي انا شايف ان فى كمية اعضاء كتير جدا
مالهاش اي دور فى المنتدى
واللى مشترك ومابيدخلش خالص حاجة غريبة جدا
واعضاء كتير ادخل على بيناتهم الاقى مشاركتهم صفر حاجة تحرق الدم

ومش معقول 19400 عضو مشترك فى المنتدى مافيش منهم غير 11 عضو فاتحيين دلوقتى
و5 او 6 هما اللى بيشاركو والباقى مشجع ممتاز

السلام عليكم
بصراحة التوبيك فكرته معروفة وكتير قولنا وعيدنا ف الكلام ده
بس هو ممكن سؤال ؟
هو المنتدى لازم يبقى ليه الاولوية عند كل الاعضاء ؟؟؟؟؟؟
يعنى مش فيه مشاغل ف الحياة ولا ايه ؟
يعنى كل واحد ليه ظروفه واللى حابب المنتدى بيدخل لما بيكون عنده وقت اكيييد اما اللى مش حابب يدخل فمش هنجبر حد على حاجة هو حر !!!
يعنى متفضلوش تقولو العضو ده مش مهتم والعضو ده مش مؤثر
لان زى ما قلت المنتدى مع انى بحبه جدااااااااااا وبدخله كل يوم وبستفاد منه كتييييييييييير بس بردو مش اهم حاجة ف حياتى ولو كنا واقعيين هو مش اهم حاجة ف حياتنا كلنا فى دراسة وشغل واهل واصحاب واخوات !!
هو اه المنتدى سعات بيكون انشط من كده وده بيكون على حسب الجو والاعضاء واحنا ياريت نحاول ننشطه بحاجات مفيدة وحاجات مختلفة تشدنا اننا ندخله
بالنسبة لفريق العمل فهو بردو لازم نعاملهم الى حد ما معاملة الاعضاء يعنى اللى مش بيدخل اكيد مشغول
ياريت بس طلب من فريق العمل انه اللى مش هيدخل لفترة يتشال من فريق العمل وده علشان يفضل المنتدى نشيط ويرجع تانى انما اسمه موجود وهو مش موجود !! مينفعش
واى عضو ف الفريق متواجد يحاول يفيد الناس اكتر يارييييييييت
شكرا

طبعا كلامك سليم يا اميره المنتدي عند ناس كتير مش اهم حاجه
فيه حاجات تانيه كتير مهمه
زي ما قولتي الدراسه والشغل وغيره
وومكن برده يا محمود العدد الكبير من المشتركين عندهم ظروف الي تمنعهم
فيه اللي شغال
وفيه اللي نسي المنتدي

وده طبيعي انه يحصل

بس اللي موجود ع قد ما بيقدر بيحاول ينشط المنتدي

وان شاء الله موضوع اعضاء فريق العمل الي مش متواجدين
كنت هتكلم فيه مع مدين الاسبوع الي فات
بس للاسف مدين كان عنده ظروف
وبرده ارجع اقول ان ليهم اعذار كلهم معادا تريكه لافر 22
ان شاء الله نعد مدين ومايكون وانا ونعمل توزيع صح للمنتدي
لان فيه اقسام كتير مش عليها مشرفيين

اقولك علي حاجة مش المنتدي اللي نايم انا اللي عايز انام بصراحة محمود عندة حق بس الاعضاء هم السبب مفيش حد بيعمل نشاط وانا اولهم انا كان عندي ظروف خاصة + النت كان مقطوع المفروض الاعضاء يشدو هيلهم شويةحاجة تاني بقا يا شعار اسمحلي انتقد حاجة فيك انت بتعمل مواضيع كتيرودة كويس بس يبقي احسن لما ترد اكتر علي المواضيع انت كدة بتدي دفعة للاعضاء...... انت عارف معناة اية لما عضو يلاقي المراقب العام للمنتدي بيشجعوا دي حاجة كبيرة بالنسبة ليةوشكرا

كلامك صح يا مخ
بس والله انا وقتي بيقي محدود اوي
يعني انا بصحي الساعه 2 قبل الفجر
وبنام الساعه 9 بعد العشا
ببقي جاي بقي من الشغل الساعه 5 تعبان جدا
ومبقدرش اعد الاربع ساعات ف المنتدي لان بعد مع ابويا وامي
فالوقت الي ببقي فيه ف المنتدي
بشوف لو فيه مشاكل او كده
وبعد كده بشوف المواضيع والردود اللي بعملها
وبعمل مواضيع جديده
فبجد مبيبقاش فيه وقت اني ادخل توبيكات واقراها وارد

غيركده بجد فيه حاجه كده بيني وبين ربنا بتمنعني اني اقرا كتير
ان شاء الله قريب جدا هظبط الموضوع ده
شكرا يا احمد لنقدك البناء ده
جزاك الله خيرا

فكرة كويسة
بس اعذرنى مش هعرف اقول *_^
ربنا معاكم

فيه تقصير جامد جدا
تذكير

انا اول واحد الكلام ده ينطبق عليهااا :D

بس ده مش منى انا لوحدى المنتدى بقا نااااايم جداااا اكتر من الاول بكتير
سواء من مدير
ومراقب
وفريق عمل
واعضاااااء

وانا مقصره فعلا وبعترف
وافضل ان يترشح ناس جديده للاشراف
ويتجدد فريق العمل من الناس اللى مش شغاله
وكلنا عوزين مصلحه المنتدى اكييييد
فانا عوزه اتشال من الاشرااااااااااااف :D
فى سبيل ان حد يجى مكانى ينشط المنتدى ويعمل فيه شغل حلو

انا بتفق معاكي يا ايمي ان المنتدى نايم جدا جدا واذا فضل كده مش عارفة بصراحة اقول ايه
والتقصير بجد زي ما قلتي من الجميع
من المدير والمراقبين والمشرفين وبردو الاعضاء اللي لازم يكونوا ما=تفاعلين اكثر من كده لما بيشوفوا المنتدى كده

السلام عليكم ورحمة الله وبركاتة

كويس يا شعار اللى انتة فتحت الموضوع دة
بس التقصير موش م الادارة . بالعكس من الاعضاء
ولازم نعذرهم عشان دى ايامدراسة وامتحانات ترم
فمعاهم عذرهم
_______________
ولكن:.
فى احباط من الادارة للاعضاء؟؟
المشرفين او المشرفات اللى عمالة تنقل مواضيع للارشيف
ويكتتب تحتة (( مكرر )
طب لية يتنقل بطريقة دى . وهو اساسا اللى اول واحد حطة فى توبيك
هو سرقة او نقلة او اى حاجة من ذلك . وعلى فكرة . انا شخصيا مرة نقلت موضوع ونزلتة هنا . وبعد كام يوم بالصدفة اكتشفت انو مكرر . وبقيت اقول ( اسف ياجماعةالموضوع دة بتاعى طلع مكرر . ارجو النقل )
وماتنقل الا بعد كام يوم . وكل يوم الاعضاء بيدخلويردوىعلية كمان . رغم انى كاتبانو مكرر . واللى نقلة مدير المنتدى من بعد طبعا ماشاف يوميا ردودى ان بنادى باى مشرف او مراقب ينقلة. لان طبعا ردودى انو مكرر . احرج ناس كتير بدون قصد منى طبعا.

انا لااتدخل فى ادارة المنتدى . ولكن دة احباط للاعضاء
يعنى مثال :. ممكن عضو او عضوة . تنقل موضوع مهم جدا من منتدى تانى او اى موقع.
وتجيبه هنا فى تريكة. وسيادتها او سيادة يخلى الكتابة باللون الاسود او
الازرق
يعنى لايتشاف ولا يتقرا . يجى عضو تانى يعجبة نفس الموضوع وينقلة برضو من منتدى تانى الى منتدى تريكة. وينسقة ويخلية موضوع مقروء بطريقة صحيحة . يقوم مشرف او مشرفة او اى حد معاة صلاحية النقل . ينقل التوبيك الجيد . ويخلى التوبيك اللى حتى موش عارفين نقرا . ولو حد اتكلم يقولو . ياجماعة قبل ما تحطو المواضيع. ابحث الاول فى المنتدى ؟؟. طب ابحث ازاى . والعضو الاولانى مغير العنوان الاصلى . ومغير لون الكتابة .
ياجماعة الخير . رجاءا وليس امرا . واحنا كلنا اخوات
بلاش احباط . وانا والله ما اقصدحد معين . ولا فى تفكيرى موضوع معين. لانهم مواضيع كتير .
بس كلمة لكل مشرف او مراقب او لـ مدير المنتدى.
طالما تريدون افادة الاعضاء وتطوير هذا المنتدى . افعلوا الصواب حتى لو خارج روتين اداراةالمنتدى
ما هودة ناقل ودة ناقل
لكن ربما ناقل افضل يفيد الجميع
________________
thanx