ايهما افضل.. ادخل واختار

موضوع: ايهما افضل.. ادخل واختار 2009-03-27, 1:13 am

السلام عليكم ورحمة الله وبركاته
رسالة إلى الأحباء فى حكم الغناء
بسم الله و الحمد لله و الصلاه و السلام على رسول الله (صلي الله عليه وسلم) فيا اخى الحبيب هذه دعوه من محب لك حريص عليك يتمنى لك الجنه و يخشى عليك من النار فهل قرات كتاب ربك و تدبرت فى معانيه العظيمه فأنه قرءان الرحمن الذى طرد صوت الشيطان.
قال تعالى مخاطبا ابليس :" و استفزز من استطعت منهم بصوتك و اجلب عليهم بخيلك و رجلك و شاركهم فى الاموال و الاولاد وعدهم وما يعدهم الشيطان الا غرورا "(الاسراء 64)

فسر مجاهد كلمه "بصوتك" على انها الغناء و المزامير.
و قال تعالى: "ومن الناس من يشترى لهو الحديث ليضل عن سبيل الله بغير علم و يتخذها هزوا اولئك لهم عذاب مهين" (لقمان 6)
اقسم ابن مسعدو (رضى الله عنه) أن المراد بـ(لهو الحديث) هو الغنااااااااء.

اخى الحبيب: ان طول الاستماع الى الباطل يطفئ حلاوه الطاعه من القلب.
قال رسول الله (صلي الله عليه وسلم ): "ليكونن من امتى اقوام يستحلون الحر و الحريرو الخمر و المعازف" (البخارى)
هذا الحديث من نبوءات النبى(ص) التى نراها الان حيث يستمع الناس الى المعازف و لا ينتبهون الى انها حرام بل و يستحلون ذلك.

و عن انس (رضى الله عنه) "ليكونن فى هذه الامه خسف وقصف ومسخ وذلك اذا شربوا الخمر واتخذوا القينات وضربوا بالمعازف." (السلسه الصحيحه)
(والقينات) هى المغنيات و هذا الحديث من نبؤات الرسول (ص) التى نخشى ان تقع فينا فقد حدث ما حذر الرسول (صلي الله عليه وسلم ) من عواقبه.

و بعد
ايها الاحبه فالادله على تحريم الغناء كثييييييييييره و لكن نقف مع السؤال !!
ايهما افضل: ان تقرا القران فتاخذ عن كل حرف عشر حسنات ويكون لك القران هدى ونور ورحمه ويكون مكفر للذنوب.
او ان تستمع لصوت الشيطان وتردد معه كلماته الذى تلهى عن ذكر الرحمن وتجلب للقلب العصيان ؟؟ فهلا افقنا الى تعاليم ديننا التى فيها امر ربنا حتى نسير على نهج رسولنا فيشفع لنا فى اخرتنا. فماذا بعد الحق الا الضلال.
قال الله تعالى
"مايلفظ من قول الا لديه رقيب عتيد "
اى كل لفظ تلفظه سيسجل عليك فى لحظتها
ايهما افضل ان يسجل عليك ترديدك بالقرءان
ام يسجل عليك ترديدك للاغانى
ايهما افضل ان يسجل عليك انك أستمعت للقرءان
ام يسجل عليك انك استمعت للاغانى

قرر ياأخى وياأختى بأيديكم القرار وأختار طريق من الطريقين
للاستفادة ارسل الموضوع لكل اللى تعرفوه
الدال على الخير كافاعله

ملاحظة:
انا الحمد الله بطلت اسمع الاغانى من فترة والحمد لله
كانت فى الاول صعبه وبقول مش هاقدر
بس هيا اسهل من السهولا والله سهلة اوى
وكنت بقول لنفسى انا مابعرفش اذاكر الا وانا بسمع حاجه وفعلا انا كنت كده
بس قلت لنفسى ماأبدل الاغانى بالاناشيد والقرءان وهتلاقيها احسن كتييييييير بس خذ القرار وامسح الاغانى نهائيا من على الجهاز والتليفون

ده رابط لدرس للشيخ محمد حسين يعقوب ممتاز
بيتكلم عن حكم الغناء
http://www.yaqob.com/site/docs/sharayet.php?id=253&cat_id=17

ربنا يبارك فيك
وجزاك الله كل خير
انا كمان كنت قعدت فترة كبيرة مبطلاها
وكنت كل مااردد اغنية غصب عنى افتكر واستغفر
لكن للاسف رجعتلها تانى من فترة
ربنا يعننا جميعا على عدم سماع الاغانى
شكرا هانى عالتذكير

جزاك الله كل خير ياهاني وجعلة في ميزان حسانتك

4everاهلاوية كتب:

ربنا يثبتك
ونصيحه حاولى تانى وتالت ورابع
امسحى الاغانى من عندك
وتوكلى على الله
من ترك شئ لله عوضه الله خيرا منها

ان شاءالله
طول مافية صحبة صالحة زيكم ايماننا هيقوى بعون الله
جزاك الله خيرا

جزاك الله خير ياهانى ع الموضوع الجميييييييييل
وربنا يهدى كل من يسمع الاغانى

من المعروف ان الغناء مزمار الشيطان

لكن يا هانى الواحد مش هيعرف يتركها مرة واحدة كده

بس ان شاء الله ربنا يعين الواحد

وجزاك الله خيرا يا هانى

nedved4ever كتب:

لا يانيدفيد انا مش معاك

هيا مش هاتيجى الا مرة واحده

صدقنى اسأل مجرب

واوعى تسمع كلام الشيطان انها مش هتيجى مرة واحدة

وبعدين الحمد لله انت عارف انها حرام

وعلى فكرة الاصرار على الذنب اشد من الذنب

يالا انوى وتوكل على الله

وامسح الاغانى مرة واحدة من غير متفكر

وبع كده بدل سماع الاغانى بالخطب والاناشيد

ونصيحة ركز مع الشيخ حازم شومان هيفيدك جامد

الرابط دة فيه اسطوانة على فين ياشباب هتفيدك

http://www.treika.com/montada-f10/topic-t13011.htm
اوعى تزعل منى انا بنصحك كأخ

واخيرا شكرا على ردك

تقبل تحياتى

تسلم يا هانى

لا هازعل من ايه بس يا هانى

انت قولت حاجة تزعل

ان شاء الله يا هانى اوعدك انى هاهجر الاغانى دى مرة واحدة

وان شاء الله هاسمع الخطب والاناشيد

وان شاء الله ربنا يعين الواحد ويقدره ع ترك المعاصى

جزاك الله خيرا يا اخ هانى

بارك الله فيك ياهانى وربنا يكثر من امثالك.
انا كنت مدمن سماع الاغانى لكن انعم الله على وتركتها مرة واحدة مخافة ان يدركنى الموت وانا استمع اليها فابعث على هذا الوضع المخجل .
هدانا الله واياكم .
وجزاك الله خيرا.

مش عارفة اشكرك ازاى يا هانى انا بجد كنت محتاجة الموضوع ده اوى عشان مش بعرف اذاكر من غير الاغانى والظاهر كده ان ربنا بعتك ليا فربنا يباركلك يارب وتلاقى الموضوع الجميل ده فى ميزان حسناتك

menna333 كتب:: مش عارفة اشكرك ازاى يا هانى انا بجد كنت محتاجة الموضوع ده اوى عشان مش بعرف اذاكر من غير الاغانى والظاهر كده ان ربنا بعتك ليا فربنا يباركلك يارب وتلاقى الموضوع الجميل ده فى ميزان حسناتك

تشكرينى على ايه لاشكر على واجب
وعلى فكرة انا كنت مدمن سماع اغانى مع المذكرة وفى غير المذكرة بس الحمد لله ربنا هدانى وتاب عليا من الاغانى
والفضل لربنا ثم الشيخ حازم شومان بصراحة دروسو مؤثرة اوى حاولى تتبعيها وتسمعيها
خدى القرار من غير متفكرى فيه وامسحى الاغانى مرة واحده
وانتى بتذاكرى اسمعى قرأن او اناشيد هتلاقيه احسن كتيييييييييييييييييير
والبركة فى الشيخ مشارى راشد واناشيدة الحلوة
اللهم ثتنا واياكم على الهدى

وشكرا على ردك
Exclamation

http://www.treika.com/montada-f5/topic-t13492.htm#159031
ده رابط روعة
لاحدث البومات عمرو دياب الجديدة

طب كويس قوي طرح الموضوع انا الحمد لله بقيت اكرها اصلا بس نفسي اعرف لو هيه اناشيد فيها موسيقي بقه ايه الحكم يعني اناشيد مدائح نبويه وكده وربنا يثبتكوا ان شاء الله وياريت كمان تقولوا حاجه عن الافلام العربيه الهابطه بتاعة دلوقتي اللي بقيت عامله زي المرض اللي تفشي في مجتمعنا ولو سمعتوهم هيقولوا بنناقش قضايا انهي قضايا اللي الفيلم بيبقي كله خارج ويستخدموا الفاظ خارجه ياريت تطرحوا المواضيع ديه وغيرها طبعا

ساندو كتب:: طب كويس قوي طرح الموضوع انا الحمد لله بقيت اكرها اصلا
الحمد لله عقبال باقى الشباب
بس نفسي اعرف لو هيه اناشيد فيها موسيقي بقه ايه الحكم يعني اناشيد مدائح نبويه وكده وربنا يثبتكوا ان شاء الله
بص ياسيدى اولا انا مش اهل انى افتى واقول ده حلال وده حرام
اللى اقدر اقوله استفتى قلبك
الحلال بيين والحرام بيين
و ياريت تسئل شيخ دارس وفاهم وهو هايفتيك
وياريت كمان تقولوا حاجه عن الافلام العربيه الهابطه بتاعة دلوقتي اللي بقيت عامله زي المرض اللي تفشي في مجتمعنا ولو سمعتوهم هيقولوا بنناقش قضايا انهي قضايا اللي الفيلم بيبقي كله خارج ويستخدموا الفاظ خارجه ياريت تطرحوا المواضيع ديه وغيرها طبعا
ان شاء الله انا هاحاول ابحث واعمل موضوع بخصوص الافلام ربنا يسهل
[/size]

جزاك الله خير على ردك الجميل ده

بس قلت لنفسى ماأبدل الاغانى بالاناشيد والقرءان وهتلاقيها احسن كتييييييير بس خذ القرار وامسح الاغانى نهائيا من على الجهاز والتليفون

هانى بس اذا احنا لو سمعنا للقران واحنا بنذاكر كده غلط

علشان احنا لازم اما نحب نسمع قران لازم نستمع له صح

القران يقول هذا ...

يبقى ازاى بقى نكون بنذاكر ونستمع للقران ...احنا كده لازم نستمع

للقران يعنى نقعد نفهم معنى الايات اللى بنسمعاه وكده ...ازاى

واحنا بنكون بنذاكر ...

بس طبعا انا كده مش بحلل سماع الاغانى عموما ...بس انا المقاله دى

وقفتنى بس وحبيت ارد عليك ...

بس برضه عندى راى... هى مش الشيماء اخت الرسول كانت

بتغنى ...صح

بس هى كانت بتغنى باحترام ,, يعنى لو حد غنى دلوقتى باحترام

اعتقد انه مش حرا م...صح ولا انا غلطانه ...

وعلى العموم شكرا ليك اوى ...

انا اسف والله ماقرات ردك الا دلوقتى

abotreka_lover كتب:: بس قلت لنفسى ماأبدل الاغانى بالاناشيد والقرءان وهتلاقيها احسن كتييييييير بس خذ القرار وامسح الاغانى نهائيا من على الجهاز والتليفون

هانى بس اذا احنا لو سمعنا للقران واحنا بنذاكر كده غلط
مين قال ان ده غلط
علشان احنا لازم اما نحب نسمع قران لازم نستمع له صح
القران يقول هذا ...........
القران بيقول ** وأذا قرأ القرأن فاستمعوا له وانصتوا لعلكم ترحمون **
المقصود با وأذا قرأ القرأن القرأن فى الصلاه
انا سألت فيها شيخ فى النقطه دى بالذات
وقالى مافيهاش حاجه انك تسمع قران وانت بتذاكر

بس طبعا انا كده مش بحلل سماع الاغانى عموما ...بس انا المقاله دى
وقفتنى بس وحبيت ارد عليك ...
وانا رديت .........

بس برضه عندى راى... هى مش الشيماء اخت الرسول كانت
بتغنى ...صح
مين قال
انتى قصدك فيلم الشيماء بتاع سميره احمد
ههههههه
انتى لما تحبى تعرفى حاجه زى دى اعرفيها من علماء السيره وكتب السيره
وبعدين مين قال اللى هيا كانت بتغنى
وياترى هيا كانت بتغنى بعد مااصبح الرسول نبى ولا قبل
فى حاجات كتييييره احنا مانعرفهاش
مس معقول هانعلق على حاجه واحده واحنا مانعرفش الباقى
انتى فهمتى قصدى ايه .......؟؟؟؟

بس هى كانت بتغنى باحترام ,, يعنى لو حد غنى دلوقتى باحترام
اعتقد انه مش حرا م...صح ولا انا غلطانه ...
ايه المقصود باحترام.......؟؟

وعلى العموم شكرا ليك اوى .
اظن انتى عملتى توبيك اسمه الاغانى حلال ولا حرااااااااام
صح
انتى كنتى بتقولى ان اللى كان بيجدلك فى الموضوع ده كلامه مقنع
ياريت تقرى الردود اللى اتكتبت فى الموضوع وهاتعرفى مين اللى رايه مقنع

انا اسف على الاطاله
وشكرا على مرورك

شكرا ليك انت يا هانى ...انا فعلا قرات الردود ...

وعلى العموم شكرا لك على المعلومات ... انا بقى دلوقتى هذاكر وانا مشغله القران ...

وانا الحمد الله مش حاسه انى عامله ذنب..

بجد جزاك الله خير يا هانى
بجد انا بطلت الاغانى سنتين وللاسف رجعت اسمعها تانى برغم انها ممسوحه من التليفون والجهاز
بس بصراحه لما اشروف الاغانى وانا بقلب فى التلفزيون غصبن عنى بسبها وده انا بضيق منه اوى ربنا يهدينى ويهدينا كلناااااااااااا

DINA TREIKA كتب:: بجد جزاك الله خير يا هانى
بجد انا بطلت الاغانى سنتين وللاسف رجعت اسمعها تانى برغم انها ممسوحه من التليفون والجهاز
بس بصراحه لما اشروف الاغانى وانا بقلب فى التلفزيون غصبن عنى بسبها وده انا بضيق منه اوى ربنا يهدينى ويهدينا كلناااااااااااا

جزاكى الله خير
ربنا يثيتك على الطاعه ويبعدك عن المعصيه احنا وشباب المسلمين اجمعين
حاولى تبطلى تانى وتالت ..........
ماتمليش من المحاوله
واستعينى بالله
وتذكرى انك بتسمعى حاجه بتغضب الله منكى

وتذكرى عقوبة اللى بيسمع اغانى
مين مننا يستحمل الرصاص المذاب المغلى ..... ينزل فى اذنه !!!!
ربنا يعافينا كلنا
امين يارب

كلمه اخيره لكل اللى بيسمع اغانى
اختار لنفسك ؟؟
تحب روحك تقبض وانت بتسمع اغانى ؟؟؟
لو تحب كده !!!
اوك
استمر فى سماع الاغانى

اللهم ثبتنا على الطاعه وابعدنا عن المعصيه
اللهم ارزقنا الاخلاص فى القول والعمل

امــــــــــــــــــين