لما تكون متضايق بتروح فين؟؟؟

تذكير بمساهمة فاتح الموضوع :

حبايبى التريكاوية
اكيد كلنا بنصاب بالزهق والخنقة
لاى سبب ما
بنكون وقتها مخنوقين جدا
مش طايق كلمة من حد
مش عاوز تتكلم
بتلتزم عادة الصمت
ومكتوب على وشك كلمة مخنووووووووووووووووق

وعادة بيكون حلك وتصرفك كالاتى :

بتروح تفتح اى اغنية حزينة وتقعد جنبها
تخرج بالعربية على 120
او بتمشى بلا هدف تفكر فى الشارع
او انك تقفل بابا الغرفة الخاصة تبعك وتبكى او تسكت وتعمل اعتصام عن الاكل والشرب

وغيرها كتير من الافاعيل التى لا تجد ولكنها تزيد الهم هم اكتر

ااقول ليك على حاجة؟؟؟؟ :

طبعا انت تعرف ربنا
وعارف ان بيده الامر كله
هو مالك الملك
هو من يملك مشاعرك
هو من اضحك وابكى
هو الله الذى لا ملجأ منه الا اليه
هو الله الودود

ما فكرتش تروح ليه فى يوم لما تكون مخنوق ؟؟؟؟؟؟؟؟؟؟

اسالك ؟؟؟؟؟؟؟
طبعا من المعروف ان الانسان بيروح للحاجة الى هو عارف انها حتريحه
تتفتكر ان الاغنية ممكن تشيل همك ؟؟؟؟؟؟؟
تفتكر ان الشارع ممكن يسمعك ويطبطب عليك ؟؟؟؟؟؟؟
تفتكر كونك تلتزم الصمت وتعتصم ده ممكن يوصلك لنتيجة كويسة ؟؟؟؟؟؟

اكيد لا .........لان امرك فى النهاية انك حتنام وشايل الهم

طب تعرف ...... ربنا سامعك وهو الى خلقك وهو الى عارفك وعارف الى ممكن يريحك

ربنا اعلم بيك من نفسك
ربنا الى ارحم عليك من امك
ربنا الى بيده الامر
ربنا الذى هو على كل شئ قدير
هو مدبر الامور
وهو مجيب الدعاء
رينا الى الدنيا عنده لا تساوى جناح بعوضة
ربنا الى قال (وقل ادعونى استجب لكم )

ليه انت ما فكرتش فى يوم انك تتوضأ وتصلى ركعتين وتدعيه ؟؟؟؟
ليه ما فكرتش انك تكلمه وتحكى ليه ؟؟؟؟

صدقنى اكيد حيساعدك ويعينك
على الاقل حيمحى الهم من صدرك ويداويك
تعرف ليه ؟؟؟؟؟؟؟
لانه مش معقول حد يستنجد بربنا ويؤمن بيه ويؤمن بقدرته ويثق كل الثقة ويتيقن كل اليقين ان محدش حيحل الى هو فيه ده غير ربنا وتكون النتيجة ان ربنا يخزله

استحاااااااااااالة تروح ليه ويخذلك
استحاااااااالة

ااقولك ......
اانا مرة كنت مخنوقة رحت اسمع اغانى حزينة واكتأبت
فكرت بينى وبين نفسى (طب انا ليه ما اروح للى خالق الكون ؟؟؟؟؟؟؟؟)
اتوضيت وصليت مع انى طبعا كنت مخنوقة ومش طايقة اعمل حاجة بس قلت اضغط على نفسى
وبعدها قعدت وكلمت ربنا وانا عارفة انه سامعنى
تعرف وقتها انا حسيت بايه؟؟؟؟؟
حسيت ان ربنا سامعنى وعالم بحالى
ووقتها اطمنت وقلت ربنا مش حيضيعنى
لا استحالة اروح ليه وهو يخذلنى
لانه اكرم الاكرمين
ولانه فى صفات كتير لا يسعنى ذكرها

نهاية كلامى وموضوعى .................ياريت لو نبطل نروح للاغانى او الشارع او نمشى بلا هدف او نعتصم ونتخنق

ياريت لو نرجع الى من بيده الملك نرجع للودود الرحيم
نرجع للى خلقك وانت اصلا ماكنتش حاجة
نرجع لربنا الى مالكش غيره والى محدش حيزيل همك غيره

واحب اختم كلامى بحمد الله عز وجل الذى فرج همى وشرح صدرى
وصلى الله على خاتم الانبياء والمرسلين سيدنا محمد النبى المصطفى الامين

والسلام عليكم ورحمة الله وبركاته

انا مش بروح في حتة بعقد زعلانة وبعيط وبعقد في حالي
شكرا ع الموضوع

لالا و الله ابدا يامنة
متفهميش X

انا زعلان من حاجة تانية خالص

مش في المنتدي و الله

موضوع جميل اوى و مهم اوى بحييكى عليه

وفعلا احسن مكان ترتاح فيه هو المسجد

وده افضل دعاء للهم والحزن
اللهم انى عبدك , ابن عبدك , ابن امتك , ناصيتى بيدك , ماضً فيا حكمك ,
عدلً فيا قضاؤك ,
اسألك بكل اسم هو لك ,سميت به نفسك , أو أنزلته فى كتابك , أو علمته احد من خلقك , أوأستأثرت به فى علم الغيب عندك ,
ان تجعل القران العظيم
ربيــــــــــــع قلـبـــــــــــــــى , ونـــــور صـــــــــــدرى , وجــــــــــــــلاء حــــــــــــــزنــــــــــــــــــــى, وذهـــــــــــاب غــــــــــــــــــــمى وهــــــــــــــــــــــمى ,
اللهم انى اعوذ بك من الهم و الحزن والعجز والكسل و البخل والجبن وضلع الدين وغلبة الرجال

hany كتب:: موضوع جميل اوى و مهم اوى بحييكى عليه

وفعلا احسن مكان ترتاح فيه هو المسجد

وده افضل دعاء للهم والحزن
اللهم انى عبدك , ابن عبدك , ابن امتك , ناصيتى بيدك , ماضً فيا حكمك ,
عدلً فيا قضاؤك ,
اسألك بكل اسم هو لك ,سميت به نفسك , أو أنزلته فى كتابك , أو علمته احد من خلقك , أوأستأثرت به فى علم الغيب عندك ,
ان تجعل القران العظيم
ربيــــــــــــع قلـبـــــــــــــــى , ونـــــور صـــــــــــدرى , وجــــــــــــــلاء حــــــــــــــزنــــــــــــــــــــى, وذهـــــــــــاب غــــــــــــــــــــمى وهــــــــــــــــــــــمى ,
اللهم انى اعوذ بك من الهم و الحزن والعجز والكسل و البخل والجبن وضلع الدين وغلبة الرجال

شكرا يا هانى ع المرور الجميل ده
والدعاء ده

حنين مصر كتب:: انا مش بروح في حتة بعقد زعلانة وبعيط وبعقد في حالي
شكرا ع الموضوع

العفو حبيبتى لا شكر على واجب
ده التريكاوية دول حبايبى
اقعدى فى حالك ماشى بس بلاش تعيطى
يسلملى مرورك يا عسل

» لو متضايق من حد ادخل هنا
» اختر العضو الي متضايق منة تحت الشمس لي مدت ساعة
» جوزيه 'متضايق' من إصابات فرانسيس .. ويوصى بتسويقه الفترة المقبلة

لما تكون متضايق بتروح فين؟؟؟

لما تكون متضايق بتروح فين؟؟؟

مواضيع مماثلة

مواضيع مماثلة