عاوز بس مش قادر هااااااااااااااام جدااااااااااااا

هنستعد امتى لأول ليله من ليالى القبر ؟

حد فكر فى الموضوع ده قبل كده ؟ احنا هنفوق امتى ؟ هنفوق امتى من الغيبوبه اللى احنا فيها ؟ هنفرح ربنا بتوبتنا الصادقه امتى ؟ هنشيل اشواك المعاصى اللى غارزه فى قلوبنا امتى؟

عايز بس مش قادر

دا احنا يا جماعه معظمنا بينتمى للنوع ده
اللى نفسه يقرب من ربنا اللى عايش معذب لانه بيعصى ربنا بس مهوش قادر وخايف لو رجع لربنا ما يثبتش على طريق ربنا سبحانه وتعالى انت عارف النوع ده ربنا سبحانه وتعالى نزله سورة كامله فى القرآن
تتصور ربنا سماه ايه عارف ربنا سمانى وسماك ايه ( النفس اللوامه ) فى سورة القيامه

النفس اللوامه النفس المعذبه اللى جواها خير وجواها شهوه
يجى يعمل الطاعه مش قادر انا عايز ارجع للدنيا تانى يجى يروح للمعصيه مش قادر انا نفسى ارجع لربنا تانى معذب وهو بيطيع ومعذب وهو مذنب معذب وهو بيصلى التراويح ومعذب وهو قاعد على القهوه ليه لانه مهوش كله لربنا النفس اللوامه النفس العاجزه

سؤال مهم اوى

عايز بس مش قادر
طب تقدر على عذاب النار؟ لا مقدرش.
طب تقدر على مقامع الملائكه ؟ لا مقدرش .
طب تقدر على عذاب القبر اللى لو سمعنا صوته الوقتى الانس والجن هيموتوا من صوت استغاثات اللى بيعذبوا بس ؟ لا مقدرش .
طب سيب مش قادر
اذا كنت مش قادر على نفسك هتقدر على عذاب يوم القيامه ازاى

فى شهوه احنا مسمعناش عنها كتير
كتير منا مسمعش عنها قبل كده
مش شهوة النساء ولا المال
اسمها ( شهوة الفجور)
يعنى ايه شهوة الفجور دى
ركبت مع سواق ميكروباص قبل كده مشغل كاسيت يسمع عشر شوارع ؟ ده لو كان شهوة الكاسيت كان شغل على قده
شوفت واحد صحبك قبل كده ماشى مع 150 بنت لو كانت شهوة نساء كان مشى مع واحده
سمعت عن واحد قبل كده مراته جميله سابها وراح مارس الزنا مع واحده خادمه معندهاش اى حظ من الجمال لو كانت شهوة نساء كانت مراته اولى
اذا دا دى شهوة فجور شهوة معصيه عايز يحس ان مفيش حاجه مقيداه "لِيَفْجُرَ أَمَامَهُ"
مفيش حاجه واقفه قدامه
تلاقى الشاب بيشرب السيجاره بيشفط الهوا بتاعها وبينفخه اوى لبره عايز يحس ان هو بيتنفخ
"لِيَفْجُرَ أَمَامَهُ"

تلاقى البنت عايزه تبقى بت ستايل ومتحرره واكتر بنت متحرره فى الجامعه ليه؟ "لِيَفْجُرَ أَمَامَهُ"

مفيش اى حاجه واقفه قدامى ربنا بيقولك " أًمْ حَسِبَ الَّذِينَ اجْتَرَحُوا السَّيِّئَاتِ " نهشوها زى الكلب اللى بيلاقى جيفه وينهشها طب ليه نبقى كده يا جماعه ؟ليه نبقى كده ؟ ليه ؟

هنفوق امتى يا جماعه هنفوق امتى هنفوق من الغيبوبه اللى احنا فيها امتى
هنستعد لاول ليله فى القبر امتى ؟
هنستعد لاهوال يوم القيامه امتى يا جماعه ؟
هنشيل اشواك المعاصى من قلوبنا امتى يا جماعه ؟
هنفرح ربنا بالتوبه الصادقه اليه امتى يا جماعه ؟
هنبقى محناش من النفس اللوامه ونبقى النفس المطمئنه بالطاعه امتى يا جماعه ؟
امتى ؟ امتى يا شباب ؟
والله يا جماعه الواحد بيستغرب اللى مستنيه كل الاهوال دى ازاى يعيش حياته مطمن كده ازاى ؟
ازاى ميعملش حساب الكلام ده كله ؟

دى كانت بعض مقتطفات من درس للشيخ حازم شومان
بعنوان

عاوز بس مش قادر

نصيحه حملوه
مش هايغيب
وهيفدكم اوى اوى

لتحميل الدرس اليكم الروابط

جودة عالية ممتازة

جودة أعلى من متوسطة

جودة متوسطة

رابط صوت بجودة عالية

إضغط هنا للإستماع مباشرة من الإنترنت

رابط ogg vorbis

رابط mp4 للجوال بجودة عالية

رابط فلاش flv

والله انا كل شوية بفكر فى عذاب القبر
اللهم ارزقنا حسن الخاتمه وسبتنا عند السؤال
اللهم اجعل لنا الجنه
جزاك الله خير ياهانى بارك الله فيك موضوع جميييييييييييييييييل
دايمن مواضيعك كلها جمييييييييييييييييييييله ومفيده جزاك الله خيييييييييييييييييييييير

اسماء الاهلوية كتب:

والله انا كل شوية بفكر فى عذاب القبر
اللهم ارزقنا حسن الخاتمه وسبتنا عند السؤال
اللهم اجعل لنا الجنه
جزاك الله خير ياهانى بارك الله فيك موضوع جميييييييييييييييييل
دايمن مواضيعك كلها جمييييييييييييييييييييله ومفيده جزاك الله خيييييييييييييييييييييير

شكرا على مرورك الجميل ده
بس ياريت تحميلى الدرس ده
درس روعه والله
وكل الكلام اللى مكتوب مايجيش 1/10 من الدرس

اللهم ارزقنا الجنة
وقنا من عذاب القبر والنار

تسلم ايدك يا هانى
شكرا وبارك الله فيك
بصراحة روووووعة

اللهم ارزقنا حسن الخاتمه
وثبتنا عند السؤال واجعل قبورنا روضه من رياض الجنه
ولا تجعلها حفره من حفر النار
امييييييييييييييييييييين
موضوع رائع ربنا يكرمك
ِ

جزاك الله خيرا
موضوع جميل اوى
ربنا يقينا من عذاب القبر

شكرا على مروركم الجميل ياتريكاوية

متنسوش ياتريكاويه تحميل الدرس
وياريت نشغل الكوبى والبست
ونبعتهم لكل اللى نعرفهم
ماتبخلش على نفسك
انت ماتعلمش
جايز واحد بسببك يسمع الدرس ويتأثر بيه
وتكون انت سبب فى توبته