جيفارا جاب لينا المراره (الكل يدخل)

عوده ولينا لاقاء بعد فتره مش طويله مش كنت بتنزل فيها مواضيع

لسيدات و السادة ,

معكم ( سامي لماضة ) حييكم و يرحب بكم في برنامجكم ( اسأل استشير )

و النهاردة معانا الأستاذ : ( سيد على نياته ) ,اللي عاوز يسألنا شوية أسئلة و استفسارات ,

اتفضل يا أستاذ ( سيد ) اسأل .. استشير ..

( سيد على نياته ) : أنا كنت نازل ( سوق الجمعة ) علشان أشتري تي شيرت جديد بمناسبة ( عيد الجربوع) ,
و عجبني تي شيرت مرسوم عليه راجل كده ما أعرفوش , فحبيت اسألكم عنه , و آدي الـتي شيرت :

( سامي لماضة ) : يااااه , ده انت على نياتك قوي يا أستاذ ( سيد ) ,
اللي على التي شيرت ده اسمه ( تشي جيفارا ) ,
و ده راجل ( شيوعي ) , يعني لا يؤمن بملة و لا بدين ,
من أمريكا الجنوبية , جنب كشك السجاير بتاع ( أم أليخاندرو ) ,

( سيد على نياته ) : طيب و احنا مالنا بيه الراجل ده ؟؟
يرسموه لينا على فانيلاتنا ليه؟؟

( سامي لماضة ) : آه , أصل فيه شوية ناس ( بدلياتنا ) عاملينه بطل و ثوري و مثل أعلى و حاجات كده
علشان كان بيحارب في أمريكا الجنوبية في كام بلد كده ,
بس فيه ناس بتقول إنه كان لا ثوري و لا دياولوا , و إنه كان مجرد ( قاتل مأجور ) ,
بيحارب من أجل المال و الشهرة و خلاص

... و معانا مداخلة تليفونية ,
أيوة ..أيوة .. معانا ( الرفيق ) سمير ( أيسر ) ,
من مركز ( عَلْمَان ) - كَفْر ( الليبراوية )

( سمير أيسر ) : إيه يا عم سامي ؟؟ ما تبطلوا بقى (تحشروا ) الدين في كل حاجة ,
مالنا احنا و مال جيفارا كان شيوعي و لا كافر,
احنا لينا إنه قائد و ثوري و بيحارب لنصرة الضعفاء و القيم و الحق و العدل و ...
و بعدين بطلوا بقى تدخلوا الدين في كل حاجة ؟؟
انتوا أصلا عندكم وسواس اسمه الدين الدين الديـ ..... تيييت تيييت تيييت تيييت ,

( سامي لماضة ) : عفوا , الخط انقطع , عموما فكرتك وصلت يا ( رفيق ) سمير ,
و هنتصل بالأستاذ ( رزين محايد ) علشان يرد عليك بعيد عن الدين يا عم ,
أستاذ رزين , حضرتك معانا ؟؟

( رزين محايد ) : أيوة معاكم , و يسعدني إني أبين للأستاذ ( سيد على نياته ) و للرفيق ( سمير أيسر )
و كل المشاهدين حقيقة جيفارا بنظرة محايدة بدون أي دخول للدين في الموضوع ,
علشان أهالي كفر ( الليبراوية ) عندهم حساسية منه ,

و اسمحوا لي أتكلم باختصار علشان وقت البرنامج :
.
.
.

]- جيفارا اللي بيدعوا ( للقيم )و يحارب من أجلها بيقول :
" انا لست مسيحاً، و لست محباً للاحسان ، انا كل ما يناقض المسيح ،
ومحبوا الاحسان يبدون عديمي القيمة بالمقارنة مع ما اؤمن به.
سأقاتل بكل الاسلحة التي بمتناول اليد بدلاً من ان ادع نفسي أدق على صليب او ماشابه " (1)

دي هي ( القيم ) اللي بيدعوا إليها
و لا بلاش دي , علشان الناس اللي عندهم حساسية من أي دين ,

------------------------------------

- جيفارا اللي بيدعو ( للعدل ) بيقول :
" لكي ترسل رجالاً الى فرقة الاعدام ، فالاثبات القضائي غير ضروري...
فهذه الاجراءات هي تفاصيل برجوازية قديمة." !!! (2)

فعلا .. الإثبات القضائي غير ضروري .. قشطة على العدل يا معلم !!

------------------------------------

- جيفارا بتاع ( الأخلاق و القيم ) بيقول :
"هذه ثورة، و الثوريون يجب ان يصبحوا آلات قتل باردة مدفوعة بالكره النقي ."(3)

آلات قتل باردة !! فعلا هو نجح أن يكون آلة قتل باردة !!

------------------------------------

- جيفارا اللي بيقاتل من أجل ( الفقراء ) و من أجل الغير و ( ليس المال ) بيقول :
" الوضع كان غير مريح بالسنبة للناس و بالنسبة لـ" ايتيمو" ,
انهيت المشكلة باعطاءه اطلاقه من مسدس عيار .32 على الجانب الايمن من دماغه. فلهث قليلاً ثم مات.
وحال مواصلتي ازالة ممتلكاته الشخصية، لم استطع انتزاع الساعة المربوطة بسلسلة الى حزامه.
عندها قال لي -رفيقه "إيتيموا" اللي كان خايف , مش القتيل- بصوت ثابت ابعد مايكون عن الخوف: انتزعها بقوة فما اهميتها ؟
فعلت ذلك وحاجياته الان ملكي " ! (4)

هو فعلا مش بيقاتل من أجل المال
لكن بيقاتل من أجل ( الساعة اللي في جيب الراجل )

------------------------------------

- جيفارا ( البطل , الشجاع ) لما قبضوا عليه كان بيقول :
" لاتطلق النار ! انا جي جيفارا !انا اكثر قيمة لكم حياً مما ميتاً " ! (5)

و في النهاية أحب أقول إن اللي مش بيشوف من الغربال ... يروح يكشف نظر!!

اللي يتخذ من جيفارا قدوة و يترك :

- النبي - صلى الله عليه و سلم - الذي :
كان إذا احمر البأس و اشتدت الحرب كان الصحابة يحتمون به
قال علي رضي الله عنه: ( كنا إذا احمر البأس ولقي القوم القوم،
اتقينا برسول الله صلى الله عليه وسلم، فما يكون منا أحد أدنى من القوم منه ) رواه أحمد .

- حمزة بن أبي طالب :
الذي كان يقاتل بسيفين في كلتا يديه , و كان يقاتل كأنه الجمل الأورق ,
حتى قال عنه قاتله "وحشيّ" : ( والله إني لأنظر إلى حمزة يهد الناس بسيفه ما يبقي به شيئاً مثل الجمل الأورق )

- البراء بن مالك :
و الذي طلب من المسلمين أن يقذفوه داخل أحد الحصون بعد ما استعصى عليهم فتحه
و قال لهم : ( ارفعوني برماحكم فألقوني فيها ) ,
و فتح لهم الحصن من الداخل بعد أن جُرح أكثر من 80 جرحا !!

- خالد بن الوليد :
الذي ظن أعداؤه أن الله قد أنزل له سيفا من السماء يقاتل به !!

ييجي إيه جيفارا ده جنب اللي عملوه ‍‍؟؟!!

و غيرهم و غيرهم لكن احنا اختصرنا جدااااا
و مش عاوزين نطول علشان وقت البرنامج

فلا أدري ما ( الطفرة )التي فعلها جيفارا و زادت على ما فعله المسلمون الأولون ,
كي يرتضيه بعض المسلمين رمزا و قدوة دون رسول الله و صحابته الكرام ؟؟

و أذكر نفسي و إياكم بقول رسول الله - صلى الله عليه و سلم - لأصحابه حين قال لهم :
(( المرء مع من أحب))
.
.
.
.
.
.
.

انزل بالتتر يابني , وقت الحلقة خلص من بدري

.............................. ...
ملحوظة :

أنا في هذا الموضوع لا أنكر ما قام به جيفارا من نضال ,
إنما أتحدث عن ( قَدْر ) هذا النضال
و عن ( الطريقة ) و ( المنهج ) الذي اتبعه في تحقيقه
و ( الغاية ) التي من أجلها فعل هذا ,
و أنه على الرغم من مآثره فإن مثالبه لا تخفى على بصير ,
و أنه لا يرقى بحالٍ لأن يكون قدوة , و لا حتى نصف قدوة ,
و لا حتى فتفوتة قدوة
.............................. ....

لا تنسوا كاتب الموضوع الأصلي من دعوة صالحة
إن ربنا يتوب علينا و يهدينا و يوفقنا لما يحب و يرضى ..

امين يا رب العالمين
بس ايه القيم الجامدة دى يقاتل عشان ساعة فى جيب الراجل ههههههههههه
حرامى يعنى
مين اللى يا خد الشىء دا قدوة
انا اصلا معرفوش
ههههههههههههههههه

ههههههههههههههههههههههه

نورت ياكبير التوبيك

واه فى شباب كتير وخدينه قدوه

والله توبيك جمييييييييييييل اوووووووووووووى يااياد جزاك الله خير
راااااااااااائع
ربنا يبارك فيك يااياد وويبارك فى كاتب الموضوع

اقتباس :: و في النهاية أحب أقول إن اللي مش بيشوف من الغربال ... يروح يكشف نظر!!

انا هروح اكشف نظر علشان اللون الازرق بيزغلل عينى هههههههههههههههههههههههههههه
تسلم يااياد على التوبيك الررررررررررررررررررررائع

بجد تسلم ايدك
موضوع جميل اوى
انا مش عارف ايه اللى عاجب الشباب فى الجربان اللى مابيستحماش ده
ده حاجه كده تقرف

اصل انت ماتعرفش انا كنت بتغاظ اد ايه لما بشوف واحد جاهل من المسلمين لابس تىشيرت عليه صورته ولا لما الاقى عربيه عليها صورته

وفعلا تسلم على الموضوع الجميل ده وبيان شخصية المعفن ده
علشان شباب كتيييير اوى وخدنها بالتقلييد وخلاص
مايعرفوش انه ماستحماش فى عمره الا مره واحده
وممكن يكون غسل بس

وبعديين ياعم ارحمنا من االلون الازرق ده والخط الصغير ده
بحبحها شويه متنشفهاش اوى كده

نورتى التوبيك ياسمسمسه وانا اسف ع اللون ماكنتش اقصد والله
ومش بحسب هيطلع كده

ونورت ياكبير التوبيك والله ومعلش مره تانيه ع اللون والخط

على فكرة يا إياد الموضوع ده روعة وكويس إنك ذكرته
أنا عايزة أفهم العمي اللي فاكرينه مثل وقدوة كان فقير وحارب عشان الفقرا .. نعم؟؟ قولوا تاني كدة؟؟ حارب معاهم ..لاء غلطانين .. ده منظر واحد يحارب عشان حد .
مع احترامي للتاريخ أيا كان اللي عمله مش هيعمينا عن حقيقته وهو فعلا إنسان غجري
وتصرفاته همجية وواضح جدا الأقول والكلام اللي قاله ..
وبعدين ده لو اتباع فو سوق التلات مش هيجي بشلن .. ده منظر ده يا ناس

أقولك ايه يا إياد رائع روعة جميل .... ومفيد جدا طبعا وعرض آراء قيمة كمان
شكرا يا إياد

اقتباس :: وانا اسف ع اللون ماكنتش اقصد والله
ومش بحسب هيطلع كده

اسف ايه يابنى ولا يهمك احنا بنهزر
واعمل اللون الى تحبه التوبيك بتاعك بردوا هههههههههههههههه
تسلم يااياد ع التوبيك الجميل مرة تانيه

ياريت حد يغير اللون ونبى

عشان الناس تقرى

جيفارا جاب لينا المراره (الكل يدخل) 870595

تسلم يابو نسب ع تعديـــــــــــــــــــــــــــل الخط

.. جيفارا مين يا عم !! ..
.. قول السادات ولا ابو تريكة ..
.. ده جربان ههههههههه ..
.. ميرسي يا ايدو ع التوبيك ..

موضوعك جميل جدا بما فيه من الاحاديث والمواقف
والامثال اللى زى العسل
بس بصراحه حلوة اوى يكشف نظر دى ههههههههههههههههه
شكرا ليك

نورتو التوبيك ياشباب

جميل جدااااااااااااا يا اياد فعلا المفروض يبقى قدوتنا الرسول عليه افضل الصلاة والسلام والصحابة
تسلم الايادى ياباشا وربنا يهدينا ويهدى الجميع

ماشاء الله ونعم القدوة بصراحة
توبيك جميل اوى يااياد تسلم ايدك

نورتو ياتركاويه التوبيك

واكيد طبعاا لازم يكون قدوتنا واحده قدوه فعلا

مش انسان زى ده

مشكلتنا اننا هنفضل ماشين ورا الغرب فى كل شى

» بيت الرعب الكل يدخل
» تبرع لأهل غزه من هنا....الكل يدخل
» الكل يدخل ويبارك لـ هند _ لـــــــــــورا

جيفارا جاب لينا المراره (الكل يدخل)

جيفارا جاب لينا المراره (الكل يدخل)

مواضيع مماثلة

مواضيع مماثلة