اين انتم يا مسلمين ....هيفاء وهبي تتعدي علي اسلامنا

بعد أيام قليلة من عرض فيلم «دكان شحاته» ومن دون حذف تقدم محام مصري ببلاغ للنائب العام في بلاده المستشار عبدالمجيد محمود ضد كل من المطربة اللبنانية هيفاء وهبي والمخرج المصري خالد يوسف¡ اتهمهما فيه بالتحريض على الفسق والفجور والإساءة إلى المقدسات الدينية وسب الإسلام ومذاهبه وازدرائه. وقال المحامي المعروف بملاحقة المشاهير قضائيا نبيه الوحش أن هيفاء وهبي أو «بيسة» في الفيلم تعرضت لبعض أئمة الفقه بالشتم.

وطالب الوحش في بلاغه بوقف عرض الفيلم لحين الانتهاء من التحقيقات مع مخرجه وبطلته¡ كما طالب بمنعه من التوزيع خارج مصر حتى يتم حذف المشاهد التي اعتبرها مبررا لبلاغه.

وقال المحامي انه «طالب بضبط وإحضار هيفاء وخالد يوسف وتقديمهما لمحاكمة عاجلة»¡ مضيفا ان «العبارات الواردة في الفيلم لا يمكن السكوت عنها أو غض الطرف عنها لأنها إساءة صريحة وواضحة لأئمة الإسلام».

وأوضح أن «الرقابة على المصنفات الفنية في بلاده أمرت بحذف هذه العبارات قبل البدء في عرض الفيلم بدور السينما¡ ولكن المخرج تجاهل تعليمات الرقابة منبها إلى أن المشاهد التي تضمنها بلاغه تم تصويرها في مسجد الحسين بوسط القاهرة واحتوت على عري وجنس الأمر الذي يعد تدنيسا لهذا المكان الطاهر».

وقال انه «طالب بعقاب مخرج الفيلم وبطلته بمواد قانون العقوبات في المواد 269 فقرة أولى مكرر والتي تعاقب على التحريض على الفسق والفجور بالحبس 6 أشهر والمادة 278 التي تعاقب على الفعل العلني الفاضح المخل بالحياء بالحبس مدة لا تزيد على سنة أو غرامة لا تتجاوز 300 جنيه¡ والمادة 98 فقرة «و» التي تنص على أنه يعاقب بالحبس مدة لا تقل عن 6 أشهر ولا تتجاوز 5 سنوات أو بغرامة لا تقل عن 500 جنيه ولا تتجاوز الألف جنيه كل من استغل الدين في الترويج بالقول أو بالكتابة أو بأي وسيلة أخرى لأفكار متطرفة بقصد إثارة الفتنة أو تحقير أو ازدراء أحد الأديان السماوية أو الطوائف المنتمية إليها أو الإضرار بالوحدة الوطنية».

وكانت الطرق الصوفية في مصر اعترضت في وقت سابق على مشاهد خاصة بهيفاء في الفيلم¡ ورأوا أنها مسيئة إساءة بالغة اليهم¡ وطالبوا بحذفها.

منقول

زائر

شكررا ياصاحبي عالمتابعه وعامة حسبي الله ونعم الوكيل

شكرا لردك يا ميدو بس اتمنا وقفه حقيقه اسلامنا بيتهان يا جماعه
هو احنا ملناش اي لزمه كده ولا ايه

هيفا وخالد يوسف اكيد هيبقى مسخرة
وع فكرة اثناء تصوير الفيلم قالوا انها بتصور فى الحسين وناس كتير اعترضت لكن مين اللى بيبص دول بيعملوا اللى ع مزاجهم
هو احنا مفروض وقفتنا(اننا احنا نقاطع دور السينما اللى بتعرض الفيلم ده ) ودى اقل حاجه
وع فكرة التعدى ع المقدسات فى الافلام بقى واضح جددددا
ده فى فيلم الريس عمر حرب لنفس المخرج (غير مناظر العرى والجنس المبتذله) خالد صالح بيقول خليك اله نفسك استغفر الله العظيم شرك بالله علنى انا ماطقتش اكمل الفيلم
حسبنا الله ونعم الوكيل
وننتظر راى القضاء بس امسح الصورة اللى فى اول الموضوع احسن

حسبي الله ونعم الوكيل
مش دي هيفاء وهبي الي بتروج للخروج عن كل التقاليد والاعراف
ودا خالد يوسف التلميذ النجيب للكافر يوسف شاهين وزوج الاخت
منه شلبي دا مش غريب عليهم ابدا لكن الغريب ان الفيلم يخرج من
مصر بلد الازهر والاسلام واحنا مبسوطين بكده وفرحانين ومزئططين كمان
ناقص نخرج في مظاهرات ونحمل صور هاي فاي وجدي ونقول بالروح بالدم
بنحب هاي فاي ياعم..ايه ده والحمد لله اننا معندناش دور سينما الوحيده الي
كانت موجوده اتحولت لصاله افراح ومش ناوي ولا حابب ان اشوف الوليه دي
حراااااااااااااااااااااااااااااااااااام يا مسلمين

الموضوع مش موضوع سكوت علي كلمة قالتها واحدة ولا مؤاخذة زي دي
ولا فيلم مخرجه برضو واحد لامؤاخذة زي خالد يوسف
القصة اكبر من كده بكتير
فين هما المسلمين اساسا
تقدر تقولي كام واحد بقي مواظب علي الخمس فروض يوميا . ؟
مين بيهتم بدفع زكاة ماله . ؟
طب تعرف نسبة اللي مابيصوموش رمضان بقت كام . ؟
ولا كام واحد بقي سب الدين عنده حاجة سهله وبسيطة . ؟

انا باتكلم علي الفروض بس
ماتكلمتش علي السنن ولا النوافل

للاسف القضية قضية امة بتنهار
وربنا قال ان الله لا يغير ما بقوم حتي يغيروا ما بانفسهم
قبل مانستنكر مايفعله خالد يوسف وامثاله
لازم نستنكر الوضع اللي احنا نفسنا وصلناله

شكرا لمشاركاتكم يا جماعه وفعلا كلام شيمو صح احنا لازم نقاطع الفيل ودور العرض الي بيتعرض فيه
لازم وقفه حقيقيه اسلامنا بيهان واحنا بنتفرج ايه فين حب الدين ولا هو كلام وخلاص
وشكرا للي اتكرم وشال الصوره وانا اسف اني حططها
وشكرا ليك يا محمد وفعلا ازا ي ده يطلع من عندنا واحنا بلد الازهر
والله احنا ف الضياع لازم وقفه
وهكررها لازم وقفه لازم نشوف حل للاهانتا ولمناظر العري وال..... لان كده حرام حق الرسول الكريم وحرام حق الاسلام
لو كل واحده وواحد حاسس انه مسلم يعمل وقفه معانا ويقاطع الفيلم الفاجر ده

كلامك سليم يا Madyan
فين احنا من ايام الرسول
احنا ضعنا لدرجه ان دينا وائمتنا يهانوا ومفيش رد فعل حقيقي
لازم نكون ايد وحده ف المرحله الجايه والا هنكون كلنا ماضي وتاريخ

وشكرا لكل الناس المحترمه جدا اللي ردت ع الموضوع
ويارب الموضوع يلقي اهتمام

حسبنا الله ونعم الوكيل
على فكرة المفروض نعمل
حملة كبيرة على كل المواقع والمنتديات والإيميلات
لمنع مشاهدة الفيلم والمطالبة بمحاسبة الكلاب دول
على اللى بيعملوه ربنا ينتقم منهم يا رب

كلامك سليم يا مجووووودي
دي فكره كويسه جدا بس عايزين نطبقها ونتوسع فيها

بسم الله الرحمن الرحيم

والله انا متفقه تماما مع احمد مدين وعنده حق فى كل كلمه قالها

قبل ماتحاسبو الناس دول على اللى بيعملوه حاسبو نفسكو الاول

وياريت قبل مانقول فلانه ممثله خارجه عن التقاليد والعرف وفلان لا يراعى الالتزام بالاخلاق
والاديان نبص لنفسنا فعلا والله كلام احمد مظبوط ميه فى الميه احنا كمسلمين فينا قد ايه مش هقول زى احمد بيصلو الخمس فروض لأ دانا هقول فينا قد ايه والعياذ بالله مش بيركعوها خااااااااالص
وتلاقيهم كمان مايعرفوش ازاى يتوضو ولا ازاى يصلو حتى اللى بيفطرو فى رمضان كانوا الاول
بيستخبوا لانهم بيبقو مكسوفين دلوقتى منتهى البجاحه تلاقى فى عز الظهر واحد او واحده ماشيين ياكلو فى الشارع او يشربو سجاير

اعتقد قبل مانتكلم على الافلام نحاول نصلح نفسنا الاول والفيلم ممكن ببساطه ماندخلش السينما
ولما يجى فى التليفزيون نغير القناة ودلوقتى مافيش اكتر من القنوات

وربنا يهدى الجميع

يا جماعة كلامكم كله صح ميه في الميه بس بردو يا بوبا انتي واحمد مدين لازم بردو نقف أدام اللي بيحاربو الاسلام على أد مانقدر
والعالم دي قلالاة الأدب وماوراهاش غير انهم يعملو حاجات قليلة الادب زيهم
وطول محنا بنحب ربنا وبنصلي ونعمل كل اللي قال ربنا عليه ان شاء الله هنكون في امان
الموضوع مهم جدا جدا
وشكرا للكل
crazytito_22

هيفاء وهبى وخالد يوسف
يبقا دويتون رائع
الحمد لله اننا معندناش دور سينما خالص
ف المنطقة اللى احنا فيها
انا مش هاقول
غير حسبنا والله ونعم الوكيل
امتى بقا هنغضب ونثور
ولا احنا ملناش لازمة كده

هيفاء وهبي دي حاجة تقرف
ع فكرة هي مسلمة بس من الشيعة وبعدين هنتوقع من واحدة زي
دي ايه يعني .. مين شافها امبارح في العاشرة مساء ؟؟
حاجة متخلفة
وبعدين لازم كلنا ندافع عن الاسلام والمسلمين بس في نفس الوقت
لازم نشوف نفسنا الاول .. ونصلح منها
كتير مننا مسلمين بس اذا سألته يعني ايه اسلام للأسف مش هيعرف يرد
ربنا يهدي سائر المسلمين ويحفظ دينه الى يوم الدين يارب
حسبي الله ونعم الوكيل
.......

السلام عليكم
بالنسبه لكلام بوبا
اه فينا كتير اوي مش بيصلي طب احنا الي بنصلي هنسيب الموضوع يضيع كده بكل سهوله
هنسيب الناس الحقيره دي تخل بسمعه الاسلام
اه فينا ناس مبتعرفش تتوضي بس فينا برضه الي بيعرف ربنا كويس فلازم نقف وقفه ايجابيه تجاه الناس دي
عايزين نعمل حمله ضدهم وضد اي حد يهين الاسلام ويعتدي علي حرماته
الله عز وجل تدخل وارسل طير ابابيل لما مكنش موجود مسلمين يدافعوا عن بيته
انما دلوقتي احنا موجودين يبقي لازم ناخد حق الاسلام بدل ما يوم القيامه نتسال انتو عرفتوا ان اسلامكوا اتهان عملتوا ايه ساعتها
هنجاوب نقول ايه ؟؟؟؟؟؟؟؟؟؟؟؟؟؟؟؟؟

شكرا ليكي يا بوبا وعلي رايك القيم والمحترم
وشكرا لكريزي تيتو
وشكرا لندفيد اللي وحشني والله
وشكرا لتراكويه فو رافر