السلام عليكم اولا
وثانيا اهلا بيكي معانا في المنتدي

ثالثا بقي
الكلام ده اتقال في بعض الجرايد فعلا بس انا الحقيقة شايف انه مش مظبوط
كلنا متفقين ان بركات لاعب هايل ومن الدعائم الاساسية للفريق زيه زي ابو تريكه
ومش عاوزين ننساق ورا الناس اللي بتحاول تخلق مشاكل بين اللاعبين تريكة وبركات او بين محبي اللاعبين
من الناحية الشخصية بجد انا باعشق بركات جدا وباحب تريكة جدا

لكن من الناحية الفنية الاتنين مختلفين عن بعض تماما ووجودهم جمب بعض بيمثل القوة الضاربة اللي بيتميز بيها الاهلي
الازمة بقي يا جماعه انا لاتنين بيستهلكوا جامد بسبب عدم وجود البديل اللي بنفس المستوي
وبسبب كمان العنف المتعمد او غير المتعمد ضدهم بالذات لكونهم ابرز نجوم الفريق

اتمني المحمدي يخد فرصة عشان يبقي عندنا في الفرقة اكتر من بركات واكتر من تريكة
وبكدا نقدر نريجهم اذا لزم الامر ونحافظ لعيهم ونقدر كمان نعوض غيابهم فيحال الاصابة لا قدر الله

شكرا للطرح .. الموضوع فعلا مهم
ومعلش لو رغيت كتيييير