اهتفوا واشتغلوا للحق

زائر

معرفش ليه لما قررت اكتب المقال ده خطرت علي بالي كلمة اهتفوا للحق وزودت عليها كلمة اشتغلوا للحق كلمة اهتفوا للحق كان قالها الفنان الكبير عادل إمام في فيلم بخيت وعديله الجردل والكنه كلنا شفنا الفيلم ده كتير المهم موضوعنا النهارده تواصل مع موضوعي السابق بعنوان هيه مصر متستاهلش اللي اتلكمت فيه علي ضرورة العمل النهارده يمكن يكون الكلام في تكرار لكن من زاوية تانيه النهارده بدعوكم دعوه جديدة دعوه بخاطب وبكلم فيها نفسي زى مابكلمكم دعوه للشغل للعمل والاجتهاد وننسي الظروف وهما كلمتين في السريع اشتغلوا للحق و أتكلموا للحق بدل منقطع في بعض نحط أيدينا في أيدين بعض بدل ما نجرح ونهاجم بعض اهتفوا واشتغلوا للنور بدل ما نلعن الدنيا ونسب الحياه واللي فيها اهتفوا واشتغلوا للعدل والحب بدل ما نزرع الكره و الضغينة وسطنا اهتفوا واشتغلوا للخير بدل ما نكبر الشر ونوسع شرايينه وسطنا اهتفوا واشتغلوا للصحبه واللمه بدل التفكك والفراق اللي إحنا فيه وارجع واكرر اهتفوا واشتغلوا للحق للنور والعدل بدل ألظلمه والفساد المستشري فينا اهتفوا واشتغلوا للحق والعدل والنور وأوقفوا مع بعض وتكاتفوا مع بعض بدل مانلعن الظروف ونرمي عالزمن مشاكلنا وفي الاخر اختم بكلمه بسيطه من شعر الشاعر سيد حجاب (قوم للحياه واسبق عصرك ولا حاجه هترجع مصرك إلا إن تكون شغال ونشيط ) اهتفوا واشتغلوا للحق وأخر كلامي سلام .

موضوع: رد: اهتفوا واشتغلوا للحق 2009-04-22, 7:57 am

ماشاءالله
واضح انك بتميل للصحافة او الاعلام
بجد اسلوبك فى طرح المواضيع حلو
تسلم ايدك
وان شاءالله نبطل نقف لبعض عالواحدة
ونقف جنب بعض مش على ماغ بعض
شكرا عالطرح المميز
واسمحلى اعدل الخط بتاع التوبيك

زائر

اتفظلي وفعلا ان كان نفسي وحلم حياتي ان ابقي صحفي بس للاسف ظروف معينه منعتني وشكرا لردك الجميل