ألمشكله إن في حاجات

زائر

النهارده هنكلم كلام اخوي وهنتناقش نقاش حوالين الدنيا واللي فيها وعن حاجات بتحصلنا كل يوم وحاجات بنشوفها وكل يوم ومش بناخد بالنا منها والكلام هيكون بأمثله عن الكبار والصغار ومن الأشياء اللي بتحصلنا كل يوم مشاكل مع الأهل والأصدقاء أو عصبيه وقتيه علي موقف من حبيبه أو خطيبه أو زوجه المهم أننا نعرف ازي نتعامل مع المشاكل دي بشكل إنساني من غير منكبر الموضوع فإذا كانت ألمشكله مع الأهل يجب أن نقوم باحتواء الموضوع بأي شكل من الأشكال وأنا معاكم إن الواحد بيتنرفز في ساعتها لكن بعد كده لازم نهدي ونفكر صح عشان ردة الفعل تكون صح والسبب نعلمه جميعا وهو أن تضخم ألمشكله مع الأهل يترتب عليها عواقب سيئة وتؤدي لردود أفعال مشينه علي رأسها ترك البيت وقطع العلاقات مع الأهل الأمر الذي يمهد لبداية علي طريق الانحراف حفظني وحفظكم الله منه أما إذا كانت ألمشكله مع صديق يجب التعامل معها بتروي وحكمه ويجب الهدوء في تقييم ألمشكله والهدوء في رد الفعل واعتقد إن ما يحسم هذه المشاكل في غالب الأحيان قوة الترابط بين الأصدقاء ويجب أن تعطي الصديق ألفرصه كاملة وان تسمعه وبالبلدي كده لازم تمشي معاه للآخر وتكون متسامح معاه شرط أن لا تكون ألمشكله تمس كرامتك أو في قلة أصل من هذا الصديق معاك والكلام ده عشان منخسرش صحابنا من غير داعي وعشان منظلمش صحابنا في الحكم عليهم بمعني إننا منفركش أي صحبه إلا لو اتاكدنا إن الموضوع وصل لحاره سد وندخل علي ألعصبيه ألوقتيه مع ألحبيبه لموقف معين أيضا ألعصبيه المفرطة مرفوضه تماما ولازم التعامل يكون ببساطه بدون حرقة دم قد تؤدي لانتحار قصة حب سامية استمرارها كان سيؤدي لزواج وزريه صالحه تؤدي لصلاح المجتمع والعواقب في نفس الموضوع تكون اخطر لكن حينما يكون مع ألخطيبه أو ألزوجه فمع ألخطيبه ألحكمه واجبه وقت المشاكل لان ألعصبيه تؤدي لفسخ ألخطوبه وتعرض الأهالي للإحراج نتيجة تعنت الأبناء أما مع ألزوجه فالحكمة ضرورية لان ألعصبيه من شانها أن تؤدي للطلاق والانفصال واه لو كان هناك أولاد هم من سيدفعون الثمن إذا نخرج من كل ما سبق بحاجتين رئيسيتين في هذه المشاكل أن ألحكمه وضبط النفس هم أساس حل هذه المشاكل دون ضرر لأحد ونتكلم باختصار عن الحاجات اللي بنشوفها وبتمر علينا بشكل يومي ولازم ناخد بالنا منها ونكلم عن الحاجات الكويسه زي التعليم والقطر اللي ممكن يفوتك قطر التعليم والشباب واستغلاله صح عشان قطر الشباب ميفوتكش هو كمان أو قطر الجواز لان لو فات العمر من غير منشفوها هتبقي ألمشكله كبيره لان ألمشكله أن في حاجات كتيره في حياتنا مبنشوفهاش أو بنشوفها بعد فوات الأوان وأخر كلامي سلام .

موضوع: رد: ألمشكله إن في حاجات 2009-04-24, 4:22 pm

تحياتي يا ميدو في البداية علي تميزك بطرح مواضيع حية وملموسة
وده حقيقي بيعجبني اوي انا باحب دايما نعيش في ارض الواقع ونتكلم في حاجة احنا عايشينها
والمشكلة اللي انت اتكلمت فيها وهي الحكمة في التعامل مع المشكلات سواء مع الاهل او الاصدقاء او بين المخطوبين او المتزوجين .. ممكن اوي نوصل لدرجة جميلة اوي ونقدر نتحلي بالحكمة في شتي الامور لو فكرنا شوية قبل مانتكلم او ناخد قرار لكن للاسف الازمة بتيجي من التسرع
قال المصطفي صلوات الله وسلامه عليه
« ليس الشديد بالصرعة ، إنما الشديد الذي يملك نفسه عند الغضب »
وقال ايضا
« إذا غضب أحدكم فليسكت »

بجد لو كل واحد تمالك نفسه لحظة اي غضب وقدر يسيطر علي اي انفعال اكيد الامور مش هتتطور
لان اللي بيحصل هو ان الامور بتتضخم بسبب اي كلام او تصرف ممكن يصدر من اي طرف في وقت الازمة وكلام بيجيب كلام وافعال بتقابلعا ردود افعال وبعد كده بيبقي صعب النسيان او المسامحة
ياريت نسمع كلام حبيبنا المصطفي ونحكم عقلنا .. شكرا ياميدو مرة تانية علي الموضوع الجميل

زائر

العفو ياصديقي العزيز وشكرا ليك علي مشاركتك اللي اثرت المقال بشكل كبير

موضوع: رد: ألمشكله إن في حاجات 2009-04-24, 6:24 pm

فعلا والله موضوع جميل جدا .. لان كل المشاكل دي بتحصل في كل بيت
واحيانا بيبقى بشكل يومي
وفعلا ان العصبية هي اللي بتخلي الامور تتعقد
والمشكلة ان ممكن اللي قدامك مايستحملش اللي انت بتقوله
وممكن اوي مايراعيش انها لحظة غضب
بجد موضوع هايل
clown

وميرسي ع طرحه لانه هيفيد الكل
.......

زائر

شكرا ليك تريكاويه فور ايفر علي مشاركتك وتقديرك