روح يلا العب غيرها ومتجيش

زائر

المباريات القادمة مباريات كئوس , لم يعد هناك فرصه لخسارة النقاط , يوبخ اللاعبين بشده ويعاقبهم بالمران يوم ألجمعه وتصريحات عده نسمعها من حسام ألبدري علي لسان جوزيه تصريحات طالما خرجت من الجهاز الفني للأهلي بعد كل نتيجة سلبيه أو أداء هزيل للفريق قطعا دون ذكر الأسباب ألمؤديه لهذا الأداء الهزيل ولا الاعتراف بتراجع الأداء عامة خرج علينا الجهاز الفني للفريق بنفس التصريحات وذات الكلام المعسول عقب مباراة ألقمه ومعنديش غير كلمه واحده للبدري غير الاسطوانة المشروخة أنت وجوزيه وكفاكم ضحك علي الجماهير التي منها من يفهم في الكره أيضا ولا تتعاملوا مع الناس كأنهم لا يفهمون شيئا وانتم من تفهموا في كل شئ فقط فمعظم جمهور الأهلي يعلم أن جوزيه أصبح يبدع بالخطأ و يصر عليه بعجرفته وغروره كيف لا وهو يشرك الفنان ابوتريكه في غير مركزه الأصلي صانع الألعاب ويقوم بإشراكه في مركز رأس ألحربه فيقتل ابوتريكه تماما في هذا المكان ناهيك عن الأخطاء الفادحة التي يقوم بها ومن ضمنها إصراره علي احمد فتحي اللي كل كوره مقطوعة ومش بتوصل غير للخصم وحاجات كتير أوي بيغلط فيها جوزيه و اللي بيقول إمكانياته عاليه ماشي بس كفايه عليه كده والراجل زهق ومعندوش حاجه يديها نعم أفلست يا جوزيه مع الأهلي وكل مباراة يخرج علينا الجهاز الفني بما سبق من تصريحات ذكرتها في بداية الكلام أقول روح يا بدري ويا جوزيه العب غيرها وما تجيش .

بجد ..انا مش عندي كلام أقوله بعد كلامك يا ميدو
وبجد

أولا حرام أوي اللي بيحصل ده
في حق اللعيبة
وفي النادي
وفي حق الجهاز
وفي حقنا احنا كمشجعين ومحبين لأهلي والأهلوية
وثانية كفاية أوي اللي بيحصل ده
بجد كفاية مبقاش عندي طاقة تحمل لمباراة تانية تكون سيئة بالشكل ده وبعدها أشوف البدري بيتكلم بطريقة طبيعية جدا كأن الأهلي أدى أداء مثالي وكل مرة اسمعه بيقول سوء توفيق سوء توفيق
لاء ده مش سوق توفيق يا حسام يا بدري ..ده مش لعب اساسا..بجد اللعيبة دول محتاجين بريك ..خلاص استنفذتوا كل مافيهم من طاقة ..مابقاش عندهم قدرة تانية خالص إنهم يقفوا يمررو كورة ..بجد كفاية
كفاية يا جوزيه ..بص للدكة ربنا يهديك .. بص ومش هتندم
....
وثالثا بقى نداء للنادي الاهلي
يا أهلي بليييييييييييييييز ارجع ..لازم ترجع ..بجد لازم ده يحصل لانه بجد كفاية
احنا بنقول اللعب مكسب وخسارة واحنا خسارتنا أقلها التعادل
واتعلمنا الخسارة خلاص بس مش عايزين ناخد عليها بجد يعني نتيجة تخلص زي كدة مانخرجش فرحانين ونقول تعادل ده كويس ..احنا اللي مكناش نرضى بمبارة انتهت 2 او 3 بس دلوفت نبوس ايدينا وش وضهر عشان تعادل ...بجد حرام وكفاية لقد فاض الكيل
تسم يا ميدو ع الطرح المميز ده

زائر

ربنا يخليكي يادودي وبالراحه علي نفسك ميرسي اوي اوي

صح انا ملاحظة ان الحجج بقت واهية ولازم يكون فى حل
وعنك حق ان تريكة مكنش بيلعب فى مكانة بس ده مش هو لوحدة فاكر لما خلى سيد معوض يلعب فى خط النص هو فى ايه فى دماغة
فعلا مفيش مجال للمهزلة اللى بقت حاصلة دى كفاية الكاس ضاع وحتى المباريات اللى كسبناها كانت بالعافية
يارب يكون فى حل احن من الحجج دى اللى زهقنا منها

زائر

شكرا منا علي مشاركتك ولازم يكون فيه حل

midoelkhashab كتب:

ربنا يخليكي يادودي وبالراحه علي نفسك ميرسي اوي اوي

ههههههههه..براحة على نفسي ..ليه؟ هو باين للدرجة إني هفرقع
..........
طيب بزمتك يا ميدو الموضوع بجد يستاهل حرقة الدم دي
لأنه بجد الواحد مبقاش عند طاقة تحمل للمهازل دي بعد كدة أبدا

زائر

عندك حق وانا مبسوط ان في حد خايف علي الاهلي وبيحب الاهلي ومبسوط ان الناس فاقت من الغيبوبه اللي اسمها جوزيه صائد الالقاب وياريت اتشرف بمعرفتك كاخت واعرف اي وسيلة اتصال اتواصل معاكي بيها

على فكرة لما حد بيغلط بنلومة لوحدنا ومش قدام حد
اكيد جوزي بيوبخ اللعيبة فى حجرة تغيير الملابس
او فى التدريب
وانا متاكدة تماما انة بيشد عليهم
صحيح حالة الاهلى بقت سيئة جدا لكن انا متاكدة من قدرات جوزية
وان شاءالله هنتدارك اخطائنا ونرجع احسن من الاول

وشكرا عالمقالة الجميلة دى
تسلم ايدك
وباشكرك طبعا على حبك وخوفك عالنادى الاهلى

زائر

عزيزتي اهلاويه انا ماليش دعوي بعلاقة جوزيه بلاعيبته داخل الغرف المغلقه جوزيه فقد التفاعل مع المباريات تماما وده واضح