عنك حق ياحنونة
انا بجد قلقانة من ماتش الجزائر
وفعلا ربنا معاة ومعانا
نورتي التوبيك يا قمر

مين قالك كده دا كان قهوجي درجه اولي

بصراحة أنا كنت خايفة أفتح معاكو موضوع الحضري عشان كنت فاكرة إن إنتو كارهينو وإحنا مننكرش إن الحضري غلط بس إذا كان ربنا بيسامح إحنا منسامحش ليه بصراحة أنا بعشق الحضري وزعلت عليه أوي بس يعني الضغط من مانويل جوزيه هو اضطرو لكده بس لازم جماهير مصر كلها تقف معاه وتشجعه عشان يرجع زي زمان وادعولو عشان الأربع أشهر يعدو بسرعة ويرجع الحضري يلعب تاني وأنا على فكرة كنت مفكرة إنو جماهير الأهلي ما بتسامحش النجوم بس طلعتو جدعنة وإن شاء الله نرجع ونغني والله وعملوها الرجالة

soma222 كتب:

بصي يا طمطم

جوزية كان متمسك بالحضري وكان بيلعبو عشان مفيش حد زية
مش حبا في الحضري ولا حاجة
وكان في بينهم مشاكل كتير بس الحضري كان بيكبر دماغة عشان يركز في شغلة
ولو تفتكري جوزية جاب نادر السيد عشان ينافس الحضري
بس الحضري بتوفيق ربنا وبمجهوده قدر يحافظ علي مكانة
وانا معاكي في ان الحضري مختارش الوقت الصح اللي يسافر فية
بس العرض مكانش هيستناة لحد ما جوزيه والادارة يحنوا ع الحضري
وبالنسبة للاستاذ عدلي القيعي (زي ما بتقولي يعني)
هو اللي ابتدا وقال كلام استفز الحضري والحضري مجرد بس انة
رد عليه بنفس الطريقه
ولو الحضري محبناش بجد مكانتش دموعه نزلت وهو في برنامج
خالد الغندور لما كان بيشوف نفسة ايام ماكان في الاهلي
لو حبيتية فعلا كنتي حسيتي بدموعه وفهمتي يعني اية الحضري
يبكي ع الهوا
ومحدش ف الدنيا كلها يقدر يقول ان الحضري مغلطش
وباع كمان
بس ساعات الواحد بياخود قرار وبيأة فاكر انه كده اختار صح
الحضري فعلا كان متسرع
وصدقيني يا فاطمه وعن ثقة الحضري شخصية محترمه جدا
بس مع المحترم اللي زيه
ميجيش حد يغلط فيه ويفتري عليه
والمطلوب من الحضري انه يسكت ويسيب حقه
ميبأش الحضري
ميرسي ليكي يا طمطوم

سومه احنا عايزين نعقلها كده ازاى يعنى مدرب هيلعب واحد هو مش حابه او حتى مش مرتحله او ضده دايما

وهيلعبه بس علشان لعبه ممتاز ... لا طبعا يا سومه جوزيه لو فعلا كان كاره الحضرى ماكنش لعبه اصلا ...

وهو يعنى اللى خلق الحضرى ماخلقش غيره .. هو لو كان كرهه فعلا كان مشاه من زمان و جاب حارس احسن

منه ... وخصوصا انتى وانا وكل الناس عارفه شخصيه جوزيه وهو اهم حاجه عنده الحاله النفسيه للاعب ..

ازاى بقى هيكون بيكره واحد و هو عارف وهيكون بيلعب حلو ... جوزيه يا سومه عايز مصلحه النادى ..

يعنى حتى لو كان بيكرهه( وانا طبعا مش عارفه اصلا انتى جبتى منين انه كان بيكره دى) يبقى يكرهه جواه

وعمره ما هيبين له لان الاعب لو حس بس ان مدربه مش حابه يبقى نفسيته هتكون وحشه طبعا ... ومش هيعرف

يدى للنادى كويس ... وبعدين جوزيه لما يكون مش عاوز لاعب فى الفريق (او زى ماانتى بيقولى كارهه)

بيمشيه على طول حتى لو كان لاعب حلو وممتاز ...

والمثال على كده .. وائل جمعه ... طبعا ده مدافع خررررافه وجامد جدااااا ...

بس طبعا جوزيه جاتله فتره كرهه فيها وعلى طول مشاه صح .. وكل الناس وقتها عتبت جوزيه جدااا ..

بس هو اصلا كان مش حبه ... يبقى هيتقبله ازاى فى الفريق ...

يعنى من الاخر جوزيه هو والحضرى (ايام اما كان فى الاهلى ) ماكنش كارهه خالص ..

ده بالعكس احنا كلنا كنا بنشوف الحضرى بعد كل ما الاهلى يفوز ببطوله يعمل ايه ... كان بيشيله ويهزر معاه

وجوزيه كمان كان بيهزر معاه وكانوا زى العسل مع بعض ...


وبعدين يا سومه انتى مش فاهمه دماغ جوزيه اصلا ...

الحضرى لما كان بيلعب ويغلط .. كان الاهلى ساعتها فعلا ماعندوش حارس ممتاز زيه ... فكان الحضرى يغلط

والاهلى مش قادر يقعده علشان مافيش حد زيه ...

وطبعا الحضرى كان بيقول فى نفسه وفيها ايه لما اغلط ... ما هما كده كده هيلعبونى علشان ماعندهمش حارس

زيى ..

وطبعا زى ما قولتلك جوزيه اهم حاجه عنده النفسيه بتاعت الاعب .. وهو كان فاهم نفسيه كل لاعب فى الاهلى ...

وعلشان هو كان فاهم نفسيه الحضرى طبعا ...

قام جابله نادر ... وطبعا ماقولكيش على نادر ساعتها كان ايه .. كان حارس مصر الاول ... وماحدش

يقدر ينسى اللى عمله مع مصر فى امم افريقيا 98 وكان متألق قد ايه ... وبرضه مع الزمالك فى دورى الابطال

...

وطبعا جوزيه جابه للحضرى ككرت ارهاب بس علشان الحضرى مايقولش فى نفسه ان انا لو غلط مافيهاش حاجه

ومش هيقدروا يقعدونى .. لا دلوقتى بقى بعد اما نادر جه وهو كان احسن منه فى وقتها ... طبعا لو الحضرى غلط

كان هيقعد ونادر يلعب بداله ... وعلشان كده الحضرى تحدى نفسه وقال خلاص انا مش هغلط تانى علشان افضل

الحارس الاساسى طبعا ... ( يعنى جوزيه ماكنش جايب نادر علشان ينافسه ولا حاجه )لكن جوزيه كان جايبه علشان

مصلحه الحضرى علشان يبقى حارس حلو و مايغلطش وبرضه مصلحه الاهلى طبعا ..



...وبعدين ايه يا سومه الاستاذ عدلى القيعى زى ما انتى بتقولى ... دى

خير يا سومه انتى مش شايفه انه استاذ ... على العموم انا كمان مش شايفه انه استاذ بس ولا حاجه ...

ده استاذ ومهندس ودكتور ورجل عظيم جداااا ... ماشى

وبعدين واضح انك ماشوفتيش حلقه شوبير كاملها او حد حكالك عنها وكدب عليكى ...

الاستاذ عدلى القيعى مش صغير لدرجه انه يشتم او ينرفز واحد زى الهارب ده ...

وبعدين هو ماشتمهوش اصلا ... بالعكس هو قال لو مصر هتروح كأس العالم بالحضرى يبقى كلنا ورا الحضرى..

وكان بيشرح العرض بتاع سيفون ده جه ازاى للحضرى وقد ايه كان المبلغ مهين لتاريخ الحضرى طبعا ...

يعنى ماشتمهوش خالص ... مين بقى قالك انه استفزه والحضرى بقى ما سكتش عن حقه والكلام ده اللى انتى يتقوليه..


وبعدين فيها ايه يعنى لما الحضرى يعيط ... ولا اقولك تصدقى فعلا هى غريبه جدااااا ... اصل ده معناه ان

الحضرى بيحس ودى حاجه غريبه جداااا ... ولغايه دلوقتى انا مش مصدقاها اوى يعنى ... يعنى تقدرى تقولى

ان دى دموع تماسيح ...

وبعدين هو اصلا انسان بيناقض نسه ... علشان منين جه مع بندق ده وعيط على ايامه مع الاهلى وكان عايز

يرجع وكل الاشتغلات اللى عملها دى ... ومنين لما طلع مع شوبير وقال بالحرف ..


( هما بيقولوا انى ندمان .. لا يا كابتن انا الحمد الله مابندمش على حاجه عملتها قبل كده )

بالحرف يا سومه ... صح ... وده يعنى ويبين لينا انه انسان غشاش ومخادع ... ودموعه دى دموع تماسيح طبعا..



وعلى العموم انا عمرى ما هسمحه نهائيا يا سومه .... بس انا بشجع مصر وخلاص ...مش بشجع ابوتريكة او شادى

او الهارب ده .... اوك ... يلا ربنا يوفقه وخلاص وفعلا يديله على قد نيته شوفى انتى بقى ايه اللى حصله دلوقتى

يعنى دى نيته اصلا ... وشكرا ليكى يا سومه ... بس انا والله بحبك ومش عايزاكى تحبى واحد خاين وهارب زى ده

علشان ده ممكن ينطبع على شخصيتك ...

سومه ..بصي انا مشاركتي نتأخرة شوية بس معلش ..
اول حاجة يا جميلة محدش يقدر يقولك بتحبي ده ليه وبتكرهي ده ليه يعني ياحبيبتي انتي حرة
حبي الحضري براحتك ..بس مدام عملتيه توبيك اسمحيلي بقى أوقولك فكرتي عن عصام الحضري
بصي ياسومة انا كنت بحب الحضري جدا جدا وبرتاح وبطمن وهو بيلعب سواء في الاهلي
او في منتخب مصر ..
بس خلاص اول ماعمل عملته الوحشة دي انا بالنسبالي الحضري انتهى انتهي .
وهو اللي نهنى نفسه بنفسه ..يعني محدش ظلمه .هو اختار كده .
اختار الفلوس وفضلها عن حب الناس كان فاكر انها هتنفعه لكن للاسف
حسبها غلط غلط جدا ولما لقى نفسه خسر كل حاجة يعني لافلوس بقى ولاحب ناس
راجع يقول غلطان ويبكي والمطلوب مننا اننا ننسى بقى ..مستحيل اللي يبيع ناديه
عشان فلوس زيادة ويارتها زياده ولا نادي عدل ..يعني خلينا نقارن كده
تريكة والحضري تريكة اللي رفض ملايين الدنيا عشان حب الناس وعشان ناديه
والحضري اللي جر ي وهرب عشان حبة فلوس والفات زيادة
مع العلم ان تريكة كان هيخرج محترم من ناديه ..مش هربان ..
بجد اللي زي ده ربنا يسامحه .بس حكاية ان (شوفو الحضري تعب عشانا قد ايه)
دي لا اسمحيلي .احنا كمان حبيناه .والنادي الاهلي اداله كتييييييييييييييييييييييييييييييييييير
وهو مقدرش ده كويس ..وسابه عشان الفوس ..بجد بجد انسان مادي للغايه
سومة مش عيزاكي تزعلي من كلامي .وانا قلتلك في الاول
حبي اللي انتي عايزة .ومحدش هيقولك بتحبيه ليه .بس مدام توبيك وعايزة راينا
ده رايي .ورايي مش فرض على حد ..انا بحب الحضري القديم مش ده خالص..سوري على الاطاله..

معليش اصبر أخي مثلا حط نفسك محل عصام الحضري يعني كل الناس بتغلط ولو أنت غلطت فحق بلدك أو أمك أو حتى شخص عليك ما بتتمنى يسامحك معليش يعني مثلا لو كان ابنك بدل عصام وغلط بحقك خلص بعمرك مش هتسامحو ومش هتقبل اعتذاره أنت بعمرك يعني ما غلطت بحق حدا طبعا كلنا غلطنا وكلنا شفنا علامات الندم بوجه عصام أما يعني إنو عصام كان عم يعمل واجبه كل اللعيبة لازم تعمل واجبها بس لمتى حنبقى هيك وما نسامح حتى نشوف غيرنا عم يموت وما حدا بينكر أنو عصام غلط طيب ماشي ميدو كمان غلط ليش الجماهير سامحتو وبعدين ميدو ما كان حدا ضاغط عليه متل عصام فسامح أخي واعف عند المقدرة لنصل سويا برفقة الحضري الغالي لكأس العالم وسامحني إن اختلفت معك

انا كنت بحبه جدا انا دلوقتي بكرهه جدا
ابن اختي كان وحده مثل اعلي دلوقتي يشوف ليه اي حاجه يقفل التليفزيون
حتي الاطفال كرهوك
كان نفسي قبل ما تفكر ف الفلوس تفكر ف حب الناس وتفكر انتا كنت جاي الاهلي عامل ازاي
الاهلي نضفك يا حضري وعمل منك انسان يقتضي بيه لكن فيه ناس كده النعمه تيجي لغايه عندهم ويرفسوها برجليهم

معلش مع احترامي الشديد لكاتبه الموضوع ولكل الناس الي بتحبه انا بعتبره مات

بص يا مستر 24
انا عارفة انك زعلان من ساعة توبيك تامر حسني
بس انا خلاص صالحتك بس الظاهر انك مش متسامح
وعلي فكرة كل واحد في الدنيا بيتولد انسان
والحضري كان نجم من فبل ما ييجي الاهلي
وانا مش زعلانة انك اعتبرتة مات
ماحنا كلنا هنموت
بس اهم حاجة انة يدخل الجنة هو وكل المسلمين
قول امين

نورت التوبيك

ميرسي اوي ليكي يا عاشقة طيبة
بجد كلامك جميل وانتي اجمل
وان شاء الله مش هنغني بس والله وعملوها الرجالة
لاء كمان هنقول ارقص يا حضري

منور يا مجودي
بس مين قالك ان الحضري خسر حب وتعاطف الناس
مش كلهم اقل ما فيها شوف التوبيك م الاول مش هتلاقي كل الناس
ضده ولا كلهم معاه
حتي الناس اللي زعلانه منه انا واثقه انها بتحبه
بس انا معتقدش انه هيبقي في حضري تاني
هو ربنا مخلقش غير واحد حضري في الدنيا كلها
ميرسي ليك مره تانيه

صدقيني يا طمطم وربنا اللي يعلم انا اد ايه بحبك
بس انا عايزاكي تركزي معايا

اقتباس :

الحضرى لما كان بيلعب ويغلط .. كان الاهلى ساعتها فعلا ماعندوش حارس ممتاز زيه ... فكان الحضرى يغلط

والاهلى مش قادر يقعده علشان مافيش حد زيه ...

مش ده كلامك برضه
يباه ازاي الخواجه كان مخلييه عشان بيحبه
طب ليه سحب منه شاره الكابتنه من غير سبب
لا يا طمطم الحضري شاف كتير من جوزيه
بس كان لازم يسكت وجوزيه كان لازم يخليه
عشان مصلحه الحضري انه يلعب ومصلحه جوزيه ان الحضري يكون موجود



بس انا حقيقي نفسي كل الناس تشجع مصر وتنسي مشكله الحضري

ميرسي ليكي يا طمطوم

منوره يا جوجو
وانا مقدرش ازعل منك ولا من اي حد
لمجرد ان رايه مش زي رايي
بس انا كلامي واضح جدا بس لايلي عايز يفهمه
انا مش بقول حبو الحضري بلعافيه
ولا اجباري لازم تسامحوه
كل الحكايه ان اي حد شايل من الحضري
نفسي ينسي احنا داخلين علي مرحله صعبه
وانا حقيقي نفسي نوصل كاس عالم
بس بالطريقه دي معتقدش كده والنفوس شايله من بعضها كده

بس اللي بتمناه بجد ان محدش يزعل مني

ميرسي ليكي مره تانيه

منور يا اسامه

بس انا نفسي تفهاموني
انا قولتها قبل كده وهقولها تاني
انا مش بفرض رايي علي حد
ولا بقول حبوا الحضري
ولازم تسامحوه

انا من حقي اتمسك برايي وادافع عنه
خصوصا لو انا مقتنعه بيه
وعمري ماغلط في حد ولا زعلت من حد عشان
شتم الكابتن الحضري
بلعكس اي كلام بقبلو وكمان برد عليه
يباه فين باه رايي اللي بفرضو
عموما لو انت شايف كده
براحتك
ونيابه عن الحضري انا بعتذر لكل التخان اللي في مصر



وبلنسبه لطمطم وجوجو وكل اللي زعلانين من الحضري
كلهم حبايبي ويقولو اللي هما عايزينو انا عمري ما ازعل منهم

بجد نورت التوبيك

وبجد يا تريكاويه
اتمني محدش يزعل مني
والله انا مش بفرض رايي علي حد
كل اللي بتمناه من ربنا ومنكو
انكوا لو مقدرتوش تحبوه
بلاش تكرهوه