إفلاس الخواجه وسلبية الاداره

زائر

نتفق أو نختلف علي سوء مستوي التحكيم نتفق أو نختلف علي قرارات الحكام لكن في نفس الوقت نحن نشاهد المباريات ونري الأداء الهزيل والمترهل للنادي الأهلي ونجد الأخطاء الواضحة في الفريق ونري بأم أعيننا حماقة جوزيه وعجرفته ونري كيف كان انبي مسيطر ونري كيف كان الأهلي بلا شكل في الملعب وأنا معاكو إن الحكم كان وحش لكن صدقوني لو كنا لعبنا كنا كسبنا وان الله لا يضيع اجر من أحسن عملا فبلاش نقول التحكيم الوحش وهو كان وحش أوي لكن بلاش نقول أن هو سبب التعادل لان الأهلي ملعبش كوره حلوه وجوزيه كالعاده متفنن في الأخطاء وللأسف إن الخواجه يصر علي أخطاءه هو يقتل ابوتريكه مباراة تلو الاخر في مركز رأس ألحربه وبهذا يضعف وسط ملعب الأهلي بعدم وجود تريكه فيه ويضعف الهجوم الأهلاوي أيضا بسبب إن تريكه لا يجيد في هذا المركز ويظل المهاجم حائر وحده بين مدافعي الخصوم فمباراة انبي ضاعت كأي مباراة سابقه ضاعت من الأهلي بأيدي جوزيه وبحماقة وصفاقة الخواجه و يا جماعه ياريت نراجع الماتش الأهلي سجل جولين من كور ثابتة الجول الأول كوره ثابتة لعبها احمد حسن غيرت وجهتها لشباك انبي برأس عبد الله رجب لاعب انبي والجول التاني ضربة جزاء غير كده الأهلي موصلش للجول خالص وكل كوره مهلهله ثم إن الخواجه تفنن في الإفلاس بدخول بركات مكان العجيزي ليلعب الأهلي بلا رأس حربه صريح لمدة 10 دقائق ثم يتمادي في الإبداع يدخل أسامه حسني مكان احمد حسن المجتهد إلي حد ما مقارنة بمن في الملعب من لاعبي الأهلي ويبقي علي احمد صديق الضعيف جدا والغير قادر علي اللعب والعطاء والأخطاء ألدفاعيه متواصلة كالعاده وللأسف الأهلي يدفع ثمن عجرفة الخواجه وغروره ويأتي علي الجانب الثاني من الحديث ألسلبيه الرهيبة التي يتمتع بها أعضاء مجلس الاداره الاهلويه الموقرين فهم ليس لهم أي رأي في النادي فالأهلي يفقد النقاط وليس لهم رأي الأهلي ينهار ويصروا أن الخواجه رائع فهم خائفين من نقده كأن الخواجه اله نقده محرم وكفر والعياذ بالله العلي العظيم فعجرفة جوزيه طبيعيه نتيجة سلبية الاداره التي تعطيه الضوء الأخضر في كل ما يقول ولا يمكن أن ترفض له طلب بل أن طلباته أوامر لهذا أقولها وسأظل أقولها رحيل جوزيه أمر مسلم يجب أن يحدث من اجل الأهلي الكيان الذي نعشقه بكامل جوارحنا والاهم من هذا رحيل مجلس فشل في كل شئ بل انه فشل في ابسط شئ وهو نقد المدير الفني لفريق الكره عندما يخطئ ارحل يا جوزيه ومن قبلك مجلس إدارة الأهلي وكان نفسي أقول لكم الشكر والتقدير وهمشيها المره دي ولكم الشكر علي ما قدمتموه وعلي فكره كلامي ده ثابت حتى في حال كسبنا الدوري وعلي فكره الناس اللي هترد وتقول تحكيم يوم ماتش الزمالك كان تحكيم ويوم ماتش الحرس في الكاس كان تحكيم ويوم ماتش الاسماعيلي في القاهره كان تحكيم ويو ويو ويوم وأخر كلامي سلام .

أنا أولا بشكرك يا ميدو على طرحك الجميل ده
وبوافقك إن ده مش أداء الأهلي
لكن كمان بحب أقول إن أداء النهاردة كان في روح وحماس ،ده كله كان جوا اللعيبة وخرج من جواهم مباشرة لينا ، حمسونا جدا واحنا بره المباراة
الاحساس ده محستوش بقالي زمان أوي في مباريات الأهلي، اللعيبة كأنهم بيقولوا احنا كمان بجد عايزين نكسب ،وبجد هم حاولوا وده كان باين من محاولات الأهلي الكتيرة جدا اللي ضاعت النهاردة ، بس واضح ان اللي عملوه مش كفاية ،بس مننكرش إنه فرق عن مباراة القمة الاهلي والزمالك ،واعتقد إنه أداء أفضل كمان .
أما التحكيم فده شيء محبش أتكلم عنه لانه حرق دمي النهاردة ولغاية دلوقت انا متأثرة جدا بمستوانا واعذروني لما اقول المستوى الدنيء في التحكيم المصري أو تحت الصفر ..يكمن ببالغ بس معذورة من اللي حصل النهاردة واللي شعلل كل الأهلوية من أكبر لاعب لأصغر طفل في الشارع كمان ،لان ده مكنش حكم ازاي ده يكون حكم أساسا؟ يعني اللي عمله بجد مش معقول ومش مقبول في أي حق وأي عرف ،وبرغم كل اللي عمله الحكم أنا شايفه إنه ادى دافع غير مباشرر للعيبة إنهم يحاولوا أكتر ويمكن ده بسبب استفزازه للعيبة ،وبرغم مستوى التحكيم مننكرش إن ده مش مستوى الأهلي النادي البطل ، وأكيد نتمنى أداء أفضل ..
احنا بجد محتاجين الأهلي اللي غاب عننا بما فيه الكفاية
ومن وجهة نظري أن النهاردة كان بداية كويسة نوعا ما لرجوع الأهلي
بس اتمنى انها تكون البداية اللي ملهاش نهاية مشوار وطريق طويل ملوش نهاية لكن هنستمر فيه طول ماحنا صح
ومتمناش ابدا انها تكون بداية ذات نهاية محدودة يتمناها كل الاعادي ..
شكرا مرة تانية يا ميدو

زائر

اولا شكرا لردك بس انا عند ةكلمتي الاهلي لو كان كويس كان كسب وربنا وفقه لكن جوزيه جعل الاهلي وحش وجوزيه لازم يمشي خلاص

تسلم ايدك يا ميدو

زائر

علي ايه ياقيصر بس ياريت نتناقش

والله ياميدو انت عندك حق ..أنا مش عارفه جوزيه مش حاسس ليه ان الاهلي بيتدمر
نفسي أفهم يعني هيجرى ايه لما كل واحد يلعب في مكانه تريكة ماينفعش أبدا
مهاجم صريح .زتريكة في وسط الملعب بيأدي كويس جدا ده مكانه الطبيعي
ويلعب بقى الناس اللي خلاص قربوا يخللوا على الدكة مش معقول كده
يعني عندك دورجبا ليه مايلعبوش مش فاهمه يعني لو بيلعب من زمان
كان زمان عندنا دلوقتي مهاجم جامد جدا جدا ..بدل فلافيو
يعني انا مش عارفه جوزيه بيفكر ازاي بس ..
وخلاص بقى هو كده جاب اخره ..يمشي يعني يمشي
ولا ايه رايك ياميدو في كلامي ياريت تقولي ردك

زائر

كلام سليم وميه ميه ياجوجو وراي لن يضيف لروعة كلامك لانك خلصتي كل الكلام بتعليقك لكن مقولتليش رايك في العبقريه بتاعة الخواجه لما لعب من غير مهاجم قال عبقريه قال شكرا لمشاركتك اللي بجد اثرت واضافة كتير للمقال

معنى ان جوزية يمشى ان الاهلى هيمر بكبوة فظيعة
وياعالم هيخرج منها امتة
يا جماعة انتو نسيتو البطولات والا اية
انتو بكدة بتاكدو كلام الناس اللى بيقول ان الاهلى كان بيكسب بالحظ
اصل اللعيبة هم هم والمدرب هو هو
اشمعنة دلوقتى بنقول علية كخة

انا مش موافقة اطلاقا عالكلام دة
جوزية دماغة حلوة واللعيبة بيحبوة وبيحترموة
كل واحد لة نقاط ضعف
لكن مش نحكم علية بالاعدام بقى

حرام عليكم

زائر

اه كان فعل ماضي ناقص والاهلي هيروح في داهيه اذا استمر جوزيه وعشنا منطق حضارة 7 الاف سنه التاريخ لايخدم الحاضر سوري اهلاويه مشاركتك لم تقنعني لانكي لم تاتي بشئ من الحاضر بل كله من الماضي وعامة شكرا للمشاركه وانا عند كلمتي كفايه جوزيه

والله جوزيه لو ساب الاهلى الاهلى هيدمر اكتر من الاول

وكمان الحكم كان ظالم جدا كل شوية يدى انذرات لاهلويه هو ايه الهبل دا عنده حق جوزيه يتنرفز

تسلم ياميدو على التوبيك

يا اهلاويه ياحبيبتي .محش فينا ينكر ان جوزيه عمل للاهلي كتير

بس خلاص بقى مش هنقعد عايشين على الذكريات الجميله

وخلاص جوزيه استنفذ كل الافكار والخطط اللي عنده وكفايه بقى

الفريق بجد بيتدمر بتدمر ..وعلى فكرة انا في بداية المهزله اللي بتحصل دلوقتي

كنت كل ما اي حد يقول جوزيه يمشي كنت بقول لا ماتنسوش البطولات

لكن لحد كده بجد كفاية داحنا دلوقتي مش ضامنين الدوري ياناس

اللي كنا بنحسمه من زمااااااااااااان ..كل واحد ليه وقت وخلاص جوزيه خلص وقته

احنا ايوه بنحبه وبنحترمه بس باللي بيعمله ده هيدمر الفريق

زائر

يا اسماء بعد اذنك جوزيه خلاص معندوش حاجه يديها والاهلي مش هيدمر ولا حاجه لان الاهلي هو من صنع جوزيه وليس العكس وزي ما عملنا جوزيه نعمل غيره شكرا يا اسماء عالمشاركه

مش موافقة بردو
الاستقرار هو سبب نجاح الاندية
جوزية حفظ الاهلى
وحفظ الادارة وقدر يتكيف مع كل حاجة
صعب اننا نجيب واحد تانى ونعملة تكييف من اول وجديد
فى حين ان جوزية مااستنفذش خططة وافكارة زى مابتقولو
عالعموم

الايام بيننا

rabbit

شكرا ليكم على ردودكم
واهتمامكم
اة دا مش انا اللى كاتبة الموضوع
ههههههههههههههههههه
بس باشكركم بردو

زائر

والله وجهة نظر يا اهلاويه تحترم رغم عدم افتناعي بيها لانها معتمده علي الماضي فقط وجوزيه خلاص خلاص خلاص ولا احنا لازم نخسر بطوله عشان نعرف ان خلاص وعلي فكره احنا هنكسب كانو بيلارز في افريقيا لانها فرقه سكه انا بقول قبل مايضحكو علينا بعد الماتش ويقولوا عبقرية اللي ميتسماش قادت الاهلي لدور التمانيه

أنا معاك جدا يا ميدو إن اللي بيعمله جوزيه اليومين دول مش مفهوم أساسه ايه هو أصلا
ومعاكي يا آيات بطولات الأهلي اللي حصلت كان لجوزيه مساهمة فيها برده
بس اللي بيحصل دلوقت مينفعش أقول جوزيه السبب واحمله المسؤولية
ولا ينفع اقول كمان اللعيبة السبب واحملهم المسؤولية .ولا ينفع.. إلخ
الفشل في الفريق سببه بيكون جماعي مش فردي
والنجاح كمان سببه فريق مش واحد بس

واللي فيه الأهلي دلوقت كل واحد في الأهلي مهما كان دوره صغير أو كبير ليه يد فيه
عندنا اللعيبة اللي بيلعبوا في الملعب في مباريات بنلاقيهم بيأدوا مستوى تحت الصفر منقولش جوزيه بس السبب في ده أو حتى الجهاز الفني والله هم بيقولوهم كلام وترجمة الكلام ده بتكون في الملعب حسب مهارتهم ، حسب قدرتهم حسب ارادتهم تهمهم المباراة أولاء

واحنا دلوقت شايفين اللعيبة بتأدي أداء مش مقبول بأي طريقة السبب مش الجهاز الفني بس وده اكيد هو كمان طرف في المشكلة دي فين الحماس فين حب التقدم والبعد عن الهزيمة
ده بالنسبة للعيبة لكن برده هقول تاني مش لوحدهم السبب الجهاز الفني اللي سايب لعيبة زي الفل ع الدكة وخلاص على وشك انها تتحنط وهيموت اللعيبة اللي بقالهم سنين بيلعبوا
انا النقطة دي دايما بتكلم عنها لاني شايفة انها من أهم الاسباب لتراجع المستوى

وبالنسبة للمباراة دي اللي مازالت حارقة دمي من كل الجهات التحكيم والأداء والمشاكل اللي حصلت فيها انا فقدت احساسي اني بتفرج ع الأهلي ،وبرغم كدة بتشوق لكل مباراة فيها الأهلي على أمل إني هلاقي مفاجأة في مباراة من المباريات هلاقي فيها الأهلي رجع ومتصدر كل شيء ومش هفقد الأمل طبعا لأن الأهلي مهما حصله ومهما مر بظروف صعبة هو الأفضل
وبجد حرام أوي أوي أوي وهفضل أقول حرام أوي لغاية أما يبان شمس للمشكلة دي

هو دة يادودى اللى كنت عاوزة اقولة
يعنى الفريق كلة مسؤل عن دة
ومش جوزية لوحدة
لان ميدو متحامل على جوزية
ودى وحهة نظرى
بس الحقيقة لما قريت التوبيك ماكنتش عاوزة ارد علية
بجد والله
اسفة ياميدو
انا بيعجبنى كتابتك وحاستك الصحفيية
بس فى دى مش موافقاك خالص

زائر

اولا شكرا للجميع ولايات الاختلاف في الراي لايفسد للود قضيه طالما هو في الصالح العام

صدقوني العيب مش في جوزية

ولا حتي اللعيبة
دة نصيب
و احنا اتعودنا دايما ع المكسب
وعلي اد ما نفسي ان الاهلي يرجع تاني
علي اد مانا نفسي ان احنا مناخودش الدوري السنة دي
عشان بس يعرفو قيمة الحضري

زائر

ياسومه انا بس هلفت نظرك ان النقد وربنا مش بسبب النتائج انما بسبب الاداء الهزيل وهتقوليلي جوزيه ماشي طب مين اللي موت تريكه في راس الحربه مين اللي لعب من غير راس حربه صريح 15 دقيقه في ماتش انبي بعد ماخرج العجيزي مين اللي قتل البدلاء قوليلي انا مش بنكر تاريخ جوزيه لان التاريخ لاينكر ولا يحرف لكني بقول خلاص كفايه عليه كده ولكل بدايه نهايه مش معنا رحيل جوزيه ان فاشل لكن في المكان ده خلاص

عندك حق يا ميدو

زائر

انا بامانه يعني متشرف بيكم كلكم وشكرا مره تانيه ياسومه وبامانه نفسي اعرف اتواصل معاكم بشكل اكبر من خلال ايميل او تليفون لان من الواضح ان عندكم مدارك واسعه شكرا جزيلا

ياجماعة المفروض ماننساش ان جوزيه ليه انجازات كبيرة مع الاهلي
وبعدين حكم المباراة اللي جايبينه ده انا ماعرفش جايبينه منين
وكل الفرق مش بتيجي الا امام الاهلي وتعمل نفسها حريفة
وهنروح بعيد ليه ما النهاردة الزبالك سايب للاسماعيلي الماتش كله
لكن قدام الاهلي كان مستقتل
وبعدين لاعيبة الاهلي مرهقة جدا .. ليه ؟؟
اصابات متكررة
اجازات ملغية من القاموس
ده الاعيبة مابتخدش اجازات الا لما بيجيلها اصابة لازم نراعي ده كله
واحنا المفروض كالاهلوية نقف جنب الاهلي في اي حاجة يتعرض ليها
ومش من اي حاجة نقعد كل شوية ونقول جوزيه جوزيه
حرام والله
......

زائر

اخت تريكاويه اتشرفت بتعليقك وانا لا انكر انجازات احد لكن انا مش هعيش علي الماضي انا بتكلم في الحاضر جوزيه خلص في الاهلي ممكن لما يغير مكان ويبقي طموحات يعمل حاجه بس انما التاريخ لا يغير

وانا ماقولتيش حاجة
بس باردو لازم نصبر عليهم ونقف جنبهم
لاعيبة الاهلي كل 4 او 5 ايام ماتش ويمكن اقل كمان ومافيش فريق بيلعب زي الاهلي
كده مبارايات متتالية واحنا املنا كبير
وان شاء الله الدوري لينا

زائر

برضو انا مقلتش ان احنا منقفش ورا الفرقه لكن برضو نواجه انفسنا في اي حال جوزيه معندوش حاجه يديها ويارب ناخد الدوري واتشرفقت جدا بمشاركتك