السلام عليكم اختي العزيزه سلمي
عفوا يا اختي انا ومن هنا سنمنعك من اتخاذ هذا القرار
وليس هذا الامر برغبتك اطلاقا..قد تبتعدين احيانا وقد تنشغلين عن بيتك الثاني
احيان اخري ولكن الانسحاب للابد امر مرفوض رفضا باتا وقاطعا
قد تكون لكي وجهه نظر سليمه وقد تكون خاطئه وفي كلتا الحالتين لن يكون الانسحاب
حلا مقبولا علي الاطلاق فلكي علينا حقوق ولنا عليكي حقوق ومن حقك علينا ان نمنعك
ومن حقنا عليك ان تستجيبي لطلبنا بالبقاء وعدم التواري بعيدا عنا
ولكن وارجو العذر وانا اخاطبك بلسان الاخ الاكبر فقد اخطأتي خطأ صغيرا
وهو قولك ان صديقك اللي جنبك وتحذيرك منه للبنات..مؤكد انكي تعرضتي لتصرف مشين
او رساله خارجه علي الخاص وكان راسلها في غير وعيه مما دفعك للهروب والانسحاب
ووجه الخطأ هنا هو كيفيه تعاملك مع هذا الامر..فمن الممكن ان توجهي له رساله تحذريه
فيها من مغبه تصرفه والا تقومي بفضحه علي صفحات المنتدي او تنبيه الادمين لهذا الامر ويقوم هو بالواجب
وهو ما شاء الله في الحته دي ميتوصاش ابدا ..اما ترك الامر هكذا للاعتقادات الخاطئه والظنون
وتوجيه الاتهام لكل شاب في المنتدي فانت بذلك ودون قصد منك تكوني قد وجهتي الاتهام لكل من فيه
حتي البنات واعيدها عليكي بتكلم بعشمي معاكي ومن منطلق الاخوه في الله التي تجمعنا كلنا هنا
يا سلمي انصتي لصوت العقل ودعي العاطفه تتحكم فيكي واذا أمرك عقلك ان تنسحبي ففي تلك الحاله
يجب عليكي سماع نصيحته او امره لكي اما من ناحيتنا فنحن نرفض قرارك جمله وتفصيلا
واتمني ان اطالع ردك وفيه قرارك بالبقاء بيننا.....وبعدين يا سلمي فيه حد بينسحب من بيته؟؟؟؟؟؟؟؟؟
تقبلي تحيات اخيك الاكبر

انا مش هاقدر اقول اكتر من اللى الاستاذ اسامه قاله
ولعل السبب يكون خير
بس انا باكد على النقطه اللى وضحها الاستاذ اسامه

بجد لو فى حد ضايقك قولى بس
ومالكيش دعوه بالباقى
وعموما اتمنالك كل خير

ليه رايحة فين ياسلمى ؟؟
والله احنا بنحبك في الله
وبجد انتي بنوتة جميلة جدا واذا حد مضايقك ياريت تقولي لنا
..........

يا سلمى
يا أختى العزيزة أنا بالتأكيد مش هأقدر أضيف كتير على اللى قالو
أخونا أسامة الفداوى بصراحة هو أوجز وفى نفس الوقت وضح
كل اللى ممكن يتقال
بس هاقولك كلمة صغيرة
مش ممكن تكونى شايفة ان المنتدى كله زى الشخص اللى ضايقك
أو غلط فيكى طبعا لأ
كلنا هنا أو على الأقل أغلبنا إخوات وبنحب وبنخاف على بعض
وأكيد بنستنكر الموقف اللى حصل معاكى
وخلى بالك انتى مش أول حد يحصل معاه كده
وأهى مرة وعدت ويا ريت تبلغى اسم العضو اللى ضايقك لأحمد مدين
الأدمن وهو أكيد هايتصرف
بس أستحلفك بالله
وأستعطفك بكل وقت حلو قضيتيه مع إخواتك هنا فى المنتدى ما تسيبيش المنتدى
لأنه زى ما قالك أسامة ده بيتك التانى يا سلمى حد بيسيب بيته بردو
ما تزعليناش منك أو عليكى بالله عليكى

بسم الله الرحمن الرحيم

اظن انك مش محتاجه ياسلمى انك تعملى التوبيك دة
علشان تشوفى الاعضاء بيحبوكى قد اى

ولا فى حد يمشى يبقا الانسان اللى انتى بتتكلمى عليه

ومهم كان مين العضو دة

حتى ولو العضو دة انا

بجد مش عارف اقولك ايه يا سلمى

بجد كنتى انسانة جميلة اوووى ومحترمة جداااااا

بس مهما كان السبب

المفروض هو اللى يمشى مش حضرتك

المهم هو حاسس بنفسه

وعارف نفسه كويس اوووووى

ع العموم هتوحشينا اووووووووووى

وسبق قبل كده ان فى اعضاء حذروا منه

لكن مفيش حد بيسمع كلمة جد

السلام عليكم متعب باشا
ارجو المعذره فانت الاخر تشاركها الخطأ وتخلق حاله
من عدم الثقه بين الاعضاء بمعرفتك بهذا العضو والسكوت
علي تصرفاته فانا لو عرفته فلن ارحمه ولن اصمت فالساكت عن
الحق شيطان اخرس وانا لا احب ان اكون شيطان اخرس
فارجو التكرم بنشر اسمه حتي يكون عبره لمن لا يعتبر
ويقوم احمد مدين بالتصرف مع هذا العضو بطرده من المنتدي
مع حظر ايبيهاته لمنع تسجيله باسم اخر في المنتدي وممارسه تفاهاته
التي لا تنتهي وعلي حسب قولك فقد كررها للمره الثانيه
اذا فانت بصمت وعدم اعلان اسمه صراحه قد عاونته علي غيه
ارجو تقبل كلماتي بصدر رحب
ولك مني كل الحب وكل الاحترام

والله يا سلمي انا ماعارف اقوللك ايه اكتر م اللي قلتهولك قبل كدا
بس كل اللي اقدر اقولهولك انك متسرعه شوية والمفروض توزني الامور وتفكري بهدوء اكتر
واحنا مانتمناش ابدا انك تبعدي عن المنتدي لاي سبب كان
وكل مشكلة في الدنيا ليها حل وبخصوص المشكلة الغامضة اللي ذكرتي بسببها
النخوة والاهتمام والخوف والكلام ده فانا باقوللك مسير الحقيقة تبان وعلي راي
المثل ياخبر انهاردة بفلوس بكرة يبقي ببلاش لكن مش صح ابدا انك تجزمي باتهام شخص بدون دليل
وعموما انا واثق انك لما تهدي وتفكري بعقلك شوية هتعرفي ان كلامي صح

تم الحذف بناء علي طلب كاتبته