أين الأهلي من باقي الرياضات

زائر

لأننا نشجع الأهلي الكيان لا نشجع الأهلي فريق الكره لأننا نعشق العلم الأحمر ذو الخط الأبيض في الوسط والنسر المحلق لا نعشق فريق الكره بالأهلي فقط لأننا متيمين بالأهلي الصرح الوطني العظيم ولسنا متيمين بفريق الكره في الأهلي فقط علينا التساؤل مرات ومرات أين الأهلي من باقي الرياضات اللهم إلا رياضة كرة القدم وكرة ألطائره وباقي الرياضات في طي النسيان فالقضية كبيره وكبيره جدا وعلينا أن لا نغفل عنها فالأهلي كما يقولون هو أهم مورد للرياضيين في مصر للمنتخبات ألمصريه في كافة الرياضات ولكن الواقع ينفي مايقال لأننا كما نري فشل في معظم الألعاب في باقي الرياضات مثل كرة اليد التي خسرنا دوريها أمام الزمالك بل أننا لم نفز علي فريق الزمالك منذ فتره ليست بالقليلة و للأسف أن المعنيين بالأمر داخل جدران ألقلعه الحمراء لا يحركوا ساكنا تجاه هذا الفشل المتتالي لرياضة كرة اليد في النادي الأهلي بل أن كل الحديث عن فريق الكره في النادي الأهلي وكأن باقي الرياضات لا تلعب باسم النادي ولم أجد احد يتحدث عن معسكر فريق كرة اليد في الأهلي وبالنظر لباقي الرياضات لن نجد اختلافا كبيرا عما هو موجود في فريق اليد ففي تنس الطاولة مثلا خسر الأهلي الدوري أيضا علي يد الزمالك بل أن الزمالك استحق وعن جداره هذا الفوز في ظل غياب الروح تماما لاعبي الأهلي وهذا طبيعي نتيجة انعدام الدعم تماما من إدارة النادي تجاه رياضة تنس الطاولة ونفس الحال كان في اليد وأروح بسرعة لكرة ألسله وهنلاقي حقيقه مره لا تليق بمكانة الأهلي وهو غياب الدرع عن الأهلي لمدة تزيد عن السبع سنوات ويواجه فريق كرة ألسله بالنادي الأهلي شبح ضياع البطولة هذا الموسم أيضا خاصة بعد الخسارة من الزمالك اليوم وكل هذا لغياب الدعم الإداري للفريق وقد إيه كنت متضايق وأنا بتفرج علي ماتش الأهلي والزمالك ومفيش ولا عضو من مجلس إدارة الأهلي حاضر الماتش هو الفريق ده مش بيمثل الأهلي ولا فرقة الكوره بس هي اللي بتمثل الأهلي والباقي مجرد كومبارس عشان يبقي اسم النادي الأهلي الرياضي علي مسمي و لا أجد في هذه المنظومة من نجاح سوي في فريق الكره وبدء بالانهيار بسبب سلبية الاداره وفريق ألطائره إلي حد ما وإذا تطرقنا لتفاصيل يجب علينا الرجوع لنقطه هامه وهي إذا كانت باقي الرياضات بالنادي تلعب دور الكومبارس والمسئولين راضيين آلا يعتبر هذا إهدار للمال علي فاضي آلا يصرف الأهلي مبالغ علي هذه الرياضات ولا يجني منها شئ اللهم كما قلت كرة القدم والكره ألطائره كل هذه اسئله تبحث عن إجابات لها وتحتاج للنقاش في حد عايز يتناقش ؟

الموضوع جميل يا ميدو
بس اعتقدتش حد هنا هيشارك فيه برأى فعال
وانا واحد منهم
لاننا مش متابعين الرياضات الاخرى المتابعة اللى تخلينا نردو ونناقض وننتقد

زائر

شكرا عالمشاركه يا كيمو بس انا موضوعي مش لازم بقي متابع لاني بتكلم بوقائع حاصله وبنقراها في مواقع الاهلي يوميا وشكرا جزيلا لمشاركتك

ع العموم
تسلم يا ميدو ع الموضوع

زائر

عامة انا شاكر مشاركتك وياريت اشوف اراء باقي الاعضاء

موضوع جميل والله يا ميدو
فعلا الاهلى مالوش وود من فترة فى باقى الالعاب
بعد ماكن مكتسحها
حت الناشئين والشباب مستواهم فى النازل
وكمان كرة اليد السله
انا مش عارف ايه للى بيحصل دلوقتى فى الاهلى
~~~~
انا اعتقد ان الانتخابات والتحضير ليها من بدرى هو السبب فى تدهور الاهلى
على كل المستويات
~~~~~~~~~~
تسلم ايدك يا ميدو على الطرح

زائر

شكرا لمشاركتك وتبادل الراي ياميدو بس افتكر الانتخابات السنه دي والكلام ده بقالو فتره تزيد عن السنه

بجد يا ميدو بالكلام إنت بتطرح موضوع أنا شايفة أبعاده كتيرة
ليه كرة القدم اكتسحت باقي الألعاب وخصوصا في الأهلي
لأن أولا الأهلي بقاله فترة هو الأفضل والأول والنجم ومفيش غيره على المسرح والشاشة
فده اللي لازم يهتموا بيه ويصرفوا عليه وكل شيء يعني مهم لكرة القدم
انا معاك ان ده مش عدل في حق النادي الأهلي
بس ده سببه ايه
اساسا الناس في مصر ملهاش غير في الكورة (القدم يعني) وثقافتها كرة قدم
وقليل جدا تلاقي اللي بيحبوا أو يتابعوا الألعاب التانية
ده سبب مش مدي أي فرصة للألعاب التانية إنها تاخد حقها ويمكن ده بسبب قلة الوعي بأهمية باقي الرياضات غير القدم أو ميول وأهواء شخصية
أنا شايفة الرياضات دي لو عايزة تاخد مكانها أولا الإدارة لازم تهتم أكتر ويبدأوا بدعاية إعلامية جامدة جدا عشان يفهموا الناس إن في أهلي وأهلي وأهلي تاني محتاج صوتكم في الملعب محتاج تصقيفكم محتاج أهلوية في الملعب ..
تسلم يا ميدو على الطرح المميز
وأحب أقولك غن دي فعلا قضية مهملة ولو هتتحل فأنا شايفة إنها هتتحل بصعوبة

زائر

شكرا دودي علي مشاركتك اللي اثرت المقال بتاعي