omnia elmasriea
:: مشرف سابق ::
المشاركات : 3168
العمر : 33
محل الاقامة : أم الدنيا وبكل فخر
الوظيفة : طالبة ف كلية الاداب لما ن
الهوايات : مبقتش تفرق
بتشجع نادي إيه : مبقتش تفرق
لاعبك المفضل : بردة مبقتش تفرق
تاريخ التسجيل : 12/03/2009
التقييم : 13
نقاط : 9825
::: : 
|  موضوع: اغرب حاجة في البلد دي اهلها !!!!  2009-04-30, 2:59 am | |
| أغرب حاجة فى البلد دى أهلها
أحلى حاجة فيها أهلها
أوحش حاجة فيها برضه أهلها
بحب مصر أوى علشان خاطر أهلها
واللى مجننى فى مصر برضه أهلها
خفة دمهم وتريقتهم على نفسهم ذكاءهم الطبيعى وضحكهم وعدم تكلفهم أحسن ناس ترحب بيك لما تجيلهم غريب وأول ناس ينسوك بعد ما تمشى وأحسن ناس تقف جنبك وقت ازمتك و أول ناس تفلسع أول ما يبدأ الضرب
فهلوة المصريين ملهاش حل .. دهنوا الهوا دوكو واتكلموا من الموبيل من غير ما يتحاسبوا
انا سمعت عن 4 صعايدة دخلوا المتروا فى المانيا بتذكرتين رغم ان الماكينة مصممة انها تكتشف اى تلاعب بالليزر ومتعديش غير واحد بس على مين .. مصريين كل واحد شال التانى على كتفه وعدى .. فهلوة فظيعة .. ضحكوا على الماكينة الألمانية .. لما بيحبوا بيحبوا أوى ولما بيقلبوا بيقلبوا أوى لما واحد منهم يعمل غلط يبرر غلطته بميت حاجة ولو حد غلط فيه يطلعه ابن ميت حاجة .. متقدرش تغلب واحد منهم فى الكلام .. ممكن يطلعوا ببطل السما .. وممكن يبيعوا فى ثانية علشان خاطر اشاعة .. ممكن يثوروا وانت مش متوقع .. وبطلقة نار ولا ضربة عصاية تفرقهم .. بيضحك عليهم وهما عارفين وساكتين .. اعلى مجاميع فى الثانوية .. واقل شغل فى الدنيا .. احسن ناس فى الكروتة .. ومع ذلك بنوا الاهرامات اللى استحملت 7000 سنة
بيحبوا ربنا اوى وبيخافوا منه ومع ذلك بيعصوه بيحبوا الدين جدا جدا ومع ذلك بيتهربوا منه
بيحبوا بلدهم أوى ونفسهم يهاجروا بره
بيكرهوا اسرائيل اوى ومع ذلك محدش بيعترض على سلامنا معاها
بيحبوا كل واحد من الاخوان لوحده وبيخافوا من كلمة اخوان مسلمين
رجالة اوى .. وعيال اوى
يحبوا الفول زى عنيهم .. وبيتريقوا على اللى ياكله
ميعرفوش يعيشوا من غير صعايدة .. ونكتهم كلها عليهم
بيكرهوا حسنى مبارك وميقدروش يقولوا لا للريس
شعب غريب جدا فى بلد غريبة جدا
يا بلدنا فيكى حاجة محيرانى ..
انا عرفت الحاجة دى .. أهلك يا بلدى
بس برضوا بحبهم وهيفضلوا احسن ناس فى الدنيا رغم انهم بيحاولوا جاهدين انهم ميكونوش كويسين بس الطيبة والذكاء والفهلوة وخفة الدم والكرم والحب والوحدة ربنا كتبهم عليهم
النبى بيقول : "اذا فتح الله عليكم مصر فاتخذوا منها جندا فانهم خير اجناد الارض لأنهم هم وأزواجهم فى رباط الى يوم القيامة"
|
|
kamatsho treika
:: مشرف سابق ::
المشاركات : 5201
محل الاقامة : هنا
الوظيفة : جندى مقاتل
تاريخ التسجيل : 03/10/2008
التقييم : 11
نقاط : 10822
::: : 
| | موضوع: رد: اغرب حاجة في البلد دي اهلها !!!! 2009-04-30, 3:15 am | |
| موضوع جميييييييييييييييييييييييييييييييل جدااااااااااااااااااااااااااااا
ميرسى يا حنين |
|
omnia elmasriea
:: مشرف سابق ::
المشاركات : 3168
العمر : 33
محل الاقامة : أم الدنيا وبكل فخر
الوظيفة : طالبة ف كلية الاداب لما ن
الهوايات : مبقتش تفرق
بتشجع نادي إيه : مبقتش تفرق
لاعبك المفضل : بردة مبقتش تفرق
تاريخ التسجيل : 12/03/2009
التقييم : 13
نقاط : 9825
::: :
| | موضوع: رد: اغرب حاجة في البلد دي اهلها !!!! 2009-04-30, 3:38 am | |
| شكرا ع ردك ومرورك ياتريكة واتمني ان تكون بخير |
|
الفيديو 
