الندل والكوره ومصلحته ألشخصيه

زائر

واصل الندل هجومه علي النادي الأهلي وعبثه بالكره ألمصريه بطريقته ألمستفزه كالعاده وواصل اللعب لمصلحته ألشخصيه باسم مصريته وبصفته خائف علي مصر والمصريين والله مصر بريئة منه ومن أفعاله والحديث يطول علي هذا الإعلامي الذي يتكلم تارة عن حبه لمصر ويهاجم مشجعي الأهلي لهذا الحب وتارة أخري عن خوفه علي مصر ويهاجم حسن شحاته المدير الفني لمنتخب مصر وكلنا نعلم أن هجومه الضاري علي الأهلي وحسن شحاته وغيرهم ما هو إلا لأغراض شخصيه بحته ولمصالح خاصة بالندل فقط وهذه المرة هاجم الندل النادي الأهلي بشكل سافر وبقوله أن لا يحق لجماهير الأهلي الغضب من الزمالك لتركه مباراة الاسماعيلي نكاية في الأهلي لان الأهلي فعلها عام 1994 وفوت ماتش الاتحاد في الدوري ليبقي الاتحاد في الممتاز وان الأهلي كان في المركز الرابع ومعندوش أمل في الدوري متناسيا أن الأهلي كان بطلا للدوري في ذلك العام في سلسلة ألسبعه السمان للفريق الأهلاوي وواصل الندل أكاذيبه بقوله لعبنا مباراة بارده وانتهت بالتعادل والرد موجود بالحقائق وان المباراة لم تكن بارده حيث أن المباراة شهدت إصابة اثنين من لاعبي الأهلي في هذه المباراة وهما أسامه عرابي وغاب 3 أشهر عن الملاعب و إبراهيم حسن وغاب 3 أسابيع يبقي أزاي كان في اتفاق بين الأهلي والاتحاد ولكن الندل فقد البصيرة تماما فقد نور القلب في سبيل تحقيق مصالح شخصيه وهذه المصالح هي من تحركه لفعل أي شئ مضاد للأهلي ولمصر ومضاد لأي شئ يقف أمام مصلحته وأمام تحقيق مكاسبه فالندل يثبت يوميا أن علاقته بكرة القدم انعدمت تماما وان علاقته بكرة القدم ما هي إلا وسيله لتحقيق ألمصلحه ألشخصيه أرجو من الكل أن لا ينساق وراء كلام هذا الندل ومن الاخر كلامه كله نتش في نتش طبعا عرفته أنا اقصد مين …..

زائر

فين المشاركه

أنا عرفت يا ميدو
بس يا ريت بدون ذكر أسماء لعدم التجريح .. ولا هي مش هتفرق اساسا
أولا مهما يعمل الشخص ده احنا كمصريين مش عبط أو بلاعقل بنمشي ورا اي حد يقولنا كزا أو كزا
ثانيا بقى مهما يقول ويعيد ويزيد عن الأهلي كلامه مش هيأثر لانه مش لوحده اللي قال وعاد وزاد ماياما ناس اتكلموا وكلامهم مأثرش في الاهلي هيجي ده وهيأثر .. احب اقله مش هتقدر لأننا مش اي كلام بنصدقه
وبعدين ده واحد مهزوز انا مش شايفة غير كدة فيه
ولو رجعنا لورا بالزمن شوية كاس الامم الافريقية كان هو من أول الناس اللي بتأكد فشل حسن شحاته من قبل حتى ما يسافروا غانا وكان بيأكد ان مصر هتطلع في الاول ومش هتوصل لا ربع ولا نص
ومش هو ده نفسه اللي كان فرحان وبيهني اللي هنا وهناك بعد فوز مصر بالكاس
انا اللي يشكك في مستوى منتخبي في الوقت اللي المنتخب كان محتاج فيه تشجيع أرميه ورا ضهري ولا ابوصلوش ،ولا اسمعله اساسا
وبعدين مين هو عشان يقول للأهلوية مش من حقهم يزعلوا أو يفرحوا ،هو فعلا احنا مش من حقنا نزعل او نفرح بالنتيجة احنا اللي يهمنا مبارياتنا الجاية اللي هنفوز فيها ان شاء الله وميهمناش بقى زمالك واسماعيلي اتفقوا او ماتفقوش مش مشكلتنا ومش فارقة معانا احنا المهم مبارياتنا
فالراجل ده مهما يقول ومهما يعيد ويزيد مش فارقة معانا خالص

شكرا يا ميدو على طرحك

زائر

شكرا يادودي دايما بتشرف بتعليقك بس كان نفسي اشوف مشاركتك علي مقالي بتاع اين الاهلي من باقي الرياضات

كلامك مظبوط يا ميدو
وان جيت للحق
فى اكتر من اعلامى بيعمل لمصلحته الشخصية
خلاص
الاعلام متخيألى فقد مصداقيته
بسبب امثال الناس دى

ميرسى يا غالى ع المقال الرائع ده

زائر

شكرا يا صاحبي علي مشاركتك

شكرا يا ميدو على طرحك للموضوع
وبحييك للمرة العاشرة على اسلوبك الصحفى فى الكتابة

بالنسبة لمكان الموضوع هو مكانة هنا كويس
شكرا ليك

مرسي على طرحك للموضوع

وعلى اسلوبك الرائع في الكتابة

كفيت ووفيت بصراحة في وصق الناس دي

تسلم ايدك تاني
...........
لورا

شكرا ع الكتابه والاسلوب الجميل ده

هو ندل هيعيش ويموت ندل وبلاش زكر اسماء

زائر

شكرا ليكم جميعا علي مشاركتكم التي اثرت موضوعي شكرا مره تانيه