كلام من القلب: هتقول ايه للريس في عيد ميلاده

السلام عليكم .. ازيكم يا شباب

كلام من القلب: هتقول ايه للريس في عيد ميلاده 7os7os

انهاردة عيد ميلاد الريس

قول بصراحة نفسك تقول ايه للريس في عيد ميلاده ؟؟

ماتخافوش
المكان متأمن وكله تحت السيطرة والامن مستتب .. بس محدش يعكـ
cherry

انا هاقوله وش وش وش وش وش
بس كده

ده كلامك
cherry

ههههههههههههههههههههههههه

لا طمنتني بصراحة

هاقوله كل سنة وانت طيب وعقبال 100 سنة ..

وربنا يخليك لينا يا كبير

هههههه

ماشي يا كابتن احمد .. مرسي كلك زوق والله وفيك الخير

فاكر عيد ميلاد الريس

................

لورا

كل سنة وانت طيب يا ريسنا الغالى

وعقبال 81مليون سنة ادام

ده اللى من ورا القلب

اصلى لو قلت اللى من القلب

هيبقى العكس واكتر

بلاش ادايق نفسى فى عيد ميلادى

Madyan كتب:

ايون يااحمد عليا الطبيخ اان برئ مقولت حاجه غير كدة

انا بعترف ده حبيبى يااحمد

الرئيس

يامدلعنا يامشخلعنا .....................

حبيبى ياابوحمد

الله ماخد مننا وادية ..................

اللى فى القلب فى القلب

والله يا مدين طالما الأمن مستتب زي ما قلت اهو اتكلنا ع الله

كل سنة وانت طيب يا ريس .. كل سنة وانت طيب 81 اللي عايشهم وطفحهم من دمنا

كل سنة وانت طيب يا مهنينا ومعيشنا أحلى عيشة .. يا مشبعنا ومروقنا .. مفيش غيرك حاسس بينا .مفيش غيرك حالف انه هيخلينا ..من أغنى الناس(مش مهم الفلوس في الغنى المهم الاخلاق)

وياسلام ياريس مش مخلينا محتاجين اي حاجة عشان كدة لا تلاقي فينا حرامي ولا نصاب ولا نشال

بجد ياريس ده كتير علينا

والله مافي حد زيك عمل كدة قبل كدة فينا

..................................

مدين انت اللي قلت ......... الأمن مستتب خلاص

والله لو لقيت حد واخدني من أول قفا هقول على اسمك اه الحق يتقال برده ..هههه

ايه يا جماعه اللى انتوا بتقولوا ده ...كل سنه وهو طيب ايه بس ...

انا مش هقوله حاجه بس هقوله ...ياريت تمشى بقى ..بجد مصر خلاص على اخرها منك

من فضلك روح احتفل بعيد ميلادك بعيد عننا...وسيب مصر فى حالها ...

وماتخليش ابنك او اى حد من رحتك يمسكها تانى .اوك

سيدي الرئيس
في عيد ميلادك الكام و التمانين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك -
هاتفتكر مين وللا مين
في عيد ميلادك الكام والتمانين
بقول لك كلمتين
الأوله شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية ورتنا الويل
دا الخطوة في عهدك بقت ميل
والضحك بقى نواح وعويل
والكوسة عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وتمانين
بس هاكفيهم ورق منين
وكل سنة وأنت
واحنا طيبين

احمد فؤاد نجم
مافيش غير كده يتقال دى كان كاتبها فى عيد ميلاده حاجه وسبعين عدلتها وخلتها
حاجه وتمانين
عقبال التسعين هههههههههههههه

عارفين ياولاد
خايفة تكون البلد دى احسن من غيرها
واللى ييجى يكون انقح منة

مانعرفش الخير فين
وهنا بقى الاحتفال باعياد الميلاد بدعة
وكل بدعة ضلالة وكل ضلالة فى النار

والعيد ميلاد دة بالذات

بس كدة

وغير توقيعك يااحمد بدل مانخسر بعض
rendeer

وادخل موضوع
غير توقيعك قبل مايتحذف
هههههههههههههههههههههههههههههه

ياجماةع الى بيقول يريد الريس يمشى
الى ايجى جديد اينهب البلد وايكون لسه عايز ينهب امال حسنى فهو زهق خلاص
كل سنة وانت طيب ياريسنا وعقبال سنة واحدة وكفاية كده

الحق يارجاله الامن كبس

قررت المحكمة حبس المتهمين واعدامهم

انا مش عارف اقول ايه ولا ايه

وكل سنة بل شهر بل يوم اسود م اللى قبليه

مش عارف اقول كفاية ولا اقول حرام

اقول جت النهاية الاقينى فى الاوهام

والله يا جماعة ماعايز اطول عليكو اكتر من كده

لان اكيد كل واحد فينا وانا اولكم خايف على اهله من البهدلة

بس ارجع واقول ومافيش فى ايدينا غيره

ربنا يخليك يا كبير وترعانا زى مابيرعى الراعى ....

وحسبنا الله ونعم الوكيل

واللى ييجى يكون انقح منة
صدقينى يايو مفيش امر من كدا
كبيرنا جايب م الاخر
cherry

وانا مش هاقوله غير
حسـبنا اللـــه ونعم الوكيـــل

ايه يا جماعة انتو كلكم على الرئيس ليه

هو عملكم حاجه

كلكم بتهاجموه كأنو كل اكلكم وشرب شربكم

حرام عليكم سيبوه يعيش اليومين دول

انا مش عارف انتو بتعترضو على ايه

مش بتاكلو وتشربو وتنامو

فى ايه تانى

وبعدين فى ديموقراطيه فى البلد

وبيطبق مقولة

من حق كل مواطن ان يعترض ويقول لا

وانا من حقى اسجنك

فى ديموقراطيه اكتر من كده

انتو عايزين تعترضو وبس

دا احنا البلد الوحيد فى الشرق الاوسط اللى مافيهوش قواعد امريكيه

اى نعم بيذلونا بالمعونات وبيتحكمو فينا بيها

بس مافيش قواعد

وكمان مستكترين عليه 27 فى الحكم

ايه يعنى ما رمسيس التانى (او فرعون سيدنا موسى) حكم 67 سنه

حد قدر يتكلم

هو اى نعم بردو من ساعة ما مسك الحكم

والشعب المصرى من احط الشعوب على مستوى العالم

واللى كانو بييجو يتعلمو عندنا ويلمو الفتات بتاعنا

دلوقتى بيتنططو علينا ويتريقو على الشعب المصرى

بس الحمد لله

الوردة دى منى ليه

Exclamation

الشعب تحت السيطرة والامن مستتب

{}{}{}{}{}{}{}{}{}{}{}{}{}{}{}{}

تسلم يا مدين على التوبيك الجميل دا

شوفت انا قولت كلام زى السكر

وبشكر فى الرئيس كمان

ممكن تتوسطلى عنده كده يحطنى فى اى وزارة من عنده

حتى لو وزارة الماليه

ماتقلقش انا هرفع راسك

كلام من القلب: هتقول ايه للريس في عيد ميلاده 558437

كلام من القلب: هتقول ايه للريس في عيد ميلاده 558437

[b]mido101
الحقوا يارجاله ده اما ارهابى او مخابرات
اجرى كل الموجود الان اصل اتاخذ اعدام
[/b]

تصدق ياتريكه ان انا كمان كنت هعمل لريس عيد ميلاد هو احنا لينا كام مبارك فى الدينا
عمرك اطول من عمرى

وانا هاقوله
كل سنه وانت طيب يارئيس حسنى
والسنه الجايه ان شاء الله تكون احسن من الاول
وعقبااااااااااااااااااااااال 100 سنه ان شاء الله

Exclamation

» كلام من القلب
» خير كلام كلام رسول الله ... لا تحرم نفسك منه
» ادخل قول كلمة لتريكة .. فى عيد ميلاده 36

كلام من القلب: هتقول ايه للريس في عيد ميلاده

كلام من القلب: هتقول ايه للريس في عيد ميلاده

مواضيع مماثلة

مواضيع مماثلة