ارحل

زائر

لم أجد في عقلي سوا كلمة ارحل لكتابتها عقب خروج الأهلي المخزي من بطولة إفريقيا علي يد اضعف فرق القارة وكلمة ارحل ألليله أقولها لمجلس إدارة النادي الأهلي بالكامل ارحل فالنادي ينهار في كل الألعاب ارحل ففريق الكره ينهار أمام أعينكم دون أن تحركوا ساكن أيها الأعضاء الموقرين في مجلس إدارة النادي الأهلي ارحل ومشكورا علي ما قدمته ارحل ارحل قبل أن يمحي هذا الانهيار كل ما تحقق من انتصار في حضرة إدارتكم الجليلة ونفس ألكلمه تقال للرجل الذي عبث في فريق الكره بالنادي الأهلي وتفنن في تدمير هذا الجيل وتفنن في قتل الوجوه ألشابه متحججا بالبطولات التي حققها مع الأهلي رغم انه لم يحققها لسواد عيون الأهلي لكنه حققها نظير مقابل مادي لم يراه حتى في منامه فجوزيه في أربع أو خمس سنين حقق بطولات بأفضل لاعبين في أفريقيا فلم يحقق بطولات بالترسانه أو ألمحله ارحل غير مأسوف عليك ارحل بعد أن دمرت وببراعه هذا الجيل وقضيت علي أجيال صاعده ارحل بعد أن أضعت لاعبين علي الأهلي بسبب عجرفتك الزائدة وعلي رأسهم الحضري وشوقي ارحل فأنت صنعت بطولات من خلال نجوم لكنك لم تصنع فريق مستقبل للأهلي يعتمد عليه في السنين القادمة ارحل بعد أن صنع لك الأهلي تاريخ وجعلك معروفا وليس أنت من صنعت للأهلي تاريخ لان الأهلي معروف قبلك أيها الجوزيه ارحل بعد أن كسبت من وراء الأهلي الكثير ارحل بعد أن هدمت كل شئ بغباءك ارحل بعد أضعت ألابتسامه من علي شفاه الاهلويه ارحل ولا مصر تبكينا قبل ما تمشي ارحل يا جوزيه و كفايه بقي .

موضوع: رد: ارحل 2009-05-03, 1:44 am

عجيب اوي الكلام ده
مجلس الادارة بالكامل !!
مش هوده مجلس الادارة والجهاز الفني اللي كنا بنقول فيهم شعر من شهور معدوده ؟
عجبي صحيح

اعذرني ياميدو فانا مختلف معاك تماما
ولك كل تقديري واحترامي
.......

زائر

التاليه والتعظيم هو اللي هيجيبنا ورا واي حد قيمته بسبب وجوده داخل النادي الاهلي فلا احد يصنع من الاهلي قيمه ولكن العكس هو ما يحدث المجلس خلص وجوزيه مش قران مكتوب علينا وشكرا عالمشاركه

موضوع: رد: ارحل 2009-05-03, 2:08 am

فعلا الكلام عجيب اوووى ياميدو مع احترامى ليك لرايك

واانا بختلف معاك كلى وجزئى وبصراحه مش لاقى تعليق ع كلامك

ماهو احنا لازم زى مابنتقبل الفوز والفرحة بالبطولات لازم نتقبل الهزيمة ولكل جواد كبوة

والاعيبة ديه هى هى الى جابت الكاس السنة و و و و و و و باقلنا 5 سنين ماسبناش بطوله الا
لما اخدنها
وبالبطولات دى اخدناها بمجلس الاداره ده والجهاز الفنى والعيبه دى
مش من ضياع بطوله نقولهم يلا بالسلامه

وجوزيه مش قران مكتوب علينا
انا مش عارف اعلق ع الجمله دى ازاى
انجازات جوزيه هى اللى تعلق عليها

ورب ضارة نافعة ممكن الاهلى يفوز بالكونفدرالية وتبقى بطولة جديدة تخش النادى
الخسارة
الوحيدة من المباراة مش ان الاهلى خرج ان الاهلى مش هيلعب فى الامارات انا بحى لاعبى الاهلى على الاداء فى الشوط التانى وبقولهم متيئسوش وركزو فى الدورى وربنا معاكو

زائر

اوكي انا عرفت الاهلي واقع ليه ولكني مصر علي رايي مفيش حد له فضل عالاهلي هو اللي فضله علي كل من دخله وبطولات جوزيه لاتمنحه تدمير الفريق واللي شايف ان الموضوع خسارة بطوله يبقي .............

موضوع: رد: ارحل 2009-05-03, 2:16 am

شكرا ليك

زائر

يا سيدي الفاضل انا تشرفت برايك لكن هل معني حصد جوزيه للبطولات اننا نعيش علي هذه البطولات كحضارة ال 7 الاف سنه ايه رايك نفضل عيشين علي ال 5 سنين

موضوع: رد: ارحل 2009-05-03, 2:21 am

يا ميدو كلامك مش كله صح ومش كله غلط

انا اختلف معاك فى جزئية رحيل الادارة

لكن ممكن اتفق فى موضوع رحيل جوزيه

وماحدش ينكر انه بقى "بيخرف" بعض الشىء بتغييرات كلنا بنشوفها وبننتقده عشانها

وكمان انا شايف

ان البطولات اللى اخدها "لوحد يعنى قاللى ده" مع الاهلى

انا شايف ان الللعيبة هى السبب الكبير فيها

وممكن لاى مدرب مصرى مصرى مصرى مصرى كفء

يقوم بالمهمة

وشكرا

زائر

شكرا علي مشاركتك واحييك علي ذكر المدرب المصري واعطاءه حقه اما عن اختلافك معي في الاداره دي وجهة نظر شخصيه بس ما قولتليش ايه رايك في الاجيال الصاعده اللي موتها جوزيه شكرا كيمو علي تعليقك ومشاركتك

موضوع: رد: ارحل 2009-05-03, 2:31 am

ربنا يخليك يا ميدو
وانا شايف
ان جوزيه كده خلاص
يمشى احسن
ومش قضية يا جماعة
يااااااااااما مدربين كبار فشلوا ومع اندبة كبيرة
عندك مثلا جوزيه مورينهو مع تشيلسى
وغيره وغييره

زائر

شكرا للتواصل ياكيمو وانا قلتلك قشطه اننا نختلف في الراي

موضوع: رد: ارحل 2009-05-03, 2:27 pm

السلام عليكم....
اخي ميدو الخشاب
قد نتفق وقد نختلف وفي كلتا الحالتين الهدف واحد
الا وهو الوصول الي حل فيما وصل اليه فريقنا الحبيب
ولكن اخذ عليك اذا اردت ان تكون كاتبا يشار له بالبنان ان تقبل وجهتي النظر
الاتفاق والاختلاف علي حد سواء ولا تكون قابلا للكلام الذي يعضد رأيك بينما
تصل بك الحاله لمرحله الصدام مع من يختلفون معك
ونعود لرأيك الذي قلته في موضوعك وانا اعلنها لك
بانضمامي لقائمه المختلفين معك فلسنا ممن ينقلبون في لحظه لمجرد الخروج
من بطوله او خساره اخري ..نعم هناك الكثير من الاخطاء والفوز يداريها
والسكوت عنها جريمه ولكن الجريمه الاكبر ان نحاول التشكيك في مجلس
الاداره الذي اصبح قدوه لكل ادارات الانديه المختلفه والكلم يحلم بان يحذو حذوه
ولكن الصاعقه هنا ليست فيما ذكرت مطلقا وانما في علم اللاعبيين بان جوزيه
ابلغ اداره الاهلي بنيته النهائيه في الرحيل بنهايه الموسم مما اثر كثيرا في نفسيه
الكثير من اللاعبين وجعلنا نسمع عن تمردات واشياء جديده ليست من طباع لاعبي
الاهلي علي تاريخه وذكرتها في مقالي في مقهي التريكاويه تحت عنوان حرام يا اهلي
وشكرا لروعه اسلوبك يا ميدو ولكن ليتك لا تدخل في صدامات
تقبل تحياتي
Exclamation

زائر

اولا اتقبل رايك بصدر رحب لكن اختلافي مع احد الردود بحده كان لعدم رؤيتي المنطقيه في الاهلي اما عن جوزيه فانا اقده منذ اكثر من سنه واري انه افلس منذ سنه ونقدته يوم ان كسبنا بطولة افريقيا 2008 الاخيره علي القطن وذكرت ان في ظل وجود اللاعبين الموجودين في الاهلي نبحث عن الاداء والبطوله عذرا جوزيه افلس ولازم يمشي وانا عند كلمتي ان الاهلي اكسبه كتير وهو كان مغمور لايذكر قبل الاهلي بعكس الاهلي اللي كان نادي القرن قبل جوزيه اما عن الاداره فدي وجهة نظري ان دوام الحال من المحال

موضوع: رد: ارحل 2009-05-04, 2:23 pm

يخرف
اية العبارات دى
دة نكران للجميل
فرضا لو جوزية ساب الاهلى المفروض وحق الله نعملة ماتش اعتزال ماحصلش
جوزية هو اللى عمل الروح
هو اللى عمل الفريق
هو اللى وحد اللعيبة

اية الكلام دة
انا زهقت من انتقادتكم للاهلى
انا بيتهيئلى لو خسر الدورى هتحولو لفريق تانى

على رايك يا مدين

عجبى

زائر

بصي يا ايات جوزيه له كل التقدير لكن ده ميعنيش ان مش بيخلص لانه في النهايه بشر كاي بشر يصل لمرحله من الملل والزهق اما عن ان بطوله مش مفروض يحصل كده عليها عندي كلمه وحده هو ليه لما بنكسب بيبقي جوزيه ولما بنخسر بيبقي اي حد الا جوزيه مرتين خسرنا الكاس وافريقيا تاني مره والجايات ربنا يستر وباكد كلامي ده حتي لو كسبنا الدوري اه انا مش بنتقد الاهلي لا لن يختزل الاهلي في جوزيه ولا في غيره ماشي بمعني ان نقد جوزيه لايعتبر نقد لللاهلي لان الاهلي اكبر من الكل وهو الذي يعطي القيمه للكل جوزيه وغيره ممن كان لهم شرف التواجد في هذا الصرح وعلي راسهم المايسترو صالح سليم

موضوع: رد: ارحل 2009-05-04, 5:41 pm

4everاهلاوية كتب:: يخرف
اية العبارات دى
دة نكران للجميل
فرضا لو جوزية ساب الاهلى المفروض وحق الله نعملة ماتش اعتزال ماحصلش
جوزية هو اللى عمل الروح
هو اللى عمل الفريق
هو اللى وحد اللعيبة

اية الكلام دة
انا زهقت من انتقادتكم للاهلى
انا بيتهيئلى لو خسر الدورى هتحولو لفريق تانى

على رايك يا مدين

عجبى

ع رايك ياايات لو الدورى راح هيحولوا لفرقه تانيه

دى ناس من اللى معاهم معاهم عليهم عليهم
نو كومنت ع اى انتقادات ع الاهلى

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

موضوع: رد: ارحل 2009-05-05, 1:20 am

برغم أختلافي معاك يا ميدو في بعض النقاط في نقاط تانية بتفق معاك تماما فيها
الاهلي بيقع والجهاز قاعد بيتفرج .. وبعدين ؟؟؟
جوزيه خلاص راحت عليه .. بجد مبقاش عارف يعمل حاجة
حصد بطولات ياما مع الأهلي انا مش بنكر ده لكن دلوقت هو سبب رئيس في المستوى الدنئ اللي بيأديه الأهلي
سوري يا جوزيه لما اقولك فقد الموهبة والبراعة .. مبقتش عارف تقود الفريق او بتوجهه غلط والفريق ضاع يا حبيبي ضاع ونزل تحت في القاع وياعالم هيطلع امتى وهو بيعاني في صراع
بجد انا خلاص تعبت من الكلام والرغي ده
واي خبر دلوقت ع الاهلي واللي بيحصل بيحرق الدم ويجيب المرارة
فين أخبار الأهلي اللي كانت موسيقى بنهدي بيها النفوس وبنمشي على أنغامها بكل سعادة
بجد انا اشتقت للأهلي
وخلاص انا مش هتكلم تاني لأن الكلام مممنوش فايدة اساسا
شكرايا ميدو

زائر

للمره المليون بقلك شكرا علي اراءك المحترمه ولو بطلتي تناقشي انا هبقي زعلان لان شخصيا هخسر نقاشتك اللي بتدي المقالات طعم واحساس وياريت اشوف رايك في موضوعي في ستاد كوره مصريه بعنوان الاعلام الاهلاوي وفخه الغير مقصود

موضوع: رد: ارحل 2009-05-05, 1:37 am

اخى او اختى العزيزة
انك نسيت حاجة كبيرة اوى اى اوى
ان الكورة كسبان وخسارة
ان الكورة مفاجئات
فانكم لو جوزية اخذ الدورى كلكم اتقلولا مبروك واوعى ترحل
ولو مخدهوشى تشتموها ارحل
اننى اتعجب بهذه الكلمات
هاهو مصيره جوزبة
بدل مانقف جمبة نقل ارحل
بدل مانساعدة فى وقفان الفريق من جديد نقله ارحل
ياسبحان الله

زائر

شكرا لتعليقك وكل واحد ليه وجهة نظر بس في حاجه لفتت نظري انت كاتب لولا تريكه لكنت زملكاوي فنحب الاهلي قبل تريكه وبعد تريكه فليس من هو حببني في الاهلي لاني اعشقه منذ 13 سنه مضت وشكرا علي مشاركتك لكن انا عند كلمتي

موضوع: رد: ارحل 2009-05-05, 1:48 am

اولا احب اقول حاجة كلمة لولا ابو تريكة لكنت زملاكاوى
لاننى شجعت الزمالك فى الاول ثم لقيت ابو تريكة بيلعب فى المنتخب
عجبنى لعبة حبيبت لعبة اتفرجت عليه وهو بيلعب مع الاهلى
حبيبت لاعب الاهلى عرفت

زائر

ماشي بس انا اللي عايز اقوله مش تجريح في جوزيه ولا تقليل من جوزيه ولا انتقاص من انجازته لاني مقدرش انتقص والا هنتقص من الاهلي وده اللي مش ممكن لكن عشان جوزيه يفضل طيب الذكر لازم يمشي زي ماهييجي وقت هيبقي تريكه لازم يبطل عشان يفضل طيب الذكر واقره مقالي الاخير بعنوان الاعلام الاهلاوي بفخه الغير مقصود وانت هتفهم انا عايز اقول ايه

موضوع: رد: ارحل 2009-05-05, 1:59 am

لكن هل تتذكر ماحدث فى عام 2006 نفس الكلام وكان ضاع مننا حاجات كثيرة وفى العام الى بعدة حققنا انجازات ومثل الى حدث

زائر

اولا احنا الموسم اللي ضاع فيه بطولات 2007 ثم الاهلي عاد بقوة الدفع بس دلوقتي خلاص القوه دي راحت صدقني انا لو عندي شك واحد في الميه ان استمرار جوزيه مع الاهلي هيكون لمصلبحته مش هعارض انا الاهلي ده عمري كله ورجع التوقيع مفيش مشاكل

موضوع: رد: ارحل 2009-05-05, 2:12 am

Madyan كتب:: عجيب اوي الكلام ده
مجلس الادارة بالكامل !!
مش هوده مجلس الادارة والجهاز الفني اللي كنا بنقول فيهم شعر من شهور معدوده ؟
عجبي صحيح

اعذرني ياميدو فانا مختلف معاك تماما
ولك كل تقديري واحترامي
.......

الصراحه انا رايى زى احمد بالظبط ..

وشكرا ليك يا ميدو