أتكلموا

زائر

من يوم ما تحط الأهلي في الموقف اللي هو فيه وابتدي مستوي ألفرقه يقع ماتش ورا التاني وتقريبا الكلام ده بقاله سنتين و بنقول التغيير والخواجة خلص لكن الظاهر إننا لازم نواجه نكسات وانهيارا من اجل التغيير نعم نحن كمصريين هكذا فمثلا علي الصعيد السياسي والعسكري ظللنا نهلل ونمجد في جيوشنا بعد ثورة يوليو ألمجيده إلي أن هزمنا في حرب 67 هزيمه فادحه وسميت بالنكسه من شدة مرارتها وقسوتها فاتجهت ألقياده ألسياسيه في مصر بعدها للتغيير واستمرت ألقياده ألتاليه علي هذا المنهج إلي إن عادت مصر وانتصرت بفضل الله وما سبق مثال إلي إن النكسات لها بوادر ومن الحماقة إن لا التفت لهذه البوادر في انتظار السقوط لكي أقوم بالتغيير وهذا ما فعلته الاداره ألسياسيه في مصر وقتذاك …..

وهذا ما فعله المعنيين بالأمر داخل جدران ألقلعه الحمراء حيث أنهم انتظروا هزه كبيره في الفريق كالخروج المهين من البطولة الافريقيه ليقوموا بمرحلة التغيير والتجديد وتغيير ألمنهجيه الكروية بالكامل فالخواجة يعبث بالفريق ويعيث به فسادا من سنتين والأداء ممل وسئ ونحن نتخفي خلف البطولات رغم قناعتنا أن دوري العام الماضي كسبناه لعدم وجود المنافسين ليس لقوتنا وبطولة أفريقيا 2008 كسبناها بقوة الدفع ومع هذا لا حياة لمن تنادي واليوم ونحن خارج حسابات دوري الأبطال ونصارع من اجل الدوري العام أقولها نحن من وضعنا أنفسنا في هذا الوضع الحرج فلا نلوم علي الزمالك لتفويته مباراة الاسماعيلي نكاية في الأهلي رغم رفضي الإخلال بالميثاق الرياضي إلا أن الأهلي من وضع نفسه تحت رحمة الزمالك والاسماعيلي لان الأهلي بدأ الدور الثاني بفارق 10 نقاط عن الاسماعيلي و5 عن بتروجيت الذي كان يحل ثانيا في ذلك الوقت من ألمسابقه فالأهلي بقيادة الخواجة المفلس فنيا في أخر سنتين أضاع نقاط بالجملة وأنا اعلم أن بعضكم سيعترض ويقول تحكيم لكن التحكيم لم يكن سببا في أسيوط حينما تعادلنا مع بترول أسيوط ولم يكن سببا مع بتروجيت في السويس ولم يكن سببا حينما خسرنا من الاسماعيلي بإستاد ألقاهره وسلملي علي الرأس حربه الواحد ولم يكن التحكيم سببا في مباراة الزمالك ولم يكن له علاقة بخسارتنا نقطتين أمام المقاولون العرب في الدور الأول إذا فالتحكيم حجه ضعيفة جدا لما حدث لان عدد النقاط التي خسرناه في هذه المباريات للحصر فقط 10 نقاط كانت تضع الأهلي في ألمقدمه مرتاح تماما وتأكيدا للكلام أقولها هل في اليابان كان التحكيم ضد الأهلي أيضا لهذا كنا سادس العالم أرجوكم لا تضحكوا علي أنفسكم ومترموش علي أن الزمالك فوت والتحكيم متحامل عالاهلي وضغط المباريات وده موضوع عايز مساحه كبيره بس أنا هختصره في حاجه بسيطه هيه مش القايمه فيها 30 لاعيب هل اتحاد الكره فرض عالخواجه اللعب بعدد معين من اللاعبين أم انه منعه من إشراك البدلاء فهذا لم يحدث وقطعا سيأتي من يقول كل 4 أيام مباراة والرد موجود طالما ختار الأهلي دور البطولة إذا يجب أن يرضي بايجابياته وسلبياته ومن سلبياته إن يلعب المؤجلات التي تأجلت لإراحته وقت لعبه في البطولة القارية وإلا يرتضي بالدوري فقط ويترك أفريقيا حتى يكون مرتاح بلا متاعب الموضوع في أيديكم أتكلموا .

موضوع: رد: أتكلموا 2009-05-04, 2:48 am

كلامك كويس يا ميدو
ومظبوط الى حد ما
وفعلا الخواجة "والمعنيين" فى الاهلى
بيخرفوا واحنا مازلنا عايشيين على "ذكرى" البطولات والانجازات

زائر

شكرا ياصاحبي منا قلتلك هيه حضارة 7 الاف سنه اللي جبتنا لورا ربنا يستر شكرا علي مشاركتك اللي بتنورني دايما

زائر

ايه ياجماعه فين الكلام دنا بقول اتكلموا

موضوع: رد: أتكلموا 2009-05-04, 4:56 pm

اولا انا بشكرك علي المقال الجميل الي انتا كاتبه فعلا المقال فيه حاجات جميله جدا

انا شايف ان سبب اللي الاهلي فيه عده اسباب وهي
1.الجمهور
كان المفروض الجمهور يساند الفريق من زمان مش من اول ماتش انبي يعني انا بامانه حسيت ان اللعيبه خايفه من الجمهور يعني اقولك مثل لما بنكون صايمين بناكل مره واحده ولا بناكل حاجه خفيفه الاول وبعدها بناكل براحتنا لاننا لو اكلنا مره وحده هنتعب
نفس النظام ده جمهور الاهلي راح مره وحده كان المفروض الجمهور يهتم بالفريق اكتر في السنتين اللي فاتوا اللي زي ما حضرتك تكرمت وقولت الاهلي كان مستواه مهزوز فيهم

2.اللاعبين
فيه لاعيبه كانت سبب في خساره النادي الاهلي النقاط زي امير عبد الحميد ورمزي صالحومحمد سمير في مباراه انبي وطبعا الاجهادات الي ماسكه اللعيبه من اكتر من سنتين كابتن ابو تريكه راجع من اصابه والجمهور مستعجل عليه جامد وطبعا ده ماثر عليه
احمد فتحي مش عارف ايه الي جراله والي هيقول اصابته هقوله الاصابه كانت من قبل ما ناخد بطوله افريقا الاخيره الله يرحمها
شادي بجد انا حاسس انه كبر
وائل جمعه كويس يس يرضه حاسس انه عايز يلعب ف كاس العالم وخلاص
سيد معوض وده مش علشان انا بحبه جدا بس سيد معوض هو اكتر المتالقين الايام دي
فلافيو عايز يمشي ومش بيدي وبامانه انا حسيت انه هو اللي بيدرب جوزيه لما شوفت اللقطه بتاعته هو وجوزيه ف ماتش كانو بيلارز المهين
حسام عاشور حاسس انه بقي تقيل واينو عايز يشوط وخلاص
العجيزي اديله فرصته واله هيلعب ويادي كويس
جلبرتو تحس انه مبيلعبش الا لفلافيو
احمد حسن بيموت نفسه ف الماتش وبيتغير طبعا ده بيقلل من حماسه
محمد سمير مدافع كويس وان شاء الله ربنا يوفقه ف المرحله القادمه

3. جوزيه ..... جوزيه بجد يا جماعه مبقاش عنده جديد عنده احسن لاعيبه ف مصر ومش بيعمل بيهم اي حاجه غير انه مش بيعتمد الا علي عدد من اللاعبين زي ما حضرتك قولت اتحاد الكره موفرلك 30 لاعب ايه جايبهم زينه

4. الحكام ...... انا معاك جدا ف اننا منتكلمش عن الحكام بس بجد حكام الدوري المصري اذيه جامده

يارب مكونش طولت عليك بس انتا خلتني اتكلم لان اسم المقال اتكلوااااا وانا اتكلمت
شكرا ع التوبيك اللي بجد ان شايفه رائع جدا ومن احسن المقالات الي قراتها

زائر

اولا شكرك واجب عليه علي مشاركتك اللي اثرت المقال وشكرا لكلامك لاني بجد عايزكو تتكلموا واتمني مشاركتك في كل مواضيعي وموضوعي الجاي تحديدا

موضوع: رد: أتكلموا 2009-05-05, 1:04 am

كلامك يا ميدو بيزود مرارتي أكتر وأكتر والله
لأني مستاءة جدا من اللي بيحصل للأهلي اليومين دول .. أوة الفريق اللي بسميه ظل الأهلي
بس الأمل عندي منتهاش ومسير الأهلي هيرجع .. وانا هستنى طبعا
بس ده مينمعش إن دمي محروق ودماغي بتغلي وهتنفجر من اللي بيحصل
والله بجد حرام اللي بيحصل زي ما قال أخويا الكبير اسامة
لعيبة مستوها في النازل ومدرب خربها وقعد على تلها وقعد ليه ده هيمشي ويسيبها لايصة
وجهاز وإدارة بتتفرج ومش بتتحرك .. مفيش هبوط أسوأ من كدة خلاص اعتقد إننا وصلنا للقاع
ممكن المستوى يتدني أكتر من كدة..والله بجد حرام
شكرا يا ميدو والله مش عارفة أقول ايه ولا حتى اتكلم اساسا لامن اللي بيحصل ده المفروض من الأول مكنتش أقول غير
No Comment
بس كعادتي رغيت وحرقت دمي أكتر ماهو محروق
بجد كلامك يا ميدو واقع

زائر

شكرا جزيلا علي الواقعيه في كلامك ومتقلقيش الموسم الجاي هيرجع الاهلي اللي احنا نعرفه مع مدرب جديد وروح جديده مع كام لاعيب جديد صدقيني الاهلي بالشكل ده هيرجع اكيد دايما بتشرفيني بارائك وياريت تقري مقالي ارحل