الإعلام الأهلاوي وفخه الغير مقصود

زائر

لا شك أن خروج النادي الأهلي من بطولة أفريقيا علي يد فريق كانو بيلارز النيجيري كان له أصداء كبيره في الأوساط ألرياضيه ألمصريه ولكن الأهم من أصداء هذا الخروج النقاش حول أسباب هذا الخروج المبكر والمهين من البطولة وحتى حينما تحدثنا عن الأسباب فالبعض قال أخطاء الجهاز الفني والبعض حمل اللاعبين والبعض حمل النظام الكروي في مصر نتيجة خروج الأهلي من البطولة ولكن لم يلتفت احد لأحد أهم أسباب انهيار الفريق الأهلاوي في العامين الأخيرين وهو الإعلام الأهلاوي ممثلا في قناة العملاق القاهري ألفضائيه و المواقع الاليكترونية للأهلي فالإعلام الأهلاوي نجده إعلام موجه علي طول الخط دفاعا وتمجيد في الأهلي تارة وتعتيم بمواضيع ثانوية عن الإخفاقات تارة أخري وعن سوء الأداء فلم أشاهد قناة الأهلي في مره تناقش تراجع مستوي الفريق أو تنتقد مستوي الفريق أو تنتقد الجهاز الفني بل أن الإعلام الأهلاوي في أحلك الظروف نجده مدافعا عن الأخطاء الموجودة في الفريق وهذا لا يعني أنني أطالب الإعلام الأهلاوي بعدم الدفاع عن النادي أو عدم تمجيد النادي لكن كان يجب علي الإعلام الأهلاوي أن يساير الأمور وان يظهر الحقيقة وان يناقش المشاكل الموجودة وطرح حلول لها حتى لا نصل ليوم نصارع فيه علي الدوري ونخرج من بطولة أفريقيا بهذه ألصوره وحينما ذكرت كلمة تعتيم كنت اقصدها بكامل مغزاها أي أن الأهلي عقب خروجه من بطولة العالم للانديه وحلوله في المركز السادس والأخير توقعت كما توقع الكثيرون تسخير الإعلام الأهلاوي لمناقشة أسباب الانكسار في اليابان لكني فوجئت بالكل يتحدث عن رحيل ابوتريكه للهلال السعودي وان الجماهير تريد ابوتريكه وبالفعل انشغلت الجماهير الاهلاويه كلها عن ما حدث في اليابان بموضوع ابوتريكه وتناسينا كل الوعود التي سبق وان قالها الجهاز الفني عن انه سيواجه مانشستر في النهائي وعدنا للدوري كأن شيئا لم يكن وخلص موضوع الفنان وملاقيتش حد بيتكلم عن خروج الأهلي من كاس مصر بحجة أن مباراة ألقمه قريبه ومفيش وقت وبعد ألقمه لقينا الإعلام الأهلاوي كله بيتكلم عن موقف الفنان تريكه وتفضيله البقاء مع الفريق عن الجائزة ألماليه التي كان سيكسبها إذا حضر حفل مجلة سوبر الامارتيه وفضل الإعلام الأهلاوي يتكلم عن الموقف ده وبرضو ولا كلمه عن خروج الأهلي من الكأس وبرضو كأن مفيش حاجه حصلت ورجعنا للدوري والأداء وحش وبرضو قناة الأهلي مش بتنتقد أي أخطاء أو مشاكل في الفريق وتصوره الفريق علي انه لا يقهر وانه وحش كاسر لن يقف احد أمامه وجت مباراة الاسماعيلي في ألقاهره وخسرناها وبرضو لقينا الموضوع اللي في ألصوره واللي مستحوذ علي النقاش ككل في ستديوهات قناة الأهلي ألفضائيه ومواقع النادي عالانترنت هو الإحجام الجماهيري من جماهير الأهلي في مباراة الاسماعيلي ولم يتكلم احد لا في قناة النادي ولا في مواقع النادي عن أسباب الهزيمة وعن أسباب هذا التراجع الأهلاوي ولحد قبل ماتش الأهلي الأخير في بطولة أفريقيا صورت لنا مواقع الأهلي وقناته ألفضائيه الفريق علي انه عال العال وانه فريق لا يقهر وان كل حاجه تمام إلي أن أتت الطامة ألكبري بالخروج من بطولة أفريقيا وهانحن نمني النفس ببطولة الدوري التي وضعنا نفسنا في وضع حرج فيها وأصبح الأهلي للأسف وحش غير كاسر بسبب هذا الفخ الغير مقصود من الإعلام الأهلاوي وللأسف أشبه الإعلام الأهلاوي بالإعلام القومي الذي يصور لنا الحكومة بلا أخطاء وان كل ما يفعله النظام لمصلحة مصر هكذا كان إعلام الأهلي فخ لفريق الكره بالنادي فصوروه بلا مشاكل وهذا غير ممكن لان الأهلي أسطوره حيه والأساطير علي مر التاريخ أصبحوا أساطير بسبب التضارب الموجود في شخصيات هذه الأساطير وأنت من أهم الأساطير يا أهلي .

بجد المقال جميل وانتا فيه اشارت لنقاط جميله جدا وهيا ان الاعلام الاحمر مش بيتكلم الا ف لحظات الفوز ولحظات الهزيمه بيحاول يغطيها بالانتصارات السابقه

وفعلا لما رجعنا من اليابان كله انشغل بتريكه وسبنا النقطه المهم وهيا الهزيمه المخيبه للامال
وحتي محدش حاسب امير بالطريقه اللي تليق باللي حصل

بجد المقال هايل وجميل جدا
شكرا ليك يا ميدو

زائر

انا اللي بشكرك لمشاركتك في مقالي وتشريفك ليه

زائر

فين المشاركات ياجماعه

تسلم يا ميدو على المقال
ون شاء الله الاهلى يكون احسن السنه الجايه والمباره الجايه
تسلم يا ميدو

زائر

شكرا يا اسماء علي مشاركتك وياريت تشوفي مقالي اتكلموا

للاسف يا ميدو هو ده اعلامنا
وارجع واقول بردو
اننا عايشيين على ذكرى انجازات جوزيه وبطولات الاهلى اللى فاتت
لازن يا جماعه نؤمن ان خلاص
جوزيه "خلص" او "زهق" يعنى مش بقى قادر ولا هايقدر انه يدينا زى الاول
فلازم
يمشى دلوقتى
احسن مايمشى وهو صورته مهزوزة اكتر من كده

يارب يمشى جوزيه
يااااااااااااااااااااااااااااااااااااااااااارب

تسلم يا ميدو ع المقال
وياريت بقية الاعضاء يشاركوا فيه
لانه فعلا مهم

زائر

ياريت يا كيمو بس هما فين انا محتاج النقاشات بشكل كبير

اخى انا ارد على المقالة

اقلك شى
احنا فعلا خسرنا من فريق كبير صح فيها ايه لو ناخذ بيد المدرب الجديد ونبتدى من جديد صدقنى بطولات اتيجى جديدة لكن النقد على المدرب مش انستفيد احنا كاهلاوية يجب نشد يد الفريق والمدرب ونقلهم قومواا تانى الى البطولات

زائر

شكرا علي مشاركتك

عندك حق ياميدو ..وفعلا زي ماقال كامتشو ..احنا اعلامنا كله كده
بيقعدوا يلهونا بحاجة ..عشان ننسى البلاوي التانيه
وخلاص ياجماعة جوزيه مش هيجدد مع الاهلي تاني
يعني استحملوه شويه ماشي يعني ماشي ..
مرسي على التوبك ياميدو

زائر

شكرا تريكاويه علي مشاركتك اللي بجد شرفتني

kamatsho treika كتب:: للاسف يا ميدو هو ده اعلامنا
وارجع واقول بردو
اننا عايشيين على ذكرى انجازات جوزيه وبطولات الاهلى اللى فاتت
لازن يا جماعه نؤمن ان خلاص
جوزيه "خلص" او "زهق" يعنى مش بقى قادر ولا هايقدر انه يدينا زى الاول
فلازم
يمشى دلوقتى
احسن مايمشى وهو صورته مهزوزة اكتر من كده

يارب يمشى جوزيه
يااااااااااااااااااااااااااااااااااااااااااارب

تسلم يا ميدو ع المقال
وياريت بقية الاعضاء يشاركوا فيه
لانه فعلا مهم

أنا بأيدك فى كل كلامك و الإعلام إلى حتى الأخطاء كان بيغطيها و يسقفلها و يقدم عليها حجج و شكراً يا ميدوعلى التوبيك الهيل ده

عندك حق ياميدو ..وفعلا زي ماقال كامتشو ..احنا اعلامنا كله كده
و تسلم ايدك عالتوبيك

زائر

اولا مايسترو انا بشكرك علي تعليقك الجامد واتشرفت بمشاركتك
القيصر ردك كان في منتهي الموضوعيه وبشكرك عليه وعلي تقديرك واتشرفت بمشاتركتك

» صحيفة كويتية تهاجم بركات ملك الحركات"وتصف الإعلام الأهلاوي "المتوحش
» خطأ غير مقصود ( الجزء التانى )
» الغضب الأهلاوي يتزايد ضد البدري

الإعلام الأهلاوي وفخه الغير مقصود

الإعلام الأهلاوي وفخه الغير مقصود

مواضيع مماثلة

مواضيع مماثلة