السلام عليكم..

اولا عذرا للعنوان ولكن لم أجد افضل منه حتي ننتهي عما نحن فيه
وعفوا اخوتي واخواتي
ليس هكذا تورد الابل..ولا داعي للوصول لتلك المرحله من التمزق
وكل منا يصر علي رأيه وهذا امر صحي ومقبول ولكن الغير مقبول
علي الاطلاق هو وصول الخلاف في الرأي لمرحله الخلافات الشخصيه
وهذه تتمسك والاخري تغضب والامر لا يستحق كل هذا..نعم لا يستحق
فعصام( ومش هقول الهارب عشان محدش يزعل) ياكل ويشرب ويعيش
حياته يتدرب ويلعب ولم تتوقف حياته والاهلي نفس الامر بقي صامدا
والفوز مستمر والبطولات تدخل دولاب الاهلي الواحده تلو الاخري
ولم يقف الاهلي يوما علي لاعبا ايا كان وزنه فقد تركه التواءم واعتزل الخطيب
وايضا صالح سليم والمدفعجي طاهر ابو زيد وهيما المشاغب اخد كيك جامد
وغيرهم الكثير من الكبار والعظماء ولم يتأثر الاهلي مطلقا وان تأثر فانه
سريعا ما يزول..لم نسمع ان الاهلي قد هدمت جدرانه او توقف النشاط فيه
او قرروا الغاء نشاط كره القدم لا لم يحدث ذلك ولن يحدث مطلقا
قالاهلي هو الباقي والجميع الي زوال(والله اكبر وابقي من الجميع) واذكر لكم قصه
حدثت بالفعل..حيث ان القائمه علي موقع حارس سيون تدعي هدي وتسمي نفسها
هدهده..ومعها اخري تدعي مورا..وقد نصبت نفسها محاميه عنه ومقاتله وعلي استعداد
للدخول في حرب شرسه قد تصل لحد السباب مع اي شخص يتجرأ ويخطئ في حقه
او يقول تعليقا فيه شئ ضده وكان هذا يحدث في موقع سوبر كوره ودخل الجميع معهما في
خلافات شديده ورئيس تحرير الموقع يعطيهما الفرصه تلو الاخري حتي يتراجعا عن طريقتها
الغير لائقه علي الاقل بكونهما بنات...حتي خرجتا تماما عن النص فتم طردهما وحذف عضويتهما
والمشكله انهما كان يدخلان فقط علي الخبر الذي يتحدث عن ولي نعمتيهما ولا نري لهما اسما علي
اي تعليق اخر..لا خاص بالاهلي ولا بالمنتخب وهما الابقي...واسألكم سؤالا وارجو ممن يختلف معي
ويدافع عنه..ان يرد علي دون استهزاء او تجريح او خروج عن النص....اكثر ناس كانت تكره الرجل
هي الجماهير البيضاء والصفراء وبالبلدي تشوف العمي ولا تشوف شكله..حتي فعل فعلته المشينه..
تحولوا لمدافعين عنه واصبح بطلا قوميا ورجل المستحيل وكل شئ جميل عندهم لا لشئ سوي
حقدا علي الاهلي..وسؤالي...الم نتعرض جميعا لكل انواع الشماته عندما هرب وترك الاهلي الكبير
في منتصف الموسم مستخدما ماده مشبوهه وهي محل دراسه لسد ثغراتها من قبل الفيفا والا سيتم
الغاءها تماما ؟؟؟الن تتعرضي انتي شخصيا لشماته صديقاتك البيض والصفر وكل الكارهين للاهلي
...ولان الفيفا لا يعرف قسطن_طين ولا يعرف بهيه فقد عاقبه بعقوبه..لن تنفذ في الوقت
الحالي ولكنها ارست مبدأ سيظل مذكورا طول العمر..وهو ان من خالف فلابد من عقابه..واثبت ان
الاهلي لا يترك حقه والا هتبقي سايبه...والقانون يقول العقد شريعه المتعاقدين... وقد خالف العقد
وذكر اسلامنا كثيرا من الايات والحاديث القدسيه والشريفه التي تحذرنا من خيانه العقد والعهد...
والله عز وجل امرنا ان نتسامح وقد قال عز وجل اني حرمت الظلم علي نفسي وجعلته بينكم
محرما فلا تظالموا...والرجل ظلم نفسه وظلم جماهيره وظلم ناديه...وكان عقده يتم تجديده
عامين بعامين..ولو اتي قبل نهايه عقده وابلغ الاداره انه لن يجدد وسوف يحترف ما لام عليه
احد..وهذا حقه كما فعلها الكثير من لاعبي الاهلي واخرهم محمد شوقي.ولكنه اعطي الفرصه
للنادي ليبحث عن بديله..وخرج باحترام..ولا زالت كل الجماهير الحمراء تحبه...وتريكه حبيب
الملايين الذي رفض 15مليون ريال اي ما يوازي22.5مليون جنيه مصر في موسم واحد فقط
والكثير والكثير ممن استطاعو التوفيق بين مصلحتهم الشخصيه ومصلحه النادي وابقوا علي حب
الجماهير لهم وحافظوا علي صورتهم نظيفه وهم كثر ولكن الله سبحانه وتعالي حبانا بنعمه العقل
فاما نجعلها نعمه كما خلقها الله واما نحولها لنقمه كما فعل حارس مرمي سيون..والذ فقد بفعلته
الكثير والكثير حتي لو جني كل مال الدنيا .. فانت تستطيع ان تشتري بالمال كل شئ الا حب الناس
فهو من عند الله عز وجل وهو ما يتضح في حبيبنا وحبيب الملايين تريكه حبيب والديه وامير القلوب
وواحدا من اخلص من ارتدوا الفانله الحمراء..هنيئا لك يا تريكه ومعك كتيبه المخلصين.حب الله ومن ثم
حب العباد..وارجو الله ان تنتهي الخلافات التي طفت علي السطح في التوبيك الخاص بالاخت سوما22
وان نهتم في الوقت الحالي بما أل اليه حال نادينا العظيم وان نقف بجانب لاعبييه المخلصين حتي يتخطوا
تلك الكبوه ومن ثم اعاده ترتيب البيت من الداخل حتي يعود الاسد الاهلاوي يزأر فترتعد فرائض المنافسين
ويعرف الجميع حجمه ويعودون ادراجهم اقزام كما ظلوا طيله عمرهم...........................
وعفوا لا مكان لدينا لغير المخلصين وسيبقي الاهلي عملاقا ولن يضره رحيل لاعب ولا حتي الف
..وعفوا يا ايات..هاستلفها منك....الاهلي مش نادي بنشجعه ...الاهلي دا وطن بنعشقه..
هذا لمن يعرفون قيمه الوطن والباقيين لا والف لا
شكرا يا تريكاويه وارجو ان ينتهي هذا المسلسل الممل
ونحوا الخلافات جانبا
وياريت اخوكم مزنوق والزمالكاويه بهدلوني
ادخلوا علي الرابط ده وشوفوا اسامه وهو بيتهزق
http://www.superkoora.com/ar_super_artical.php?id=2334

تقبلوا تحياتي

شكرا يانجم النجوم اياد باشا
علي المرور وجميل انك لخصت اللي عاوز اقوله في كلمتين
كفيت بهما ووفيت...شكرا يا حبيب قلبي وربنا يجزيك كل خير

وياريت لو ربنا قدرك تلحقني الجماعه البيض زمالكاويه يعني رغم انهم حبايبي
بس برده دخلوا فيا شمال في مقال سوبر كوره
http://www.superkoora.com/ar_super_artical.php?id=2334
شفتني وانا ميت.اجنن
شكرا ايدو
تقبل تحياتي

شكرا يا جوجو
وعندك الف حق وكفايه تمزقات وصراعات جديده علي التريكاويه
لكن لو تسمحي هاختلف معاكي في نقطه..(.ومش هنخسر بعض عشان نادي)
انا بقي عندي استعداد اخسر اخويا اللي بيكتب في مجله الاهلي ..عشان عشقي
الاول والاخير وحبيبي عمري الاهلي ..انما لوحد بني ادم يعني دي ممكن


مشكوره جوجو وجزاكي الله خيرا
تقبلي التحيه والاحترام

دول يا سيدي اعدائنا في الوطن
وانا مش عاوز ارد عليهم وسايبهم للناس الاهلاويه العسل
اللي زيك كده وطبعا ممكن تدخل من غير تسجيل..بس
دون خروج عن النص يعني تشتم بادب
حلوه تشتم بادب دي....وطبعا هيفوتها بعد المراجعه
شكرا يا اياد وبعشمي يا باشا
تقبل حبي وتقديري لشخصك الجميل

يا اهلا بالمعارك
خش يا حبيبي لطش براحتك
بس اهم حاجه بلاش الدم والاصابات المزمنه
عشان مندخلش في اقسام ونيابه ووجع قفا

مشكور يا اياد

اقتباس :

مورا..وقد نصبت نفسها محاميه عنه ومقاتله وعلي استعداد
للدخول في حرب شرسه قد تصل لحد السباب مع اي شخص يتجرأ ويخطئ في حقه

والله ؟؟



no comment



..............

لورا ( تصحيح مورا )

طيب يعني اجرجركم تشوفوا الكلام ازاي
ماهو دا من الاساليب الصحفيه الشهيره

وفيه قاعد صحفيه بتقول..(كلب عض انسان دا مش خبر
انسان عض كلب..هو دا الخبر الصحيح)هههههههههه
تخيلي بقي انسان مسك كلب وعضه
شكرا يا طمطم واسف لعدم استطاعتي تغير العنوان لانه الان من صلاحيات
المشرفين والادمين فقط وانا بقي بره اللعبه..وطبعا عمري ما اقصد الاهلي
حبيب عمري وعشقي الاول والاخير..
شكرا يا طمطم وتقبلي تحياتي.

ايه اللي جاب مورا للجميله لورا
طيب التانيه كانت واحده شرشوحه وداخله علي موقع سوبر كوره
تشتم شمال ويمين وفي الكبير والصغير من غير اي احترام
انا هنا يا ريسه في منتدي التريكاويه وفي معرض كلامي
كنت احكي عن موقف في موقع (سوبر كوره)
فهمتي يا لورا..ايه اللي جاب الرقه والذوق والجمال اللي عندك
للاخت ريا وسكينه اللي اسمها مورا اللي كانت في سوبر كوره

هو فيييييييييييييييييييه اييييييييييييييييييييييييييييييييييييييييه
اللي هنعمله في الناس هيطلع علينا ولا اييييييييييييييييييييييييييه
مع الاعتذار لسعيد صالح في العيال كبرت
لاء يا لورا غلطانه في حقي لما تظني فيا الظن السئ ده
وانتي مدينه لي باعتذار شديد اللهجه يصل لحد الفرقعه


شكرا يا لورا وبلاش تظني فيا كده وكلامي واضح جدااااااااااااا
تقبلي تحياتي ولكي كل الاحترام

طبعا طيبه وهو فيه اهلاويه مش طيبه
شكرا ليكي يا طمطم وتيقني انني ولدت علي حب وعشق الاهلي
واصبحت مدمنا له بشكل مرضي ولا يرجي شفاءا من علتي تلك
واحلي واجمل مرض في الدنيا هو عشق الاهلي وحبه اللي من غير حدود

تقبلي كل التحيه والاحترام يا طمطم..
وان كان اسلوبك في الكتابه مش غريب عليا
مش عارف ليه حاسس اني اعرفه او شفته قبل كده

مشكوره علي كل حال
دمتي بكل الود والتقدير

هههههههههههههههه
يبقي وصلتها للدم يا اياد
وشكلك كده روقتهم علي تقيل لو مظهرتش خلال فتره ربع ساعه
يبقي تكتب حته تانيه بس تظبطها شويه عن كده ياخوفي يجيي يقص الكلام
يقصك انت ههههههههههههه
تصدق يا اياد ان التعليق رقم 10 انا شاكك انه من داخل المنتدي من عندنا
وشكله كده مخرجش عن 10 من 10 يعني دودي.او لورا او طمطم
حد منهم التلاته ههههههههههههه شفت الناس اللي بتدخل تخلص
طيب اكتب واحده تانيه وخبي قرن الغزال اللي معاك هههههههههههههههههههه

تقبل تحياتي ايدو اللذيذ

بسم الله الرحمن الرحيم



انا مش هتكلم كتير زى اى حد



انا يمكن معرفش اى اللى حصل بالظبط



بس فى كلمة عايزة اقولها وياريت محدش يفهم غلط



مع احترامى الشديد للجميع



ده منتدى للنجم الخلوق محمد ابوتريكة



مش للاهلى وللزمالك



اى نعم ممكن نختلف فى الراى



بس ياريت من غير عصبية



وتعدى للحدود



وياريت كلنا نتقل اراء بعض



ومننساش ان دة مش منتدى للاهلى

ماعنديش تعليق غير
الاختلاف فى الراى لايفسد للود قضية

لولا اختلاف الازواق لبارت السلع
ههههههههههههههههه

شكرا اسامة
توبيك جميل كعادتك

ههههههههههههههههههههههههههه لا ياكبير انا مش عملت حاجه



انا لحد دلوقتى عملت 3 كومنتات



1



يافريق الزمالك
يا جايب المهالك
لجمهورك العظيم

لا نافع مدرب
ولا.. لاعب مشطب
مكسح مكحكح سقيم
يخبط ويضرب
زمايله في ملعب
شيطان ورجيم
يقولك فلوسي
وبعالج ضروسي
من سوسي الغريم
وعقدي المزور
وعقدي السليم
وكل ماتش يهرب
خايف يتعب
وباقى التيم
يتعمد الهزيمة
بعادته اللئيمة
بلعبة قديمة
مالهاش أي قيمة
في كل ماتش هيه
اللعبة منتهيه
هزيمة ياتعادل
ومكافأة
للمكسح
والمكحكح











2





تاتا تاتا تاتا .. الزمالك بيشيل بالتلاته



3


الاهلى التاريخ لن اطيل عليكم : السادات عضو مجلس ادارة شرفى
سعد زغلول رئيسا للنادى



تاريخ نادى الزملك و الاسمعيلى فى التفويت


المباراة : الزمالك × الإسماعيلى
التاريخ :الجمعة 23 مايو 2003
البطولة : الأسبوع الـ 26 والأخير من بطولة الدورى العام
موقف الزمالك قبل المباراة : صاحب المركز الثانى برصيد 64 نقطة خلف الأهلى الأول برصيد 66 نقطة
النتيجة : 1\0 للزمالك



وظل لاعبى الفريق الأصفر منتظرين داخل الملعب عقب إنتهاء المباراة بهزيمتهم للإحتفال بهزيمتهم وفوز الزمالك الدورى ولا أحد يستطيع نسيان فرحة الدراويش بقيادة مهاجم الإسماعيلى – حينذاك – عبد الحميد بسيونى بفوز الزمالك بالدورى واحتفل الفريقين سوياً .




المباراة : الزمالك × الصفاقسى التونسى
البطولة : دورى أبطال العرب 2004
تاريخ المباراة : الأحد 17 مارس 2004
مكان المباراة : استاد المقاولون العرب
النتيجة : 0\2

بعدما تاكد خروج الزمالك قرر نادى القلة القاهرية كما وصفة موقع الفيفا عام 2005 بالتفويت محاولا زعزعت الاهلى عن صدارة المجموعة ..... و لكن الله لم يوفق




المباراة : المقاولون العرب × الإسماعيلى ، الزمالك × بتروجيت
البطولة : الأسبوع الأخير الدورى العام 2007/2008
التاريخ : الخميس 22 مايو 2008

اشهر المؤمرات التى شهدتها كرة القدم المصرية وهى المؤامرة الثلاثية بين الأخوين الإسماعيلى والمقاولون
وأبناء العمومة الزمالك والإسماعيلى فاز المقاولون على الإسماعيلى 3\1 وبقى فى الدورى الممتاز فى مقابل الإستغناء عن علاء كمال ومحمود سمير للزمالك لكى يخسر من بتروجيت الذى يلعب معه فى نفس التوقيت حتى يحصل الإسماعيلى على المركز الثانى بعيداً عن نتيجة لقائه مع المقاولون العرب وهو المؤامرة التى تمت بنجاح .


ولكى تتم المؤامرة بنجاح انسحب الإسماعيلى من بطولة دورى أبطال أفريقيا حتى يشارك الزمالك فيها بوصفه ثالث الدورى عقب أن اختار الإسماعيلى اللعب فى البطولة العربية
================================================================
عندما نواجه الإسماعيلى النتيجة مابتفرقش معايا ... إبراهيم يوسف مدير الكرة السابق فى الزمالك


الإسماعيلى يفوز على الزمالك وشريف عبد الفضيل ينضم للزمالك رسميا .. قريباً فى الأسواق



لاعبى الاهلى فى الزمالك الحاليين حيث ان السابقين لا يوعدوا ولا يحصوا :

شريف اشرف
محمد عبد الله
احمد مجدى : الذى كاد ان ينطقها و يقولها صريحة اريد العودة للاهلى فى برنامج الكورة مع شوبير


لاعبو الاهلى فى الاسماعيلى :

محمد فضل
احمد خيرى
ابراهيم سعيد

ده اللى انا كتبته يااسامه ايه



هيتذاع ولا ههههههههههههههه

خلاصصصصصصصصصصصصصص

وقف لساني عن الكلام .. وقلبي عن الخفقان .. وعينياي عن الحراك

اه يا اسامة العنوان شوقني جدا وقلقني شوية بس مش منك ..انا عارفة انك اهلاوي صميم واستحالة يصدر اي شيء منك وحش ضد الاهلي ..

المهم انا مش هضيف أكتر مما قلت او اكتر من اللي قالوه التريكاوية اخواتي اللي قبلي

والاختلاف في الرأي لا يفسد للود قضية أكيد يعني

ومفيش حد فينا يقدر يغير رأي أي حد أو وجهة نظر طالما إنها راسخة في عقله ومش هتطلع ولا بالطبل البلدي ولا بالمزمار حتى

بعيدا عن كل الخلافات دي فعلا اليومين دول لازم اهتمامنا كله ينصب على الأهلي وبس

لانه فعلا في أمس الحاجة لكل أهلاوي واحنا كمان في أمس الحاجة للأهلي لفرحة صغيرة من أفراحه زي زمان

الصحوة دي اللي عايزين نزرعها في الأهلي احنا مسؤولين عنها وكل أهلاوي مسؤول عنها عشان كدة لازم نصحى ونفوق اليومين دول ونصحصح شوية للأهلي

وبجد يا أسامة لافض فوك

وطبعا أنا مضفتش أي حاجة جديدة على كلامك الأكثر من رائع ده ومش عارفة أقول حاجة خالص

تسلم يا كاتبنا الكبير ..لاء الأهم طبعا .. يا أخونا الكبير

ههههههههههههههههههههههههههههههه

انا لو جرالى حاجه يااوس اوس

هقول عليك هههههههههههههههه

الحق حق يااوس اوس

هههههههههههه
اها قريت التعليق رقم 10

ممكن يكون حد من هنا يابخته
عقبالى لما يزعولى ههههههههههههههههه
اظاهر مش هشوف نور تانى ابدا ههههههههههه

مبروك يا إياد
تمت الإذاعة والنشر وانا شفته دلوقت علطول
بجد أحسنت وبهنيك على ردك
سوري يا أسامة أنا عارفة إني ماليش دعوة \بس عجبني الرد