شفع له الفوز بالثلاثة وأداءه سيئ كالعادة

زائر

سبق لي وان ذكرت أن نقدي للجهاز الفني في النادي الأهلي لم يكن إطلاقا بسبب النتائج ألسلبيه التي يتعرض لها العملاق القاهري ولكن بسبب سوء أداء الفريق واليوم أواصل نقدي بعد فوز ثمين بأداء رتيب جدا من الأهلي فلم أري شئ واحد تغير في الأهلي وأداءه عن المباريات ألسابقه فلم نشاهد الأهلي يلعب الكره السريعة ولم أشاهد شخصية الأهلي ولم أبصر لروح الفانلة ألحمره ولم ولم ولم وإذا بررنا الأداء المهتز هو الخوف علي الثلاثة نقاط نكون قد غالطنا أنفسنا لان الأهلي لم يهتز أداءه ألليله بل انه استمر في أداءه المهتز والعجيب استمر تريكه في مركز رأس ألحربه استمر بركات دون دور واضح في الملعب استمرت أخطاء المدافعين استمرت رعونة فلافيو رغم إحرازه لهدف استمر تراجع مستوي جيلبيرتو استمر قبول شباك الأهلي لأهداف واستمر الأهلي في الأداء السيئ ولم يشفع له سوي الفوز وبأمانه أنا شخصيا مش راضي عن أداء الأهلي لأني متعود عالاهلي اللي بيلعب كوره جميله وسريعه وممتعه أما أهلي أخر سنتين يلعب كوره مملله ومحفوظة دون ابتكار ودون إبداع ولو لا قلة ألخبره للاعبي الترسانة لخسرنا نقاط المباراة السؤال هو الجهاز الفني بيعمل إيه بعد الماتشات بيصحح الأخطاء ولا بينفضلها ؟ فمنكم من سيرد ويقول إن ليس هناك وقت لتصحيح الأخطاء والرد موجود فمثلا هناك أخطاء تصحيحها لا يحتاج لوقت ولا يحتاج لمجهود مثل إعادة تريكه لوسط الملعب تحت المهاجمين و لعب بركات في مركز الجناح اليمين وإراحة عاشور التائه تماما كل هذه أخطاء في التشكيل أما عن أخطاء الدفاع فمسئولية الجهاز الفني إيجاد الحلول لها وأيضا أتخيل ردود البعض عن ضعف الدفاع والتبرير بغياب شادي ووائل ولكن الرد موجود أيضا أن دفاع الأهلي ملئ بالأخطاء حتى في وجود شادي ووائل منذ فتره طويلة ليس من شهر أو اثنين أو خمسه بل أكثر بكثير عامة انهي بان أقول أنا لا أريد إحباطكم لكن أيضا لا أريد أن يخدعنا هذا الفوز ويخفي عنا أخطاء موجوده في الفريق ويعجز او يصهين بالبلدي الجهاز الفني عن حلها لن أطالب برحيل احد واترك لمن شاهد أهلي الإبداع ومن شاهد أهلي السنتين الأخيرتين وأهلي ألليله الحكم الكامل .

كلامك تمام يا ميدو
بس ان شاء الله
الاهلى راجع
وبيرجع اهو لمستواه تانى

زائر

عذرا يا كيمو مش ده الاهلي اللي اعرفه ومش شايفه راجع قريب كاداء ممكن النتائج ترجع بس الاداء استفهام

احنا يهمنا دلوقتى
نتايج الماتشيين الجايين
وبعد كده
الدورى يخلص
ويبقى ف القعة الحمراء
والاداء بقى بعدين
ولا ايه

زائر

والله اقره المقال هتعرف انا اقصد ايه ارجع اقره المقال وهتعرف اني فارض كل الي هيقول الخوف التلات نقط ياريت تقراه تاني وتقولي رايك

اخى اننى اشتغرب ان الاهلى اداءة كان رائع رائع رائع وتقول سى بركات ملك الحركات شوف كان بيلعب ازاى ابو تريكة اتغير عن الاول الاحنا محتاجينه تغير حارس المرمى

زائر

والله اللي شايف الاداء رائع يبقي كان بيشوف ماتش تاني وعامة الاختلاف في الراي لايفسد للود كقضيه واتشرفت بالمشاركه

طبعا أولا الحمدلله على الفوز لأننا محتاجين المبارايات الجاية دي بالطول او بالعرض

و لازم نفوز إن شاء الله

أما بالنسبة لمباراة النهاردة كويس إننا فزنا بس مش معنى كدة إني راضية عن الأداء اللي أداه الاهلي.. اوكي فزنا واوكي كان في حماس كنا فاقدينه في المباريات اللي عدت وفي أوردة جديدة نزلت الملعب تغذي اللعب شوية وادت شوية سرعة وحيوية وأداء جديد ومازالوا محتاجين لخبرة

وبرغم كل ده لسه الأهلي مش هو الأهلي البطل اللي لما بيلعب مبيتهددش لكن احنا طول المباراة دي مهددين بسبب فرق الهدف الواحد ومطمناش غير لما خلصت ..

أي نعم مش بنكر المستوى أحسن من اللي شفته المرة اللي فات ومكنتش راضية عنه تماما

واتمنى إن الأهلي يتقدم مش يتراجع .. وكل شيء هيبان مع الوقت واهو المباريات جاية كتير وهنشوف .. وبرده الحمدلله ع الـ3 نقاط ويارب الأهلي اللي اعرفه يرجع لأننا كلنا افتقدناه كفاية أوي غيابه ده

شكرا يا ميدو دايما كلامك في محله

زائر

دودي شكر لمشاركتك ودايما بتثري مقالي ودايما بتشرف بارارئك اللي بجد بضيف كتير لمقالاتي ووشكرا

midoelkhashab كتب:: والله اللي شايف الاداء رائع يبقي كان بيشوف ماتش تاني وعامة الاختلاف في الراي لايفسد للود كقضيه واتشرفت بالمشاركه

لا للاسف مكنتش بشوف ماتش تانى وهل بكلامك هذا تتهمنى باننى ليس لدى نظر

زائر

شكرا علي رايك ومشاركتك

خلاص لو انت شايف كده اوك عادى برضوا

زائر

لو كان الناس الكل راي واحد لما تعمر العالم وشكرا مره تانيه لمشاركتك

تسلم العفو

زائر

بس علي فكره انا سعيد بالاختلاف زي ماسعيد بالاراء اللي معايا واللي بتختلف في جزئيات معايا

يعنى علشان سعيد تطلعنى اعمى علشان تسعد حضرتك اكون انا مشوشفى المباراة

زائر

عامة شكرا لمشاركتك مره تانيه

بجد شكرا علي كلامك الجميل المنظم يا ميدو
بس انا شايف ان الاهلي عمل ماتش ممتاز
وعجبني جدا احمد علي وتريكه حسيت انه رجع لجزء من مستواه
والدفع بالناشئين كان رائع لاني بجد فرحت بطلعت وشهاب اللي فعلا اضافوا للماتش ومش كانوا تايهين

زائر

والله انا مش شايف ان الاهلي كان حلو وانا شايف ان مستمر في المستوي الرتيب بتاعه وعامة رايك ووجهة نظرك تحترم وعلي راسي يامعلم حماده

» أبو تريكة كالعادة يسجل في الدقائق الأخيرة ويقتنص الفوز للأهلي
» البنز يتالق والدون كالعادة
» الأهلى يخسر بالثلاثة من الشباب الكويتى فى أول ظهور بعد "المذبحة"

شفع له الفوز بالثلاثة وأداءه سيئ كالعادة

شفع له الفوز بالثلاثة وأداءه سيئ كالعادة

مواضيع مماثلة

مواضيع مماثلة