فيصحن الخيار وقع زبلطوني في بلاد بنطلوني وقعت تشرين في بلاد المجانين انتهت نشرت الاخبار في صحن الخيار


ونتقل الى اخبار الرياضه





( التحقيق في قضية شيكابلا )?


اذكر سبب شتيمة جمهور الزمالك لشيكابالا واسمك ثلاثي بعد سماع الصفاره واكسب 20 الف جنيه .

تيت تيت


وناخد اول مكالمه تفونيه

ونقول الووووووووو


انا على توهان ومش فاكرالباقي والاجابه الجمهور كان شارب حشيش ماركة خدنى ومترجعنيش صنف اكسترا انا شربت منه بقالى 3 شهور مش عارف اروح الا هما الـ20 الف دول يعملوا كام مصري اوعه يكونوا مزورين ولا يكونوا مش مهم المهم اروح الا متعرفش انا ساكن فين

تيت تيت

انا مرجان شديد ابو العفاريت الاجابه اللى شتمو دول معمول لهم عمل في رحم خنفسه عانس علشان نفك العمل لازم نجيب الخنفسه دى من الربع الخراب ونجوزها صرصار اقرع والبيبي اللى هتخلفه ناكله لنمله فارسي .سؤال صغير هو سمير زاهر واحمد شوبير ليهم نسبة في الفلوس

تيت تيت

معاك المرحوم على الدايخ السبب يابيه حماتى مفيش غيرها هى اللى شتمت شيكابالا ورمت الطوبه بتاع زيمبابوي وهي سبب صفر المونديال خدوها ياباشا وعليها خلاط ومش عاوز الـ20 الف كمان

تيت تيت

انا زكى ابراهيم الحدق جمهور الزمالك طبق مبدأ اضرب الطويل يخاف القصير فشتم احسن لاعب علشان يخوف باقي اللعيبه ياريت ياباشا بقي الفلوس تكون عمله قديمه ومش متنمره الاحتياط واجب برضو.



فقره اعلانيه : عبر عن غضبك وانت في الاستاد

نسيت تجيب معاك طوب متقلقش خايف تاخد معاك شماريخ متخافش

اتصل بينا هتوصلك الشماريخ والطوب وعبوات الميه الناسفه مع قاذف بعيد المدى فقط من شركة ( يعيش التعصب) اتصل على 0777

.


مع مخبرنا السرى

توصلنا للمكالمه التلفونيه

( جوزيه عنده هواية ركن النجوم على الدكه )

صبري منفاخ : الو عدلى حبيبي جبتلك جون انما ايه المعلم شلاطه الجون الوحيد في العالم اللى بيشوط البلنتى ويصده فى نفسه الوقت مره ماردونا شاط عليه بلنتى وكان الجون القايم اليمين في اسوان والقايم الشمال في الجيزه ماردونا شاط الكوره راح ابراهيم خد تاكسي من اسوان والعجله نامت بتاع التاكسي غيرها في السكه وقعدوا في الرست بتاع السيوط شربوا شاى وحجرين معسل المهم صد الكوره في بنى سويف

عدلى القيعي : ياراجل ده على كده ماردونا كان شايط الكوره من الارجنتين

صبري منفاخ : وفي الكور العاليه ايه بقي مقلكش مره طار على كوره عاليه وقع طيارتين وفي ضربات المرمى ايه بريموا مره شاط ضربة مرمى خدت الـ 11 لاعب بتاع الفريق المنافس والحكم ودخلت الجون وعلى كده شلاطه ده مبيقفش في الجون

عدلى القيعى : امال بيقف فين في دايرة السنتر

صبري منفاخ : هو كيفه يجيب شيشه ويقعد يشيش ورى الجون

عدلى القيعي : امال بيصد ازاى

صبري منفاخ : هو بيبقي خارم الشبكه ومطلع رخله من الخرم اي حد ينفرد يقطع الكوره منه مره عشره انفردوا بيه وكان مع كل واحد فيهم كوره قطع العشر كور منهم وشاطهم جاب عشر اجوان في شوطه

عدلى القيعي : عشر اجوان في شوطه ده يلعب مهاجم بقي

صبري منافخ : لا عارف ده مره الفريق اللى بيلعب قصاده قطعله ايديه ورجليه بقي يصد الكور بودانه

عدلى القيعي : ايه ده ده بقي مكسح خالص

صبري منفاخ : لا يا بيه ماهو طلعلوا غيرهم

علدى القيعي : طلعلوا غيرهم ليه بقي سحليه امه كانت بترضعه طحالب

صبري منفاخ : يعنى الكدبه دى هى اللى وقفت في ودنك عديها ياعدلى مع شوال الكدب اللى قبله

عدلى : انت بتكدب ده انت عديت الكدب بفدان روح ياراجل ده انت الكدب اشتكى منك

صبري منفاخ : بص ياباشا شلاطه ده تخين واحول وقصير وبيمشي يتكعبل في رجليه وعمره ما لعب كوره

عدلى القيعى : لما هو كده جايبه يلعب في الاهلى ليه

صبري منفاخ : شوف جوزيه عاوز جون نجم يدفع الاهلى فيه ملاين ويركنه على الدكه انا قلت اوفرلكم الملاين دي وارحم موهبه جديده من الركنه ع الدكه ياباشا امير ورمزى محتاجين شوية ثقه بس



فقرة اعلانيـــه : عزيزي مشجع الزمالك وانت بتتفرج على مطش الزمالك متنساش تاخد مهدئ (طفي الولعه)هتبقي كول على طول وتحافظ على اعصابك اتصل على 0555 يوصلك مندوبنا في الحال



مكالمه 3 ( الكرسي المحمول )

مسئول بنادى الاسماعيلى : احنا دفعنا كتير في تصليح الاستاد انا بفكر اعمل الاستاد من غير كراسي وكل مشجع يجيب الكرسي اللى هيقعد عليه معاه

رجل أعمال : طيب مانجيب احنا الكرسي ونخلي المشجع يدفع رهن 200 جنيه وبعد كده ندخل ناس وسط الجماهير تخليهم يتعصبوا ويكسرو الكراسي ونبقي وفرنا و كسبنا قلت ايه



خدمه جديده من foot ball spies رسايل الموبيل السريه

رساله 1 من سمير زاهر لــ احمد شوبير

مبروك ياعم نجاح مشروع عربيات الكبده وصفقة اللحمه البرازيلى الفلوس بترخ عليك ابوقسم بقي ولا انت شاطر تقاسمنى في فلوس مصالح الاتحاد وبس

رساله 2 من تامر النحاس لمسئول في انبي

زيكا جوري دهنته ابيض وهاخده اضربله بطاقه من المغرب ونقول ده لاعب مغربي اسمه حجى ويلعب ولا من شاف ولا من دري


كان معكم ايــــــــــــــــــــــــــــــــــــــــاد من موقع الحدث



تابعونــــــــــــــــــــــــــــــــــــــــــــــــــــــــــــــــــــــــــــــــــــــا

واسامه منير
بيقولك :





انا والنجوم وهواك برنامج عن الحب وللحب
تيراررا تيرررا

مساء الرومانسيه و المهلبيه علي عيون احلي صبيه برنامجنا انا والنجوم وهواك عن الحب وللحب

معاكم اسامه منير من ندوم اف ان ومعاكم حاتم فهمي رسمي نظمي
حلقتنا النهارده عن الصراحه في الحب

وما تنسوش اميلاتنا علي الياهوو والهوت واحده: موش تكلمني @ هوت برجر . كوم
في انتظار تليفوناتكم علي 4444444

واسيبكم دلوقتي مع الاغنيه الرومانسيه عاش الجيل الفاشل
عاش الجيل الفاشل يوم ما حمل الشيشه سلاح وكتاب وبنقولهله وقوله قويه من الكافيتيرا للكليه ..............

ودلوقتي معانا تليفون :
الوووووووووووووووووووو

- ايوه يا سمسم بحبك بحبك بحبك وحياه جوز خالتي بحبك

اسامه فى سره بيقول " الله صوتها حلو اوى " ): طب ممكن اعرف
مين معايا

- معاك نوجه من هناك

اسامه : اهلا يا نوجه وازي كل اللي هناك

نوجا : كويسين الحمد لله بيسلموا عليك

اسامه : حلقتنا النهارده يا نوجا عن الحب والصراحه في الحب

نوجا : موضوع مهم جدا يا سمسم يخرب عقلك يا مجرم انت دايما بتتحفنا كدا يا مان

اسامه : ها ها ها ها دمك خفيف يا مضروبه

نوجا : بصراحه يا سمسم انا متحطمه

اسامه : ليه يا نوجا معاش ولا كان يا جميل قوليلي بس ايه اللي حصل

نوجا : كنت بحبه بس الخاين الغشاش كدب عليا كدبه ماحدش يستحملها ..

اسامه : يالهوى .. قلقتينى عليكى يا نوجا ..عمل ايه الوحش ده كته وكسه ..

نوجا : كدب عليا وخبى عليا ان موبايله كارت مش خط ..

اسامه : الندل الجبان دى خيانه ..
ازاى قدرتى تستحملى الخيانه دى .. ياقلبك .

اسامه : اخص هو الدنيا جري فيها ايه يا جدعان معدش فيها صراحه ليه يا جدعان يا ساتر معلش يا نوجا نفضيله وبكره هتلاقي سيد سيده

نوجا : انت شايف كدا يا سمسم
اسامه : طبعا ودا صوت الرومانسيه لازم ننفض

نوجا : ميرسي يا سمسم , مش عارفه من غيرك كنت ههبب ايه يا روحى الهى يسعدك ..

اسامه : ابقي سيبي رقم موبايلك في الكنترول روم ممكن ابقي اكلمك بعدين

نوجا : دا حلم حياتي يا سمسم ميرسي يا مان (امووووووه )

اسامه : العفو يا نوجا دا واجب كل مصري شريف

وزي ما سمعنا من الاخت نوجا عن ماساتها نسمع الاغينه الرومانسيه دي : ياختي عليها ياختي عليها جت رجليها ما جت رجليها

اسامه : مش عارف يا جماعه بجد ايه الحكايه ايميلات بالعبيط بجد مش

عارف اقرا لمين ولا مين اقولكم مش ها اقري لحد خالص علشان محدش يزعل مننا

ترررن ترررن
ومعانا تليفون

اسامه : الوووووووووووووووو

- الوح مش دي عياده الدكتور خلف مخلوف دكتور امراض النسا

اسامه : لا يا فندم الرقم غلط

- طب وانت مين يا ضنايا

اسامه : احم احم انا اسامه منير ملك الرومانسيه

- ربنا يشفي ودا عندك من زمان ولا ايه

اسامه : الظاهر ان الخط قطع

اسيبكم مع الاغنيه دي .........


اسامه : اوف بقي يا جماعه مينفعش كدا ابقوا اعرفوا مين بيتصل الاول ,,, اوف الراجل دا بلدي قوي

المخرج : معلش يا اسامه دي غلطه في السويتش

اسامه : خلاص يا مان بس متكررهاش

المخرج : اوك يا سمسم



ترررن تررررن

اسامه : الو

- ازيك يا اسامه

اسامه يا ساتر دة صوت راجل ) ممكن اعرف مين معايا

- انا احمد خطيب نوجا اللي لسه مكلماك

اسامه : احمد باشا حبيب قلبي كنت لسه جيب سيرتك بالخير يا زعيم مع نوجا

احمد : انا سمعت الحوار يا سم سم وايه اللي انت بتقوله دا

اسامه : انت فهمتني غلط انا كنت بهدي النفوس

احمد : تهدي انفوس تقوم تقولها تنفضلي

اسامه : اهو دا اللي كنت خايف منه انك تفهمني غلط لا يا مان انا كنت
باخدها علي قد عقلها

احمد : تاخدها علي قد عقلها وتقولها تسيب رقم الموبايل

اسامه : دي مسكينه ومحتاجه حد يقف معاها

احمد : ياه علي الرجوله انا ظلمتك يا سمسم انا اسف جدا ( اخص عليا وعلى سؤ ظنى )

اسامه : مفيش داعي للاسف يا احمد انا هنا علشانكم
تحب تسمع اغنيه معينه

احمد : احب اسمع اغنيه ست الحبايب يا حنينه انتي

اسامه : ودلوقتي مع اغنيه ست الحناين يا حبيبه انتي


للاسف الوقت عدي بسرعه يا حبايبي اشوفكم المره الجايه
مع تحياتي

اسامه منير انا والنجوم وهواك

ههههههههههههههههههههههههههههههههههههههههههههههههههههههههههههههههه
تسلم يا اياد
توبيك جامد يا مان
ههههههههههههههههههههههههههههههههه

نورت ياكبير

اى خدمه

ههههههههههههههههههههههههههههههههههههههه
جاااامد يا اياد من يومك
تسلم ايدك ومرسي ليك