حبيبي انت هتنام وانا سهرانه ؟؟

حبيبي اتنام وانا اربى لك في الخضور ؟؟

حبيبي انت هتنام وانا سهرانه ؟؟

تخيلوا لو كلمه من الكلمات دي اتقالت لشاب من الشباب الوقتي يعمل ايه؟

كان سيدنا ابو سليمان الدارمي بيصلي قيام ليل بيتهجد نزل يسجد نام في السجود وهوه نايم راي حوريه من حوريات الجنه بتركله برجليها وبتقولوه الكلام ده يا جماعه حبيبي اتنام والله ينظر الى المتهجدين في تهجدهم حبيبي اتنام وانا اربى لك في الخضور

حبيبي ..........!!!!!

مش دي الكلمه اللي الشباب الوقتي بيضيع شبابه كله عشان يسمعها
كلمة بحبك الشباب بيعمل ايه عشان ينتزع كلمة بحبك من واحده
اد ايه بيلف واد ايه بيتعب واد ايه بيجيب هدايا واد ايه بيسهر مع اصحابه يتعلم منهم يقول ايه وميقولش ايه
ولو قالتهالوه في الاخر يبقى سهل انها تقولها لغيره
ده لو مكانتش قالتها لغيره فعلا

انما ده الله اكبر
اتقاله حبيبي
لا دفع مهر ولا كتب قايمه بـ 100000 جنيه ولا جاب شقه وفرشها عفش بـ 50000 جنيه يااااه يعني مهر الجنه سهل اوي كده

اتقاله حبيبي

قالتلوه حبيبي قالتهالوه لوحده واللي قالتهالوه ده جمالها شكله ايه؟

تخيلوا حور الجنه جمالهم شكله ايه يا جماعه ؟
حورية الجنه دي حورية الجنه دي من جمال وشها بس لو اطلت يعني لو طلعت بصت بصه كده على الارض لانارت الارض من جمالها
وشها لونها زي اللؤلؤ يعني مش بياض بياض ايه بقى ده ربنا بيقولك زي اللؤلؤ عينيها عينيها ربنا بيقول حور عين ....... عين يعني عينيها ساحره

طب القصه بتاعتها طب شعرها .......................

انا مش عايز الشباب يتعب انا عايز الشباب بس يعرف الجنه جميله اد ايه
والبنات يعرفوا الجنه جميله اد ايه
احنا عمالين نوصف في جمالك انتى في الجنه
ده انت هيبقى جمالك هيبقى اشد من كده ميت مره في الجنه
القصه وشعرها هيبقى شكله ايه؟
ده من غير قصه خالص لو لبست حجاب .. لو لبست خمار
لنصيفها على راسها خير من الدنيا وما فيها يعني لو جبنا ملكات جمال العالم بالبهرجه والزينه واللبس بتاعهم وجبناها وهيه محجبه جمالها هيضرب كل دول

اكمل ولا كفايه .......؟؟؟

تخيلوا معايا يا جماعه انت الوقتي على نهر الكوثر اللي خدت الشاليه اللي على ضفافه بـ 12 ركعة سنه كنت بصليهم كل يوم انت وهي

انت وحبيبتك قاعدين
انتوا الاتنين ربنا جمع ما بينكوه لانكوا كنتوا من اهل قيام الليل انتوا الاتنين ومن اهل الالتزام
تخيل قدامكوا بقى كوبايات عصير اناناس بمزاج التسنيم وقدامكوا اطباق حمام محشي لحمه وقدامكوا اطباق فواكه فيها 100 نوع فاكهه كل ثمره ليها طعم غير التاني تخيل بقى المتعه دي
وهيه زينة ايه وجمال ايه وعينين ايه وشعر ايه تخيل الضحكه بتاعتها تخطف القلب
وهيه بتشيل كوباية العصير تسقيك وهيه بتسقيك عينيها عليك وعلى عينيك وبتقولك اشرب يا حبيبي تدفع فيها كام دي....؟؟
تدفعوا فيها كام يا شباب ...
الشباب اللي عامل ان هوه بيحب !!
والبنات اللي عامله انها بتحب !!

يا جماعه حب ايه يا جماعه احنا مش في ارض الحب
ارض الحب في الجنه

انتي مش نفسك تتجوزي شاب وسيم وقوي وجميل
طب تتجوزي امير من الامراء ..
طب ما تطمعي انك تتجوزي واحد من اهل الفردوس الاعلى
تخيلي الشباب بتوع الفردوس الاعلى دول جمال ايه وقوة ايه ووسامة ايه وملك ايه

انت لو عرضت عليك تتجوز واحده جميله .......
اه والله ياريت ياريت الواحد معندوش امل غير بعد 25 سنه كده عما يكون نفسه

طب لو عرضت عليك واحده نجمه سينيمائيه طب تتجوز نجمه عالميه طب تتجوز ملكة جمال العالم
طب مش نفسك تتجوز حوريه من حوريات الفردوس الاعلى مش نفسك يا اخي
يا شباب مش نفسكوا في كده

اشمعنى احنا في الدنيا طموحين وفي الاخره مش طموحين اشمعنى في الدنيا عايزين الاحسن وفي الاخره مش عايزين الاحسن

قصص حب الدنيا
قصص حب دنيا ايه اللي هيه لو اتقدملها عريس تسيبه
وهوه لو شاف واحده اجمل منها يفضل قالب عليها اسبوعين

ولما ينول المراد ولما تنول المراد
ولما يتجوزوا ويتقفل عليهم باب واحد والشعر يتغسل والوش يتغسل وتخرج كده يقوم يشوفها كده يقولها ايه ده انتي مين؟
تقولوه ده انا حبيبتك
حبيبتي حبيبتي مين حبيبتي كان عينيها خضرا ؟
اه معلش انا اسفه ده كان عدسات يا حبيبي !!
طب حبيبتي كانت طويله؟؟
لا معلش يا حبيبي ده كان كعب 11 سنتي!!
طب حبيبتي ما كانتش تخينه كده ؟؟
معلش يا حبيبي ده كان حزام التخسيس
طب حبيبتي كان شعرها ناعم وجميل ؟
اه معلش الكوافير والله نسيت اروح له امبارح!!
طب حبيبتي كانت بيضه؟؟
ده كان والله بودره يا حبيبي!!

يعني ينقلب كلام الحب الجميل والكلام المعسول بتاع جوابات الغرام لكلام تاني انتوا عارفين بقى بيوصل بعد كده للمحاكم الشرعيه
اتنين مليون قصة حب نهايتها في المحاكم الشرعيه معلقه لغاية الوقتي

قصص الحب في الجنه كتيييييييييير اوى
قصة الحب ما بينك وبين اصحابك
ما بيننا وما بين بعض
يا جماعه احنا هانحب بعض في الجنه اد ايه
اد ايه هانبقى اصحاب بنحب بعض في الجنه
لينا مكان بنتقابل فيه باستمرار في الجنه

عين التسنيم افتكروا اسم الكلمه دي
لان باذن الله ده المكان اللي احنا هنتقابل مع بعض فيه في الجنه لما ندخل الجنه مع بعض يا جماعه باذن الله
عين التسنيم {عَيْناً يَشْرَبُ بِهَا الْمُقَرَّبُونَ } يعني ايه يشرب بها؟
مش يشرب منها يشرب بها زي ما اقولك انا اكلت بالمطبخ يعني ايه يعني هناك يعني بيروحوا هناك ويعدوا بقى يسقوا ويشربوا ويمسكوا من التسنيم العصاير يعني زي جو المحلات كده

.............................................
.......................................
..................................
......................
..........

بس للاسف في ارض تانيه ارض تانيه اسمها النار
ارض الكراهيه كلها قصص كره
زي ما الجنه كلها قصص حب
دي كلها قصص كراهيه
كل حاجه بتكره العاصي اللي بيدخل فيها

قصص كراهيه
اهل النار بيكرهوا بعض
{رَبَّنَا أَرِنَا الَّذَيْنِ أَضَلَّانَا مِنَ الْجِنِّ وَالْإِنسِ نَجْعَلْهُمَا تَحْتَ أَقْدَامِنَا } يارب ننزلهم تحت رجلينا ندوس عليهم بجذمنا {لِيَكُونَا مِنَ الْأَسْفَلِينَ } بيقولوا كده فين وهما في زنزانه في النار
{وَإِذَا أُلْقُوا مِنْهَا مَكَاناً ضَيِّقاً } ده هيه زنزانه ضيقه
وكمان بيتحشروا فيها ورا بعض كل ما يدخل فوج الفوج اللي بعده يلعنه
يعني افواج ورا افواج في زنزانه ضيقه
والجدران نار والحيطه نار والارض نار الجمره اللي في الارض الجمره من النار لو لمست رجلين العاصي دماغه تغلي منها
والشباك مش بيجيب هوا ده بيجيب ريح السموم اللي بتتسمم بيها كل خليه من خلايا الجسم اللي بتدخل في كل خليه الواحد يحس ان جسمه مولع والعياذ بالله
يبقى الاخلاء اهم يا جماعه اهل النار بيكرهوا بعض
{لَمَقْتُ اللَّهِ أَكْبَرُ مِن مَّقْتِكُمْ أَنفُسَكُمْ } ده كمان ايه بيكره نفسه
ده اللي في النار ده بيكره نفسه لما يلاقي نفسه في تابوت من جمر من نار لوحده انت اللي جبتيني هنا يكره نفسه ياااه نفسه بتكرهوه وربنا بيكرهوه واصحابه بيكرهوه
{الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ } كانوا شلة اصحاب راكبين في عربيه الولد يحط شريط الاغاني وبعد كده يشتغل يخلص يقوم شايله وحاطط شريط تاني يخلص يشيله ويحط شريط تالت فافتكر كده اشمعنى انا اللي اخد السيئات فقام قايل لاصحابه حطوا انتوا الشريط قالولوا لاءا انت اله يعني انا اتشاكلوا مع بعض يا جماعه اتشاكلوا مع بعض من الدنيا بس وهما لسه مش قدام ربنا امال لو قدام ربنا هيولعوا في بعض
والحبيبه الحبيبه اخرتهم ايه في النار
.....................
.................

{وَمَنْ أَعْرَضَ عَن ذِكْرِي } اللي هيدي ظهره ليا اللي هيدي ظهره لربنا اللي مش هيبقى بيت ربنا هوه الماوى بتاع قلبه وقلبه يعلق بيه في الدنيا
{فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى }
وكذلك اليوم تنسى تستحملها دي قلبك يستحملها لو ربنا قالها لك وكذلك اليوم تنسى ياااه يارب انت هتنساني هتسيبني يارب هتسيبني في الاخره ده انا مكنتش استحمل انك تسيبني في الدنيا استحمل انك تسيبني في الاخره انت اللي اخترت ان الدنيا المعيشه الضنك المعيشه الشقاء المعيشه اللي كلها عذاب

الشباب النهارده
ارفان ليه يا ابني ؟ مشكله مع ابوه
بكره ارفان ليه يا ابني ؟ مشكله مع اصحابه
بعده ارفان ليه يا ابني ؟ اهوه متضايق وخلاص

هوه ارفان لانه بعيد عن ربنا لان فطرته بتصرخ فيه من جواه انا ليا غذاء زي ما جسمك له غذاء
غذيني بالقران غذيني بالصلاه غذيني بالتوبه الى الله

هنعمل ايه يا جماعه عشان ايه ايه اللي يستاهل

دى ارض الحب ............. وادي ارض الكره
ادي ارض المتعه ............. وادي ارض العذاب
ادي ارض النعيم ............ وادي ارض الجحيم

ايه اللي يستاهل

هنختار
ابواب الجنه مفتوحه على مصراعيهم
و ابواب النار مفتوحه

ادخل الباب اللى انت عاوزه دلوقتى !!!

......

دى كانت بعض مقطتفات
من درس للشيخ
حازم شومان
بعنوان ارض الحب

للتحميل

http://www.way2allah.com/modules.php?name=Khotab&op=Detailes&khid=7897

هانى انا معاك فى كل كلامك ...

بس ده معناه ان الواحد يعنى او الواحده مايتجوزوش فى الدنيا ويستنوا يتجوزوا فى الاخره..

بس الجواز نصف الدين يا هانى ..وبعدين الحب مش حرام ولا عيب ..

انت ليه محسسنى انه فعلا حرام اننا نحب فى الدنيا او نتجوز حتى ..

واللى هيقول هو فعلا الجواز نصف الدين ..ده طبعا ..لكن ليه نحب وكده زيك ..

معناه اننا نتجوز ...علشان هو نصف الدين وعلشا نطيع ربنا وكده ..ماشى..

بس نتجوز بقى من غير حب ..صح ...ده على حد كلامك يعنى ..(ان الحب حرام فى الدنيا)

وده غلط ..يعنى الواحد يتجوز واحده مش حببها وخلاص علشان يطيع ربنا ويكمل دينه

بس ماتكونش على حب ..صح ..

ايه ده طب ليه يعنى كل ده ...

انت المفروض تكتب موضوع وتقول فيه للشباب انهم لما يحبوا يحبوا بجد ويتجوزوا اللى حبوها

دى ...يعنى مش يحبوا وخلاص 100 واحده ..وفى الاخر يتجوزوا واحده تانيه خالص ..

يعنى تقولهم المفروض ماتحبوش كتير ...هى واحده بس ,,وتكون هى دى اللى تتجوزها

صح ...مش تقولهم ماتحبوش اصلا فى الدنيا ...

ازاى يعنى يا هانى .....

لا بالعكس الحب مش حرام ولا عيب بس ما يوصلش لدرجة تعامل فيها الحبيب وكأنه محرم عليك أوحاجة وبتعرف شوهو مفهوم الحب بلأيام دي وربنا يسترها معانا والجواز سنة مؤكدة عن النبي صلى الله عليه وسلم وأحيانا بيوصل لحكم الواجب بسبب الخوف من مفاسد المجتمع

بداية كلامك ده معناه انك ماقرتيش الموضوع كويس
او قريتيه ومافهمتيش معناه ايه
ده مقطع من الموضوع
علشان تعرفى انك مافهمتيش الموضوع

تخيلوا معايا يا جماعه انت الوقتي على نهر الكوثر اللي خدت الشاليه اللي على ضفافه بـ 12 ركعة سنه كنت بصليهم كل يوم انت وهي

انت وحبيبتك قاعدين</STRONG>
انتوا الاتنين ربنا جمع ما بينكوه لانكوا كنتوا من اهل قيام الليل انتوا الاتنين ومن اهل الالتزام </STRONG>
تخيل قدامكوا بقى كوبايات عصير اناناس بمزاج التسنيم وقدامكوا اطباق حمام محشي لحمه وقدامكوا اطباق فواكه فيها 100 نوع فاكهه كل ثمره ليها طعم غير التاني تخيل بقى المتعه دي</STRONG>

</STRONG>

abotreka_lover كتب:: هانى انا معاك فى كل كلامك ...

بس ده معناه ان الواحد يعنى او الواحده مايتجوزوش فى الدنيا ويستنوا يتجوزوا فى الاخره..
مين قال كده
انا ماقولتش كده
ولا فى اى نقطه فى الموضوع بتقول كده

بس الجواز نصف الدين يا هانى ..وبعدين الحب مش حرام ولا عيب ..
اه ماأنا عارف ان الجواز نصف الدين
هو انا قولت اننا مانتجوزش
وبعدين هو ايه الحب من وجهة نظرك
الحب اللى انتى قصدك عليه
الحب انى اتعرف على واحده فى الجامعه او الدرس او الشغل
واقعد اتكلم معاها كل يوم
ونخرج مع بعض
ونتكلم كل يوم فى التليفون لنصف الليل
هو ده الحب
ده مش حب
ده هو الحب الحرام
الحب اللى بيقولو عليه فى الاغانى
الحب اللى كل اختلاط .............
الحب اللى هو بيحتفلو بيه فى عيد الحب
فالنتاين انتى فيرس
لا
المشروع في الإسلام أن الرجل إذا تعلق قلبه بامرأة يخطبها من وليها الشرعي ثم تظل أجنبية عنه حتى يعقد عليها، فلا يحل له الخلوة بها ولا لمس بدنها، بل ولا الحديث معها لمجرد الاستمتاع

انت ليه محسسنى انه فعلا حرام اننا نحب فى الدنيا او نتجوز حتى ..

مين اللى قال كده
ومين اللى حسسك بكده
الموضوع بيعرفك اد ايه نعيم فى الجنه حلو
اد ايه نعيم الجنه منتظرك
اد ايه نعيم الجنه يستاهل اننا نضحى بأى شهوه علشان نوصلو
اد ايه نعيم الجنه مايستاهلش اننا نضيعوا بحب حرام
الحب الحقيقى اللى فى الجنه مايستاهلش اننا نضيعه بحب حرام فى الدنيا

واللى هيقول هو فعلا الجواز نصف الدين ..ده طبعا ..لكن ليه نحب وكده زيك ..
مش فاهم
معناه اننا نتجوز ...علشان هو نصف الدين وعلشا نطيع ربنا وكده ..ماشى..
لا ...... اهداف الجواز كتيييير اوى ماتعديش
عاوزه موضوع لوحده
بس نتجوز بقى من غير حب ..صح ...ده على حد كلامك يعنى ..(ان الحب حرام فى الدنيا)
ماهو لو عرفنا معنى الحب
هاقدر اجوبك

وده غلط ..يعنى الواحد يتجوز واحده مش حببها وخلاص علشان يطيع ربنا ويكمل دينه
لا تعليق
انتى مش مقتنعه اساسا ان الحب ده مش حرام هاقولك ايه

بس ماتكونش على حب ..صح ..

ايه ده طب ليه يعنى كل ده ...
؟؟؟؟؟؟؟؟؟؟؟؟؟؟؟

انت المفروض تكتب موضوع وتقول فيه للشباب انهم لما يحبوا يحبوا بجد ويتجوزوا اللى حبوها
هههههههههههههههههههه

دى ...يعنى مش يحبوا وخلاص 100 واحده ..وفى الاخر يتجوزوا واحده تانيه خالص ..
الحمد لله انتى قولتيها
ان الشباب لما يجو تجوزو
مابيفكروش فى اى واحده من اللى عرفوهم
والله هيا دى الحقيقه

يعنى تقولهم المفروض ماتحبوش كتير ...هى واحده بس ,,وتكون هى دى اللى تتجوزها
ياشباب ماتحبوش كتييييييييير
حبو واحده بس
ههههههههههه
انتى بتقولى ايه

ليه اللى بيحبو بعض بيعملو كل حاجه فى السر
هيا هتموت لو ابوها عرف
تلاقيهم بيتكلمو بالليل لما الكل ينام
علشان مافيش حد يسمعهم

اسألى اى حد بيحب
قوليلو ترضى ان اختك تحب زى ماانت بتحب
ترضى انها تكلم واحد الساعه 2 باليل ف التليفون للفجر
ولو يت تسألها انتى بتكلمى مين
تقولك بكلم زميلى او صاحبى
والله انا هن نفسو ما ارضاها لاختى

بجد بجد
انا مش عارف اقول ايه
فى مليون حاجه فى دماغى ومش عارف اكتب ولا اى حاجه
صح ...مش تقولهم ماتحبوش اصلا فى الدنيا ...

ازاى يعنى يا هانى .....

ده رابط كويس لموضوع اسمه
بتحبها
http://www.treika.com/montada-f47/topic-t12938.htm

ان شاء الله
قريب هتلاقى درس عن الحب الحرام

الحب ليس حرام ولاعيب الحب هو أحسن شئ في الوجود وإذا كنت لا تحب فأنت جسد بدون روح
اما من ناحية الحب حرام ولا مش حرام
احنا منقدرش نفتى فيها
لان الحب اقسام
والحب مش حب جنس ورغبة
لانه لو اتقلب لكده يبقى حرام
وشكرا يا هانى ع التوبيك الاكثر من روعة ده

زائر

بارك الله فيك وياريت تكتر من المواضيعدي عسا الله ان يصلح حال الشباب جزاك الله خير وياريت لو اتشرف بمشاركتك علي مقالي الاخير بعنوان
فإذا كنا نشجع الأهلي لعيون جوزيه فجوزيه رحل وإذا كنا نشجع الأهلي لاسم الأهلي فهو باق ولن يموت

عفوا منك أخي أنا فهمت التوبيك كويس والتوبيك يجنن وعجبني أوي بس أنا شفت كمان الرد اللي بعديه ولأني فهمت إنت كاتب إيه أنا حبيت أوضح بس لأني قلت مايوصلش لدرجة التعامل مع الحبيب على إنو محرم بس كنت بوضح للي قبلي كده لأنو كان فاكر إن إنت قلت إن الحب حرام وأنا رديت على ده وشكرا عالموضوع الجميل ده ويا رب دايما تجبلنا مواضيع حلوة زي دي

عاشقة طيبة كتب:: عفوا منك أخي أنا فهمت التوبيك كويس والتوبيك يجنن وعجبني أوي بس أنا شفت كمان الرد اللي بعديه ولأني فهمت إنت كاتب إيه أنا حبيت أوضح بس لأني قلت مايوصلش لدرجة التعامل مع الحبيب على إنو محرم بس كنت بوضح للي قبلي كده لأنو كان فاكر إن إنت قلت إن الحب حرام وأنا رديت على ده وشكرا عالموضوع الجميل ده ويا رب دايما تجبلنا مواضيع حلوة زي دي

جزاك الله خير
انا ردى ده ماكنش على ردك
انا رديت على الرد اللى كان قبل منك
وكنت لسه بجهز رد لكى

nedved4ever كتب:: الحب ليس حرام ولاعيب الحب هو أحسن شئ في الوجود وإذا كنت لا تحب فأنت جسد بدون روح
اما من ناحية الحب حرام ولا مش حرام
احنا منقدرش نفتى فيها
لان الحب اقسام
والحب مش حب جنس ورغبة
لانه لو اتقلب لكده يبقى حرام
وشكرا يا هانى ع التوبيك الاكثر من روعة ده

انت صح
احنا مش هانفتى
ده رابط مهم لدرس مهم اوى اوى اوى
أرجو التحميل
http://www.treika.com/montada-f5/topic-t14484.htm#168236
معظمنا معتقد ان اللى بيسموه حب ده حلال
ولما نقولهم لاء
الاختلاط ده حرام
يقولولك احنا مانقدرش نفتى ونقول حلال ولا حرام
طيب
اسألو اهل الذكر ان كنتم لا تعلمون
انا جبتلكم اهل الذكر لغاية عندكم
ماتكسلش تسأل بقى علشان تتأكد انه حرام
ياريت تحملوا وتسمعوه
اللهم بلغت اللهم فاشهد

معاك حق يا هاني وكلامك صحيح 100% والاختلاط حرام يعني لازم كل واحد يحب يقعد ويتكلم كتير أوي فحاجات مش لازمة مع الحبيب أو الحبيبة بس يعني لو واحد حب وحد وأعجب بأخلاقها وحبها عشان كده وتجوزها يبقى عمل الصح واللي يرضي ربنا وده أحسن حل لكل الناس

زائر

اللهم ارزقنا الحلال وابعدنا عن الحرام

جزاك الله كل خير ياهاني

وجعله الله في ميزان حسناتك

وتسلم ايدك علي الموقع الرائع

وسلمت ايدك

وكمان في الجنه الي بيجي علي باله حاجه بتجيله

قبل ميخلص تفكير فيها

سمعت درس للدكتور عمرعبد الكافي
عن الجنه والحور العين

ربنا يهدي شباب المسلمين
وبنات المسلمين يارب

وتسلم ياغالي

جزاك الله خير
ربنا يرزقنا الجنه جميعا