ازيكوا يا تريكاويه عاملين ايه ؟
يارب تكونوا بخير
انا زعلانه منكم عشان محدش سئل عليا طول فتره غيابي
بس معلش ارجع واقول الدنيا مشاغل وانا مقدرش ازعل من اعز اصحاب واخوات
المهم انا امتحانتي قربت
وانا حاسه بخوف وتوتر ورعب
طبعا عشتوا الشعور دا مع الثانويه العامه
وبجد انا اعصابي متوتره وقلقانه اوووي
ارجوكم انا في امس الحاجه الي دعائكم لي
ادعولي يالتوفيق واني اطمئن وابطل توتر
دا حتي المدرسين بتوعي كلهم سموني دعاء توتر من كتر التوتر والقلق ال انا عاملهلهم
ادعولي يا تريكاويه
بجد انا في اشد الحاجه الي دعائكم
سلامي ليكم كلكم

ربنا معاكى يادعاء
والله احنا عارفين انك ثانوية عامة وعارفين انك مشغولة بيها جامد
علشان كدة ماقلقناش عليكى
المهم
انتى بس ركزى وخليكى مع ربنا وهو ان شاءالله هيكرمك
ربنا معاكى انتى وكل اللى زيك

بسم الله الرحمن الرحيم

انا مش مصدق نفسى والله دودى منورة المنتدى والله الواحد مش مصدق نفسه من الاخبار الجميلة دى

والحبايب كلهم بيرجعوا مرة واحدة

بس ع فكرة يادعاء والله انا عملت توبيك علشان المذاكرة بردة

وكنت ناوى اعمل توبيك علشانكم كلكلم

وبعدين انا فاكر انك عملتى توبيك وقولتى انك مش هتدخلى كتير علشان الامتحانات

ع العموم من حقك تزعل بس يلا بقا خير ان شاء الله

المهم انك كويسة الحمد لله والمذاكرة تمام شدى حيلك الامتحانات قربت

وكلنا بنبقا كدة كل ما الامتحانات تقرب يادعاء

وان شاء الله ربنا يوفقك وتجيبى احلى واجمل مجموع

يلا بقا كفاية رغى شكلى اتعديت اوى من البنات ههههههههه

عاوزه تزعلى ازعلى من احمد مدين بس
هو اللى قاطع الرسايل



ههههههههههههه لا طبعا انا بهزر
انا كنا عارفين سبب غيابك عشان الثانويه وكده
وانتى عملتى قبل كده ان دخولك مش هيبقى كتير
فاعشان كده سؤالنا مش كان كتير
لكن عمرنا طبعا مانسناكى ياجميل
ولا نقدر ننساكى
المهم نخش فى التوبيك المتوتر ده ههههههههههههههه
انا مش اقدرر افيدك لان مامرتش بالتوتر ده قبل كده
فى ثانوى
كنت بارد ماتعرفيش وخدها عادى جدااا
او عشان ممكن كنت

كنت ادبى هههههههههههههههه

ايه ياعنى ماله ادبى
انا رغاى اووى صح
نرجع للموضوع تانى

بصى يادعاء التوتر والقلق ده شى عادى جدااا
خصوصا بيزداد كل ما الامتحانات بتقرب
لكن فى ناس بتبقى عندهم زياده شويه
حاولى مش توصلى نفسك للزياده دى لانها انتى اللى هتتضرى من ده
مش هتعرفى تزاكرى اولا
وثانيا لو فى الامتحان مش هتجاوبى هههههههههههههه
قالتها اسماء قبل كده
طالما مزاكره يبقى خلاص سبيها ع ربنا
وربنا مش بيضيع تعب حد ابدا
ربنا معاكى ياقمر ومع كل واحد هنا فى ثانوى او كليه او اعدادى
ويوفقكوا كلوا ان شاء الله
وتخشى الكليه اللى نفسك فيها

ونورتى المنتدى
خلصى بقى امتحانات وتعالى
المنتدى ناقصك

قوليلى بقى انتى ايه
ادبى ولا عملى
ههههههههههههههههه

ربنا يصلحلك الحال يا دعاء
ويبعد عنك التوتر يا قمر
وخلى بالك التركيز والثقة بالله أولا
ثم بقدرتك على التحصيل والفهم
هايخلوكى تعدى إحساس التوتر ده
وخليكى قريبة من ربنا
وإدعى وقولى
اللهم لا سهل إلا ما جعلته سهلا وأنت تجعل الحزن إن شئت سهلا
وربنا يوفقك يا رب يا دعاء
توكلى على الله وركزى وحاولى ماتفكريش نفسك بموضوع التوتر ده
You Can Do It

اولا الحمد لله انط طمنتينا عليكى يا دعاء
ربنا يوفقك يا رب ويوفق كل اللى عنده امتحانات
وان شاء الله كله يعدى ع خير
وان شاء الله كلها زوبعة وهتعدى ههههههههههههههه
وركزى انتى بس
وان شاء الله كلنا هندعيلك بضمير
ها كلنا ندعيلها بضمير
واهم حاجة انك طمنتينا عليكى

انا طبعا مقدرش ازعل منكم
وبجد مرسي اوووي اوووي ليكم
بجد كلكم نورتوا التوبيك وانا فرجت بيكم جدااااا
وتسلمولي علي النصايح والكلام الجميل
والله انا مذاكره كويس وكل المدرسي بيحبوني جدااا وبيتنابئولي بمستفبل كبير
بس هو خوف وقلق مش عارفه ليه
وبالنسبه يا اياد انا ادبي ولا علمي
انا ادبي يعني زيك اهو
امال انت مكنتش حاسس بتوتر ليه؟

تسلميلي يا دلوعه ياقمر
علي مرورك الرقيق نورتي التوةبيك
ومرسي لكلامك

الف حمدا الله على سلامتك يا دودو
وبعدين مافيش زعل والكلام ده
ويارب تبطلى توتر
وتهدى اعصابك كده
وخالى املك كبير ف ربنا
وان ربنا عمره ما يضيع تعبك

شدى حليك وركزى ف دروسك ومذاكرتك
وان شاء الله بالتوفيق والنجاح
والاهم من كده المجموووووووووووع

اهلا اهلا بالحبايب كلهم
انا النهارده عملت اكتر من مشاركه كزائر
مش عارف من غيرى هتعملوا ايه بس
هههههههههههههههههههههههههه
.........
اولا
انا زعلانه منكم عشان محدش سئل عليا طول فتره غيابي ؟
انتى جاوبتى على سؤالك ان الدنيا مشاغل وزى ما انتى مشغوله بمذاكرتك
الناس هى كمان مشغولين بمذكرتهم واعمالهم فألى بيدخل المنتدى مش بيحط
فى باله مين موجود او مش بتاخد بالها مين موجود ومين غايب
.....
ثانيا
المهم انا امتحانتي قربت ؟
ربنا يوفقك يا ستى يارب وتدخلى الكليه اللى انتى نفسك فيها
متهيالى هى
نظم وحاسبات
عموما شيدى حيلك وربنا معاكى
...........
بجد انا في اشد الحاجه الي دعائكم
ربنا يوفقك يارب
وعليك بدعاء النبى (ص)
(اللهم لا سهل اى ما جعلته سهلا انت تجعل من الصعب ان شئت سهلا يا حى يا قيوم برحمتك تسعين)
..........
ومنوره المنتدى من جديد
تحياتى
اخ عزيز

تسلم علي اهتمامك ياندفيد ونصايحك مرسي اووي ليك

تسلم علي مرورك يا حريف
ومرسي علي نصايحك الجامده وفعلا انا عايزه الكليه دي
بس انا عايزه اعرف انت مين

ولا يهمك ياشيمو انا عارفه والله بس جايز يكون زعلي دا من التوتر
وتسلميلي علي مرورك الرقيق
وهحاول اني انظم مواعيد اكلي ونومي لاني تقريبا مش باكل غير وجبه واحده في اليوم
والنوم مبعرفش انام كويس خالص
وتسلميلي يادوك مره تانيه

تسلم يا اياد علي مرورك مره تانيه
وتسلم علي اهتمامك وكلامك الرقيق وبالنسبه لتجاره لو معرفتش ادخل ال انا عاوزاه
هروح عليها عدل هو في غيرها
ومرسي ليك مره تانيه

ربنا يوفقك يا دعاء وان شاء الله هتادي كويس
بس حاولي تتخلصي من موضوع التوتر ده
وان شاء الله خير

مش هاتكلم علي موضوع الغياب وعدم السؤال انتي معاكي حق فيه اكيد
ناجله بقي لما تيجي بعد الامتحانات ونعمللك حق عرب وسمعني سلام الصلح خير
بالتوفيق ياباشا ان شاء الله

اقتباس :

والحمد لله انا بدات اها وكدا يعني

بداتي اها و كده يعني
دول مادتين جداد ولا ايه .. هههههههههههههههه
ماكانوش علي ايامنا

اقتباس :

وصلح ايه بس هو انا اقدر ازعل منكم

شعب يخاف ميختشيش
لازم يعني نزعق ... هههههههههههههه
ياباشا احنا عينينا ليكي بس اهم حاجة تنجحي وتجيبي مجموع والا مش هتبقي عنينا

بالتوفيق يا باشا ان شاء الله