اختلف العلماء والجهلاء واللى مبيفهموش
حاجة على اصل الانسان
...ومفيش حد رسى على حاجة واحدة
واحد قالك ان الانسان اصلة قرد
..ودة حاجة ترجعلة ..كل واحد حر اصلة قرد اصلة معزة ملناش احنا دعوة
وواحد قال ان الانسان أصلة جلدة حنفية ...عادى برضة جلدة جلدة...كل واحد حر
احنا فى عصر الحريات ...عصر البتنجان والبطاطس..ورغيف العيش
كل دة لحد ما ظهر العالم الجليل المحترم المبجل اللى هو انا طبعا...(من غير فشخرة طبعا)
الى الوصول الى هذة الطفرة اللى هتغير العالم...الاكتشاف الرهيب بتاعى إن
===الانسان اصلة ورقة===
وطبعا الكلام دة مش كلام وبس ...دة كلام بأدلة وبراهين ...وبعد علم وافى..ودراسة ملهاش حل
دراسة دامت حوالى 5 دقائق بحالهم ....طبعا انتم حاسين مدى المعاناة..اللى انا عانتها ..فى اكتشاف الموضوع
المهم...بقى ندخل فى الموضوع..يالا ادخلوا برجليكم اليمين
الدليل الاول
طبعا انت دلوقتى عارف ان انت لو جتلى وقولتلى ان انت عايش..فى الحياة ..مصدقكش ..
الا لو لقيت معاك...شهادة ميلاد..او اثبات وجود فى المجتمع زى البطاقة...
يعنى انت لو طلعتلك شهادة وفاة ...وانت عايش...اصدقك ..ولا اصدق الورقة
طبعا اصدق الورقة ...يبقى انت بقيت مجرد ورقة
الدليل الثانى
انت لو اخدت كلية والشهادة بتاعتك اتحرقت ..انت ليك لزمة...ولا ليك اى لزمة
حتى لو عملت عمل وعلقتة فى رجل جمل
او حتى احسن واحد تعرف اى حاجة فى اى مجال...بدل معاكش ورقة تثبت انك بتعرف ..ملكش لازمة برضة
الدليل الثالث
اعمل اى حاجة من غير ورق ..يبقى مالكش لازمة...مينفعش تتجوز من غير ورق
مينفعش تطلق من غير ورق...مينفعش تتكلم من غير ورق..مينفعش مينفعش
الدليل الرابع
وهى حاجة عملية ..تعالى وانت بتستحمى كدة ..انقع نفسك فى المية
مش هتحس ببوشان ..وجلدك بيبوش كدة ..ويبقى شبة الورقة ...يبقى انت ورقة والا لأ
كفاية كدة ادلة وبراهين...يبقى هنوصل للأستنتاج النهائى
أن انت ورقة
كما قال فيكارت اخو ديكارت"انا ورقة اذن انا موجود"
وطبعا اول من شجع الموضوع دة فؤاد المهندس الله يرحمة..لما طلع على البرج وقعد يقول
انا ورقة ..انا ورقة ...ودة طبعا قبل الاثباتات اللى انا عاملها
وطبعا انتم عارفين المثل المعروف اللى محدش يعرفة
"لو لم اكن ورقة لوددت ان اكون كشكولا"
يالا ياورقة منك له ....لو شوفت اى ورقة هنا ولا هنا شيلها

.................................
جاتني الرسالة وقلت لازم حبايبي التريكاوية يشوفوها
ويشوفوا الذكاء والنظريات والاختراعات اللي تشرف بجد

احنا فى عصر الحريات ...عصر البتنجان والبطاطس..ورغيف العيش
كل دة لحد ما ظهر العالم الجليل المحترم المبجل اللى هو انا طبعا...(من غير فشخرة طبعا)
الى الوصول الى هذة الطفرة اللى هتغير العالم...الاكتشاف الرهيب بتاعى إن
===الانسان اصلة ورقة===
........................

والله يادودى مش عارف اقولك اى ع التوبيك الجميل دة

ده انتى كمان من العلماء يانهار اسود

بس حلوة الانسان اصلة ورقة دى

ومين عالم هيوصولوا لاى تانى
يمكن يقولى الانسان اصلة ..............


هههههههههههههههه

بجد التوبيك جميل اوى

تسلم ايدك يادودى

"لو لم اكن ورقة لوددت ان اكون كشكولا"




>>>>>>>>>>>>>>>>>>>>>>>>>>

ههههههههههههههههههههههههههه

الله يخربيت فقرك يا دودى
والله موضوع جميل

بجد



وبجد ربنا يكون ف عونك

صبرتى خمس دقايق بحالهم

دراسة دامت حوالى 5 دقائق بحالهم

ههههههههههههههههههه

متشكرين يا ورقة على الموضوع الجميل ده
وبما إنى ورقة بأدعى كل التريكاوية الورقيين هنا
كلنا مع بعض نخرفش لأختنا دودى خرفشة حادة
هههههههههههههههههههههههههه

عسل والله يا دودى

هههههههههههههههههههههههههههه

والله يا دؤدؤ شكل الامتحانات جايبه معاك نتيجة

ومخليك مهنجه

بس تعرفي يا جميل على قد ما الموضوع جميل ويضحك على قد ما فيه حكمة

اقولك من فين :

[quoteطبعا انت دلوقتى عارف ان انت لو جتلى وقولتلى ان انت عايش..فى الحياة ..مصدقكش ..
الا لو لقيت معاك...شهادة ميلاد..او اثبات وجود فى المجتمع زى البطاقة...
يعنى انت لو طلعتلك شهادة وفاة ...وانت عايش...اصدقك ..ولا اصدق الورقة
طبعا اصدق الورقة ...يبقى انت بقيت مجرد ورقة
][/quote]

دي بجد فيها شيء من الواقعية .. على الاقل انا سمعت بقصص كتير منها

بس بجد يا قمر الموضوع 100 على 100 يعني ايه ..

تسلم ايدك بجد .. يا انسة ورقة

............
اشوفك بكرا ان شاء الله

..........
لورا

ياله من اكتشاف خطير
ايه الجمال دا يا دودى
اللى بيقول ان الانسان اصله قرد دا ممكن يكون شايف نفسه كده
لما كنت بتفرج على الفيلم بتاع فؤاد المهندس
كنت مش مصدقه
لكن بعد الاثباتات اللى قالتها دودى لازم اقر واعترف
وفى ادله تانيه
ودى تخص الشعب المصرى فقط

طبعا فى مصر لازم كل حاجه تمشى بالختم
لذلك تلاقى المواطن المصرى ماشى فى الطريق
ومختوم على قفاااااااااااااااااااااااااااه ختم النسر

واوقات الواحد بيبقى عايز يكتب حاجه ضرورى جدا
ومحتاس مش لاقى ورقه يكتب فيها
يقوم يعمل ايه ؟
حاجه من اتنين
يكتب على ايده ودراعه ورجله
او
يكتب على قفا اللى جنبه
يعنى بردو الانسان اوله واخره
ورقه
هههههههههههههههههههههه
::...................................................::
طبعا الكلام دا لا يسمن ولا يغنى من جوع
يعنى ادله ساذجه جدا
وان دلت على شيء انما تدل على ....
واليكم الادله من القرآن الكريم
سورة غافر الاية 67
"هُوَ ٱلَّذِي خَلَقَكُمْ مِّن تُرَابٍ ثُمَّ مِن نُّطْفَةٍ ثُمَّ مِنْ عَلَقَةٍ ثُمَّ يُخْرِجُكُمْ طِفْلاً ثُمَّ لِتَـبْلُغُوۤاْ أَشُدَّكُـمْ ثُمَّ لِتَكُـونُواْ شُيُوخاً وَمِنكُمْ مَّن يُتَوَفَّىٰ مِن قَبْلُ وَلِتَبْلُغُوۤاْ أَجَلاً مُّسَمًّى وَلَعَلَّـكُمْ تَعْقِلُونَ "

وجاء فى سورة المؤمنون من الآية 13 " ثُمَّ جَعَلْنَاهُ نُطْفَةً فِي قَرَارٍ مَّكِينٍ ثُمَّ خَلَقْنَا ٱلنُّطْفَةَ عَلَقَةً فَخَلَقْنَا ٱلْعَلَقَةَ مُضْغَةً فَخَلَقْنَا ٱلْمُضْغَةَ عِظَاماً فَكَسَوْنَا ٱلْعِظَامَ لَحْماً ثُمَّ أَنشَأْنَاهُ خَلْقاً آخَرَ فَتَبَارَكَ ٱللَّهُ أَحْسَنُ ٱلْخَالِقِينَ "

::ــــــــــــــــــــــــــــــــــــــــــــــــــــــــــــــــــــ::
تسلم ارق الايادى يا دودى
توبيك جميل جدا
كالعاده مواضيعك تتميز بالاسلوب الساخر اللذيذ